潮丸 (已結業)

一個人過了午飯時間在尖沙咀「揾食」，路過這間食粉麵的舖頭，被這兒的新派裝修吸引了。不知這店的潮字是潮州的潮還是潮流的潮，我覺得是店主玩「食字」。落單是由顧客在過了膠的餐單上以白板筆自行加✔️，這種方法方便又環保。我點了魚三鮮米粉，我最欣賞的是可以自行選擇配料：冬菜、蔥花、芫茜和芽菜，我覺得食粉麵加冬菜是很傳統的食法，而加芽菜也不用加錢！也許此店始終是在遊客區，餐牌中英並重之餘，連粉麵的選擇也有圖示。其實凡點粉麵或飯一碗均附送免飲品一杯，但我加了$8轉了飲特色飲品：話梅柚子梳打特飲，其實就是柚子蜜加梳打水，話梅的味道被濃濃的柚子蜜蓋了，但比起飲凍奶茶、檸茶好味。這裡還有多款小食如炸鯪魚球、炸牛丸等小食，但我想食多一點菜就點了是日油菜，是芥蘭，最欣賞的是他們會把蠔油另上，我可以自行按喜好「控制」食蠔油的份量，更不會有面層太多而底層太少的問題。至於麵食，湯底好味，魚蛋和魚片頭都很彈牙，而魚餃大大隻也很出色。麵食用一個木製小托盤上菜，有點日式拉麵感覺，賣相很好，托盤上有一隻小碟供客人放辣椒油用也是細心的。這裡有三種辣椒調味品：黃燈籠椒的辣醬、紅燈籠椒的辣醬和傳統辣椒油。表面上這是一間新派的食店，

咁岩經過門口都唔覺係1間粉面檔, 真係估唔到原來粉面檔都可以咁靚~~ 令我絕對改觀!!地方靚,野食都唔差WO~~~今次試既都係店舖推介既野食~~ 首先當然要試下最出名既"自家牛三鮮"啦~ 配左米線. 三鮮分別有牛腩,牛筋,牛肚.. 樣樣都整得好入味好好食~~ 湯底都好好飲, 唔會重味精既味...另外就叫左個飯~~ 全部都係"老"水野黎既~~ 好入味, 每樣都整得好林好易咬.. 而且都好多汁夠哂撈飯..小食就叫左炸雲吞同牛三鮮既淨食, 雲吞炸得好好. 完全冇油味亦冇多餘既油份~~

放工好肚餓但月尾又無得食太豪了，選了附近一間食麵食既，估唔到好有驚喜wor!餐廳新開不久，非常新淨，位置寬敞，絕對唔係平時食個d 米線店勁迫。第一印象已經好ok!餐單一目了然，好快就同朋友落單了。自家牛三鮮-三鮮有牛筋，牛爽腩同牛肚，份量好多，基本上舖滿左個面睇唔到啲麵。牛筋淋稔，入口即溶，牛肚爽口彈牙，配合腩汁非常配合，牛爽腩肥瘦分布一半一半，呢個比例係最好食，唔會過於難口又唔會太肥膩。招牌滷水拼盤-有滷蛋，豬腸，滷豆腐，腩肉同豬手。上枱一刻我地都呆左，估唔到係咁大咁多，豬手兩大隻，其他每樣各4,5件。好彩既係真係滷得好入味，食下一件食下一件都差唔多食哂！生炸雲吞-招牌菜式，果然炸得好香口又唔油膩，包住大大隻蝦，呢d 香口野真係會食唔停，好快就食哂了。咸檸七-自家制咸檸七，好飲解喝！一定有下次，糧尾又想有要質素就簡呢間啦。

一向去開尖沙咀剪頭髮，又要遷就星期六日放假時間，同時又要配合髮型屋的 Booking，結果今日就「被安排了」下午五點這個尷尬時段。早了一點來到尖沙咀，就在附近找個地方食個下午茶，想起已經有一段時間沒有食牛腩粉麵，上去 OpenRice 查一下，附近就有兩間牛腩粉麵舖，一間港式清湯及咖喱口味，另一間則是非常普遍的潮式口味。走到現場視察，潮式口味的那一間門面裝修新派、年輕，完全不似一間傳統潮州粉麵店，決定就幫襯「潮丸」。初初見到藍綠色的門面，真的以為是一間越南牛肉粉店，看見招牌才肯定是一間潮州粉麵店。另一個令人懷疑的地方，就是餐廳門口旁邊缺少了那一個標準的滷水牛腩粉麵半開放式廚房。問問年輕老闆，店舖的年輕形象是刻意營造、以求打破固有潮州粉麵店框框。整體感覺的確更光鮮企理，就算是室內裝修及佈局，也反轉了傳統潮州粉麵店的形象，空間較寬敞、裝修也摩登。至於粉麵款式，則與傳統潮州粉麵店出品沒有大分別、也沒有什麼驚喜；四周牆壁貼滿了大大張招牌粉麵照片，一目了然。點餐方法採用半自助形式，省卻了夥計落單的過程，某程度上可以減少鋪面人手需求。醬料方面有少少突破，除了必備的潮州辣椒油之外，尚有紅燈籠椒醬及黃

