潮樂園 (和富道)

營業中

休息中

我對北角的印象就是一個老區,許多人和物都隨著時間而變老, 有點淡黃, 有點褪色,但嘗試放慢腳步去溜躂, 會發現許多好店好物,潮樂園就是一間好店, 值得細嚐.鎮店蠔仔粥 ($42/ 小)潮州粥不像廣東粥般, 綿綿糊糊的, 而是”湯還湯, 米粒還米粒”,所以湯的味道是重要的一環,在某間連鎖式經營的潮州酒樓吃過蠔仔粥, 真是鹹得要命.但這裡的蠔仔粥的味道則剛剛好, 不會過鹹,有匙子一撈, 有數之不盡的蠔仔, 店方有夠大方了吧!而且正值蠔仔當造期, 蠔仔粒粒巨大肥美, 足足有半只食指般大啊!店方亦處理得很好, 蠔仔不會滑潺潺, 或有澀味及腥味, 鮮甜得很!除了蠔仔外, 更有冬菜, 魷魚乾, 芫茜, 蔥等配料,使蠔仔粥的味道相當豐富.之前吃的蠔仔粥是加了方魚, 味道容易變得過鹹,但這裡的蠔仔粥卻以魷魚乾代替了方魚,不知道誰的比較正宗,只覺得我愛潮樂園的多一些,鹹味適中之餘, 多了一份煙韌的口感.小碗已足夠二至三人食用, 夠抵食! 怪不得檯檯都有點呢!紫菜四寶 ($43/ 淨食) 有紫菜, 墨魚丸, 白魚蛋, 魚片頭和魚皮餃,其中墨魚丸, 白魚蛋都是由店方親自製作, 絕不假手於人!墨魚丸用純墨魚製

There is this Chiu Chow restaurant near my place. I decided to take a break from the usual Western food to try this Chiu Chow eatery. There is a vast range of choices from simple fishball noodles, beef brisket rice,curry to marinated goose slices and Chiu Chow cold crab.There is a small platter of appetisers before the ordered items including some preserved vegetables, peanuts and baby clams. They were really good to go with rice or congee.We had the soup which was boiled with some kind of beans

呢日收工都唔知去邊到食野好，男友話帶我食好野喎。是旦啦！反正我又諗唔到食咩好。咁就跟左佢去北角。J蠔仔粥男友話呢到既蠔仔粥一流，必食既野喎，於是叫左一小窩。一試之下，真系好味到停唔到口，廚師調的味道剛剛好，有好濃既海水既鮮味。潮洲卥味食潮洲野點少得呢卥味呀！墨魚片好嫩滑爽口，卥鴨好入味又唔膩。巴基斯坦咖喱雞呢個配白飯食就一流，正式系巴基斯坦咖喱既味道，我最喜愛既，我唔like椰汁味咖喱。春菜腩肉這款菜我自己不太愛食，個人口味。不防式下潮式特色菜。咸菜燜門膳咸菜好好味，一d都唔咸但又有味道喎，只不過唔咸，質感好爽脆。花雕醉猪手賣相好似白雲猪手，但食落有淡淡既花雕味，肉質好爽脆，好正。老闆仲有自家制既辣椒醬，我地仲買左一樽返屋企食。$60/1樽仲有自制魚蛋都無肚食，下次再來食過。舖面面積唔大，分開二間舖。食物品質很好，價錢系街方價。

