552
197
45
等級4
2007-07-19 18 瀏覽
有廿多個好評,及友人推介,當然要來試一試。叫了出名的咖哩牛腩農夫包套餐,配以咖哩汁、餐湯及老細推介的凍咖啡。農夫包真係好脆,但係包肉就麻麻地,因為吸晒牛腩汁,令到包肉腍晒,好像濕了水的麵包,點會好食? 而牛腩太肥,腩汁又唔太香;咖哩也不辣,食完好口渴。餐湯說明是沒有味精,老公話好淡,應該真是沒有味精的。凍咖啡不夠香濃,終於不及四姨太餐廳。
更多
有廿多個好評,及友人推介,當然要來試一試。
叫了出名的咖哩牛腩農夫包套餐,配以咖哩汁、餐湯及老細推介的凍咖啡。
農夫包真係好脆,但係包肉就麻麻地,因為吸晒牛腩汁,令到包肉腍晒,好像濕了水的麵包,點會好食?
而牛腩太肥,腩汁又唔太香;咖哩也不辣,食完好口渴。
餐湯說明是沒有味精,老公話好淡,應該真是沒有味精的。
凍咖啡不夠香濃,終於不及四姨太餐廳。
5 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$39
等級3
72
0
阿妹推介叫了一份咖哩牛腩配農夫包個包即叫即烘外脆內軟好食但其他如咖哩牛腩羅宋湯水準普普通通杯涷奶茶淡而無味一d都唔好味完全唔應該加2蚊另外個老闆阿叔態度非常唔好從去到店前到畀錢時面目一直冰冷而且唔係直接親手找錢而係將個一蚊擺係枱面再用手指推過來慌死我有病但阿姐就幾好人(剛打完又突然沒有晒,灰心)~
更多
阿妹推介叫了一份咖哩牛腩配農夫包
個包即叫即烘外脆內軟好食
但其他如咖哩牛腩羅宋湯
水準普普通通
杯涷奶茶淡而無味
一d都唔好味
完全唔應該加2蚊

另外個老闆阿叔態度非常唔好
從去到店前到畀錢時
面目一直冰冷
而且唔係直接親手找錢
而係將個一蚊擺係枱面
再用手指推過來
慌死我有病

但阿姐就幾好人
(剛打完又突然沒有晒,灰心)~
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$39
等級4
442
0
2007-07-13 7 瀏覽
中午時份好彩有好多人未收工都幾易位.仲唔使自己拎,有人送埋,幾好service.今次專程捧農夫飽場.$27有湯,葡汁(冇肉),農夫飽及飲品.$37餐就有牛腩或雞.個包用錫紙包住,層皮焗得好脆,裏面都幾鬆軟.份量就大得驚人,一個人無法食得晒.個汁味道唔錯,咁價錢,仲想.
更多
中午時份好彩有好多人未收工都幾易位.仲唔使自己拎,有人送埋,幾好service.
今次專程捧農夫飽場.$27有湯,葡汁(冇肉),農夫飽及飲品.$37餐就有牛腩或雞.個包用錫紙包住,層皮焗得好脆,裏面都幾鬆軟.份量就大得驚人,一個人無法食得晒.個汁味道唔錯,咁價錢,仲想.
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$27
等級3
96
0
2007-07-05 2 瀏覽
今天專登去到這間連openrice 一個苦臉都冇的食市吃飯. 希望帶來多一點的驚喜.今次都幾特別, 晚飯當然係食網友推介的農夫飽, 我和友人選了咖喱牛腩農夫飽, 和店主介紹的凍咖啡.店主說, 這個是二人份量, 最好不要再叫其他食物了.事後發覺, 店主所說的不無道理. (如果兩個壯丁, 就另計)先講主菜, - 農夫飽, 絕對係法國麵飽的空心碗狀設計, 裡面放了牛腩, 雖然牛腩未算去到出色的水準, 但農夫飽的美味, 已經令人忘記了牛腩的存在(咁, 可能下次可以淨叫咖喱農夫飽好了)- 湯, 都係好飲, 不太濃, 不太淡, 不算太水, 又不算太"結".- 咖喱汁, 不辣.- 凍咖啡, 個人覺得, 其實都係普通啦.整體而言, 令我有興趣再去食咖喱雞農夫飽.
更多
今天專登去到這間連openrice 一個苦臉都冇的食市吃飯. 希望帶來多一點的驚喜.

