潮丸 (已結業)

最近愛早點吃晚飯🙊偽文青呢個潮州妹去食潮州粉麵😂呢間潮丸令我喜出望外🙊巧痴 食完再同大家包膠❤️等我！.自家牛三鮮 崩沙腩 牛肚 牛筋 跟手工米線 米線爽身 唔會太腍 有口感 崩沙腩炆得入味 牛肚爽身 牛筋軟腍 湯頭飲完都唔會口渴 不錯！另試 招牌滷水拼盤 有豬手 豬腸 豆腐 腩肉 滷蛋 多款 入味 豬手like爆 軟腍 炆得入味❤️店舖裝修設計新潮 並唔似傳統粉麵舖 幾特別😂=========================

The place blends well with the ambience of an ordinary HK street but inside it is ‘chiu’ (trendy) in all ways from decoration to food. Food is premium though bowls of noodles at $60 are rather pricy.Well assorted sauces which are spicyPremium beef ball $555 big balls which are chewy and beefy- unlike typical beef ball, you really taste ‘beef’. Noodles are in pretty small portion. Big eaters should consider having extra noodles.Vegetables of the day $25Super fresh, real green after cooking still.

近日食多左，想食健康的晚餐keep 下fit. 上次到訪，感覺唔錯，尤其愛其裝修時尚同坐得舒適。這家小店主打潮式粉麵、飯、湯飯、撈麵及小食。價錢方面，粉麵$55-65， 飯類$60 而小食則$28-$95。自家雲吞王$55雲呑是中等大小，有五顆，是廣東式雲吞。雲吞皮很薄，餡料滿滿都是蝦，唔見有肥豬肉，感覺健康，正合正在減肥的我。雲吞有蝦味又幾彈牙，好住家風味而不是味精雲吞。米缐十分軟滑，有口感，配上芫茜香蔥，再在清澈的清湯加上魚露，倍感鮮味。清湯蘿蔔$28這蘿白煮得十分軟稔，味道清甜無苦澀味，入口即化，唔錯。柚子蜜$16味道甜美夠冰涼，柚子味道十足，酸酸甜甜的，唔會太淡唔夠味，感覺清潤，正好為冬曰滋潤一下。簡簡單單的又吃了一個豐富的潮式減肥晚餐，既飽肚味道又唔錯，今次減肥唔洗成日食雞胸肉了。

比較少食粉麵的我，今晚同左朋友去尖沙咀行街，在金馬倫道見到有間裝修得幾好既粉麵店「潮丸」。食完覺得原來粉麵都可以咁好味，本身唔太餓的我食左一啖之後，有意慾想食落去！可想而知呢叫左碗豬手米粉，豬手好重骨膠源食落好黏嘴嫩滑既豬手調味得好入味好滋味既鹵水味個湯底好都正，食完唔會口渴米粉質地好爽口！唔會過淋~ 崩沙牛爽邊，外面比較少見，所以就叫了一碟~感覺唔錯質地嫩嫩的！有 d牛香既味道小食黎講都好大份量餐廳老闆服務態度好好我也推薦給大家

Exam period溫書已經溫到好悶，如果lunch再無限番兜學校canteen應該會悶死...所以今日決定行出尖東抖抖氣!來到位於金馬倫道嘅潮丸， 見到淨係粉麵飯都有好多選擇， 好欣賞餐廳支持環保， 適合可以用水筆喺過咗膠嘅餐牌上點餐， 咁就可以無限重用啦👏👏香噴噴嘅牛丸米粉來到啦！ 另加十蚊嘅紫菜份量比我想像中多， 大大粒既牛丸都有五粒。特級牛丸手打嘅牛丸果然係非同凡響， 比平時食預先包裝嘅牛丸有口感得多， 好爽口好彈牙， 好似喺度咀嚼緊呀牛肉片咁， 完全保留到牛肉質感，而且好juicy！紫菜食落都幾有鮮味， 索曬啲湯底👍落單嘅時候店主話魚蛋已經賣曬， 睇嚟如三先嗰一款都幾受歡迎 (本來我都想叫😆)， 如果大家想試就要早啲來到啦。小食都有好多選擇， 不過今次我一個人嚟，食完碗麵之後都飽曬啦， 唯有下次搵多幾個朋友一齊嚟食再試啦😂

