澳門翠苑餐廳

營業中

休息中

情人節一心諗住黎食農夫包, 點知去到已經買晒....唯有選擇左食咖哩豬柳意, 咖哩味道很香, 薯仔好入味, 豬柳數量很大,唯獨係個意粉唔係咁好, 太"臨" 了,值得一提係, 個老闆態度真係好好呀!!!

11號晚去到旺角熟食中心~成日聽人講呢度好多好野食~去到見到呢間最多人,就叫左個咖哩雞農夫包餐,農夫包外脆內軟,OK好食~同埋,個鮮茄牛腩湯,本身冇咩期望,點知有驚喜,D牛腩出奇地好食~讚但係好大個,一個人食唔晒~建議兩個人share食~^^

2008年1月30日晚上7:30 兩個人叫咖哩牛柳SET+凍咖啡($42)紅湯–好味啊! 好多料而且味道唔錯咖哩牛–勁正! 我對咖哩汁一向印象都唔好, 因為我食完肥淋淋既汁會成日都唔舒服, 但係呢到D咖汁唔肥, 食完又無口乾, 正! 包好好食, 總之勁正!牛好林, 好好味, 又夠熱!咖啡–好好飲啊! 好香!細食既兩個人都夠食啦! 旺區$42蚊兩個人, 有有椅有冷氣, 又幾乾淨, 重想點?! 各位, 呢間必試!

無錯，黎呢度食係擺到明同上次試時新快餐店一樣因為「開飯」多人試，不過結果就同上次完全唔同，其實本身對呢個旺角熟食中心唔係太有好感，不過一心只係諗住黎食好野，下午三點黎到客人唔算多，叫個招牌農夫包餡要豬柳，跟凍飲加兩蚊要四十二蚊，落單後老細叫我搵位坐整好會有人拎比我，咁我坐係呢間鋪唔係太遠既一個位，首先真係等o左好耐，成半個鐘都有，有位阿伯比我遲小小黎，幫襯同一間野食個奶油多加杯熱奶茶，佢份野黎到食完走埋我果份都未黎.... 拎比果位人兄仲唔知行o左去邊跟住返轉頭問老細先知份餐係我叫... 最抵死係有兩客比我遲最小十分鐘落單既同我差唔多時間送到，我個人真係極度憎恨呢一種做事方式，有理由相信佢係等埋幾張單先開始做，咁樣完全係方便自己，打開門做生意唔係應該以客為先咩？唔係想話客人大晒，但咁樣做對先黎既客人真係好唔公平，我只係覺得大家都係咁多錢待遇應該一樣姐，有乜理由我等半個鐘人地等四個字，好彩我唔係好肚餓如果唔係仲嬲。講返野食，個湯凍晒唔多好飲，不過個農夫包仲熱而且比想像中好食，豬柳質素相當唔錯份量仲幾多，d包點埋咖哩汁真係幾好味，講味道其實可以比四分佢，但細個睇教育電視都有講，食飯時心情會

久聞此餐廳大名,特此慕名而來,點了一個什扒餐和咖哩雞農夫包餐,都是要蕃茄湯的,我和女友坐下來等待一頓豐富的晚餐,十多分鐘後,什扒餐來了,但是,來的不是蕃茄湯,我但對送餐的嬸嬸說他們弄錯了,要求更換,但嬸嬸卻告訴我蕃茄湯已沒了,只剩下忌廉湯和中湯,好了,不要緊,女友本來想等我的餐來了才一起享用她的什扒餐,十五分鐘後,也未見蹤影,只好叫送餐的嬸嬸給我跟進一下,十五分鐘後我仍然未能如願,眼見女友差不多吃完,鄰卓比我們遲來的情侶,都已經在享用他們的農夫包,在之前的十五分鐘我已催促嬸嬸多次給我跟進,我走去找點菜的年輕人理論,他解釋是人太多,太多麵包要焗,叫我耐心等待,我問他為什麼別人比我晚一點來的都已在用餐,我已等了四十五分鐘,他說給我催促廚房,我返回座位,再給他一個機會,十分鐘後,送餐的嬸嬸走過來問我是否還欠一個餐,她再幫我去跟樓面查詢,走回來告訴我一個壞消息,農夫包已經售罄,只能給我三個普通面包代替,我只能接受,總好過什麼也沒有,很快我的三個普通麵包來了,我匆匆吃過後便帶著失望而離開

