潮丸 (已結業)

今日去尖沙咀逛街，順道在這邊吃下午茶。附近食肆眾多，這間麵店門面裝修雅致，乍看以為是台式小店，原來是港式粉麵。拉門而入，店舖不大，只有大約二十多個座位，播放著輕快的流行歌曲，店員也十分年輕，呈現年輕活力感。下午茶有粉麵和飯類選擇，粉麵可以自行選擇配料和麵類。惠顧麵飯奉送冷飲或熱飲呢！有醋、魚露、三種辣椒醬，能滿足嗜辣的朋友呢！⭐️特級牛丸王⭐️$48湯底清甜，配料有冬菜、蔥花和芽菜。麵底我選了河粉，另有米粉、生麵和米線選擇，不過我印象中牛丸應該配河粉，所以選擇了河粉😅牛丸滿佈氣孔，只有手打的才有氣孔，咬下去爽彈，雖沒有爆汁的口感，但牛丸富有彈性，一口一口咬下去甚有嚼勁。⭐️崩沙牛爽邊⭐️$38份量挺大的，一個人勉強吃得完，建議同行朋友一起分享。牛爽邊脂肪較少，軟韌適中，濃香不膩，配清湯河粉吃剛剛好，不然會太鹹喔。⭐️鹹檸檬雪碧特飲⭐️$8本來點了鹹檸檬蘇打水特飲，不過蘇打水賣光了，所以改為雪碧。特飲有半粒鹹檸檬，配搭雪碧，味道清爽！鹹中帶甜，清爽無比呢！▫️在鬧市中歇一歇，吃一碗麵富有能量！哈哈

見不少好评，有半小時，找來试下。牛丸面加－份墨丸，共銀70元。牛丸如店員应是老闆所言，不錯。墨丸普通。加１５只有２粒，覚得不值。面質初很生，但在湯中浸—会又几好。湯於我略咸，是潮洲特色？可加配菜但选了的芽菜不見！不记得下？也选芹菜，十分佳，气味大大提升。正正像其他食評所述，有三款chili, 黄椒很新奇，潮洲的很美味，也咸了奌，而味佳。在貴區，坐位乾淨，店員落力。那店員每个客都问味如何，態度有禮，不似傳统面店。價位與正斗差不遠。於我來说吸引力有＇不至専誠再訪。想坐好Ｄ，又在此區，可以－試。

係尖沙咀想速食又有格調，可以試下去呢間潮丸，裝修走小清新風，感覺舒服，還放着五月天的歌，以為自己去左台灣。自家牛三鮮撈麵($65)牛肚、牛腩、牛筋附清湯賣相精緻，用木托盤上配木筷子，原來食呢種大眾化的湯麵，都可以好有格調。牛肚軟熟多汁，保留豐潤質感，鎖住肉汁。牛筋有咬口，味道一流，可見店家用心製作烹調。撈麵份量也不少。秘製豬三鮮($55)豬肉丸、腩肉、扎肉自選麵底米線、冬菜、芽菜豬肉也弄的很出色，豬肉丸不單彈牙，肉質也扎實; 扎肉帶少許肥肉，但唔會太油，潮式麵食也加這個，也是蠻有創意的。招牌滷水拼盆($75)有豬手、豆腐、腩肉、雞蛋、豬腸，都滷得很入味，豬手有很多膠質，係我嘅最愛。話梅柚子雪碧特飲(跟餐加$15)很有特色，有粒話梅係入面，底係柚子蜜，自己加Sprite入去，話梅味道越飲越濃，整體味道好夾，是不錯的選擇。凍奶茶(跟餐加$10)，有茶餐廳風味，蠻有水準的。

係尖咀行街，朋友話帶我去食一間唔錯粉麵店，以為係普通圓枱個種，去到門口真係覺得有驚喜!!無諗過粉麵店會有咁既裝修，新淨舒服。坐低之後好快就收到餐牌剔野食，因為呢幾日唔係幾舒服所以就揀左潮州魚三鮮同油菜、熱檸水，要求少麵個陣店員叔叔笑住話可以好Nice。潮州魚三鮮係包括魚頭片、魚蛋同埋魚皮餃三樣，魚蛋都幾彈牙、魚皮餃雖然細隻少少，但都剛剛好!!!見到枱度有三種醬，紅燈籠椒醬、黃燈籠椒醬同辣椒醬，貪心試左少少黃燈籠椒醬，真係幾辣!!不過我唔係好食到兩隻椒既分別!!XD個菜好青色水好靚，食落爽爽地，唔錯!!!檸水個杯都好簡約，支匙羹都唔係普通膠個種，幾得意!!好啱我呢Style!!!下次來尖沙咀就算一個人都搵到地方食飯!!