　　我地由地鐵站大慨用左五分鐘就搵到尼間主要食潮洲打冷,佢餐廳嘅位置係後街,所以唔打醒十二分精神就會好容易錯過啦!! 依家周街都係日式，韓式放題，西餐廳,想拉間食打冷都幾難嫁~估唔到係北角可以搵到~　　尼度嘅豬紅都好真材實料,用筷子夾到落碗都唔散,食落去嘅時候仲好彈牙~而且豬紅吸收醬料的味道,令到豬紅無左一種腥味~　　識食嘅就一定要食滷味啦!!特別係佢嘅鵝片同豆腐.每一塊鵝片大小都切得差唔多,而炸過嘅豆腐加上滷水汁,配埋鵝片一齊食真係一個字:「正」!　　黎到一場梗係要叫番個蠔仔粥啦，蠔仔粥可以話係尼間嘅招牌菜～雖然Ｄ蠔唔算大粒，但係勝在夠足料，無論係蠔，粥，配菜份量都差唔多，唔會話米多Ｄ，但係蠔就少。不過我太幸運了，三個人裏面唯一食到有蠔殼嘅人 ，所以提醒大家食嘅要小心Ｄ，特別比小朋友食嘅時候～　　最後當然唔少得蠔仔餅啦！我朋友見到餐牌上面有寫蠔仔餅，二話不說就即刻落order了...蠔仔餅每塊嘅size都好大,而且蛋嘅香味都好特出!我地每人一塊都要慢慢食先食得曬~不過我就覺得蠔仔餅用得太多油去炸,變相食完成塊就會感覺好膩...但係整體上都可以接受~　　不得不提嘅就係佢嘅辣椒油～原本尼

晚上相約朋友出嚟獵食，聽聞北角一間潮州打冷餐廳好評如潮，而且又夠就腳，一於去試試真偽！一入到嚟已經見到六塊大牌匾寫住餐廳嘅招牌菜：魚蛋墨丸﹑牛坑腩﹑滷水﹑蠔仔粥﹑凍花蟹，頭五項都算係潮州打冷常見菜色。哇，竟然仲有巴基斯坦咖哩，真係估佢唔到。內裡裝修基本類似一般茶餐廳，但牆壁和傢私都很新淨，估計新開張不久。第一道菜當然要試試潮州打冷嘅必食經典菜色一一滷水拼盤（＄１２８）。呢到嘅滷水拼盤分鵝類與非鵝類，鵝類包括獅頭鵝掌翼﹑鵝頭頸和鵝片。非鵝類則多很多選擇，鴨舌﹑大墨魚﹑五花腩﹑豬頸肉﹑豬手﹑大腸﹑大紅腸﹑滷水豆腐﹑滷水蛋…講得出嘅都有。我哋就點咗牛坑腩﹑鴨舌同滷水豆腐，呢間店嘅滷水汁唔會太甜，咸度亦剛剛好。半肥瘦牛坑腩，雖然相片睇落有好多紋理，但一啲都唔鞋口，相反非常之稔同入味，三樣裡面最推薦。鴨舌同樣入味，肉質入口即融，味道方面個人覺得偏咸。滷水豆腐冇影相，但同樣入味又大大塊，冇得輸！黃金煎蠔餅（＄４９），本人一向喜好煎炸嘢，但好多時都食到一嘴油，呢個蠔餅冇呢方面問題之餘外脆內軟仲勁足料，蠔仔超多，點埋魚露真係食唔停口，而且＄４９係有兩大塊！抵食到爆！我比佢９分，若果內裡嘅蛋漿可以再稀少

早陣子身體抱恙，所以想找一點清淡的東西吃。估不到的是原來這個撈麵有蝦子相伴，蝦子的份量還不少呢！雖然鼻子有點塞，未能完全享受到蝦子的鮮味，但總算能吃得到與普通的有分別。魚蛋也真不錯，很彈牙爽口，而且有一種魚甜味。不錯。