每個人，總有點私人時間，那些"me time"，我想特別是已婚男人，最明白的事吧。 放工通常會到銅鑼灣或尖沙咀轉車，然後，有時一個人冇飯局的夜晚，總會在附近找個地方靜靜地坐下，吃個簡單晚飯。 特別是有一些餐廳，一個人可以吃，又不適合一班人朝聖，你自己一個就可以享受一段美好的晚飯，何樂不為。 好像今晚，我又來到了這條街，看到在網絡上非常人氣的潮丸，別人都說和對面的牛芳百世有點相近，因此愛牛如命的我，決定入去一試便知龍與鳳。 牛三鮮是這裡的名物，三鮮包括牛爽腩，牛筋，牛肚，能夠一碗麵可以試吃不同的部位，又只是$55，當然想也不用想便點了。 以價錢來說，對面的牛芳百世來得好像貴了一點，而且這裏的配套，裝修，員工等等好像也比對面略勝一籌。 不用十分鐘便有得吃。 先飲一口以牛骨煲的湯，清甜帶點牛香，絕對是不錯。 先吃牛筋，骨膠原滿瀉，筋位也帶有彈性，配合牛湯的洗禮，是大路水準。 牛肚是金錢肚，片片都有絕佳口感，可惜太少了，如果有多幾塊，絕對更好。 牛爽腩是絕佳的享受，腩位味濃肉質一點也不韌，是三樣中最出色的。 河粉一如平常的爽滑，當然不能和嘉麗園同日而語，但在市區吃到一碗整體不錯的牛

早幾年係咁開藥房既金馬倫道 家下終於叫正常番，開番好多食肆 是日要去做 YOGA, 之前快手食個河粉先 就咁睇面門，你真係好難估佢係食河粉的~ 入到去，更加覺得唔似喎 食河粉一直俾人既感覺都好老店，好傳統舊式，一係就茶記囉~ 好似呢D咁新式的設計，點睇都聯想唔到係食河粉~ 食河粉，個辣椒好緊要 (對我黎講) 呢度既辣椒都好干淨整齊咁放係枱面 食都食得安心D (舊式個D，你懂的) 辣椒醬都有3款, 除左傳統的辣椒油外，仲有紅椒醬和黃椒醬 2者比平時的辣椒油多左一份蔬菜的清香 我尤愛食黃椒醬，特別清新口感 跟餐加錢可以加野飲或特飯 柚子蜜加話梅 叫左少冰 但都仍然咁多冰 @@ 柚子蜜幾香，都算濃 話梅味就唔係好出到，可能凍水既關係囉～ 主角黎啦～ 是日叫左秘製豬三鮮（豬肉丸﹑腩肉和扎肉) HKD 55 再追加左2粒招牌 牛丸 （+15蚊) 超級大的一碗~ @@ 冬菜，蔥花，芫茜，芽菜可以要求大量，我最鐘意 豬肉丸外型唔算特別 比起牛丸細一半，但有好濃香的豬肉味, 肉爽彈牙 腩肉都真係幾肥美 期待佢會有滷過的濃味，不過就無囉~ 有豬肉味，但肥肉唔算特別爽 食越式扎肉就食得多，

尖沙咀搵好嘢食， 一個人去到尖沙咀， 諗住食啲平靚正，本身諗住食車仔麵， 但係見好多人排隊，都係放棄。 其實都只係食碗麵， 應該有好多選擇，果然畀我搵到間新嘢食。先黎特級牛丸王米線， 牛丸王手打超級彈牙又爽口， 牛肉味十足， 冇諗過牛丸都可以咁好食，網上果然冇介紹錯。 但係其實最估唔到嘅係佢嘅辣椒油， 三種唔同口味 紅椒， 黃椒，同傳統辣椒油。 辣味十足， 味道豐富。生炸雲吞王， 超級好食，蝦肉又夠曬彈牙。 一客有六隻， 雖然計返成十蚊一隻，係貴少少， 但係好食嘅嘢係值得嘅 ，不過下次要搵人share ，一個人食曬太多了，同埋太熱氣。下次約埋朋友帶佢嚟食新嘢