原來吃麵的店也可以這樣的!!是我推門進去的第一觀感，輕工業風裝潢，簡約舒適。店內輕聲播放著五月天的歌曲，身為五迷的我實在太喜歡，雖然有音樂但又不會覺得太嘈，可以跟朋友聊聊天。環境真心一流!!這裡跟一般食車仔麵的店一樣都是提供落單紙落單，不過店員會同時會附上一張有照片的餐牌供參考，而在配料選擇上亦有份量供選擇，相當貼心。由於想食得清淡些，所以只點了特級墨丸王生麵、炸鯪魚球及油菜，一盆盆的上枱，看起來相當斯文!!麵旁邊附有小碟可以自選辣醬搭送，有紅燈籠椒醬、黃燈籠椒醬及普通辣椒醬。貪心直接把黃燈籠椒醬放入口!!超辣!!鍾意食辣的朋友應該超喜歡!!先講回主菜，墨丸麵!!!麵質淥得剛好，墨丸好味!!!湯清清淡淡的，飲完不會覺得口喝。鯪魚球雖然油炸但並非炸到十分熱氣的程度，而且送上一碟鹹鹹的醬，醬裡面有幾隻蜆仔，食起來都很配，用來裝鯪魚球的是用雲吞皮炸食的兜，見到這樣都忍不住不停吃不停吃。油菜亦貼心的將蠔油跟菜分開上，許久沒食過蠔油菜的我真的吃得十分開心，今晚的是菜心，菜心都弄得恰到好處，平時不喜歡吃菜莖的我都吃得津津有味!!晚餐來說$100有找價格相宜，以尖沙咀來說這裡是不錯的選擇，值得下次再

今日放工約左朋友系尖沙嘴食飯🍽，不過今日好想行街🛍，所以食左個比較簡單既晚飯，但估吾到有驚喜喎😇！自家牛三鮮米線(牛爽腩、牛筋、牛肚)($55)：小妹叫左個自家牛三鮮米線，朋友就叫左特級牛丸王米線😃。配料方面有：冬菜、蔥花、芫茜同芽菜🌱。小妹揀飲擇食，全走🙊。牛腩、牛筋同牛肚配米線好似比較少見，但呢個配搭都幾有新鮮感🌟，牛肚好爽口呢！朋友食完牛丸話好滑好正😋，我都攞左1粒黎試，真心正👍🏻！咬落肉質滑，同出面個d好吾同啊🤩！連個湯底都好香啊👃🏻！唯一可以改善既就系米線份量偏細，多返少少就好喇😂～是日油菜($25)：碟菜真系一級棒😆！平時小妹系吾食街外既菜既🙈，但呢碟味道非常好，顏色翠綠🌱，煮得剛剛好💚，食落好新鮮呢✌🏻！話梅柚子蘇打特飲($22)：呢杯野飲好fresh，系柚子蜜既味道💛，加埋蘇打水，甜度剛好👌🏻～至於話梅既味道系飲品裡面就吾算特別突出。雖然呢度系食潮州菜(本身冇expect太多👀)，但佢都好著重食物既presentation✨，小妹系非常欣賞既😊！

