澳門翠苑餐廳

營業中

休息中

7點幾同朋友0係旺角朗豪睇8點幾場，咁就試一試呢間經常0係openrice攞no.10既翠苑，食左佢\0既常餐\A，有薯仔蕃茄牛腩湯通粉+火腿奄列+香滑奶茶，0係度收銀0既應該係老板，好風趣，介紹哂俾我地知農夫包入面係咩，雜菜又有d咩，又話如果我點常餐\，朋友點農夫包餐\實食唔哂，絕對唔驚少做左生意，於是我地留待下次先試個農夫包，加多個招牌凍咖啡就算，因為我地其實唔餓，只係驚睇完戲至食太肚餓所以填下個肚嘛~個通粉其實係螺絲粉，好多幾大舊0既薯仔同甘荀，但就見唔到蕃茄，但絕對係蕃茄湯底0既味道，唔通係罐頭?唔識分啊~牛腩得一大粒，我地搞勻成個碗架喇~於是朋友走去同老板講點解得一粒牛腩，佢\話其實遲d都想改番個餐\牌，因為都幾多人誤會左呢個係以牛腩為主0既通粉，但其實呢個通粉係以湯為主，牛腩係其中一種材料0者，其實我都唔係好明佢\講緊咩，總之佢\又吩咐廚房裝一小碗牛腩俾我囉，成個過程都幾好笑。我地覺得個火腿奄列0既蛋煎得好好，竟然有少少脆邊，碗螺絲粉食埋都幾飽，杯咖啡好大杯，我飲左杯黑白奶胆茶味又香0既奶茶，試左一啖，好香咖啡味，我朋友到最後都飲唔哂杯野，係咪好浪費?都唔想架，真係飽哂~呢

與友人昨晚先到朗豪坊shopping 再到這裡食晚飯.這兒與朗豪坊只相隔一條馬路. 雖然它於熟食中心內但一點兒也不污糟，只是冷氣略大。我點了一個咖哩雞農夫包餐($43).朋友要了咖哩雜菜農夫包由於好評如潮心裡已大概已經知道賣相是怎樣，咖哩汁很香，不算辣，椰汁味也不是很重。那個包外脆內軟，但很快就變淋...因為實在很大風雞肉應該是雞扒切出黎的沒有特別。值得一提既係有位收銀既叔叔好風趣的..服務態度好好！哈哈，一開始以為實食唔曬點知最後食唔停口好滿足地離開

放工後同老婆去朗豪坊12/F睇Music Show前，一試呢度好評如潮既農夫飽餐($43)。 羅宋湯- 老婆覺得她們把材料煲溶不錯，我就覺得太淡。咖喱牛柳農夫飽- 牛柳有蘇打粉，會有時有筋咬唔開。椰香咖哩汁份量剛好，味道甜甜地，唔會太辣或太濃，但只有一小舊薯仔。農夫飽大大個，同細食既老婆分都夠，外脆內軟，好！咖啡- 變酸了，失望。 值得讚賞她們的服務態度，有禮且會主動拎個餐過黎。下次有機會要試下這熟食中心既其他食市！

在熟食中心中, 而算係好乾淨葡式鮮茄牛腩粒通粉- 6分, 味OK, 但只有牛腩碎, 冇牛腩粒.咖哩豬柳農夫飽- 7分, 個湯又係無材料係入面, 冇味精. 幾細心, 有手套比你. 農夫飽外皮好脆, D豬柳唔係好多, 太淋, 啤水啤得太勁, 失分Conclusion: 試一次, 不會試下次, 無想像中咁好

夜晚去左食食左咖哩牛柳農夫包餐有野飲有湯個湯~~無材料係入面架~~不過飲到好大陣牛味都ok個包呢~~都幾大個不過淨係食個包都幾難食得晒...因為d牛唔係好多咋只係得d汁送個包食所以食唔晒同埋個包皮幾un下但係佢地都幾細心有刀叉同手套比你方便自己揀點樣食試一次都幾好既~不過成日日食就唔會lu~~

叫o左一個牛柳農夫包set，足足夠兩個女仔食！個包好脆，點汁食一流，牛柳幾"淋"，d汁又夠香。不過開始食時有d無從入手o既感覺，同埋食到成麵包碎！哈哈！至於招牌凍啡，感覺就無咩特別，一般茶記質素，只係多o左d咖啡粉o向面頭。值得一讚是服務好好，落order時講低號，有人送到上，而且d staff好有禮貌

