潮薈館

營業中

休息中

裝修幾有中式茶居既味道, 多人坐圓台就會方便啲👍🏽 菜式選擇都幾多, 而且都幾抵食添🤩🥗金沙魚皮($79)新鮮熱辣整好既鹹蛋黃炸魚皮啖啖蛋黃香極邪惡, 送酒一流👍🏽韭菜鵝紅($78)鵝紅食落比豬紅滑身, 一啲羶味都冇好食, 仲有大量韭菜同份量大😙🐟凍大眼雞($188)魚肉好滑身一啲都唔韌配埋大豆醬一齊食正呀, 鐘意食魚春既可以食埋😊生醃師蚶($168)師蚶幾鮮甜肥美, 個汁辣辣地都幾惹味😋🦆滷水三寶($238)嫩滑既鵝片, 超爽脆既鵝腸, 粉嫩軟綿既鵝肝, 食落極有驚喜, 特別係個鵝肝好似食緊豆腐咁🤩滷水掌翼($118)肉質夠腍身勁易離骨, 仲要勁入味啖啖肉超正☺️滷水鵝肉拼($168)紅腸, 鵝肉, 滷豆腐, 望落勁顏色鮮艷好吸引, 整到好入味🥰🍛汕頭蠔仔洛($108)薄薄既蛋漿炸皮包住極多蠔仔, 成個餅整厚身食落蠔味香濃, 暫時係我食過最好食既一個🤤普寧炸豆腐($98)豆腐本物冇咩味道, 同我想像中有啲出入, 比較失望既一道菜🧐家鄉炒麵線($98)豬肉條, 韭菜, 麵線一齊炒幾夠鑊氣, 但係就冇咩特別🙃🍲汕頭手打牛丸湯($168)12粒大大粒爽口彈牙牛味濃既牛丸配上紫茶湯係好正😊[甜

裝潢定餐具，帶點復古風，有格調。✨芋蓉香酥鴨考手工既潮州名菜之一。內層熱辣辣，酥炸鬆化既外層包住幼滑軟綿綿既芋泥混合鴨肉，好甘香。可以選擇點埋有梅子味既秘製甜醬，美味。✨滷水鵝拼盤滷鵝片、豬腩片、紅腸、豆腐同蛋。滷水汁好夠味，唔會鹹。比較喜歡點埋白醋。鵝片啖啖肉，滷豆腐好滑。✨ 凍大眼雞魚肉好滑，唔腥，好少骨。普寧黃豆醬更能帶出鮮味。

超好味正宗潮州菜館！食物選擇好豐富，質素很不錯，性價比好高☺️ 餐廳乾淨企理，晚市時段店舖滿座，好受街坊歡迎！😚 好值得回訪！餐廳裝潢好有心思，牆身佈滿壁畫，讓人感覺置身於古代客棧 金沙蝦球 ($128) 邪惡之選🤤 蝦球大大件，鹹蛋黃起沙 鹹香惹味，香口彈牙，好好食😋啫啫芥蘭煲 ($108)推薦！鹹香味撲鼻😋 十分惹味，醬汁配上白飯一流菠蘿咕嚕肉 ($108)必點菜式，酸甜度適中，大大粒無骨咕嚕肉，加上菠蘿及三色椒😋 配上白飯一流瑤柱蛋白炒飯 ($98)推薦！份量好多，熱騰騰 有鑊氣，啖啖配料，十分足料，好飽肚😍 椒鹽豆腐 ($88)推薦！香口惹味😋 份量多，熱騰騰的軟腍豆腐粒，外皮好脆口🫖免收茶芥及酸菜小食，計加一服務費