點解用個「歎」字？魚蛋粉我食得多，但去親堂食都係逼到死，人人都食得好急，食嘢慢嘅我為咗唔佔位都要狼吞虎嚥起嚟—十幾蚊碗粉，坐得耐都唔好意思啦~今次同朋友嚟食粉都唔洗急住走~開喺金馬倫道，側邊都係高級日本菜，潮丸定價高啲都好合理。入到去店員親自遞MENU畀你，原來係循環再用式MENU未試過食碗粉都成份定食咁下午茶款款定價一樣，精明嘅我當然係叫返午市較貴嘅款，豬三鮮嘅扎肉同腩肉平時嘅粉麵舖比較少有，就叫呢樣啦！食麵一定要飲頭啖湯！清澈湯底估唔到幾重牛味。米線比較有咬口。三種入面最鍾意扎肉。雖然冇越式扎肉嘅胡椒味，但肉眼都見到扎肉肥瘦肉比例幾乎一比一，肥肉爽口彈牙唔油。另外兩樣未見驚喜，但絕對冇失手位。醬料超水準！辣椒油入面嘅辣椒乾仲係脆身，辣油主要係提香，冇諗過黃/紅燈籠椒先係辣味大佬！燈籠椒比較鹹，而且好辣，大家唔好一次過落太多呀！炸雲吞好吸引，所以我哋一麵一小食SHARE。一咬「嗦嗦」聲！口入面咬緊隻蝦，影相嘅雲吞仲有一隻！雲吞細細竟然都咁足料~雖然價位有點高，不過包飲品，喺呢條街已經係較平民嘅選擇喇。

喺尖沙咀行街行到攰又肚餓，想搵一間又坐得舒服又好食嘅粉麵店，但又唔想食譚x同翠x茶餐廳，知道附近開左間潮式粉麵店，就試下先，門面完全唔似粉麵店，比較似一間cafe多啲呀！入多去門面裝修得靚，位置都坐得好舒服餐牌用硬卡整成，用紅色水筆畫得你想點的餐就可以喇！我叫左秘製豬三鮮，有扎肉，腩肉同豬肉另加$15兩粒秘製牛肉丸上碟係用木製碗筷，食得特別開心架姐特別推介的有牛丸必食呀！自家制，爽口彈牙！好耐未食過啲咁正嘅牛丸！腩肉醃得好食，肥瘦均等！仲有，三隻辣醬供選擇，啱曬愛辣的我呀

很久沒有吃過這類粉麵，當日經過尖沙咀，忽然心癢，就在openrice上找到了這間潮丸。這裏的粉麵一碗索價$55，起初覺得頗貴，但吃過後反倒覺得定價合理。牛三鮮河粉 配紫菜($55+10)先說河粉，十分爽滑，比許多粉麵店為佳。牛三鮮分別為牛筋、牛肚和崩沙腩，三者全部都相當有質素，且份量不少牛筋炆煮的很腍，骨膠感十足，是我喜歡的類型。崩沙腩的肉煮得很柔軟，而那一層筋膜則增添了口感，吃起來完全不油膩，最出色當屬此牛腩。最後牛肚帶點爽勁而不韌，同樣不錯。另外叫了碟油菜和凍奶茶，奶茶茶味濃郁，但完全不澀，意外地好喝呢這個價錢算不上便宜，但能夠吃到一碗如此有質素的牛腩麵，我認為已經值得。另外環境和服務亦令人感到舒適，整個用餐體驗相當良好！P.s. 推薦這裡的辣椒油。