今次都幾特別, 晚飯當然係食網友推介的農夫飽, 我和友人選了咖喱牛腩農夫飽, 和店主介紹的凍咖啡.店主說, 這個是二人份量, 最好不要再叫其他食物了.事後發覺, 店主所說的不無道理. (如果兩個壯丁, 就另計)

先講主菜,
- 農夫飽, 絕對係法國麵飽的空心碗狀設計, 裡面放了牛腩, 雖然牛腩未算去到出色的水準, 但農夫飽的美味, 已經令人忘記了牛腩的存在(咁, 可能下次可以淨叫咖喱農夫飽好了)

- 湯, 都係好飲, 不太濃, 不太淡, 不算太水, 又不算太"結".

- 咖喱汁, 不辣.

- 凍咖啡, 個人覺得, 其實都係普通啦.

整體而言, 令我有興趣再去食咖喱雞農夫飽.
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$19
等級3
80
0
2007-07-04 7 瀏覽
第一站是翠苑1點半先到好彩唔洗等好耐就有位兩個人分享了一個葡式咖哩雞農夫包餐\個包真係好似法國麵包咁--外脆內軟d雞唔油好好味咖哩汁唔辣但個味同個包好配湯都幾好清清地又有蕃茄、牛腩粒同薯仔奶荼唔係我飲,所以不予置評=]2個人食o岩o岩好7分飽,有專人捧餐\,環境唔算差,d清潔嬸嬸都好勤快,幾好!
更多
第一站是翠苑
1點半先到
好彩唔洗等好耐就有位

兩個人分享了一個葡式咖哩雞農夫包餐\
個包真係好似法國麵包咁--外脆內軟
d雞唔油好好味
咖哩汁唔辣但個味同個包好配

湯都幾好
清清地
又有蕃茄、牛腩粒同薯仔

奶荼唔係我飲,所以不予置評=]

2個人食o岩o岩好7分飽,
有專人捧餐\,
環境唔算差,d清潔嬸嬸都好勤快,幾好!
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$19
等級3
63
0
2007-06-28 9 瀏覽
今日試咗呢度既咖哩牛腩農夫包餐。包既外層好趣,內層鬆軟,而且個牛腩都炆得幾淋同埋個咖哩汁都幾好。如果一個人食就真係食唔晒喇!但我認為個價錢好似貴咗啲播!
更多
今日試咗呢度既咖哩牛腩農夫包餐。包既外層好趣,內層鬆軟,而且個牛腩都炆得幾淋同埋個咖哩汁都幾好。如果一個人食就真係食唔晒喇!但我認為個價錢好似貴咗啲播!
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$39
等級4
130
0
2007-06-27 9 瀏覽
都唔知想食嘜無心水,突然想起好耐無幫陳過,所以行咗去.我要咗個越式海防米線+火腿炒蛋同凍華田,初初以為越式海防米線會係海鮮米線,原來最終係番茄西芹蛋花肉碎湯,清清地又幾好味,份量都算多,$26都抵食,因為凍飲要加$2.個場d冷氣唔夠,未食嘢時都還可以,一開始食嘢就變到大汗踏細汗,較為辛苦,都係留翻涼d再來幫陳.
更多
都唔知想食嘜無心水,突然想起好耐無幫陳過,所以行咗去.

我要咗個越式海防米線+火腿炒蛋同凍華田,初初以為
越式海防米線會係海鮮米線,原來最終係番茄西芹蛋花肉碎湯,清清地又幾好味,份量都算多,$26都抵食,因為凍飲要加$2.

個場d冷氣唔夠,未食嘢時都還可以,一開始食嘢就變到大汗踏細汗,較為辛苦,都係留翻涼d再來幫陳.

(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$26
等級4
650
2
2007-06-24 12 瀏覽
一心過來試其農夫包,大大個兼又做得外面皮脆,裏面軟熟,齌吃這個麵包已經很滿意,點滑而不辣的咖哩汁來吃就更滋味。還有相當夠濃而又不過甜的凍啡,很滿足了。牛腩反而變成了小配角,雖然幾淋滑,不過嫌比較細碎,是可以更好的。另叫的田園磨菇焗意粉亦是路人角色,分量細小,與農夫包成強烈對比。雖說是焗意,不過焗的效果並不明顯,而且白汁味道雖然不錯,不過嫌太多了。環境方面,在熟食市場來說是相當不錯,頗新淨整潔。不過冷氣不夠強,亦有冷氣位滴水。另外,這裏檔口不少,卻各自安守本位,沒有攔途截劫般的拉客,讓人可以慢慢比較才作決定。
更多
一心過來試其農夫包,大大個兼又做得外面皮脆,裏面軟熟,齌吃這個麵包已經很滿意,點滑而不辣的咖哩汁來吃就更滋味。

