潮薈館

營業中

休息中

九龍城除咗食泰國菜，潮州菜都好出名！今晚就試咗新開既潮薈館，裝潢、枱櫈充滿古色古香，連餐具亦印上山水畫，好特別～滷水鵝肉拼拼盤有齊滷水鵝件、腩肉、紅腸、滷豆腐，可以試哂咁多款，好抵食！滷水鵝件鵝味濃、肉質細嫩好鮮香，腩肉肥瘦相間夠嫩滑，口感肥而不膩～樣樣都滷香入味，值得一試！芋蓉香酥鴨外皮酥脆香口，包裹著綿滑芋蓉同鴨絲，咸香得黎層次感十足，正～金銀蛋浸時蔬面頭鋪滿鹹蛋、皮蛋、肉碎，新鮮菜心好翠綠，入口特別鮮甜。凍食烏頭大大條烏頭無泥味，魚肉清甜滑嫩，啖啖肉勁正，沾以黃豆醬同食特別滋味。

九龍城除咗泰國菜館多，我相信第二多嘅就係潮州菜館，除咗一啲老舖，其實都有啲新晉嘅潮州菜館值得一試，今日我就去咗位於福佬村道嘅潮薈館。一坐低首先就有一碟前菜，呢碟酸菜集鹹、甜、酸於一身，令人相當開胃。食潮州菜又點少得滷水鵝片，呢碟鵝片份量相當多，足兩層厚，而且每片餓肉都相對地厚身，絕對係抵食。而喺底層仲有滷水豆腐，入味得嚟口感仍然嫩滑。除咗滷水鵝片，蠔餅都係必點菜式。汕頭蠔仔洛充滿淡淡的蛋香。蠔仔份量相當多，而且每隻都咁肥美飽滿。蝦棗同蟹棗可以雙拼，酥炸蝦蟹棗都唔需要額外加錢。蝦棗口感彈牙。而蟹棗更多一份鮮味。椒鹽鮮魷嘅炸漿唔算太厚，魷魚彈牙。潮州芋泥口感綿滑，甜度適中，更加能夠襯托出芋頭嘅香味，鋪面嘅白果口感變得煙韌，食完感覺甜絲絲。

今晚約左人去九龍城食飯友人搵左間潮菜館😂都好，中島都好耐無食過滷味—————————————————————先嚟個滷鵝拼盤先一碟有滷鵝片 滷豬腩片 滷蛋 滷豆腐滷得入味之餘唔咸唔一定要送飯就咁食都好爽皮身為芋頭控見到有個芋泥香酥鴨😍面頭酥酥脆脆嘅炸衣包住幼滑芋泥芋泥底墊住啖啖鴨絲 芋頭嘅甜 炸衣嘅酥脆 鴨絲嘅咸香三重享受同為海鮮控所以都揀左個海鮮菜式油鹽水花甲大隻又厚肉粉絲吸盡花甲同湯底精華極盡鮮味湯底亦帶有胡椒香可以驅寒🤣主食嚟個欖菜肉碎炒飯一上枱已經有陣好香既欖菜味撲鼻炒飯顆粒分別夠鑊氣 香濃惹味最後試下個福果綠豆爽第一次食又幾好味喎滿滿開邊綠豆加上變得煙韌嘅福果就算食到好飽都好想食多碗😂😂—————————————————————➜ 滷水鵝肉拼 $168➜ 欖菜肉碎炒飯 $98➜ 芋蓉香酥鴨 $118➜ 油鹽水花甲 $108➜ 清心丸綠豆爽 $28➜ 福果綠豆爽 $28

九龍城係其中一個滿載回憶既地方呢個地方除左泰國菜, 仲有好多不同款式既菜系今日去呢間餐廳裝潢非常古典中式牆上面到杯碟都有山水畫潮州菜最出名滷水鵝, 仲有D豆腐墊底鵝片同豆腐都沾上左滷水汁既五香味好食既滷水汁要唔鹹但又要夠味,真係唔易做凍食烏頭魚都幾大條魚肉無泥味配埋黃豆醬, 簡單又好食椒鹽白鱔片脆漿厚度適中, 白鱔片好新鮮咬落去帶皮既部分超肥美欖菜肉鬆四季豆份量超多, 好抵食欖菜切得好細絲, 而且比例亦都控制得好好 清心丸綠豆爽略嫌清心丸太細粒無咬口, 綠豆爽再甜少少比較好

