澳門翠苑餐廳

營業中

休息中

今日吃完咖哩豬柳農夫飽..$43..個樣都ok既..蘿宋湯好稀....咖哩唔係好夠辣..豬柳都夠鬆軟既...咖啡反而幾好飲...整體覺得係有少少名大於實，同埋唔多夠熱甘...希望可以改善一下喇...

openrice 好評餐廳之首，上星期日同女友慕名而來，會一會佢去到附近，搵極都搵唔到一幢似係熟食中心0既樓，只係見到朗豪酒店，真係估唔到間熟食中心就酒店下面聽到熟食中心入面，有心理準備係環境會差少少，點知入到去，先知熟食中心都可以咁好環境，光猛、地面乾淨冇積水，打破我一向對熟食中心0既印象。坐低之後，當然係點農夫包啦，要個咖喱雞農夫包，等一陣先有得食，相信係即叫即整的雖然一個農夫包餐唔算平(其實算係貴的)，但個餐包湯同飲品因為我地坐得近果檔，有員工拎過來俾我地食落咖喱唔係太辣，很香口包外層是脆，但內裏鬆軟，口感不錯雞肉就相比之下冇咁突出，但都好滑見佢農夫包個餐牌全部都係同咖喱有關0既，一辣都唔食得0既就要諗過先

又係搵食既時候, 今次出動地點係旺角, 與朋友仔逛畢朗豪坊的食店都不合心水, 想起附近有食友好評的農夫包食, 故即移步前往...一進場已發現很多人也在吃這個農手包, 心想沒有錯即時決定要"咖哩豬柳農夫包餐", 原本想再叫其他款式的農夫包餐, 但見包餐份量不輕, 加上朋友仔也想試試其他食檔出品.故只點了一款. 在付了錢錢後, 老闆問朋友仔我們坐在那裏, 真想不到這裏有"送餐服務,實是我等"臨時"行動不便人士之福~~ 當我的農夫包餐送來時, 已急不及待打開錫紙看看, 農夫飽製作成鍋, 中間掏空放著咖哩豬柳令內裏的麵包也滲著咖哩肉汁. 朋友仔即時將農夫飽"解體"點上咖哩汁配著豬柳同吃, 咖哩有香味亦不太辣, 所以那碗隨餐的咖哩汁也我吃光~~連朋友仔也讚好. 總結:農夫包, 得!! 但價錢亦不便宜, 一個"咖哩豬柳農夫包餐"便要四十多元~~

先旨聲明, 云云澱粉質中我最喜歡吃飯, 最怕是乾爭爭的東西。而這個包, 是脆得帶點乾爭爭意味的。朋友偶爾的一次提起, 話帶我去食農夫包, 點知原來佢唔識路, 要我帶返佢轉頭... anyway, 唔係佢話想吃, 我都唔會自己走來試。叫了海防米線一碗, 農夫牛柳包餐一份, 經老細由說下兩個都飲咖啡。前者是一碗很屋企feel的米線, 由肉碎番茄唐芹菜等煮成的湯底, 簡單得來味道有層次, 對於冇有幾何o係屋企煮食的我, 吃到咁屋企的味道, 是吃過碗底朝天。後者的包是很脆, 脆得對口腔有危險, 咖哩汁是不夠香辣, 帶點港式螢光咖哩意味, 自問麻麻地喜歡, 牛柳其實是鬆過的牛扒, 我還妄想此品會跟專業咖哩王那超班牛柳一般, 是我想多了。反而那牛油脆豬就不錯! 牛油跟那外脆內軟的包, 十分friend的組合。羅宋湯是大家都很客氣的菜, 大家都讓來讓去才有人肯乾的。那杯咖啡是有其特式的, 當然他不是很高quality的一種, 當然, 用心去整杯雀巢咖啡也可以很好喝的。可能老細跟後生仔溝通得多, 成日好好笑口; 衛生就窄少少, 拎兩隻碗兩隻都有漬的。味道是過得去的, 可是第2天喉嚨是痛得不得了!