凍大眼雞$188 凍大眼雞其實係潮州菜嘅名物！小弟其實唔係好鍾意食魚嘅原因就係好怕佢嘅腥臭味，值得一讚嘅就係呢度處理得非常之好，凍大眼雞肉質結實，用筷子輕輕夾起，點上餐館秘製潮州式醬汁，作為第一道菜，簡直係出色！汕頭蠔仔落$108 蠔仔囉，其實即係蠔餅。不過呢度嘅蠔餅唔會好鹹，感覺有調校過，而且淡淡豪肉，好不滿足家鄉反沙芋$108反沙芋係潮州菜嘅甜品，朋友話而家唔係好多地方有得食，主要嘅原因係因為佢難整首先要將芋頭切條，再用砂糖炒熟，上面沾滿金黃色嘅脆皮，每一啖都係幸福嘅感覺😻椒鹽鮮魷魚$138 小弟都係鍾意食椒鹽鮮魷😹魷魚好香口，上面嘅椒鹽10分邪惡點上喼汁，越食越開胃👽——————為食分界線——————📍 潮薈館 (九龍城)九龍城福佬村道62-64號福聯大樓地下B號舖推介指數 🤰🤰🤰🤰🤰(5/5)好味指數 🤰🤰🤰🤰🤰(5/5)抵食指數 🤰🤰🤰🤰🤰(5/5)環境推介 🤰🤰🤰🤰🤰(5/5)人均消費： $200#mariofatfat #hkfoodie #Foodie #為食馬利奧 #hkrestaurant #topcitybiteshk #topcitybites #hongkon

✨九龍城區食肆繁多, 路經這間新開嘅潮州菜館, 門面係金漆招牌非常吸睛, 除地舖外, 還有樓上雅座🏮食店內裝修古典雅緻, 牆身畫咗好大幅嘅水鄉壁畫, 走馬燈款式嘅吊燈, 襯托實木色嘅枱櫈, 配襯咗水墨畫圖案嘅餐具, 滿有古色古香嘅情懷🥰📝餐牌內多款潮式美食及小炒選擇, 價錢合理🫖免收茶芥及酸菜小食, 計加一服務費🌟椒鹽白鱔片 $138粉漿薄貼 , 包著肉質肥美嘅鱔片肉, 外脆內軟, 好香口😋🍖潮陽梅膏骨 $118每嚿肉質軟淋度適中, 有咬口感, 沾滿咗甜甜地話梅味嘅醬汁, 非常醒胃😍🌟古法涼瓜 $118喜歡涼瓜件切得夠大件頭, 烹調得宜, 沒有一般嘅苦澀味之餘, 食落仲帶有回甘香味, 伴碟底嘅五花腩, 充滿肉香唔油膩👍🌟砂鍋戲棚粥 （例牌）$168香茜味嘅粥底內配料豐富, 包含咗蝦仁、墨魚鬚、鵝肉絲、冬菇、萵筍絲及柴魚乾, 份量十足🥰喜歡潮州粥似湯飯嘅口感, 熱粥水夾雜著粒粒飯粒有嚼口感😋

潮州菜新嘗試😎咩嘢係我第一次食？係普寧豆腐呀！本身想點椒鹽豆腐不過話晒食潮州菜 店長即刻介紹有普寧豆腐外層嗰炸粉好脆好輕身超好食本身係比較淡身配埋中間碗蔥鹽水食就即刻吊返個豆腐味出嚟滷水鴨拼盤超巨型嘅拼盤 性價比超高有鴨翼鴨件紅腸豆腐鴨蛋啲鴨肉好入味豆腐就重豆香夠實淨油鹽水浸花甲花甲嘅份量好慷慨 冇沙放心大啖大啖食有好多芹菜胡椒其實個湯都好好飲啲粉絲就吸收晒啲鮮味仲有瑤柱金菇扒菜心個芡汁做到好有鑊氣用嚟撈飯一流 菜心好腍好清甜呢度一共有兩層不過去到八點都已經座無虛席想食就記得訂位啦裝修好有格調原來呢間店之前喺長沙灣嘅搬咗嚟九龍城四個月見有好多熟客特登過嚟幫襯