最近在潮州菜關注組常常看到別人推介這間新開 位於九龍城的潮州菜館一於約朋友去試試是否如此出色滷水雙拼自選了滷水鵝片和鵝肝滷水味香醇不會過咸鵝肉肉質細緻不粗糙 滷得夠入味 鵝肝入口軟滑甘香 令人回味香煎九肚魚烙蛋漿包覆住九肚魚 煎得兩面金黃香脆九肚魚去了骨 魚肉嫩滑鮮甜潮陽梅膏骨帶點酸甜的醬汁很開胃咸豬骨芥菜煲加入黑椒增添香味 咸豬骨夠味又淋滑十月正值芥菜當造 菜味清甜無渣來個飯後甜品 兩款都不太甜潮州芋泥質感幼滑芋香重綠豆爽清心丸夠清香 清心丸有咬口

之前去過長沙灣個間食過都唔錯，知道佢九龍城開左分店，附近有馬鐵站，去依度食飯又更方便。 滷水三寶：滷水味香濃 , 鵝片嫩滑、墨魚鮮味、鵝干豐味多汁入口軟化。胡椒咸菜豬肚湯：湯底濃，加上咸菜同胡椒味好出，酸酸辣辣好醒胃，豬肚都好夠淋。豉椒蒸大鱔： 豉椒汁稠濃，鱔肉好肥味，份量都好多，幾抵食。酥炸蝦蟹棗：蝦肉好鮮甜彈牙，亦炸都好酥脆。蟹棗應該係蟹肉加豆付搓成, 有蟹肉味之餘仲有豆香味， 有個甜酸汁配合，味道幾好。裝修同擺設都好有特色，服務有禮周到。

今晚搵食搵到去九龍城，朋友介紹呢間實力潮州菜食店，看來是家庭形式經營，好好生意，全滿，好彩行快一步，最後嗰張兩個枱我哋攞咗。裝修傳統，有潮州菜館氣氛，所以特別揀傳統菜企。點了四道菜，凍馬友魚最好，很肥，很滑，$178/原條，抵食。酥炸蝦蟹棗共有8粒 $118，外脆內軟。川椒炒雞球該脆的脆，雞肉片大塊，肉質好滑，調味香濃，汁好好味，唔過鹹。最後食砂鍋戲棚粥，裏面好多材料、魷魚、蝦、燒鵝肉、方魚及菜等等，食完飽晒。買單兩個人$640，很合理。

今日黎到呢間超有風味啲潮州菜館，環境裝修好有特色，連餐具都好別緻，重點係坐得舒服又好好氣氛😍好彩朋友一早book左位，晚市時間全場滿🫣應該好有水準😋Menu上嘅菜式全部都好地道🤗見到啲美食已經二話不說叫枝blue girl先，一定要啤一啤🍻滷水雙拼，墨魚配紅腸👍🏻墨魚夠哂彈牙，紅腸又勁耐無食，越食越滋味，下面仲有買滷水豆腐，配埋嗰個酸酸甜甜嘅醬汁，勁開胃😛豉汁蒸白鱔👍🏻魚肉鮮甜多汁，果種鮮味令人食上癮❤️真係一塊接一塊！師傅蒸嘅火喉剛剛好，好好味呢！蠔仔砂鍋粥👍🏻米飯粒粒分明可口，啲蠔仔又係好鮮味，而且一啲腥味都無，隻隻都好好肉地🤩入面仲有好多肉碎，啖啖都超級滿足好食，一定會再黎！

