潮丸 (已結業)

晚飯時間在尖沙咀window shopping，閑逛之間發現佐呢間裝潢很新朝，但原來係賣魚蛋粉麵既餐廳，見肚子都有點餓，就決定一試。餐廳位於金馬倫道，位置方便，所以人流都幾多，我差不多7時到達餐廳，餐廳已經滿座，要稍微等5分鐘才能安排入座。餐廳既裝潢都幾新，打破平時我對雲吞麵店的形象，最少沒有了滿地的紙屑，沒有了年邁的伙記，沒有了光殘殘的燈光；換來的是新派的裝潢，年青的店員，會查齊的佈置。雖然裝潢新派，但餐廳只接受現金或八達通，還未能使用信用咭找數，但回心一想，一般的雲吞麵店只收現金，這裡能用八達通結賬，現算是十萬個方便。細看餐牌，餐廳主打三款「乜都有」既大碗麵，包括牛，豬，魚，三款既配搭都好吸引，而小食方面，就有各式炸丸，和滷水拼盤。落單紙，揀好佐先俾店員，唔駛急，同埋減低佐落錯單既機會。比較特別既係呢度既辣椒醬有3款，包括辣椒油，黃燈籠椒，和紅燈籠椒，在辣度方面都幾多元化。咸檸檬雪碧特飲 $22原裝枝裝雪碧，飲落更多氣更爽，不過枝裝份量就比罐裝少d。秘製豬三鮮河 $55最後我揀佐「豬」既項目，豬三鮮包括豬肉丸，札肉，和腩肉；每款有2件/粒，由於係餐廳自家打自家制既緣故，食落真係好好

喺附近做完苦力梗係要好好慰勞一下自己，金馬倫道都算係尖沙咀嘅中心地帶，忽然見到一間好有西式品味嘅餐廳但係價錢好合理係食中式魚蛋粉之類嘅嘢。喺附近食中式粉面嘅一般裝修都非常簡陋而且座位不舒適，見到裏面環境咁闊落，最尾都揀咗呢度做落腳地。店員向我推介牛三寶，都有好多唔同類型嘅牛，首推好似係牛丸，我嘅牛三寶個三樣裏面竟然冇牛丸，所以就加左少少錢要兩粒牛丸，變成牛四寶好多個人化設定，例如可以揀選自己喜歡吃的粉麵，配料亦都有得選擇多與少或者唔要，鍾意食蔥同埋芫荽嘅我就叫左好多，亦不需要加錢。終於上嚟，有牛肚，牛筋同埋牛腩⋯每一樣嘅味道都好好，牛肚有彈性爽口，牛筋完全好林唔需要用力咬，牛腩脂肪比例適中香氣十足，湯底亦都好有牛嘅味道，當然選擇嘅米線份量亦都好適中，配搭起上嚟食完啱啱飽唔會浪費食物。加多杯檸七，爽！味道滿意，價錢都適中，好推介大家經過尖沙咀唔知食咩好可以揀佢。

身為潮州人應我都好鍾意食潮州嘅嘢食，上網見到呢間餐廳嘅店主都幾熱心，而且佢丸係潮州專登運送返香港，覺得年輕人都幾有熱誠。經過呢度就去試吓啦！我哋叫咗個豬三線米線，一邊我哋叫咗多冬菜、多蔥、多芫荽、多芽菜。好似餐廳可以自選咁樣去多啲幾樣配菜，但係呢度真係好大方平時我都好鍾意係咁叫配菜令到成碗面更有風味。豬肉丸，扎肉，腩肉都令過足口引，入邊嘅肉丸有肉汁，而且都有豬肉嘅味道，除咗彈牙佢仲有好香嘅味。另外腩肉同埋扎肉都整得幾好。另外都叫咗個小食自家牛腩燴，入邊有好多種唔同牛嘅部位而我最鍾意食嘅就係牛腩，牛腩炆咗好耐，所以入邊有牛味之餘而且好軟嫩。另外仲叫咗炸雲吞，平時出去都勁鍾意食炸雲吞，貪佢出邊脆口入邊就充滿蝦同埋豬肉嘅鮮味，呢度都炸得唔錯。朋友叫滷水雜錦薈，雖然我冇食佢嗰個但係都聞到滷得好耐嘅香味。小店嘅店主加油都感覺到你哋好有心機好年青嘅後生仔，加油啊！