還有相當夠濃而又不過甜的凍啡,很滿足了。

牛腩反而變成了小配角,雖然幾淋滑,不過嫌比較細碎,是可以更好的。

另叫的田園磨菇焗意粉亦是路人角色,分量細小,與農夫包成強烈對比。雖說是焗意,不過焗的效果並不明顯,而且白汁味道雖然不錯,不過嫌太多了。

環境方面,在熟食市場來說是相當不錯,頗新淨整潔。不過冷氣不夠強,亦有冷氣位滴水。

另外,這裏檔口不少,卻各自安守本位,沒有攔途截劫般的拉客,讓人可以慢慢比較才作決定。
8 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$32
等級4
2007-06-24
今日同朋友仔黎食brunch我點左呢度既set B有越式海防通粉+牛油法包同凍檸茶越式海防通粉其實即係番茄西芹湯底加肉碎,清清地幾好,份量大通粉多,食完都飽晒,唯一唔好係肉碎較肥牛油法包新鮮焗起夾牛油,好香脆,但略嫌燶入左,本來叫左少牛油但無少到凍檸茶較淡茶味佢地送餐除左認住號碼外原來仲會O係單記低客人既衫(右相紅圈內)
更多
今日同朋友仔黎食brunch
我點左呢度既set B
有越式海防通粉+牛油法包同凍檸茶
越式海防通粉其實即係番茄西芹湯底加肉碎,清清地幾好,份量大通粉多,食完都飽晒,唯一唔好係肉碎較肥
牛油法包新鮮焗起夾牛油,好香脆,但略嫌燶入左,本來叫左少牛油但無少到
凍檸茶較淡茶味
佢地送餐除左認住號碼外
原來仲會O係單記低客人既衫(右相紅圈內)
8 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$26
等級1
2
0
2007-06-17 23 瀏覽
跟女友思前想後...旺角沒甚麼地方不用等位...啊...有。坐下「肥婆」前面的二人位,幾分鐘內已經看到有三座「太空館」放在翠苑的櫃檯上,好,儘管試試咖哩雞(牛腩賣光了)。上兩星期都去了黃珍珍吃那個咖哩蟹,吃之前很擔心...但沒有失望,咖哩和湯都很香...相比起來,以$39 吃到這個水平的咖哩真的很超值!唯一有意見的是包裡面的雞太少和乾了一點,加點蔬菜進去我會更愛它。不過,總括來說翠苑的招牌菜實屬有heart 之作!一定會再試!*$39為一個餐的價,另一個在斜對面買的$34的餐不值一提。
更多
跟女友思前想後...旺角沒甚麼地方不用等位...啊...有。

坐下「肥婆」前面的二人位,幾分鐘內已經看到有三座「太空館」放在翠苑的櫃檯上,好,儘管試試咖哩雞(牛腩賣光了)。

上兩星期都去了黃珍珍吃那個咖哩蟹,吃之前很擔心...但沒有失望,咖哩和湯都很香...相比起來,以$39 吃到這個水平的咖哩真的很超值!唯一有意見的是包裡面的雞太少和乾了一點,加點蔬菜進去我會更愛它。不過,總括來說翠苑的招牌菜實屬有heart 之作!一定會再試!

*$39為一個餐的價,另一個在斜對面買的$34的餐不值一提。
7 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$39
等級4
2007-06-09 8 瀏覽
停止了三星期的週三飯局, 重新上演. 今星期的主角係農夫.早前去過樓上高茶, 今次就係二樓食飽. 三個人, 要了兩個農夫飽- 黃金錦盒餐, 老細已好心提醒一定夠飽, 不用再多叫.農夫飽- 黃金錦盒餐: 8分, 先飲湯, 係葡式鮮茄牛腩粒湯. 幾足料, 飲落口都算鮮甜, 牛腩粒夠淋, 夠味, 唔係煲到淡淡的貨色.要了A, B餐各一, A餐係葡式咖哩牛腩農夫飽, B餐係葡式咖哩雞農夫飽. 農夫飽係大大個, 外面係微脆, 入面就幾軟熟. 真空的農夫飽, 中間就係放了牛腩或者雞. 兩樣當中, 比較喜歡牛腩, 較入味, 好淋. 雞就好像老了點, 鞋鞋地. 當然, 農夫飽先係主角. 點了另上的咖哩薯仔汁食係好匹配. 咖哩薯仔汁小弟覺得幾辣, 面頭沒有甚麼紅油, 反而係帶椰香的, 但食食下有點麻的感覺, 不過兩姊妹又覺得無問題, 應該一般人都頂到.本來一份餐只送一杯飲品, 老細送多一杯給我們, 不用分了, 一人一杯. 凍咖啡係而度的招牌之一, 相當香濃, 面頭鋪了小小咖啡粉, 凍冰冰, 飲落係透心涼又提神. 或者實在太提神, 可憐的亞妹係成晚失眠.食兩份餐已經好夠. 味道不錯, 比大頭蝦的農夫飽優勝
更多
停止了三星期的週三飯局, 重新上演. 今星期的主角係農夫.

