澳門翠苑餐廳

營業中

休息中

包是烤得不錯,個蓋夠薄,所以係全個飽最脆口最好食既part咖喱冇傳聞的咁香, 過咸就真要食咖喱, 旺角咖喱大皇比這兒强多了跟餐的紅湯太watery了返而凍啡以餐\飲來說是最值回票價的大大件,以咁既價錢是可以一試的,過過癮也好,味道又未必會令人想一試再試

專心完個幾鐘,身在朗豪坊,見外面下著雨,又不想走到街上搵食,便過隔離旺角熟食中心。到內,見有一間食店張貼了兩張「openrice優秀開飯熱店大賞」海報,才想起這裡。買個農夫包A餐,找個位坐下將牌仔放在檯上,便會有店員把餐送來。咖喱牛腩農夫包,拆開錫紙,看起上來雖然大個,心想應該能將其吃盡,卻是不能。不知怎樣吃是好,先吃其「蓋」,沾上咖喱汁,咖喱汁味香濃微辣,農夫熱熱的外脆內軟。咖喱牛腩浸在咖喱汁,入味但稍嫌實一點,牛筋則同樣入味,有軟腍的,也有不夠腍的。而「碗」內的麵飽,有部份浸至成漿,不過即使包凍了,外面依然鬆脆。蕃茄湯,同樣足料,蕃茄、紅蘿蔔、薯仔、牛尾,味道上較清淡,似住家蕃茄湯。至於凍奶茶,做到茶味較重已經不錯。服務方面,雖然只是熟食中心,但店員也有禮貌。低估其份量,剩餘底部,想吃也吃不下了,同時手也無力了,因為飽不太容易撕開與切開。與它搏鬥,結果碟上佈滿飽的外皮,衣衫也有。不過好吃的話,搏鬥也是值得。

見咁多人去食, 於是一個人走去試下, 由於一個人食, 食唔晒個咖哩包, 於是試左個豬扒包同埋凍咖啡.豬扒包: 好鹹, 塊豬扒唔夠軟, 好鹹, 都幾薄. 至於個包, 唔...冇翠華個包咁好食, 更加冇澳門間大利來咁好食啦.凍咖啡: 幾得意, 有o的咖啡粒"審"o係面, 幾濃咖啡味, 不過我個人覺得茶餐廳既咖啡太燶, 鐘意飲出面cafe o的咖啡多o的.

今日聞名而至食左葡式咖哩牛柳農夫飽同凍咖啡兩個都有水準個包真係好脆不過食哂真係好飽(我算幾大食架喇)最初漏左個湯問番佢拎立即不斷話唔好意思服務的確唔錯~.~

黎過2 次呢度食, 話好好食又唔算得上, 但絕對唔係難食. 而且$40 一個餐, 再加2 蚊有杯幾好味既凍啡, 係旺角黎講算唔錯. 環境唔靚, 但算整潔, 服務亦好(不過個老闆就搞笑左d , 要預左老闆會口水多過茶) .見其他人話小菜唔錯, 下次都試下小菜先.話時話, 有無人知道個農夫包係點食架, 我撕到碎晒. XD多人既話建議過隔離肥媽加個油菜, $10 .

因為係今個月的第一位所以就去食喇不過地點太隱敝搵左勁耐我地點左咖哩豬扒農夫包涷咖啡涷0茶蕃茄牛尾湯咖哩唔算太辣岩哂我d怕辣的人個包就好脆好大個兩個人就岩岩好蕃茄牛尾湯就麻麻而咖啡就不錯總括來說是一般但就好enjoy 食的過程ps 個老闆好風趣

見係openrice第一位，慕名去試．的確，個農夫包係好脆，交足貨．可惜個咖喱卻偏咸左少少，香而不辣呢點係抵讚，但吃多兩啖就已經覺得好口喝，可能我平時慣左淡味啦，好唔慣佢咁咸．至於個例湯都好普通．不過不失啦．至於個咖啡，真係好好味，以後黎都係為左佢．以幾十蚊既價錢，又咁多野食，算係好抵食了．老闆服務態度好，相信會再encore.