本來居住在九龍城的日子，可以享受各式美食，不過最近傳來噩耗，九龍城區將大規模重建，未來號稱小曼谷的九龍城，是否會淹沒，實在未知之數，不過九龍城的美食實在太多，趁著未搬遷之前，記下每日吃在九龍城吃的美食。歡迎關注，以便獲得最新九龍城飲食資訊。豉汁蒸白鱔$168，豉汁味道香濃，白鱔爽滑彈牙，非常鮮甜，沒有泥腥味。招牌鹹菜煎豬肚湯$138例牌，鹹菜不會過醎，豬肚沖洗乾淨，非常鮮甜，湯頭胡椒味道濃郁，喝完一碗之後，胃部開始和暖。啫啫芥蘭煲$108，芥蘭爽甜，配合蝦醬、蝦米和肉碎，非常惹味，用來佐飯非常適合。潮州芋泥$35，菇類帶有豬油的香味，甜度骰盅，非常正宗的一度潮州甜品。😍清心丸綠豆爽$28，清心丸煙煙銀銀，綠豆蓉入口溶化，甜度適中。福果綠豆爽$28，福果好咁豐富，非常配合綠豆的味道，又是一道正宗的潮州出色甜品。餐前小食：潮州鹹酸菜，酸菜味道適中，作為餐前小食，最為合適不過。

潮薈館 (九龍城)九龍城福佬村道62-64號福聯大樓地下B號舖椒鹽九肚魚$128炸九肚魚真係潮洲菜必吃！佢炸到超級脆卜卜，又炸得好均勻❤️🥳 好愛，十分愛。一碟既份量十分多，我哋兩個人食都就食唔哂，一路食一路配啤酒！真係不得之了，呢個要反兜❤️❤️蠔仔砂鍋粥例牌$138蠔仔粥係好抵食，一個例牌入面有成30隻以上，啲蠔都洗得好乾淨！無沙，亦都好重蠔味👍🏻👍🏻 我哋嗌左例牌都食淨半兜，例牌都好大兜，如果4個人分就夠哂數，下次叫多兩個人去！🥳家鄉反沙芋$108首先外觀方面，芋頭嘅長度，厚度相約，疊放得整整齊齊，賣相唔錯！配合面頭一層雪白嘅糖粒，好有中式甜品嘅氣派。食材方面，芋頭本身好靚，起沙，夠粉，而且芋頭味道好香濃！個芋頭靚到個程度系：唔調味，就咁食都好好好食！所以再配合一層薄薄糖衣增加甜度，簡直係錦上添花。我非常中意哩款甜品！金銀蛋浸時蔬$98今次我哋揀咗小白菜。小白菜煮得夠淋，而且大部份都系完整一棵。（試過有餐廳嘅小白菜菜葉甩左好多，影響口感）湯底唔會過度調味，微鹹，唔會蓋過菜本身嘅清甜味。值得一讚嘅係金銀蛋嘅份量多，夾每啖菜都會連蛋一齊夾埋入口。

💕潮薈館餐廳的中國山水風裝修有詩情畫意，牆身小橋流水壁畫、餐具印上嘅山水畫亦非常吸睛🏞假日6點嚟到已經陸續有客人入座，相當受歡迎🔸滷水鵝拼盤 $158拼盤入面有滷水鵝、五花肉、紅腸、滷豆腐同滷蛋，拼盤好處就係每樣都可以試少少🥢其中嘅五花肉幾有驚喜，肉質軟嫩肥肉入口即融，滷水鵝、豆腐同滷蛋亦滷得入味，另外擺盤花過心思，單憑賣相已加分不少🔸芋蓉香酥鴨 $118手工菜之一，呢味經典嘅菜式已經好少地方食得到，酥香嘅脆皮包住綿密芋蓉同鴨肉，做到外酥內軟，層次感豐富🙆🏻‍♀️🔸金銀蛋浸時蔬 $98好足料，咸蛋皮蛋肉碎鋪滿菜面，白菜仔份量亦唔少，性價比十足