早前去過樓上高茶, 今次就係二樓食飽. 三個人, 要了兩個農夫飽- 黃金錦盒餐, 老細已好心提醒一定夠飽, 不用再多叫.

農夫飽- 黃金錦盒餐: 8分, 先飲湯, 係葡式鮮茄牛腩粒湯. 幾足料, 飲落口都算鮮甜, 牛腩粒夠淋, 夠味, 唔係煲到淡淡的貨色.

要了A, B餐各一, A餐係葡式咖哩牛腩農夫飽, B餐係葡式咖哩雞農夫飽. 農夫飽係大大個, 外面係微脆, 入面就幾軟熟. 真空的農夫飽, 中間就係放了牛腩或者雞. 兩樣當中, 比較喜歡牛腩, 較入味, 好淋. 雞就好像老了點, 鞋鞋地. 當然, 農夫飽先係主角. 點了另上的咖哩薯仔汁食係好匹配. 咖哩薯仔汁小弟覺得幾辣, 面頭沒有甚麼紅油, 反而係帶椰香的, 但食食下有點麻的感覺, 不過兩姊妹又覺得無問題, 應該一般人都頂到.

本來一份餐只送一杯飲品, 老細送多一杯給我們, 不用分了, 一人一杯. 凍咖啡係而度的招牌之一, 相當香濃, 面頭鋪了小小咖啡粉, 凍冰冰, 飲落係透心涼又提神. 或者實在太提神, 可憐的亞妹係成晚失眠.

食兩份餐已經好夠. 味道不錯, 比大頭蝦的農夫飽優勝唔止一籌. 加上經濟抵食, 係值得推薦的.

食完亞妹話要搭的士返學. 算啦, 而餐食得平, 唔緊要.
5 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$26
等級4
142
9
2007-05-20 9 瀏覽
去食大家都讚既農夫包...但得一個人,老闆好好人,知我食唔晒,recommend個無料既淨"咖哩汁農夫包"! 真係好好味...個包又熱又脆,入面好軟,d汁都好好味...對呢間既質素同服務都好有信心,搵埋朋友下次再去!
更多
去食大家都讚既農夫包...但得一個人,老闆好好人,知我食唔晒,recommend個無料既淨"咖哩汁農夫包"! 真係好好味...個包又熱又脆,入面好軟,d汁都好好味...對呢間既質素同服務都好有信心,搵埋朋友下次再去!
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$22
等級3
58
0
2007-05-19 5 瀏覽
我係跟食評好去既, 我係食晚餐\, 晚上, 係上海街亂搵, 真係有好特別既感覺......原來個熟食中心係郎豪坊後面, 唔近色情場所, 我仲行錯晒= =\"個老闆真係好好人, 一眼睇出我食唔晒, 我叫佐咖哩雞農夫包餐\, 我老公叫什排餐\, 老闆唔建議我老公個餐\跟飯, 叫佢\跟薯菜, 因為我會食唔晒, 佢\要幫我食d, 之後個老闆又推介佐凍咖啡, 佢\話係無敵一開始飲湯先, 蕃茄湯, 個湯唔錯, 飲湯時, 我老公已經開始食我個農夫包, 個包真係幾好味, 因為食到最後, 面頭層皮, 都係脆既, 咖哩雞ok好味, 只可惜唔辣, 唔夠香口, 老闆話要食辣可以加辣, 最知叫佢\加啦什排餐\係一般茶餐\廳味道, 好多薯條, 一定食飽你個隻囉凍咖啡真係唔錯, 機本上係可以一試, 2人食佐$79
更多
我係跟食評好去既, 我係食晚餐\, 晚上, 係上海街亂搵, 真係有好特別既感覺......