今日路經金馬倫道見到有裝修幾時尚的粉麵店，時間只係12點半已經有人排隊啦，我估計應該唔錯。餐廳座位約有三十個，坐得比一般粉麵店舒適。而這間店的粉麵有大路的牛丸、云吞、牛腩墨丸等等，中價定位，由$50起跳，小食$30，飲品$16-$22，比翠華再貴少少。所以食碗粉加熱飲都起碼$71-$86， 價錢直逼曰本拉麵。自上週試過麻麻地的$99雙丸麵，今天我都唔抱太大期望，一於平常心去試試看。特級牛丸王米缐$55另加星級墨丸$15(total$70)牛丸有五粒，都幾大粒。一咬下去，口感幾彈牙，帶點牛筋丸的質感，當中還有少少肉汁，牛肉味十足，味道認真不錯！仲意食牛的一定鐘意。而那星級墨丸王也幾ok, 口感彈牙，有墨魚味，但味道唔係最強烈；米缐是粗身的，口感好滑，比較稔身，份量唔少；湯底方面則比較清淡，加了辣醬吊吊味會比較好。I奶茶$16果然港式風味，茶味十足而無澀味，有大排檔奶茶的影子。相比上週在元朗吃$99 的高原牛丸魚丸麵，這家的牛丸略勝一籌。墨丸ok但味道唔算突出。以潮式粉麵價錢而言，是有少少貴，但牛丸幾正，可以一試！

潮式粉麵同平時食嘅最大分別係佢嘅辣醬呀！有3款，黃燈籠椒辣醬最辣，又唔會辣到無晒味覺，勁正!夾咗朋友碗牛丸試，堅彈牙，feel到師傅撻牛丸嘅勁力!我碗牛三鮮都唔錯㗎，好入味。湯底用左豬骨加雞骨煲，原來唔跟腩汁都可以好好味，又清又鮮甜!值得再回頭

最近有不少飲食媒體提到這所走型格摩登路線的潮式麵飯小店。一向對潮式鹵水嘢很有興趣，而又去慣傳統地痞鹵水舖開餐的我，自然對這裡大感好奇了....驟眼睇門面內隴，還以為這兒是西餐廳，但看看餐牌，就知是個美麗的誤會....想要飽肚一點，今天就捨棄了點粉麵而取碟頭飯....一客牛三鮮飯。所謂的三鮮即乃牛爽腩、牛筋及牛肚。隨飯還將一小碗鹵水另上，算是一個非常貼心之舉....飯量雖沒料想般多但煲得非常鬆軟有致，是我最喜歡的硬度....鹵水色澤深鬱，帶甜而不死鹹，隱約嚐到了鹵水香料的氣味，不錯....至於三鮮呢，爽腩肥瘦分明，有咬頭亦沒見渣；牛筋炆得淰糯起膠；牛肚彈牙之餘卻不見韌....三款配料各擅勝場，誰也搶不了誰的風頭....許多人說這裡只賣形格，且一碗牛腩麵竟要賣至五十多大洋委實是太貴....但在我來看，能在尖咀中心旺地吃到如此水平的鹵水，且又不是天天吃，小弟倒認為是值得一試....

小病在身胃口不佳，大魚大肉也無甚興趣，人在尖沙咀，不如食碗麵。潮丸為區內新店，打著粉麵檔招牌，加上新潮型格的裝潢，感覺cozy點餐形式學足日式拉麵店，可在點餐紙上選擇菜色，河粉/麵/米粉，連冬菜，葱，芽菜等配菜的分量也可自由選擇。點了牛三鮮河粉，5分鐘內熱騰騰的送上。先喝一口湯，偏淡，不是我喜愛的類型。之不過牛肚，牛筋皆上乘，入口香滑，煮得很淋，非常好吃。爽腩名付其實爽番天，牛肉味爆棚，真係食到初戀嘅感覺都番曬嚟。本來無甚胃口，到最後食到碗底朝天，失禮失禮。埋單$55一碗麵。有點貴，值不值得見仁見智，但月頭嘛，對自己好一點吧！

