影片
更多
2006-11-12
10 瀏覽
上星期五同太太到銅鑼灣Shopping,唔覺唔覺行到成10:00,就去左呢間潮樓食一食佢特價消夜,點知食到一肚氣.一坐低即刻點菜,點了我喜愛既九菜豬紅,老水豆腐,川椒鷄,方魚抄介蘭同一個潮式炒飯.15分鐘後,九菜豬紅同老水豆腐拍住一齊上枱,兩個都唔係好夠熱,不過太餓,算啦.我就邊同太太談天邊食住等其他菜.唔覺唔覺又20分鐘,九菜豬紅同老水豆腐都差唔多食完,見到坐低冇耐的隔離枱果碟好似係介蘭既菜都到左,我正想發難時,那個同潮式炒飯終於出場.好,算你趕到.咁我又順口同阿侍應姐姐追追果個川椒鷄同方魚抄介蘭.又食住等.10分鐘後,阿侍應姐姐兩手空空走過黎同我地講話"介蘭賣哂喎!"吓!!我好驚訝,我落左order成45分鐘先話賣哂??我自己同自己講可能佢地揾哂成個港島區街市,真係揾唔到介蘭先同我話賣哂呢.係果一刻,我正想開口引証我諗法時,太太可能見我面色有變,就快我一步好客氣咁問"係咪剛才冇落單呀,咁川椒鷄有冇呀?"阿侍應姐姐即刻拍哂心口話"有,做近!"講完仲好似G4特功咁手按handfree眼四圍望,好似走難咁急急腳走左去.咁我繼續食炒飯啦,食食下有件趣事發生左喎.有個拿著成叠收費果d夾既姐姐
一坐低即刻點菜,點了我喜愛既九菜豬紅,老水豆腐,川椒鷄,方魚抄介蘭同一個潮式炒飯.
15分鐘後,九菜豬紅同老水豆腐拍住一齊上枱,兩個都唔係好夠熱,不過太餓,算啦.我就邊同太太談天邊食住等其他菜.唔覺唔覺又20分鐘,九菜豬紅同老水豆腐都差唔多食完,見到坐低冇耐的隔離枱果碟好似係介蘭既菜都到左,我正想發難時,那個同潮式炒飯終於出場.好,算你趕到.咁我又順口同阿侍應姐姐追追果個川椒鷄同方魚抄介蘭.又食住等.
10分鐘後,阿侍應姐姐兩手空空走過黎同我地講話"介蘭賣哂喎!"吓!!我好驚訝,我落左order成45分鐘先話賣哂??我自己同自己講可能佢地揾哂成個港島區街市,真係揾唔到介蘭先同我話賣哂呢.係果一刻,我正想開口引証我諗法時,太太可能見我面色有變,就快我一步好客氣咁問"係咪剛才冇落單呀,咁川椒鷄有冇呀?"阿侍應姐姐即刻拍哂心口話"有,做近!"講完仲好似G4特功咁手按handfree眼四圍望,好似走難咁急急腳走左去.
咁我繼續食炒飯啦,食食下有件趣事發生左喎.有個拿著成叠收費果d夾既姐姐走埋我地張枱,放低叠夾,打開其中一個係度睇(係睇夾入面d單喎,唔係我地喎),我以為要收錢,正想開口話"d菜未黎哂喎!"既時候.我見個夾入面有張信用卡,即係張單唔係我啦,再睇睇佢,全程都冇望過坐係度果兩位(即係我地),若有所思咁寫左幾個字係張單度就走左去.佢走左之後,我同太太對望一笑,講左句"咁都有既!"之後只好繼續食同等.
又15分鐘,我個飯食完,我仲有d眼訓tim,唔等啦,咁我揾左另一個侍應哥哥幫我埋單,個鷄唔要啦.阿侍應姐姐即刻衝過黎大大聲對住我地同個handfree講"唔要啦,唔要啦"仲用幽怨既眼神望住我到.不過從佢眼神最深處我見到佢心入面係鬆左一口氣.
結果埋單$90,我一蚊tips都冇比.阿侍應姐姐收錢亦冇講多謝.成間野幾千尺竟然見唔到有個似經理既人,同埋冇意見書比我發表意見.去到門口聽到知客同我地講左聲"Bye Bye,多謝哂"我同太太即刻好有默契咁講左句"No Next Time!"
張貼