潮薈館主賣潮州菜，舖面裝飾光鮮整潔。韭菜豬紅 此菜式可以選擇鵝紅或豬紅，豬紅切成正方形的不易散開，豬紅入味爽脆。鹵水鵝片 潮州菜少不了鹵水鵝，鵝片連皮切成一大片的，厚薄適中，十分工整，皮下脂肪不多，肉質略瘦，鵝味到位，不見腥膩。鵝片下面放有豆腐，嫩滑入味。金銀蛋浸時菜此菜材料豐富，皮蛋鹹蛋肉碎炸蒜佈滿菜面，芥蘭斜切，入口爽脆幼嫩。蠔仔砂鍋粥潮州粥不似廣州粥的煮到開米花，反而近似湯飯，飯粒一粒粒完整的。蠔仔份量下得不少，細細粒脹卜卜的。清心丸綠豆爽綠豆爽乃去衣開邊綠豆，清熱降火，入口微甜。潮州芋泥福果芋泥雖然是加上豬油搓成，但入口只覺香滑，甜味適中，不見油膩，略見驚喜。

餐廳：潮薈館 (九龍城)地址：九龍城福佬村道62-64號福聯大樓地下B號舖喺長沙灣開咗12年嘅潮薈館，啱啱22年8月轉戰過嚟九龍城為一眾食客帶嚟全新面貌😍，門外嘅金漆招牌耀眼奪目🤩，行到入餐廳就見到古色古香嘅裝飾擺設：紅木色枱櫈、走馬燈、畫滿水墨畫嘅牆壁等，唔講以為自己返返去六七十年代嘅古代客棧老闆、大廚以至店員都喺潮洲人，你可以喺度品嚐到最正宗、最地道嘅潮州風味。晚市嚟食飯嘅話記得book位，因為呢度每晚都差唔多Full Booking🤣，可見人氣有幾咁旺盛👍，原來依家仲免收茶芥，坐低就有茶飲、有自家醃製酸菜食都幾唔錯😌✝️招牌鹹菜鮮豬肚湯(例牌) $138例牌嘅份量已經足夠3至4個人分，亦喺全晚最比到我驚喜，同埋我最鍾意嘅菜式💕。胡椒、鹹菜同豬肚嘅味道比例完美，鮮中帶香、香中帶辣，飲落順喉得嚟仲有過癮嘅胡椒後勁，辣度啱啱好唔會嗆喉，爽軟嘅豬肚有成十幾廿舊相當足料，呢排呢個秋冬天氣飲最適合不過❄️✝️滷水鵝拼盤 $158呢個拼盤有滷水鵝、掌翼、蛋、紅腸同豆腐，潮薈館自家調製嘅滷水汁惹味出色，鹹度適中👌，每樣食材都炆煮得入味軟腍，尤其喺鵝香味突出而且肉質鮮嫩嘅連皮鵝肉，非試不可🤤✝️春菜火腩煲

之前食過呢間餐廳，覺得好啱口味，又有好味嘅甜品🤭。今次再去試下其他菜式。✨滷水鵝片158鵝片肉質緊實有彈性，有少少脂肪幾香。滷水汁好香又唔太鹹。✨上湯豆苗138豆苗好細嫩。上湯濃郁仲有少少肉碎幾惹味。✨油泡鮮魷魚 138魷魚彈牙又鮮甜。芡汁有魚露香，又有少少甜味好吸引。✨潮州芋泥 35幼滑又香甜，有少少白果點綴。✨清心丸綠豆爽 28清香唔甜膩，清心丸幾有咬口。📍潮薈館 (九龍城)九龍城福佬村道62-64號福聯大樓地下B號舖