今日終於和幾個朋友來試包, 我們分別叫咗三款不同的農夫包, 咖喱牛柳、牛腩和豬扒, 首先order咖喱牛腩然後相隔五分鐘才叫咖喱牛柳, 最後係咖喱豬扒先來到的竟然係牛柳, 之後隔咗陣先係牛腩, 牛腩嗰個就變咗非洲包, 頭頂已經燶咗, 好明顯焗耐咗, 之後食個牛腩都幾鹹, 牛柳一般, 豬扒ok和包裡面不是太多汁我們都主攻個麵包皮, 麵包肉因為吸咗啲鹹汁就唔想食個蕃茄湯就超水, 完全唔得, 凍咖啡正常無什麼驚喜雖然望落去個style幾特別, 不個本人認為一試無妨(看你好唔好彩, 師傅重唔重手), 但我不會試下次

係Openrice見到咁多人讚個農夫飽好食, 我特登搵日同我男友中午去試下, 唔錯啊~聞名不如見面! 都真係幾好食! 我地兩個人分享左一個咖哩牛腩農夫飽套餐, 40幾蚊, 幾抵食, 有個羅宋湯, 一碗咖哩牛腩汁, 一個咖哩牛腩農夫飽, 一杯凍咖啡, 店員即叫即整, 等左成10多分鐘先有得食~環境: 好意外,諗住一般的熟食中心都比較污穢, 但呢度唔同的, 好新同好乾淨, 好光猛, 仲有冷氣, 感覺舒服! 每個坐位係固定不能搬動的, 咁d人就唔會逼埋一堆坐, 每個坐位與每枱之間也有闊落的空間, 感覺幾舒適, 最緊要唔逼! 感覺呢度好似food court 咁, 有清潔阿姐不時抹枱收野.不過開頭有隻蚊滋仔飛來飛去, 俾我拍一拍嚇走了食物: 飽: 個飽好大, 佢外皮真係好脆! 外脆內軟好食! 好啱我呢個飽痴! 尢其個飽頂真係好好食好脆, 我同男友好快已經撕開左個飽頂食左, 食時點d咖哩汁係一絕, 個飽好索d咖哩味,其實, 咖哩配飽食係比起配飯食係更加好食, 個飽肉好索d汁, 啖啖咖哩味入口..正!個飽都幾厚身, 食飽身時要也慢慢用手撕開d飽食, 都幾難撕, 食時都幾狼狽, 整到週圍飽碎, 如果

日期：二零零八年四月八日時間：晚上六時地點：澳門翠苑茶餐廳人物：我、朋友一號、朋友二號食物：葡式鮮茄牛腩粒通粉餐、咖哩雞農夫包餐、越南海防米線餐、豬扒包、凍咖啡、凍奶茶香港是個奇怪的地方，世界各地之美食都可在這彈丸之地發光發亮，正宗或地道與否有時已經變得不再重要，融百家之長，創造出所謂的香港口味本來就是香港令人值得驕傲的地方。澳門翠苑茶餐廳是一間供應葡式食物為主的餐廳，位於開放式的市政熟食中心內，與其他食肆共同使用餐桌和椅子，可以說是現時商場內food court 的始祖。農夫包是該食店的招牌食物，不少人慕名而至。農夫包盛載著咖哩雞，另設一小碗盛著薯仔及多餘的咖喱汁，以供食客享用。事實上，農夫包並非正宗的農夫包，稱它為農夫包，倒不如叫它為大號的豬扒包更為貼切，口感與該店的豬扒包甚為相似。而麵包內的咖喱又並非真正的咖喱，倒是有點葡式風味，但椰汁的分量卻又比正宗的葡汁少，有著介乎咖喱與葡汁之間的有趣風味。咖喱雞中的雪藏雞肉經過「拉油」處理，不僅去除了雪味，亦使雞肉變得香口，算是雪藏雞肉中之上品。有時候，食物正宗並非味美的王道，畢竟西方各國的飲食文化都不及我國的源遠流長，飲食文化及智慧並非能