課後與同學前往尖沙咀吃東西， 下午茶時段， 和朋友吃一頓美好的下午茶。我點了一碗秘製豬三鮮米線， 內裡有三種不同我豬製品， 包括腩肉，扎肉和豬肉丸。 當中腩肉最出色， 肥瘦均稱，製作時間充足，十分入味，美味萬分。小食方面，招牌鹵水拼盤， 入面有大腸，鹵水豆腐，鹵水腩肉， 鹵水蛋， 鹵水豬手。 鹵水味比較鹹， 但係配合埋隻蛋，其實就啱啱好。如果隻蛋可以流心嘅，真係會更加出色。另一個係隻豬手，完全冇諗過咁林，蚊嘅時間完全足夠，骨膠原超級重， 食完之後成口膠著。有緣再食過。

而家天氣涼涼地,食番碗湯麵暖下佢都幾好!於是捉埋位同事一齊去試下先!搵到尖沙咀呢間潮丸 感覺新潮！試試佢！先點個招牌滷水拼盤有豬手, 豬腸 ,腩肉 ,豆腐 ,滷水蛋。都好足料，味道都唔錯,滷水味都夠濃，幾開胃!淨係睇呢個頭盤都知呢間嘢衰極有譜,起碼無揀錯先!再點左自家牛三鮮 牛爽腩 牛筋 牛肚 河粉多蔥花 多芫西大大碗又足料，湯底又正！牛三鮮真係好新鮮，非常暖胃,抵贊!食飽飽之後再叫左杯梅柚子蘇打特飲 ,呢個時候大大啖飲落去,激爽！！

天氣轉冷，一個人的晚餐就一定要食番過暖笠笠嘅湯麵就爽！沿路經過一間新開嘅粉麵舖叫潮丸，一於入去試試。一入到去都幾現代下，自己填紙仔入單，幾好!先叫左個小食-生炸雲吞王炸到卜卜脆，好足料好爽口，點埋泰式辣醬，勁開胃!然後到主食叫左個招牌主打湯麵潮州魚三鮮 （魚旦 魚片頭 魚皮餃）有幾款麵可供選擇 河粉 米粉 生麵 米線或淨食另外配料選擇有 冬菜 蔥花 芫茜 芽菜最特别係仲可以另外追加,都幾搞笑!另外在叫左杯話梅柚子雪碧特飲,食完飯暖笠笠飲番啖冰凍特飲,好正!

邊個話食傳統嘅潮州粉麵一定要係大排檔？喺尖沙咀金馬倫道新開左一間裝修都幾前衛的潮州粉麵店，入面嘅裝修簡約得來，又不失港式風味！難得今晚同男朋友收工經過，就入咗去試吓。小店選用餐單形式點菜，除咗一般方面之外，還有王牌飯裏選擇。而小食都是以煎炸食物為主。而我在眾多選擇中，選擇了豬三鮮河粉。裏面除咗有豬肉丸之外，仲有扎肉同豬腩肉，而在粉麵還有潮州嘅冬菜、芽菜、蔥粒及芫荽，好香口。豬腩肉滷水入味，豬肉丸也很彈牙，而湯底不是真係有味精，未算鮮甜，但可以接受。在枱上還有一些潮州粉麵獨有的調味料，好似黃燈籠椒、紅燈籠椒及辣椒油，辣椒油應該是自家製炒香，麻香十足，而我最鍾意就係嗰啲辣椒油渣！加入粉面簡直將味道昇華到另一層次。話梅柚子梳打話梅原粒奉上，所以本身嘅味道唔太出，不過要讚一句即係好夠凍！ 臨走嗰時仲比我發現有下午茶餐牌，相對來講下午茶更加抵食，喺尖沙咀返工或者行街嘅人一定要黎試吓！