最近做嘢都忙，中午同事話想頹食Lunch，但我又想食餐好少少的慰勞一下自己。於是我就諗起快而不同頹的牛腩麵，帶咗新同事去新開的潮丸。簡單自然清新的裝修總有一種令人relax的感覺。枱上係熟悉的多款調味料。食物的選擇同變化都大，可以試吓上次未食過的新菜式。簡單一碗牛三寶河粉，併上一杯港式奶茶，只要有誠意，絕對唔會頹！牛三寶的份量都幾多，而且質素非常高，牛筋腩的牛肉味好濃郁而且質感煮得好軟熟。同事鍾意食雲吞同埋丸類，所以就叫左一個淨三寶share。份量都幾多，幾抵食。我就想試吓佢的清湯蘿蔔，都幾清甜而且冇渣。炸墨丸有創意的小食，香口惹味。食物整體都幾唔錯，而且環境好舒服，小事上面都見到心思，算係唔錯的午餐。但同時又可以滿足到同事快靚正的要求，其實簡單一碗湯麵同頹唔一定要掛鉤架！

現在想吃粉麵已經不用再去大排檔，無意在尖沙咀發現這間「潮丸」。店如其名，果然夠「潮」。從門面看起，還令我以為是吃越南菜的。裝修新潮，環境整潔，跟傳統圓枱的粉麵店截然不同。在尖沙咀的地段，當然價錢也不一樣啦。還有自助醬料食物選擇也有很多我點了自家豬孖寶撈麵 ($65)，麵質有驚喜，竟做到著名雲吞麵店的質素。我最怕就是吃過腍的麵條，而這個卻做到煙韌有彈性，真是意想不到的高質。豬肉丸非常爽口彈牙，是我在港吃過最彈牙的豬肉丸。扎肉也很入味爽口。吃完撈麵再喝碗清湯濕潤口腔就完美了。另外還叫了小食崩沙牛爽邊 ($38)，做得入味，而且很有嚼感，爽中帶嫩，惹味十足。份量也不少呢～飲品上也很「潮」，有話梅柚子梳打特飲 ($22)。用了梳打就比汽水的沒那麼甜，加了話梅和柚子後酸酸甜甜又清新，十分解渴。

尖沙嘴開咗間新派粉麵店，同街邊食開嗰啲完全唔同。呢度好企理，又光鮮。橫掂係尖咀都唔知食咩好，就入嚟呢度食個晚飯喇～牛腩飯 ($60)牛腩炆得好腍，肉質嫩滑入味，唔韌又唔鞋。咁好食嘅牛腩可惜份量少咗啲，得幾夠咋，食完未夠喉。清湯蘿蔔 ($28)牛腩嘅蘿蔔好食，所以仲嗌多份小食蘿蔔，份量唔小，煮得好腍而且非常入味，味道清甜可口。鹹檸檬雪碧特飲 ($22) 食得牛腩飯一定要飲返杯氣水先夠爽，呢度啲飲品都特别啲，有埋鹹檸雪碧，仲係用支裝雪碧添！酸酸甜甜咁好開胃呀。

中式粉麵店一向的感覺都是上世紀產物，每次經過都過門而不入。這次放工經過潮丸，竟有一番簇新的感覺。店鋪設計開揚，簡約的氣派予一種舒適的感覺。自助點菜，填選喜愛的食物交給侍應便可。可循環再用，非常環保。招牌崩沙腩河粉牛腩肉質鬆化，目測有6至7件，牛味濃郁，河粉也非常滑口，配上牛腩湯汁，味道一流。炸墨魚丸外皮炸得香脆，口感似炸魚蛋，內裡卻有陣陣的墨魚味，由於是新鮮即炸，小心燙到嘴唇。熱柚子蜜酸酸甜甜的味道，柚子味突出，飲完很滿足。

魚蛋河、牛腩麵在香港比比皆是，要吸引顧客，各方面都要花點心思是日在尖沙咀逛街，經過潮丸，未看餐牌也不察覺這是粉麵店呢這餐廳走年輕路線，摒棄一般麵店只有白色的裝潢，設計較有格調，還有座位較為寬敞舒適這𥚃主打潮州粉麵，也有湯飯、其他飯、撈麵供應我點了一碗潮州魚三鮮米粉，滷水豆腐和奶茶潮州魚三鮮米粉($55)：本來魚三鮮包括了魚丸、魚片頭和魚皮餃，但因為魚片頭已賣光，所以只有其款2款，但每款多給一粒「補數」魚丸和魚皮餃都不錯，魚丸彈牙，魚皮餃沒有油油膩膩的感覺我喜歡沾辣椒油吃～滷水豆腐($28)：很久沒吃滷水的我點了個滷水豆腐吃其實滷水拼盤更吸引，但怕吃不完，所以點了豆腐也不錯呀，入味得來又不會太鹹除了常見的辣椒油，桌上還放了紅燈籠和黃燈籠椒醬好奇地每款都試了，還以為燈籠椒醬是不辣的，但竟然比辣椒油還辣我最喜歡的是辣椒油，不是因爲它沒那麼辣，而是它很香燈籠椒醬則辣得來帶少少酸味，放湯吃也不錯～點麵加$10配了一杯奶茶

