澳門翠苑餐廳

營業中

休息中

見到咁多網友推介，當然唔執輸，星期六一放工就約埋男友去旺角試農夫包一路上塞左好耐車，去到時我地兩個已經餓到扁晒；即刻叫一個咖哩雞農夫包餐，再加一個海防米線餐海防米線個湯是用蕃茄肉碎中芹等材料滾出來的，有小小蛋花，清清地幾好味，米線好滑；配凍咖啡+ 牛油豬仔包，咖啡我聞落是雀巢即溶，男友話沖得幾香，很對口味再等左一陣，主角農夫包終於上場，大大個，包著錫箔紙，在餓到暈暈地的我眼中，閃閃生輝即刻拆開，個蓋焗得好脆，點咖哩汁吃一流包身是另一種質感，半脆半軟，我怕熱氣一味篤軟的來吃雞肉是切件的煎雞扒吧，味道一般啦，都叫做幾滑個湯好香濃，可以想像加上通粉，會是如何動人的景象幾十蚊一個餐，食到捧住個肚走，抵到爛啦值得一提係在場工作的阿姐們，個個都有番咁上下禮貌，多謝前唔該後，比起有些所謂高檔餐廳的侍應嘴臉，不知高了多少倍！見到同場仲有好多檔不同風味食品，總有一日我要試勻晒佢！

之前同阿思食過牛油法包同凍啡，真係好好味。今次就試下人氣高企既農夫包，要左牛柳農夫包餐，加2杯凍啡。一拆開張錫紙。嘩!個包超巨形!!嚇左跳。個包夠脆身，點咖哩汁食好正，不過我都係鍾意點牛油多D。湯夠濃味足料，雖然只係飲左一啖。另外凍啡，同之前一樣咁好飲。

今日好開心可以同最心愛o既人慕名黎呢度食lunch~我地點左咖哩牛柳農夫包, 鮮茄雜菌螺絲粉(快餐), 葡式牛肉湯(西湯), 凍咖啡~我地坐個位對正佢地counter, 佢先黎左螺絲粉同埋凍咖啡, 我當然第一時間試佢個咁出名o既凍咖啡先la~見到杯咖啡面頭有d粉...我好順手咁攪渾佢再飲...點知, 老板o係counter見到我咁, 就向我大叫「唔係咁飲架, 唔好晒左杯咖啡..你攞番杯咖啡出黎la..」o係愛人面前失威添...唯有好尷尬咁攞番杯野出去睇佢點教我飲...佢"審"番d咖啡粉上面, 然後解釋D咖啡粉係要黎聞o既, 等我個口一路飲, 個鼻一路聞到咖啡粉香味, 飲到咁上下d冰溶之餘, d咖啡粉都會溶, 咁就唔會愈飲愈淡la ~原來有o既道理ga wor ~ 見佢咁好人, 雖然佢令我咁失威, 不過都算佢la~講番食物, 個鮮茄雜菌螺絲粉都okay, 幾香茄汁味~個西湯就好驚喜~ 好香牛肉味, 好好飲, 難得得到一向識飲識食o既愛人大讚~至於主角農夫包, 當我食o既時候老板再一次大叫要我一定要試個"包頭"...即係個農夫包面個"蓋"的確係好脆~ 不過我反而更加欣賞個包身, 外脆內軟,

上個星期男友話呢度有好野食, 所以特登去試下, 去到當然試左最出名既農夫包同咖啡la~初初男友話一個包可以2個人食個陣我都唔係咁信, 但到個包黎左就慶幸自己無叫其他野食~第一次試左個咖哩牛腩農夫包, 個包勁脆, 所以食到D麵包碎走圍都係, 不過真係好正, 最鐘意點勁多咖哩汁, 杯咖啡都ok~我飲唔慣咖啡都飲到, 不得不提一下佢個湯, 我個人覺得好正~聽講係無味精既@@!今日又去食第二次~今次叫左咖哩牛柳, D牛柳都ok~夠林~想開始食個陣發現無刀, 之後佢比左把較剪我地用@@, 真係方便左~哈~心諗~都幾細心wo~如果真係要彈既話, 就係D牛腩難咬左少少同D湯如果多返少少會好D...

見到有咁多笑面食評及從沒有喊面，上星期五晚便與友人前去一試。抵步時已是9:00，場面有点泠清，但地方尚見濶落乾淨。與一般市政街市大樓的熟食中心一样，有不同類型食肆可供選擇。首選當然是網友一致推价的喱牛腩農夫飽及凍啡啦！味道一般，農夫飽其實都幾難處理，因飽的中心已被喱汁浸到淋pat pat，飽的外殼ヌ硬，都唔知点食？不如整兩片法飽好過啦！至於杯凍啡也很一般，奶多而啡味唔夠濃。反而嗰茄湯螺絲粉唔錯，湯底很清。可能臨近收エ，食物質素未如網評般好，或者下次早啲去會好D！

見到咁多人都大讚這間的農夫包, 公司在旺角的我不能不一試. 上到這個熟食市場才知道原來係個food court.. 選擇頗多的.咖哩包餐算昂貴的選擇.叫了咖哩牛腩包餐, 有湯有飲品. 湯很香濃, 比花園的好. 牛腩, 太un.. 反而同事的牛柳頗不錯. 主點: 包, 外脆內軟, 一流. 可惜係... 唔知點食. 切, d 包碎周圍飛, 用手"c" 開個包又有d難度.總之食完好累.overall. ok啦.. ps. 一個人係就係食唔晒, 不過得一半應該唔夠飽.