呢間位於尖沙咀既人氣小店，主打潮州菜，唔但止吸引左一大班潮州鄉里黎尋找家鄉既味道，仲吸引左班潮人黎影相打卡，更有一班文青鍾意係舖入面影相。舖頭有著清新脫俗既裝潢，潮州傳統風味極濃。皇牌棍打牛丸爽口彈牙，鮮嫩多汁，真係食過翻尋味！秘製鹵水汁熬製而成既牛三鮮x麵，無論系牛腩定系牛肚，都鬆軟入味，湯底亦濃而不膩，飲埋湯是必須吧。麵底，配料既選擇都比較多，仲可以揀淨食。記住如果想食河粉就要早小小去啦，小編晚上去到河粉已經賣晒，不過麵好軟熟，好有驚喜。

同事提議試呢間新既粉麵店，佢話之前行過見好似好多人好吸引！咁我哋就決定早啲過去攞位！我哋大概1點正到，等咗5分鐘到就有位。好好彩我哋早幾分鐘，因爲之後就好多人排響我哋後面。佢地既排隊方式有啲似澳牛既方式，都係冇派籌，全部人出面一字排。好，我同其中一位同事排隊時，決定佢叫墨魚丸河粉，我叫牛丸河粉，自製雙拼。特級墨魚王$55 （5粒）特級牛丸王$55（5粒）但如果雙拼$55+$15 （5+2粒）朋友叫咗招牌牛爽腩$50+$15墨丸，墨丸都係得2粒。感覺1粒丸要$7.5，好似貴咗少少。另外你會以爲呢個價錢包野飲。就算唔包都可能加$8。但係錯啦。一杯熱/凍檸茶檸水/可樂一律$16，特飲就$22。特級墨魚王$55墨丸- 我哋覺得都幾好味。但唔係特別出衆。丸裏面係有幾多墨魚粒，但係丸個質地唔夠彈牙。比較硬實。特級牛丸王$55牛丸- 我哋覺得呢樹個牛丸真係好味度既。夠爽，又多汁又彈牙。但係呢個價錢得5 粒好似好寡咁。另外湯底，我估應該全部面一樣。但係都係普通，冇特別。招牌牛爽腩$50+$15墨丸我就冇試過個牛腩，但朋友都話幾好味。另外，呢個牛腩$50，平過啲丸，感覺又好似多啲。下次可以試下。整體黎講

見到有雜誌報道呢間餐廳佢哋嘅食物係自己家鄉製，而且見到店主都幾有熱誠，所以就試吓佢嘅味道係咪真係好食。晚上時間，位置都唔難搵。而且佢嘅鋪頭裝修真係好特別令人印象好深刻。入到去已經座無虛席，好彩等左一陣有兩個空位，我哋就那那林拎張紙洗點嘢食。呢度唔同一般粉面店，佢哋嘅形式有啲似車仔麵 ，可以自己點多䓤 多蒜 多芽菜。仲有好多王牌小食同埋飯，見佢嘅主打湯麵咁出名我哋梗係叫一碗，另外小食同埋飯類都唔錯！招牌滷水雜繪飯，上面有豬手，滷蛋，腩肉等等全部嘅材料，調味唔錯。而且份量都幾多，你經常來嘅時候仲會有其他嘅汁比自己調配，佢嘅豬手滷得剛好，醬汁嘅味道配上一粒粒嘅白米飯水準幾高。另外我自己就叫咗一碗豬三鮮，上面有豬肉丸，扎肉，腩肉。一想到枱佢嘅香味已經搞到我好肚餓，上面有我揀好嘅配菜，分量都正常，麵質唔會太林一夾就散。另外上面嘅配菜豬肉丸有豬嘅香味而且肉丸入邊嘅肉汁豐富。另外一盞係佢嘅腩肉都幾好，味道唔會太濃搶左成個湯底嘅味。另外仲有三種辣椒醬俾我哋點不過我哋唔食辣所以就冇點啊。小食我哋就叫咗兩個，自家牛雜燴！呢個真係非常入味，牛既唔同部位都有佢應有嘅特質，牛腩非常之軟淋，而且調味入晒每一層嘅肉