昨晚洗面後, 睇真D，發現面上多了幾粒豆豆.誰叫這陣子食得太多了.看來今日要食清D.今天和小朋友去北角返學, 與其放學後午餐.反正今日想食清D, 不如去果間潮州店食粥吧.這是小朋友首次到潮州餐廳.但是當看見店門陳列的凍蟹, 掛著的鹵水鵝及其他的食物,還見到店內有外國人(金髮碧眼), 小朋友有點害怕呢!後來遊說一番, 方肯就範.本身想食清D，加上為了小朋友健康，所以選了粥，魚蛋魚片之類的款式。鎮店蠔仔粥HKD38這次為了食清D, 當然不會放過啦!蠔仔粥內, 除了肥大的蠔仔外,還有豬肉碎和其他配料.單看粥的表面, 浮現一層混濁之物,是否代表蠔仔粥的用料十足？從前在其他潮州鋪的蠔仔粥是很少見到這種現象,大都是整體很清徹, 好少有混沌浮面,米還米, 粥水還粥水, 蠔仔還蠔仔, 肉碎還肉碎, 樣樣分明.現在很多材料都在這碗粥內,蠔仔清甜, 而是粥很有味道, 唔寡.先給小朋友嚐試一口蠔仔粥(扣起蠔仔),誰知小朋友想要更多.當然無問題, 粥很健康, 適合小朋友呢.於是為其舀滿一個小碗,其津津有味的樣子, 已經十分開心.潮州三寶HKD38-生咸菜, 菜脯, 花生生咸菜-經過洗淨, 不太咸, 單食也一流

和友人發現這間打冷店，位於北角內街，店名很有趣便入內試試。隔幾間鋪位也是同一店，所以不怕沒有位坐，適合一大班人。沒有花巧的裝潢，反而帶出樸實的中國文化。牆上貼了推介小菜首先來了開胃的9菜豬紅，它沒有平常食的腥味，反而沾有醬料的微辣，更加醒神。再點了推介的牛坑楠—牛肉很諗很入味，底下還有熬製牛楠汁。而且每塊都有深深的炕紋，絕不欺場！睇下！牛肉上還有一層「骨膠原」，岩晒愛美的女士! 牛坑楠也唔會肥膩痴牙，就可以食多D LA~識食打冷一定要食滷味，我們點了獅頭鵝，夠晒大份，岩晒人多的朋友們開心share…肉也很爽口，配合自製的辣椒油，簡直冇得頂！！老闆話係老師傅醃和斬的，唔怪得一D筋都冇，全是滿滿的肉感唔夠喉黎多碗蠔仔粥，每啖粥都係鮮甜的蠔仔，性比價高！粥底也不會太稠，夠清甜^^最後仲點了一碟春菜，有D似大頭菜，賣相不太突出，味道還可，只是瘦肉的比例太多，最後都食唔完。建議可將肉減少，配合港人口味。

今晚同個女做完天灵，經過北角和富街有間"潮樂園"。比佢隻蟹吸引咗入去。點知入到去先知d蟹留晒比客人。有點兒失望。不過唔緊要啦！因為店舖仲有好多好嘢食。滷水三拼: 滷水鴨，味道一般滷水鵝片，切成薄薄一片，滷水味濃郁，肉質唸，唔會黏牙滷水墨魚，肉質彈牙，爽口蠔仔粥，蠔仔大大隻，入口咀嚼時蠔仔"卜"一聲d汁彈晒出嚟，加埋芫茜&唐芹，真係好正，好好味。我一個人食晒成碗蠔仔粥(正常係3-4人食的)由於亞女唔鐘意食粥，所以叫咗碗紫菜四寶麵比佢食，有2粒魚蛋，2粒魚皮餃，2粒魚片頭, 當然仲有好好味嘅紫菜啦!除咗麵"淋"咗少少。d丸都好彈牙。老板話係自己打嘅。蠔餅，粉唔會太多，好有蛋香味，蠔仔都係大大隻，又唔會煎過時，啱啱好最後，由於辣椒油太好味，所以叫老板平d賣一樽比我。今晚呢餐潮州菜，雖然唔係食咗好多嘢(因為得2個人)，但好滿足。埋單連埋樽辣椒油都係234大元。低食。