Openrice朋友既推介，終於有機會黎到一試翠苑一入到去，嘩，街市熟食都唔市正既，不過ｄ位都坐得好滿，下午茶時間黎到，所以坐左響對住對到正果張，呢張得兩個位，面對住翠苑，好似坐前座咁，個銀幕對住前面，個感覺唔大好，跟住見到有位轉，拿拿臨走去後面坐．叫左個tea set豬扒包，同埋一個咖哩牛腩農夫飽，當然係個豬扒包黎到先，嘩，好脆呀個飽，正到脾呀，但係，其實塊豬扒就無咩特別，跟住黎到個咖哩牛腩農夫飽，咖哩唔係話好正，牛腩好林，又談不上好正，但係個飽就真係好脆好好味，幾十蚊，好特別，好好味，但係食曬成個飽都真係飽到嘔．值得一試，但係，我好飽既　︿︿試一次夠啦無試過就一定要試下

終於明白點解咁多人去食~!!因為個包真係好好食~皮脆內軟~真係正過普通新鮮出爐既麵包~!食左兩次~服務:兩次服務都好好~主動拎比你~價錢:點解會加左5蚊?!定係下午茶時段要加5蚊呢?環境:熟食中心而言算係好乾淨味道:食過既牛同雞都好正,咖哩好夠味,唔會太辣!仲有不得不提雞肉好滑!**成日UPLOAD 相都有問題,激死我,所以都係唔UPLOAD LA**大家要食既就親身去la~!!

不過不失啦...價$貴在個整法我叫的是牛柳農夫包...但係太小牛柳了...大約5塊到攪到我唔夠喉(因為好食好林易入口)而成個食法似係面包點葡汁...葡國菜會用手食?!?!?依個我真係唔知似泰式多d啦...湯水呢...好似飲唔到味精味...(係咪我錯覺呢)咖啡都好好總結來講中上級...如果多小小牛柳就完美啦

點了兩個套餐\，一個是咖哩牛柳農夫飽餐\，另一個則為咖哩雞柳農夫飽餐\，餐\飲為凍咖啡阪凍奶茶。值得一讚的是其招牌菜農夫飽，份量大，一個人不能將整個飽吃掉。農夫飽即叫即焗，外層鬆脆，內裡酥香，伴上咖哩汁吃理應一流。但咖哩汁味道略嫌過淡，缺少了一份咖哩應有的香辣及椰香。廚師將主菜放於飽中，令其味道能滲於飽內。然而牛柳及雞柳肉質不夠鮮嫩，破壞了整個餐\的感覺。餐\湯及餐\飲為一般水準。餐\廳為於熟食中心內，環境尚可接受。由落單至上菜的等候時間算快，還有專人將套餐\送上。以價錢及份量來看，可於閒時一試，但沒有慕名而來的必要。

今天大師兄又要到國總面試~食飯目標早就已經鎖定~~~就係旺角熟食市場~今日一定要試到農夫包!原來真係就咁係朗豪坊側邊~好易搵~都唔知點解縱橫旺角咁多年都唔知有個咁ge地方~~~蝕晒~~上一上電梯就到了~~First Impression就係~~~咁新淨咁ge~?!叫左個咖哩牛腩農夫包...老闆話一定要飲呢度ge凍咖啡~~~~~所以就加$2大比仲想食米線..就叫埋個越南海防米線配牛油豬仔包買完就拎住個牌牌返埋位~坐低慢慢等(仲好服務過大家樂..haha)米線餐先到~~牛油豬仔包~初初諗住~會唔會咁大個農夫包之後~個餐又有個包包~咪好多想轉火腿奄列..又好似格格不入....加$5要豬扒包..又好似多得濟~最後都係要返牛油包海防米線有芹菜~肉碎粒粒同番茄~米線比平常的來得再粗點點~不會過淋~很不錯大比卻超級喜歡...清晒底tim ~!過多陣~~閃令令ge太空館就出現係我地面前~~~~woow........好野!~~跟餐ge係澳門餐廳必有ge番茄蘿蔔薯仔牛腩粒湯~料是十分足~但好像淡了一點~水水地...未夠火喉咁..雖然佢比埋手套~~~但落手落腳滋味d~係呢d咁ge格局下~都叫可以不太顧儀態

今日lunch叫左一個咖哩牛腩農夫包餐,43元其實lunch黎講算貴,因為附近食店都係25蚊左右不過既然係no.1,點都要試下1. 牛腩湯非常鮮甜,好味2. 農夫包0既脆,牛腩都入味同林3. 農夫包都ok大架,不過男仔都食得哂總之,係大家去到朗豪坊必定要試試^^