看了這裡的食評~第二天便決定到這裡一試~放學後約了細佬係旺角等真係搵左一搵先搵到...唔抬頭留意唔到..原來就係langham place個小巴站上面= ="上到去..就搵左個位坐~~~d位都ok喇~~clean個各大類似地方, 一定clean過街市同細佬order左個咖哩牛柳農夫包同豬扒包,我飲熱啡,細佬飲熱茶走豬扒包order完好快就黎到, 不過唔熱...但個包好脆都ok~~~細佬就嫌唔夠大而且豬扒唔特別得個包夠脆熱咖啡都好飲, 可惜冇order凍啡, 睇落凍啡特別d~熱啡同普通既冇分別食完個豬扒包...待左成10分鐘先黎個咖哩牛柳農夫包,個湯凍的...得少少暖...細佬飲左兩啖就唔飲...講返個農夫包..牛柳有8-9塊..都幾"淋"而且咖哩汁都算夠味...但我覺得鹹左d..細佬就覺得岩岩好...不過我地兩個以前係葵芳返學個陣...食過一間d咖哩同呢間差唔多..所以同細佬都唔覺呢到d咖哩有咩野特別...不過我就真係好鍾意食個包...而且食到好飽~~^^細佬杯茶走就...d煉奶多得滯...甜左d...總括...冇想像中咁好食...而且40元一個農夫包餐同20元一個豬扒包餐都算貴...

大家講得個農夫包咁好食,我都去左試!我食左個咖哩雞農夫包,size好大個,味道都好好.咖哩好香!個賣相令我想起酥皮龍蝦湯!一個包已經好飽,我下次會同朋友仔嚟食!

第一次上openrice搵食，見呢間0野no. 1又0係旺角咁方便所以今日同表妹去試。唔知係咪自己路痴，搵左半個鐘先搵到，好彩有個好心人帶路，原來位置就0係朗豪坊隔離，平時真係無留意，加上外面唔似熟食巿場。上到去一見到好興奮，因為我已經好肚餓，又好期待。首先個湯，味道ok，但我覺得唔夠熱，本人覺得湯要熱先好飲。至於叻喱，味道都可以，因我鍾意食辣，如可選辣度就好了！另外個包外層好脆同埋成塊面咁大，我諗2個人食一個都未必食得晒，個人喜好都係鍾意配薄餅或飯。飲品我點了凍奶茶，呢個我真想比個笑臉佢，幾好飲，買果時老闆推介我飲凍啡，但我聽到佢同個男仔講飲左會0訓唔著，所以打退堂鼓。服務幾好，老闆幾nice，仲叫我上網留下言傾下偈，又有阿姐送餐過0黎。但衛生麻麻，見到地下有隻小强仔。價錢的話，以環境同食物質素0黎講，算係貴，成40蚊個餐。總括呢餐無乜驚喜，普普通通，唔係好食又唔係難食，試過一次之後唔會再試。連我果個要求極低，成日咩都話好食0既表妹，今次都只係話ok。

行開朗豪...記得呢度有間食農夫包既食店...見咁多好評又未試過就去食佢女朋友仲問我: 農夫包係點架?好似豬仔包咁架?當時我無答, 因為我見過D相, 又想佢見到個包既真面目會有D驚喜, 初時佢都唔信熟食中心有好野食叫左咖哩雞農夫包, 搵好位坐低一陣老闆親自拎個餐過黎.一打開錫紙, 女朋友嘩一聲, 原來個包入面係裝住哂D雞, 試下個包, 脆皮又夠熱既, 應該係焗一焗過, 再食一件雞, 加埋咖哩汁又幾好味食下食下發覺冷落左個湯, 飲一啖, 清清地同咖哩既對比都幾強, 但係正好係濃味食物既緩和劑.整體上比個GOOD, 只係40蚊有埋野飲熱菜蜜, 值得一試!