原來個熟食中心係郎豪坊後面, 唔近色情場所, 我仲行錯晒= =\"

個老闆真係好好人, 一眼睇出我食唔晒, 我叫佐咖哩雞農夫包餐\, 我老公叫什排餐\, 老闆唔建議我老公個餐\跟飯, 叫佢\跟薯菜, 因為我會食唔晒, 佢\要幫我食d, 之後個老闆又推介佐凍咖啡, 佢\話係無敵

一開始飲湯先, 蕃茄湯, 個湯唔錯, 飲湯時, 我老公已經開始食我個農夫包, 個包真係幾好味, 因為食到最後, 面頭層皮, 都係脆既, 咖哩雞ok好味, 只可惜唔辣, 唔夠香口, 老闆話要食辣可以加辣, 最知叫佢\加啦

什排餐\係一般茶餐\廳味道, 好多薯條, 一定食飽你個隻囉

凍咖啡真係唔錯, 機本上係可以一試, 2人食佐$79
9 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$39
等級4
2007-05-06 27 瀏覽
5/5/2007 1:15PM同跳舞朋友R同T小姐到旺角熟食中心, 本來我係食x 季意粉, 但怕太heavy, 就試左呢度既茶餐. 哈~又係茶餐, 今個星期已經係第3個喇~茶餐包括豬仔包or火腿蛋+ 火線/通粉(3-4種, 唔太記得d名).我要左個豬仔包, 越式xx通粉, 配料有d肉碎, 鮮茄, 芹菜.真係要讚下d service, 比左$之後就問我會坐邊, 佢會有人拎黎. 等左10 分鐘, 一個亞姐端上一大份餐. 所謂一大份, 係o個碗粉好大! 估唔到一個$24 茶餐咁抵~~~先試下豬仔包, 早已細心地切開一半, 仲係新鮮烘好, 入口外皮非常脆, 內裡散發著牛油香味, 鬆軟既麵包, 真係不忍心比佢放涼!!唔知點解, 佢黎左鏍絲粉, 都好啦, 好都鍾意. 再睇睇, 係用3色鏍絲粉, 好吸引!湯底不太濃, 但好味, 肉碎, 鮮茄, 芹菜配合得唔錯, 如果多d茄仲好~ 最後我忍唔住都食左9成, 好飽!!一驚喜: 價錢; 二驚喜: 份量+ 食物質數; 三驚喜: 服務
更多
5/5/2007 1:15PM

同跳舞朋友R同T小姐到旺角熟食中心, 本來我係食x 季意粉, 但怕太heavy, 就試左呢度既茶餐. 哈~又係茶餐, 今個星期已經係第3個喇~

茶餐包括豬仔包or火腿蛋+ 火線/通粉(3-4種, 唔太記得d名).我要左個豬仔包, 越式xx通粉, 配料有d肉碎, 鮮茄, 芹菜.
真係要讚下d service, 比左$之後就問我會坐邊, 佢會有人拎黎. 等左10 分鐘, 一個亞姐端上一大份餐. 所謂一大份, 係o個碗粉好大! 估唔到一個$24 茶餐咁抵~~~
先試下豬仔包, 早已細心地切開一半, 仲係新鮮烘好, 入口外皮非常脆, 內裡散發著牛油香味, 鬆軟既麵包, 真係不忍心比佢放涼!!

唔知點解, 佢黎左鏍絲粉, 都好啦, 好都鍾意. 再睇睇, 係用3色鏍絲粉, 好吸引!
湯底不太濃, 但好味, 肉碎, 鮮茄, 芹菜配合得唔錯, 如果多d茄仲好~ 最後我忍唔住都食左9成, 好飽!!

一驚喜: 價錢; 二驚喜: 份量+ 食物質數; 三驚喜: 服務
5 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$24
等級4
2007-05-03 15 瀏覽
如下面的食評所講, 收錢哥哥果然好好人! 又識講笑又好禮貌~ 係呢個"up dup" 地方實屬難得!!大讚!!食野都係跟足下面的食評- 咖哩雞農夫包(都係要講句...好大個包!!) 不過又脆又係好食! 而且d 雞都幾好, 炸過架!- 凍啡(佢俾左好大杯我地! 好味)- 豬扒包(個包都係脆脆的, 而豬扒都幾好食, 夠淋必香口)其實真係唔係呢到睇唔會去果到食! 有openrice實在太好, 食飯唔駛咁悶喇~ ^^
更多
如下面的食評所講, 收錢哥哥果然好好人! 又識講笑又好禮貌~ 係呢個"up dup" 地方實屬難得!!大讚!!

食野都係跟足下面的食評
- 咖哩雞農夫包(都係要講句...好大個包!!) 不過又脆又係好食! 而且d 雞都幾好, 炸過架!
- 凍啡(佢俾左好大杯我地! 好味)
- 豬扒包(個包都係脆脆的, 而豬扒都幾好食, 夠淋必香口)


其實真係唔係呢到睇唔會去果到食! 有openrice實在太好, 食飯唔駛咁悶喇~ ^^
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$27