朋友生日，喜歡食潮州菜的他提議到九龍城的潮薈館，一於驅車前往；福佬村道有街錶位，今天運氣好，不一會便等到錶位泊車。開業不久，裝修仍是新蔟蔟的；間隔寛闊，空間感充足，壁畫營造江南水鄉風情。半密閉間隔，可以間房，私隱度十足。三餸一湯，二人聚會，足夠有餘！天氣轉冷，胡椒豬肚湯有暖胃功效。這道湯品調味甚巧功夫，咸酸菜咸度要適度控制，胡椒亦然，不能太霸道，若然不夠味，又令整度湯失色。潮州凍魚可謂潮菜代表之一，大眼雞更是表表者。凍大眼雞多肉少骨，肉質鮮甜，普寧豆醬適度調味，可咸可鮮，自己調控，盡顯潮菜特色。原條大眼雞從中間整齊切開，方便起肉進食；略帶油份的嫩滑感，總是多多益善，百吃不厭。淮山雲耳西芹炒腰果，輕輕調味，更能輕易食到每道材料的原味；西芹爽甜，腰果香脆，淮山清新，雲耳鮮嫩。壽星嗜吃雞，蒸鹹雞甚合口味。蒸咸雞肉質彈牙，吃得出是走地雞；火候控制得宜，保留雞肉原有質感與鮮味。雞肉肥瘦適中，調味也不會太咸，很出色的一道菜式。又一頓愉快的晚餐！

朋友👩‍💻約我喺九龍城食飯，佢好鍾意瓹窿瓹罅搵嘢食，咁我問佢九龍城邊間泰國🇹🇭餐廳，佢話去九龍城唔一定要去泰國🇹🇭餐廳，結果佢👩‍💻就帶咗我喺橫街行咗半粒鐘😅，見到呢間潮州菜館，話不如入去試吓🤩$148「家鄉鹹雞🐓半隻」：「鹹雞」有雞味🐓又有鹹鮮味，雞肉幾嫩滑，好食😆$188「凍大眼雞」：「大眼雞」新鮮、肉質結實😋，大大條都幾多肉🤩，沾好鹹嘅「普寧豆豉醬」，好惹味😋$118「潮匯小炒王」：材料包括「炸脆脆、韭菜、腰果、蝦乾、魷魚、蒜頭」，材料都幾豐富，炒得好香口😆$88「蒜蓉炒芥蘭🥬」：芥蘭菜🥬新鮮，蒜蓉炒🧄簡單好食😆呢度嘅食物份量都幾多🤩，食得我哋飽飽😆

同朋友去開九龍城又唔想食泰國菜, 見到呢間潮州菜館環境都幾乾淨而且價錢唔貴就試吓潮州雙拼($188)揀咗鵝片同魷魚, 鵝片唔會有太多肥膏啱我口味, 魷魚彈牙, 墊底嘅滷水豆腐都好入味汕頭蠔仔洛($108)食潮州菜我必定會叫蠔餅, 呢度嘅調味幾好而且蠔仔份量都算多, 整體表現合格潮式糖醋麵($118)唔知關唔關我哋掛住傾偈事, 個麵擺咗一陣我哋先食已經唔脆口, 但印象中以往喺其他地方食嘅糖醋麵都唔會咁樣, 呢個有少少失望三個人唔太肚餓所以叫咗三個餸加一支啤酒就算, 埋單大約$500. 店員服務態度都幾好而且見你食完都唔會催你走, 間唔中再嚟九龍城都可以考慮吓再食嘅~

呢間潮薈館有別於其他🏮老字號嘅潮洲菜館，佢裝修得好靚🤩，不過都一樣係有🥰好味又地道嘅潮州菜食🤤。除咗🚪門面之外，入面裝修😍亦都充滿嶺南水鄉🛶風情，感覺幾有 feel。店長推薦嘅😋金沙魚皮絕對係👍必食嘅！🐟魚皮鬆脆，咸蛋黃味香濃🥰又唔會太油膩，好食到停唔到口🤤！打冷必點嘅🧆滷水食品，我哋今次就揀咗滷水🦆三寶，入面有鵝片、鵝腸同埋鵝肝。鵝片😋好入味好嫩，鵝腸😍好肥美爽口。鵝肝🤤味道濃郁🤩好滑好甘香美味👍！汕頭🦪蠔仔烙份量十足☺️，蛋香味濃。入面加入咗🍠薯粉所以口感有🤏少許煙靭，🦪蠔仔大大粒好肥美🥰。椒鹽😍白鱔片十分之香口😋。粉漿👍又薄又貼，外脆內軟🤤好鮮甜！