上次食過農夫包之後,體會到呢個餐既份量真係多得滯,所以今次同小牛一齊分享。小牛喜歡牛腩,其實我麻麻地,不過好在佢呢度整得都幾ok,牛腩之中都有唔少肉既部分,同埋今次薯仔好似比上次多。個包十分新鮮呀!一黎到(有個阿姐親自埋黎,服務好好),揭起包蓋時,竟然熱到盪親手要即刻縮!今次又比上次好,因為咖喱汁份量恰當,上之略嫌太多,令到最後個包頗淋,今次食都最後,仲可以食到脆既包,原來係好味d架!同樣地,個咖喱汁唔覺辣,幾溫和,我諗配合牛肉食其實比牛腩仲好。提一提,本來叫中湯,但係佢俾錯,俾左西湯,我明白可能一時太,忙人有錯手,但係都希望可能改善一下啦!

農夫飽一個好大好脆既包!估唔到成個包既外皮都係脆既~包入面有牛腩~牛腩好入味不過真係得幾舊~撕開個包,係無咩心理準備之下比好多彈出黎既麵包碎嚇親!真係好脆~!點d curry 汁..好食好食! ----------------------見到呢間野係呢期open rice大熱咪試下lo~~真係幾好食呀~~!冇介紹錯~不過係就係幾特別但又唔覺得係open rice top 20 lor 值~都會再去既~----------------------豬扒飽個包同農夫包一樣咁脆~豬扒夠林又多汁洋蔥絲生生地但唔會有青草味,,唔spicygood~----------------------越南海防米線其實碗面冇咩材料,,入面有莤芹﹑芹菜﹑番茄同蛋花肉碎d湯超正!成碗飲曬~----------------------羅宋湯可謂最失色的一樣~淡茂茂,,冇材料~~可樂比仲更加吸引

見openrice咁多好評,專程來試地點好易搵叫左個咖喱雞肉農夫包, 好脆, ok好味, 但就唔係大家講得咁好, 可以期望太大啦個coffee好味, 但我飲左一半咋, 因為本身唔太飲coffee

見人山人海的食評, 不敢想去一份子. 之前同朋友在旺角行街. 想去但走來走去就是找不到. 結果一個人上星期日一出地鐵站, 一看原來就在朗豪坊對面, 上去一推門就是. 不像想像中很多人買農夫包餐, 但也會有一兩個人像我來試. 包脆, 但咖哩雞並不出色, 沒吸引到想再試, 而進食亦蠻失禮. 但我看到坐對的人食的豬扒包, 好像不錯, 下回經過會試一試. 一個農夫餐43元加涷奶茶2元共45元

同bf行完街,見openrice咁多好評,專程過黎食農夫包,果然係good,個包好脆,d咖喱汁亦都好好味,係個羅宋湯普通左d,$40絕對係抵俾o既..有機會會再黎試下其他野食...!

見咁多好評，尋日就同老公去左試下農夫包，因為有野做，去到都9點lui....好彩都未關門。因為我唔可以食牛，於是同老公揀左個豬柳農夫包。點完之後拎個牌仔，跟住是但坐等佢拎黎。呢樣野做得幾好。坐得遠d都唔緊要。係openrice呢度見到個個都話個包好似頭咁大，送到黎一睇，原來係小朋友個頭size。不過都幾大下喇。個外表睇落都好得意。我打開個包蓋，見到入面都有幾多塊豬柳肉，唔錯！跟住食啖包，係無咩心理準備之下比好多彈出黎既麵包碎嚇親。真係好脆，個湯好味！我最鐘意個湯。好香好好飲！個包唔錯！老公話幾好味！好香口，不過老公話咖哩熱氣，無沾好多黎食。但係佢都成個包食哂落肚。overall黎講，係幾特別。不過下次應該唔會黎食。大埔有間都有呢種包食，唔止得咖哩味。雖然細個d又貴d，但係真係好味。裝修靚好多。坐得好舒服。