今晚又要O.T.了，為免做到三更半夜無啖好食，走去附近食番碗我最鐘意的粉麵。牛三鮮湯河，湯底鮮甜飲後唔覺有口渴感。河粉嫰滑。牛三鮮即崩沙腩，牛肚和牛筋。崩沙腩肉質鬆軟，入口即化，牛味濃厚，牛肚爽爽，牛筋勁有嚼口，食後有感骨膠原爆棚。配料的蔥花，芫茜，芽菜和冬菜增加了香味的層次感。口癢癢點多了一款小吃炸雲吞，粒粒炸得酥脆不油膩，每粒都包裏著原隻蝦，絶無偷工減料，蘸少許甜酸醬份外醒胃。食飽係時候回公司繼續拼搏了。

出到尖咀食日本野韓國野都食到膩了有時都會想食返d傳統粉麵野不過又想坐得舒舒服服 開頭同朋友講呢個crteria時都覺得有d難度不過行行下就俾我地發現左呢間潮丸了店內裝橫並非傳統中式粉麵店格局坐位間的空間足夠 可以坐低慢慢傾下計我地睇睇叫左咩先小食。招牌鹵水併盤其實一d都唔少 份量足到呢併盤包含鹵蛋，豬腸，鹵豆腐，鹵腩肉同埋豬手每款都非常入味，而我既最愛豬腸更係當中表表者兩個人想食餐勁既 叫個係一個唔錯選擇小食。炸雲吞鮮炸。熱辣辣。外層脆扑扑。內裏既蝦肉彈牙得很重點唔油膩麻 想食脆口野真係岩哂主食。自家牛三鮮什麼是三鮮！？姐係牛筋。牛爽腩。牛肚牛筋其實係一樣要整得好食就要花功夫時間既食材 不過呢度呢就做得相當唔錯，放落口有入口即溶既感覺 ,牛爽腩同樣爽口入味而份量都非常多 岩我呢個大胃王飲多杯話梅柚子雪碧特飲 就更加係解渴開胃又要坐得舒服又要食地道野 呢度都幾match倒我既要求！

講起潮式粉麵店，一諗到就係位於橫街窄巷的老店。原來尖沙咀的金馬倫道開咗一間裝修嘅新穎的潮式麵店。今日收工之後一於去試吓。講起潮洲粉麵，嘗試到一間鋪頭好唔好食，一定係要試吓潮州魚蛋。最簡單嘅食物都係最容易睇到小店的功架！這裏的魚蛋好彈牙，而且充滿着淡淡魚的香味，而且炸魚片頭甘香可口。配上啲小店自家製的辣椒油，食食一定係食埋辣椒油嘅渣，自家炒的辣椒油惹味非常，能夠挑戰辣度，係一個新嘗試。最後要多杯熱咖啡，雖然同西餐廳嘅冇得比，但係總算叫做過下咖啡癮。

今次係金馬倫道行完街就諗住求其搵個地方食個tea，平時都好小會食呢類粉面，今次突然心血來潮就走左入去食~頂級墨魚丸河粉，比足料，有成五粒大墨魚丸~口感的確係頂級，彈牙之餘仲咬到好多實實在在既墨魚粒，正！河粉既份量亦岩岩好，夠一個人食~浸曬上邊d菜浦落個湯到會更加好味~凍奶茶，強烈推薦呢到既奶茶，口感非常幼滑，有濃烈既茶香同奶香，就算最後d冰融曬都好，成杯奶茶都一樣咁好飲，完全唔會比冰水溝到淡曬~~