上星期放工約左朋友去北角食飯，天氣咁熱吾知食咩好，朋友話想食啲特別啲開胃啲嘅野，行到和富道見到呢間潮州食店，好似係新開冇耐嘅，就決定一試。我地一行四個女仔都算大食，叫左5樣食物。韭菜豬紅一端上枱已經聞到令人唾涎嘅香味！醬汁非常香濃惹味！！食得出有多種調味料和香料炮製！！老闆說是由幾十年的老師父煮理，保證外面食唔到！微辣但香味十足！！我哋忍唔住叫咗一碗白飯黎捞汁食XD  豬紅口感十分香滑 QQ哋有小小似啫哩牛坑腩呢個真係必食！真心推介好食！非常入味，有咬口之餘一點都吾韌！輕輕一咬就斷開，夠晒鬆軟，多汁仲唔痴牙！底層嘅白蘿蔔同樣出色，煮得好入味，軟硬都啱啱好，又夠清甜。令人一試難忘，食唔停口。鎮店蠔仔粥非常足料，每一羹都充滿蠔仔，而且大量的莞茜和葱粒令粥品更香更出色！配合得十分得宜。粥底做到正宗潮州粥風味，吾會好似廣東粥咁棉而係會食到一粒粒非常香軟嘅米飯。因為非常足料，配料提味恰到好處，蠔仔粥非常鮮甜美味，想一食再食。黃金煎蠔餅金黃色的煎蠔餅一上枱，大家都忍吾住想馬上嘗一口！蠔餅煎到金黃香脆，賣相已經非常吸引，咬開蠔餅發現裏面除了蠔仔之外仲有香蔥同莞茜，難怪咁香口美味！大家唔需要擔心生粉太

住在北角有時都覺得幾幸福，因為周街都有好嘢食。來到和富道，有間叫<<潮樂園>>的餐廳。從門面看就知道是吃潮州打冷鹵味的地方。一入店內地方不算很大，不過都算清潔，整齊有理。坐低就叫了柸我最愛凍咸檸七。大熱天時，爽~再來<<潮州三寶>>咸生菜，菜脯，花生。個人認為呢碟嘢用來食白粥已經無得輸。咸生菜，菜脯都略咸，非常開胃。不過我點的是<<顉店蠔仔粥>>，蠔仔份量很多，很鮮味。蠔仔煮得又不會太熟，口感又嫩又鮮。因送來時熱辣辣，食到我興恰恰，好鍾意呢種感覺。<<花雕醉香豬手>>，入口會感受到很重的花雕味，很香。而豬手入口彈牙有肉又不會太乾太硬。不錯，值得推介。再叫了<<淨大黑魚>>，口感彈牙，不會有膠感。底下再用似炸豆腐片墊底，炸豆腐片不會太軟太易爛，但入口尚算滑。

今日北角區做完嘢，再次返嚟依間打冷鹵水小店！ 老板好人又好客，竟然認得我，而且仲好熱情咁叫我試吓佢哋新出品！咁我自己一個自私食叫咗好幾樣餸！《韭菜豬紅》喺新出品！吓？點解喺新品，不嬲打冷潮州店都有個喎！原來佢哋應其他客人要求，所以先推出，一向都冇做！不過坦白講，我對豬紅真喺怕怕，好怕個種腥味！但試咗第一嚿後，發覺味道又唔似一般咁難以入口，相對果種腥味冇咁濃烈，反而味道啱啱好！ 而且夏天食濃味嘢都幾難頂！第二樣自私餸喺《鹹菜門鳝魚》！依個鹹菜喺自家製，味道鹹得嚟唔算濃，更加無果種鹹到“乸”喉嘅感覺！用返佢哋打開魚蛋嘅門鱔，肉質結實而有口感！《潮州三寶》送咩最好？ 緊喺《白粥》啦！依到嘅三寶有生鹹菜、菜甫同炸花生！夏日炎炎食啲酸酸鹹鹹嘢，真喺非常開胃！我自己唔好食粥都成碗食哂！夏日炎炎真喺食龍肉都無味！依到老板好人又願意聆聽客人意見，真喺食客之褔！一人自私食價140蚊，我就話抵食！