很有誠意的店。來了兩次，試了秘制豬三鮮米線和自家牛三鮮河粉。扎肉非常好吃，很有咬口。牛三鮮的牛腩酥爛入味，一點不差於以吃牛腩馳名的食店，醬料選擇也多，唯一要批評的是兩次的飲料。第一次點的檸檬茶，檸檬帶點苦澀，茶用茶粉開，味道不太好，這次的檸檬水的檸檬也帶苦澀味。食物價格合理，不收服務費，下午茶很划算，正常size的量但連飲料只需要48。老闆人很好，關注食客需要。但估計老闆要求也很高，細節做得很好，送食物到客人面前都用跟店面設計很夾的小托盤，靠近廚房放置餐具的地方也非常整齊。店內裝修簡潔清新，很喜歡吊燈的燈罩。唯大部分座位沒有靠背，所以不適宜飯後慢慢聊天。

同朋友行完街，有少少肚餓又唔想食太多，見到有間裝潢唔錯又夠乾淨既粉麵鋪就入左去啦。朋友嗌左碗潮洲魚三鮮，入面有魚蛋、魚片頭、魚皮餃，朋友話都幾新鮮，唔錯。我自己就嗌左碗秘製豬三鮮，入面有豬肉丸、扎肉、腩肉，個人黎講最鍾意豬肉丸夠彈牙，另外份量都食得飽。生炸雲吞王，入面有成隻蝦，足料之餘又夠脆，岩哂我口味。生炸墨魚丸話梅柚子雪碧特飲幾特別既野飲，有粒話梅係入邊浮下浮下。咸檸檬雪碧特飲食飽要飲返啲有氣既野鋸下，又咸又甜好過癮。

香港係美食天堂呢樣野相信好多人都知，遊客黎到香港，好多時都會話一定要食魚蛋粉，而呢樣野肯肯定係最能夠代表香港的美食之一身為土生土長的香港人，魚蛋粉呢樣野真係由細食到大，小時候無咩零用錢的時候會食，大個左糧尾會食，甚至會因為掛住而食，呢一個飲食潮流，仿佛咁多年黎，一直都無變過，仍然係好多人心目中喜愛美食之一魚蛋粉店鋪俾人的印象，應該都係無咩裝修，地下可以隨便搵到一兩張紙巾那一種，好似「潮丸」有裝修得黎又整潔的，真係少之有少，做生意最怕墨守成規，要突圍而出，總要花一點心思揀好食物就自己動手寫上點菜紙，再交俾店員就可以等食，最特別之處就係可以自己揀蔥花、冬菜同芽菜的份量愛食辣的人士有福了，我都真係第一次見到黃燈籠椒辣椒醬，另外仲有紅燈籠椒同辣椒油，我唔執輸三款都試晒，辣椒油係最香，而黃燈籠椒辣椒醬就係最辣，個人認為食粉麵最不可缺少的就係辣椒醬牛三鮮 ($55) + 墨丸王 ($15) 牛三鮮整碗份量好大，有金錢肚、牛爽腩同牛筋，全部都炆得好入味，牛筋同金錢肚都夠晒淋，牛爽腩肥瘦分明，有少少牛筋連住，咬落去就更有口感，墨丸王為自家製手打，食落絕對無咬麵粉的感覺，實淨而且墨丸味濃滷水拼盤 ($7

朋友去完尖沙咀做facial之後，肚仔餓到不得了，所以即刻搵個地方醫下肚！ 呢間主打食潮州粉麵嘅店個名好得意叫做潮丸，英文叫「Chiu Ball」, 我同朋友都覺得好吸引，所以入咗去先！ 重口味人士有口福😍呢度有紅燈籠椒❤️黃燈籠椒💛同潮洲辣椒油選擇🌶店員極力推介紅黃辣椒，話落少少已經好夠辣，試過之後果然真係好犀利，千祈唔好錯過啊！ 呢度嘅粉面非常個人化，🍃冬菜、蔥花、芫茜、芽菜可按個人喜好挑選所想份量😍 店內嘅丸類同肉類等等都係自家製嘅，水準不容置疑。 🍜潮洲魚三鮮🐟（$55）米粉 👉🏻魚蛋、魚片頭、魚皮餃 ㊙️製豬三鮮🐷（$55）米線 👉🏻豬肉丸、扎肉、腩肉 🍡生炸墨魚丸（$30） 墨魚丸一份有三粒，就係之後味道非常香脆可口，好吃！ 🍤生炸雲吞王（$65） 雲吞一份有六隻，包住原隻嘅鮮蝦同新鮮嘅豬肉，外皮香脆又好味，配上泰式辣醬一齊食更加美味呢！ 飲品都非常有特色，我同朋友都揀咗唔同嘅飲品！ 🍯話梅柚子雪碧特飲（$22） 🍋咸檸檬雪碧特飲（$22） 酸酸甜甜，解渴又成為，是夏天的消暑佳品呢！