潮州魚蛋粉係潮州嘅特色小品, 喺尖沙咀潮州粉麵店選擇都幾多, 但係今日食嗰餐感覺同一般舊式嘅潮州粉麵店與別不同, 係呢間潮式粉麵店高格調嘅裝修, 夠新潮。先食個生炸雲吞王, 六十五蚊有六粒, 每粒都炸到脆卜卜肉餡有鮮蝦跟豬肉，味道和口感都豐富, 配埋甜酸醬一齊食, 非常惹味, 令人回味無窮!叫咗潮式魚三鮮, 包括魚蛋, 黃金角,同埋魚餃, 分量都幾多, 魚蛋非常之彈牙,值得一讚! 另外魚餃味道非常之濃, 麵質q彈之餘又掛湯, 口感不錯!!!

今晚一心諗住輕食, 經過金馬倫道一間新開嘅餐廳, 原來係食潮州粉麵, 環境富有現代感同一般魚蛋粉嘅鋪頭非常之唔同, 就入去食啦店員推介之下, 叫咗個牛三鮮: 先有金錢肚, 牛筋,同埋牛腩, 佢個點餐紙都非常特別, 感覺就好似去咗日式拉麵店一樣, 有好多選擇畀人揀個牛三鮮價錢55蚊但係非常足料, 材料鋪曬喺麵上面, 牛肚非常之爽, 牛筋豐富有膠質, 牛腩有咬口之餘, 牛味非常濃, 湯底非常之不錯, 飲落都唔會口乾!另外再叫咗蜆蚧鯪魚球, 鯪魚球炸到金黃色, 配埋蜆介汁一齊食, 好彈牙!

都只不過是一碗普通的牛三鮮，當然在尖沙咀區，55蚊先呢個size，可能叫可以，但去到啲平民區，如深水步，佢地就不能比下去，只是環境比一般牛雜面舖靚，但座位也不寬闊...叫體驗過就算了

男朋友係附近上班 尖沙咀食到無野好食所以陪佢黎到新開無耐既潮丸12:45到 有人龍 不過我地2個人等都唔洗等就直入我個人好中意食墨魚丸 所以叫左墨魚丸拼牛丸米男朋友就叫左牛三鮮飯（見好多人叫）我既墨丸牛丸米率先黎到先飲一啖湯 有少少失望 因為無咩味不過佢有啲調味揀：辣椒油，紅辣椒，黃辣椒，醋同魚露 重好味既我即刻瘋狂落調味 米粉加醋加辣油都幾正佢個米粉仲要係爽口既米粉～加分！之後試墨魚丸 omg!超好味 好有墨魚味既墨魚丸 唔係講笑 你會食到一粒粒既墨魚肉再試牛丸 又係一粒好食既丸！ 勁有牛味 又彈牙 好耐無食過咁好味既丸食完牛丸 即刻到男朋友既牛三鮮充滿期望心諗 一定係充滿牛味既牛荕牛肚同牛腩好可惜 有少少失望 因為牛三鮮無咩特別 無咩味 又唔係特別腍 不過不失啦不過呢間野叫潮丸 丸出色啲都係理所當然既我男朋友都話下次嗌翻丸粉算 好味好多😇

今晚同朋友臨做yoga 前，我地快速食左個飯先～見到金馬倫道開左間新餐廳，食粉麵，望落裝修幾靚，所以就一於試下。睇個餐牌都好似幾ok 咁.我點左碗牛三鮮米粉, 入面有牛爽腩、牛筋同牛肚，呢個組合真係好完美，賣相又靚，食落又爽口、新鮮，煮得夠腍，調味又好！朋友點左碗牛丸王米線，手打牛丸真系冇得彈，又爽又香又彈牙，好推介！另外我地亦點左碟菜，好健康haha~2杯野飲, 有凍檸茶，另一杯係話梅柚子雪碧，後者好特別，酸酸甜甜都幾ok!