見佢係最多好評之餐廳,就決定去試試~可能期望太大啦，食完又冇咩特別感覺，雖然係好味，但唔覺得佢好味到要排no.1咁勁~

下午專登自己貢黎食...然後先去開工!農夫包...不敢挑戰, 我實食唔哂, 亦對咖哩既興趣唔濃, 於是選了清清地既常B - 越南海防米線+ 豬仔包走牛油+ 熱杏霜, $24, 坐底後周圍望...唔係間間都會幫你送到面前, 好似得呢間有...GOOD GOOD! 等了約5 分鐘就送到, 越南海防內有蕃茄唔夠腍, 中芹, 肉砰好腍幾好食, 米線就太腍, 湯底唔會過鹹, 合格! 豬仔包外脆內軟, 好好食, 杏霜都夠味, 唔會淡淡的, 下次可以再試!

開完會出0黎旺角食lunch, 0黎呢間「Openrice 人氣店」試試佢的兩款招牌0野-- 咖喱牛腩農夫包及凍咖啡. 叫了一個餐($40 + $2 凍飲), 有蕃茄牛腩湯一碗, 一個農夫包, 仲有一杯飲品, 係勁多0野食, serve 時仲俾農夫包0既size 嚇呆了, 同Morton's (Sheration 扒房) 的table bread 一樣咁巨型!先飲啖蕃茄湯, 材料除0左蕃茄同牛肉之外仲包括碎濕濕的薯仔, 茄(膏)味濃郁, 唔會好酸, 都ok 啦.凍咖啡面層灑了粗粒咖啡粉(?), 好香, 飲落好滑, 幾驚喜. 推介!主角咖喱牛腩農夫包極巨型, mit 開錫紙後賣相幾得, 個包烘得熱熱的, 頂「帽」極鬆脆, 就咁食都好好食! 咖喱汁香多過辣, 幾惹味... 包內的餡料份量唔少, 好入味, 牛腩軟熟, 牛筋直程腍得「起膠」, 兩0野就食晒! 個包0既軟熟部分索滿咖喱汁, 味道都唔錯, 不過可能佢實在太索汁, 食落好「發水」0既感覺, 個人一般鍾意. 個包亦因為太大個, 本身唔細食的我食了四份三就投降了. 邊個話「獨食」會「難肥」? 如果日日/隔日0黎食的話, 包保

多得OpenRice，令到我的飲食習慣慢慢改變，開始想試多些不同風味的美食，更令我常常去留意那些近期大熱的店鋪，好讓我路過那裡都能找到好吃的，多謝各OpenRice用家吧！翠苑既然是座落於一熟食中心內，衛生及環境分都不能怪罪於它吧...只是，有小昆蟲在內飛來飛去，確實會嚇走不少食客了。點了咖哩雞及牛腩農夫包各一，承惠$40。咖哩雞確實好吃，好吃在那些雞件有咬口，事先是炒過了，爆開了，配合咖哩來吃實在禁不住放多幾舊落肚。咖哩牛腩都好，牛腩完全不硬，相信老年人也咪得開了。咖哩不是很杰那種，點起包來吃剛好；而包也不錯，內裡都夠鬆軟，外面也脆。跟餐的湯是普通水準，不太好不太差。在吃的時候，看見老闆娘(我猜)看著鋪前的食客笑了，那是因為生意好的會心微笑嗎？