潮薈館今日同朋友喺係九龍城經過潮薈館，就走咗入去食，佢係一間潮州菜館，上下兩層。未嗌野食之前，餐廳會比一小疊鹹酸菜作為前菜，呢一碟鹹酸菜同平時食到既味道都有明顯分別，呢個主要甜味會較多，酸味同埋鹹味反而無咁突出，但係食落去效果幾好，特別開胃。頭盤方面，我地叫咗碟滷水鵝肉拼盤，佢係由滷水蛋，紅腸同埋唔同鵝肉既身體部位組成。滷水蛋同埋鵝肉都好入味，就算唔點酸汁，都食得出好重既滷水味，加埋紅腸一齊食，係一個幾唔錯既頭盤小食。之後我地叫咗一個汕頭蠔仔洛，首先賣相已經好吸引，明顯睇得出廚師有將外皮炸到去金黃色。蠔仔亦都有足夠份量，食落去仍然有鮮味，口感都好唔錯，唔會因為太多或者太少麵粉而令到口感過硬或者太軟身。我地想試吓呢度既湯，所以叫咗一個招牌咸菜鮮豬肚湯，雖然叫咗來湯份量，但係都好大煲，夠晒兩個人飲。湯既味道控制得好唔錯，唔會有太重既胡椒味，豬肚亦都好爽口，加埋鹹酸菜一齊食，味道好夾。係呢個主食度，我地叫咗一個糖醋麵，份量都幾多，炸完之後外層金黃色，口感亦都好鬆脆。加埋糖同埋醋一齊食，酸甜既味道完全唔會覺得呢樣菜有肥膩既口感，亦都越食越開胃。最後我地叫咗一條魚，凍黃花魚配豆瓣醬。即是唔使點醬

潮薈館（九龍城）上星期同老公去九龍城行街街，佢話想食潮州嘢就陪下佢。呢間潮薈館啲嘢食好正喎，款式又多又滋味。 店舖設計古色古香，牆壁上繪了充滿古典味的畫作， 充滿詩情畫意 ，令人有種置身於古代的感覺。1. 鹵水鵝拼盤$158 鹵水拼盤好豐富，有齊鵝片、紅腸、滷水蛋、腩肉同豆腐。每款食材都上曬色，好入味。鵝片香噴噴，肉質扎實， 嫩滑可口。我最鍾意食豆腐，豆腐好滑，而且吸收曬鹵水汁，咬落去爆汁！2. 潮州炒河粉$98 炒河粉好惹味，食得出好有獲氣～炒河粉主要材料有河粉、蝦、叉燒同蛋，依幾款食材炒埋一齊非常香。蝦肉新鮮彈牙，成個河粉食落唔會過油、粉條唔會太碎，非常美味！3. 椒鹽白鱔片$138椒鹽白鱔片一啲都唔易整！白鱔片新鮮爽口彈牙～白鱔片炸過後，表面非常香脆，做到外脆內嫩嘅感覺。另外用上椒鹽作調味，份外滋味。4. 蠔仔砂鍋粥$138砂鍋粥熱辣辣，啱晒冬天食。砂鍋粥材料有蠔仔、冬菇絲、冬菜、大頭菜同方魚。蠔仔份量多，粒粒飽滿新鮮。冬菇絲、冬菜、大頭菜令粥底更香甜、味道更有層次，而方魚就令粥更鮮甜。