本身自己唔係潮州人, 但卻對打冷有一種不可言喻既情懷, 呢種感覺源自於一個童年回憶--細個果時爸爸媽媽成日話帶我搭丁丁去北角打冷, 但講左好耐都因為工作太忙去唔成, 有一次我終於忍唔住開口問佢地, 可能由於唔知打冷到底係咩一回事,結果將打冷講成打丁, 呢個笑話至今仍被父母掛一在口邊. 其實打冷對於我和朋友來講比較陌生, 通常聚會就會去吃西餐, 東南亞菜, 日本菜和甜品, 對上一次和朋友打冷是朋友的家人開了潮州菜館, 邀請我去品嘗。而今次, 則是一位朋友, 祖籍潮州, 心血來潮想搵我一齊打冷. 我上網看了一下, 都係想搵間近北角的店鋪, 打算吃完行逛下春央街, 重拾兒時回憶。最後找到了這家潮樂園, 正好位於春央街後面兩條街。一踏入門口給我既感覺是裝修光鮮, 米色的主題和柔和的燈光溫暖得有家的感覺. 連朋友都讚賞它的燈光明亮而不刺眼, 加上木造的牌面刻上文雅的書法寫成的招牌菜, 很有復古特色, 増添了吃潮州菜的氣氛.店內員工相當熱情, 突發其想: 他們不知是不是全都是潮州人呢? 因為佢地熱情得來有一股親切感, 絕對不止是服務態度甘簡單.坐下來看看餐牌, 邊打量店內環境, 稱得上光明几淨,

男朋友話好耐冇食過潮州野，今日專程拜訪一下北角近期人名既潮州滷水小店潮樂園。其實我有好多潮州野都唔好，但男人想食，咪就下佢囉！ 舖頭環境唔算富麗堂皇，但勝在燈光光猛，乾淨企理。舖頭唔算好大，所以有D壓迫。不過出奇係已經晚上8點，依然有好多客人進進出出，都幾全場滿座。 一向懶睇餐牌既我，一入門口就見到搶眼既SIGNITURE DISH ON THE WALL 就知道有咩正野食，可見老板好識銷售！ 雖然睇到餐排咁多選擇，最後我只係揀左魚蛋、蠔仔粥同滷水拼盤三併。依個手打魚蛋賣相唔算特別，但口感真係幾爽口彈牙，唔似出面用機做既咁硬！而且食落都幾有魚味，真係真材實料，而且又冇魚腥味！ 蠔仔粥真係讚，勁多蠔 。一向唔食蠔既我，都算左幾啖，而且仲食上隱添 ！蠔仔食材新鮮，非常好鮮甜，冇腥味。雖然唔知出面果d 係咪都係咁既味道，但一向唔食蠔既我，一見到都會啱食同想食！依個蠔仔粥真係用料十足，除左有大大粒既蠔仔外，仲加入魷魚，煙煙靭靭，口感豐富。推介推介 滷水野講真唔太愛好，不過依到既滷水味道唔算太濃郁，又唔係好鹹，非常適中，都算易入口！當中我認為個鵝片係最好食 下次

若果不是在炮台山工作, 也不知道這裡有不少美食. 前幾日就趁做療程前有時間, 先去了潮樂園食少少野.入到店內, 見到牆上掛了這幾幅句子, 就知道這裡有甚麼出名. 其實我好想試下這裡的卥味, 但因為得自己一個人食唔晒, 唯有留待下次.最後點了牛坑腩魚蛋河粉和招牌醉香鴨舌.牛坑腩魚蛋河粉上枱時, 我的焦點已集中在牛坑腩上.牛坑腩份量不少. 每一件也切得好靚, 可見師傅的技巧.每件牛坑腩肥瘦分怖有條理, 中間部份瘦, 而上下連住一些肥. 牛味不俗. 最重要是夠腍, 不會覺得硬和乾.想惹味一點, 可以點佢地自家制的辣椒油和辣椒醬. 魚蛋是自家制, 幾彈牙, 又幾有鮮味.河粉幾滑身.再試埋小食招牌醉香鴨舌.鴨舌浸滿了酒, 入口有酒香味, 不會太勁, 幾香醇. 單食一碗粉有點不夠,加上這個小食, 是不錯的選擇.