假期前夕，約了位朋友去九龍城打冷，今次就去了這間潮薈館，裝修古色古香，壁畫透出中國風。酥炸蝦蟹棗炸至金黃香脆，蝦棗較彈牙結實，蟹棗中間比蝦棗鬆及腍，兩者裏面都有爽口馬蹄。基本上每枱都必點的滷水鵝，鵝肉滷至入味，略有咬口，肉質結實；滷豬腩肥瘦均勻；另外還有紅腸、滷蛋及嫩滑滷豆腐。蠔餅完全唔腥，鴨蛋炸至脹卜卜，鬆化之餘又有蠔肉鮮味。砂鍋戲棚粥用料豐富，有魷魚、蝦仁、滷鵝及方魚等，湯底鮮甜，海鮮新鮮，充滿潮州粥風味。

潮州妹今晚又去咗九龍城搵下潮州菜食。今次試下呢間新店，試試新派潮州菜館嘅潮州菜夠唔夠地道先。餐廳裝修佈置甚具心思，採用傳統中國風格，牆身是中國山水景色，掛上舊式中國燈籠、古式深色木製餐桌餐椅，配上傳統中國菜壼及餐具等等。令人如置身古代進餐，別具風味。雖然是新派潮州餐館，打開餐牌一睇，除了常見潮州食品、小炒、粥麵之外，較少見嘅例如生醃瑡蚶、生醃蟹、生醃賴尿蝦都有得食。仲有炒薄殼、普寜炸豆腐等等，呢啲直頭係我兒時家庭菜式。《汕頭蠔仔洛》（$108），特別推薦大家一定要試，呢個蠔仔洛是用薯粉開，加上蛋慢煎，入口已經食出不同一般蠔餅。口感較煙靭，蠔仔肥美鮮甜，而周邊嘅蛋香脆，配上魚露提鮮，絕對一試難忘。佢嘅製作方法，令我想起兒時食到媽媽嘅煎蠔餅，製法十分近似，一是用薯粉、二是非油炸而是煎，老實說不是很多地方有。《滷水鵝拼盤》（$158），有鵝片，腩肉片，紅腸，滷豆腐，滷蛋角。滷水夠香夠入味，鵝肉甘香，亦是水準之作。最後忍不住㸃埋個《反沙芋》，雖然呢個芋頭不夠粉香，但發現師傅係糖中混有炒香芝麻粒，大大提升食物香味，功夫之作，可以一試。老闆娘十分好人，知我是潮州妹，見我又鍾意食反沙芋，所以仲請我試

九龍城又唔止淨係食泰國菜嘅，位置於九龍城福佬村道一間新開嘅潮州菜餐廳店面好有潮州小菜館嘅氣氛，側邊會有塊大玻璃見到滷味師傅斬料店內裝修設計有中國古風，茶具特別，有一種置身於係潮州泄頭食飯嘅感覺，好舒服餐廳嘅茶選用類似香片嘅茶葉，飲落清香順滑，有解膩嘅感覺，味道偏清唔濃餐廳菜式都算多款，而且都有唔少傳統菜款同價錢都唔算貴專員今次同朋友叫左4餸1湯，飽到上心口滷水掌翼 $118掌翼好入滷水味，味道唔會特別太鹹，滷水包嘅香料味滲晒出黎入晒掌翼到掌翼份量唔少，店家將掌翼再斬件夠方便食用皮肉肉質嫩滑有彈性口感，食落有脆軟骨唔會過硬附上白醋，沾少少食增加酸味可以更開胃同埋解到油膩感招牌豉油王鮮鵝腸 $188鮮鵝腸好大一碟，鮮嘅鵝腸唔似急凍鵝腸咁煮完就縮起一舊鵝腸嫩口，唔會太煙韌咬唔落嘅感覺長長一條嘅鵝腸每一條都有少量嘅脂肪，對於唔肥嘅人食埋肥膏係福音黎肥油膏超級香鵝油油味，每咬一啖油香就會跟住跑出黎豉油王嘅醬汁唔會太過鹹，油香連埋豉油鹹香嘅味道絕對係要配一杯啤酒汕頭蠔仔洛 $108唔似坊間嘅蠔仔餅，呢到嘅蠔仔洛應該係用雞蛋溝木薯粉一齊煎而唔係油炸餅身挺身唔會太軟，因為煎嘅關係油份比較少，入口亦唔會