琴日個fd 介紹我去翠苑食晏, 去到後就叫左個豬扒飽餐, 個fd 話一定要飲凍啡, 所以我就照佢吩咐喇...個凍啡我就走甜... 超得~~, 個飽好脆, 塊豬扒又夠味, d洋蔥好香..... 基本上好好味...... ! 我今晚會再去, 想試個農夫飽, 希望唔會失望喇.....今次當然係比個笑臉啦!!!

睇過12月餐\\\廳10強,今日有時間就同女朋友一齊去試下叫左個牛柳農夫包餐\\\跟凍啡,加多杯檸茶雖然話牛肉貴左,但份量依然好足,紅湯有驚喜包真係好脆好正,加埋咖哩真係一絕不過自己食得比較粗魯,搞到一檯都係包碎可能自己比較大食,如果加多個白飯就Perfect^^以後行開朗豪坊都唔怕無好地方食野!

其實o係熟食中心搵到哩d質素都算係咁。個熟食中心,環境比想像中好好多,乾淨企理。咖哩農夫包(雞),d咖哩就係港式咖哩o既味道(原本以為會係印度咖哩味),辣辣地都夠香。d雞肉真係炸得唔錯,好食!個包好脆身,點d咖哩汁來食最o岩。有人覺得個d面包肉因為有d咖哩雞o係入面所以腍左唔好食,我反而就中意哩d腍腍o既面包~紅湯,睇落去覺得佢好淡,但係入口又ok wor~服務,落左單比左錢後拎牌仔搵位坐,佢會將餐送來。送來時見我地兩個人share一個餐,仲問使唔使拎多份餐具比我地添。盛傳一個人會食唔晒一個餐,可能我比較大食,同個fd share後都反而有d唔夠喉....

2007年6月尾一入熟食中心就見到翠苑澳門茶餐廳，老闆見我地兩個企係門口睇餐牌，仲聽到我地講究竟要一個餐定兩個餐好之時，佢就話一個農夫包餐兩個人食都夠(如果我地唔大食)，唔駛叫兩個，當我男朋友落order要野飲時，佢要檸茶之類咁上下，老闆又介紹我地要試佢個咖啡，仲話我地兩個人叫一個餐比柸大咖啡我地，咁我地都試佢既推介啦，佢咁強烈推介。買左野食之後搵位，鋪頭有專人拎野食比你，可能個日我地早去所以都唔係等好耐就有得食。個包都幾脆身，入面包住既雞好滑又冇骨，加上個咖哩汁都唔錯，唔太辣咁arm晒唔食得太辣既男朋友。至於個咖啡就好好飲，男朋友佢話正！就連我呢個唔飲咖啡既人都試左幾啖，又幾好飲wo。最後連個包都食晒，兩個唔大食既人一個餐都可以接受，不過係覺得兩個人去分d雞就好似少左d啦，食完個時我地兩個都話飽(可能係食晒個農夫包)，之後行行街就開始肚餓啦~hahah。如果唔嫌熟食中心既環境(衛生都算ok架)，去試下都冇妨，兩個人食一個三十幾蚊既晚餐，都抵食既。(大食人士另計)

咖哩牛腩農夫飽好好味, 豬扒飽更好味!

本人是半個素食者, 食評話呢度凍咖啡好飲, 今日便來買外賣, 叫了快餐鮑汁雞肶菇炆米, 凍咖啡, 點知佢話係齋喎, 您都儍嘅, 就係齋先幫襯, 以前四季意粉執咗先迫住幫襯呢度. 炆米一般(在這種舖頭叫素食不要要求太高), 凍咖啡幾好飲.睇食評話D伙計好好, 我就覺得D人好似唔憂做, 態度麻麻.

昨天放工到旺角，終於吃了有讚無彈的翠苑。由於只吃豬扒包及涷咖啡，未有吃它的招牌菜農夫包，所以這篇食評只可以作為下午茶的參考。豬扒包沒有想像中好吃，我覺得大家樂的豬扒還好吃，但有淡淡的蒜蓉味，可見花了心思。涷咖啡比起貴價的美式連鎖店還好喝，唯一缺點是太多冰，下次去記得叫少冰。P.S.如高貴OL去要注意，店裏的工作人員除了阿嬸外都是一些較為豪猛的男子，閑談會講粗口及穿得較少，不要介意啊。

$22~ 豬扒包+凍飲~好味wor~ 豬扒包熱,又脆~塊扒又唔鞋~好味~第一次見到e間野既食評~ 一個"喊"都冇~ 覺得係咪禁好食呀........ 尋日下午茶去食~ 又真係ok wor!

Ordered 凍咖啡, 豬扒包, 咖哩牛腩農夫飽, coffee good, 豬扒包, 咖哩牛腩農夫飽唔係想像中咁好好好食, 但唔係差, 所以值一個笑面!