其實不想給喊面，但已有太多人讚賞，我只打算提一下一些可以改進的意見。1. 份量頗少-- 湯只是七成滿2. 蕃茄牛腩湯粉-- 只有三『小』粒牛腩3. 忌廉煙鴨胸-- 忌廉湯不夠濃，也不夠杰4. 套餐-- 包和奄列只可二選一5. 價錢-- 以地點、食物份量、味道和質素而論是偏貴的6. 其他-- 我們三人點了三個餐，居然來漏了一個農夫包餐，要我向老闆追單

shopping day。朋友仔早就想黎呢度食農夫包，無奈無人帶佢去，所以今次就算唔太餓都要我陪佢。2個人share個咖哩牛柳農夫包。包，依舊咁外脆內軟，但係size好似比以前細左。湯，仍是我的最愛，無得頂。最後的就是凍啡，之前有個食評教人點飲，今次一試，發覺分別不大，反而飲到最後，直接飲到d咖哩碎果陣覺得有D酸同苦。至於朋友仔就話咖哩最正，包其次，湯最後。唯一要挑剔的，是餐具有點污漬。當然，熟食市場既衛生係咁上下，不過希望佢更上一層樓啦。

WOODY一直在九龍打滾(^.^).但他也不知道旺角有這個熟食中心...我想這裡真的要加強宣傳吧?!我們一到這裡，便要決定吃農夫包!!WOODY付錢過後，跟我說的第一句話便是:「這裡的服務態度幾好ＢＯＲ！」在街市裡來說，這兒的服務態度的而且確是number.1!!三十多元，足以令我倆吃飽飽!!而農夫包，挺好吃!!又抵吃啊!!湯，包，咖哩各樣也做得不錯!!唯一令我們不想再到這裡的原因是.....冷氣太大!!把我們的農夫包也吹冷了...我相信老闆有需要向有關部門反映，把冷氣的溫度調高一點吧。期待...

約左賣家晌旺角交收貨物，咁就不如試埋於旺角最近很出名的翠苑農夫包啦！當然都係同男朋友一齊食啦^^叫左農夫包配咖喱雞，本來想試埋凍啡，不過男朋友話驚會胃痛，所以無叫到啦。老細好友善，俾個牌仔我地，等佢地拎個餐過黎。唔~~~個包好大，的確係外脆內軟~~不過真係幾難撕開黎吃~~包梗係要點野黎食啦!!點d咖喱黎食先...唔...老實講無我想像中咁好，有點失望呢。咖喱不是很香那種，亦不覺得很惹味。羅宋湯幾好飲，見佢成層紅油浮晒上面，以為會好辣，點知又唔會喎~~~~有機會黎的話再試埋豬扒包，希望感覺會好點啦^^

第一次去這間餐廳，是半年前了。初時，是喜歡那裡的豬扖包，後來，開始發現農夫包仲正！現在每一次去都食咖哩雞農夫包，加一碟飯，好好味，因為咖哩汁連飯吃，更美味呢。老板特別推介的咖啡，男朋友說這裡的咖啡好味過星星巴士。還有，老板他們的服務態度很好，常常推介我們有什麼好東西吃。

尋晚放工同個fd一齊去食真係同大家所講o既一樣好好味^_^個農夫包好好味咖哩好好味杯凍啡同凍奶荼都好好味~~最緊要o既就係一o的都唔貴同service好好老闆好nice送餐o既阿姐都態度好好簡單o既一餐晚飯已經好開心~　^＿^