今晚放工就約咗女朋友一齊去食晚飯, 一諗就諗住去食農夫飽, 雖然只係去過幾次, 老闆一眼就認出我哋, 並話, "你哋幾次0黎都係食農夫飽, 其實我哋鋪頭仲有好多好嘢, 中式餐都好正0架, 不如今晚就試吓我哋中式小菜, 二人套餐啦!", 於是我就在6款小菜中, 選擇咗啫啫雞煲, 當我正想叫多一個小菜時, 老闆笑笑口話, "一個套餐你哋兩個人都夠食啦, 唔夠再叫都好快唶, 無謂食唔哂嘥嘢", 我當時就覺得個老闆真係好老實, 俾咗錢我哋就去揾位坐低, 過咗10分鐘就有一個笑容滿面0既阿姐送餐0黎, 並話如果唔夠飯, 就通知佢哋再添, 我覺得佢哋服務態度真係好好, 再睇吓個餐, 一個熱氣騰騰0既啫啫雞煲, 份量很大, 一碟炒菜, 一碗青紅蘿蔔煲豬骨湯, 兩大碗白飯, 一杯我0既至愛"金牌凍咖啡", 一共42蚊, 比我平時同女朋友出外食飯慳番一大截, 個雞煲真係好好味, 又夠熱, 比一般0既中式酒樓仲要好, 例湯一飲就知道係無味精.食完我同女朋友都啱啱好, 好滿意, 原來呢間餐廳除咗西式農夫飽, 豬扒飽咁出名外, 中式小菜一樣咁正, 難怪可以在open rice 排第一名, 老闆同伙計招呼又好,

今日係旺角補習....睇到網友話唔錯...去左試...個老細幾nice 叫我搵個位坐...拎俾我,,我叫左個咖哩雞農夫飽餐....一拎到埋黎....好大份....個包幾好味....點埋d葡國汁...好正..d雞真係多到食唔曬.....個湯好熱...真係真係麻麻最值得一讚係個汁....真係做得唔錯...杯野飲就一般la....同出面無咩分別....地方算乾淨......真係老老實實....一個人真係食唔曬....太大份

看了這家店的食評, 心裡都是癢癢的想試一試剛巧相約友人於旺角, 她也看過這家店的風評不錯於是在星期六的晚上來試一試.環境不能要求太多, 整體上燈光充足, 地面乾淨.在星期六的晚上找位子也不太難, 可能只是二人的關係不過感覺好像回到家附近的熟食市場一樣(這一種格局在新界多的是, 平時也是街坊裝的去光顧"食物: 點了咖喱雞農夫包+ 凍咖啡$42 (大概)農夫包感覺煞是新鮮. 咖喱雞可能是因為遷就要放入麵包的關係如果用有骨的雞可能會"搞出人命"用急凍雞排, 賣相和味道都大打折扣農夫飽沾上咖喱汁吃, 麵包硬度剛好適中, 而且可以減少油膩的口感. 另外, 點了一個雜排, +凍檸茶$44 (大概)牛豬排各一, 約一部Pocket DC大小另外腸仔火腿雞翼各人, 水準不甚突出, 只可以說是中規中矩之作, 反而分開用碗上的蒜蓉汁味道很好, 有點後悔選了薯條, 如果吃飯的話, 用來撈飯一定很滋味...友人說這裡的凍咖啡不錯可惜無緣嘗試, 因為我點了凍檸茶很"麻甩" 吧? 是的. 這裡的好處, 就是不用顧儀態. 與其在對面商場食肆花數百元, 在這裡兩個人輕輕鬆鬆的, 八十多元就可以享用豐富的晚餐不是更好嗎

想來很久了..終於有機會~兩個人叫了豬扒包餐和咖喱豬農夫包餐~豬扒包先來.. 個包好脆, 裡面好似夾雜住洋蔥/蒜蓉..雖然賣相比我想像中差..但食落唔錯播~然後是個農夫包.. 大大個的..用錫紙包住.. 未食已被吸引了~ 麵包點咖喱汁食幾好味..個包咁大個都差不多被徹底消滅了~ 不過咖喱裡面d豬肉就太"淋"了..醃到好像沒有肉0既質感一樣~ 食剩左好多..總括黎講..有少少失望..不過呢個價錢同環境, 這裡的食物是不錯的了~