見翠苑的排名一直都係榜首，一於就同細佬去試下啦，我地兩個人叫左一個咖哩豬柳農夫包餐($43)飲凍咖啡(凍飲加$2)，平時我同細佬都唔飲咖啡因為怕訓唔著，但見呢度的咖啡咁出名，就一於試下啦。由於係平日下午兩點幾三點的時間，熟食市場唔係好多人，咁我地好容易就搵到位，我就負責去叫啦，收銀員好熱情咁招呼我，叫完就俾左個牌仔我話放個牌仔係table得，有人會送過黎，咁我就行返去啦，等左大約十分鐘，剛才收銀果個人就送個餐過黎啦，我同細佬都好興奮，即刻拆開個包黎食啦，個包ｄ皮又熱又脆，好好食呀，包入面ｄ咖哩汁已經索晒係包入面，要點另外佢俾果ｄ咖哩汁先得，個包係外脆內軟架。對住個農夫包我地都無從入手，結果我地決定用手黎食。佢個餐湯都幾好飲，值得一提的係佢杯凍咖啡，同一般茶餐廳的唔同，味道有ｄ似外國連鎖式咖啡店的咖啡，顏色亦比茶餐廳的凍咖啡淺色，絕對好味。今餐同細佬兩個人食一個餐，但都夠食喎，又試到新野，真係開心。

由於有好多人讚,所以同男友特登去試,叫咗"咖哩牛腩農夫包餐"--啲牛腩好稔,最好味係個脆卜卜嘅大面包,配埋咖喱汁好好味,而杯"凍咖啡",上面加咗啲朱古力粉,好似moncha咁,幾好味另外叫埋"葡式鮮茄牛腩粒通粉"--但比較遜色,因為啲湯唔夠濃,(可能因為澳門茶餐廳嗰啲太好味喇)餐加幾蚊改要"豬扒包"--老闆話啲豬扒係用豬柳做,我鍾意稔稔哋,但男友就話稔到好似面包咁,唔係太好,所以真係各人口味唔同,見仁見智喇~總括嚟講,個農夫包幾特別,可以一試,第一次去呢個熟食中心,估唔到附近都有好多嘢食選擇,下次可以試吓其他嘢

一心抱著好大期望食這個農夫飽餐。不知是我不幸還是翠苑的一貫水準，農夫飽面好像吸了錫紙內的倒汗水，所以一入口，飽是又林又，沒有錫紙焗飽應有的香味和鬆脆質感。我吃的是「澳門咖喱雞農夫飽」，單價$38/改套餐配熱飲和羅宋湯加$5。湯味似蕃茄薯仔湯，顏色紅得過火不像蕃茄熬出來。咖喱雞尚算好食，雞肉很嫩滑，咖喱汁是最大眾化的口味。可是我主要是想吃它的農夫飽，所以一直好失望地吃下去。直至吃到飽底，才終於吃出麵飽味來。暫時我不想再試翠苑的農夫飽了，但豬扒飽還是想試一試，希望沒有鍚紙的「幫助」，豬仔飽會好吃一點啦！

久仰大名了，今晚放工特意去試下^^在場都幾多人食農夫包，我點左個"咖哩牛腩農夫包餐"bf點左個牛扒餐，不用自己拎仲好快有人送上。睇落就真係幾特別，有點自興奮，打開左個錫紙都唔知從何下手，個包好脆整到成身都係面包碎成個小朋友咁^^ d咖哩汁辣辣地縛幾好味，牛腩好"諗"。bf好鍾意個湯但我就覺得麻麻地la。咖啡唔錯值得一飲。講返bf個牛扒餐，牛扒有兩大塊，唔係好厚，d肉好"諗"但就係冇牛肉味，不過個蒜容汁真係唔錯。兩個餐都食唔晒，有點兒浪費tim(小朋友不要學)就個人覺得食一兩次就夠了，唔係特別好食，就只有特式而已。

因為男友家在呢度附近既呢間野大大話話都關係,都食左成差唔多年幾2年啦,最深刻都係佢既招牌菜熱農夫包同佢d冇味精湯味道唔算話好出眾但都算抵食既.勝在夠大大碟囉不過我同男友一家人始終比較中意食佢對面個間福來棧多d,味道好之餘又平,仲有感覺到間野d人真係好用心做好的