金馬倫道最近多了一些裝潢雅緻的小食店, 其中一間是潮丸, 初頭以為是cafe來, 原來是新派的潮洲麵食店, 似乎還沒有見過, 這吸引了我的注意。坐下來, 看一看餐牌, 原來是用油性筆直接在過了膠的餐牌上選擇食物, 給他一個讚, 支持這環保做法, 減少浪費印刷紙張!有點像車仔麵, 又有點像日式拉麵, 自行選擇菜式、粉麵、配料及追加項目, 簡單易明。自家牛三鮮 (崩沙腩、牛筋、牛肚)$55+牛丸王$15 +特級墨丸王$15用日式小盤將粉麵呈上, 感覺格調提升, 還細心附上小碟, 吃辣的人可加添辣醬料, 先試一口湯底, 高下立見, 可能是我吃過潮式粉麵中最好的湯底, 單單不過鹹已是難得, 它有淡淡的牛骨味, 不覺有味精味道存在，是可以喝光的湯。崩沙腩口感鬆化無渣, 我是阿婆牙都咬到, 牛肚是金錢肚, 爽口又入味, 非常出色, 牛筋連著一些黏膜位置, 煮得夠淋, 充滿膠質, 也是很入味, 河粉幼身掛湯而滑溜, 每一樣都是精品。另加的牛丸王和墨丸王每樣兩粒, 牛丸王size較大, 落下去多汁之餘有些微粒筋位, 口感層次豐富, 絕對要一試。墨丸王有點比下去, 雖然表現也屬不俗, 有墨魚味及沒有很粉

係尖沙咀唱完錢，咁岩2點半，行過新開既粉面店，決定來試試食個tea，裝修企理光猛,坐得舒服頭上既海報依個牛肉麵好似唔錯，於是就叫左佢同埋一碟菜睇個樣都幾足料咁，不過個湯就有少少油啦，同埋牛腩分量比較少，不過米線唔錯，夠淋，同埋主打既牛丸好味！号外菜心好大碟呀！唔似得出面果d得幾條依到仲有三隻自製既辣油，好特別一定要試試

其實我一向都喜歡吃潮州粉麵，但是近年來吃過很多地方的粉面店也不太正宗，越來越似快餐！令人好失望，所以也不太敢是新的潮州粉麵店！今天終於嘗試了一間，我被他們的裝修吸引，再看看他們的招牌，手打牛丸、炸鯪魚球！這兩樣都是我很喜歡吃的東西，於是鼓起勇氣走進去！我叫了一個手打牛丸米粉！先講個湯，明顯不是味精湯，似乎是雞骨與魚熬製而成！再試下牛丸，果然非常彈牙但不是加了添加劑的那種！到了炸鯪魚球，必定是即叫即炸，表面炸至金黃色內裏的鯪魚球非常足料！終於找到一間有心做食物的潮州粉麵店！

趁住老公呢晚去咗朋友的婚宴，我就要食自己啦~突然想食清 D，所以响呢個 Friday Night 行咗一陣街街，就去食個魚蛋粉醫吓肚。入到餐廳，有長枱也有自成一角的，都差不多坐滿了人，好不容易找到個角位，靜靜地食個麵。看看餐牌，有湯麵、撈麵、飯類、小食和飲品，選擇充足而又不會令我有選擇困難症。只要把心儀的食物於燙膠的餐牌上畫畫就可以了，非常方便和環保。潮州魚三鮮湯麵呢碗魚三鮮真的很讚，因為　魚旦、魚片頭、魚皮餃　都非常鮮味。魚旦非常彈牙，仲食到有些微軟軟地的魚骨响入面，但又唔會拮到咀的。魚片頭外爽內軟，而我最愛的一定係魚皮餃，因為個皮係薄到半透而又唔爛的，咬落入面的料是腍得來帶點黏黏的，超級正～而湯底是不可忽視的，因為是飲落無味精，完全不口乾。是日油菜呢日的菜係菜心，葉和莖的比例大約一半一半，鍾意食葉的我都覺得份量足夠。柚子蜜不但有柚子，仲加多片檸檬，酸酸甜甜，非常潤喉暖胃。

今日去左尖沙咀搵野食， 見到"潮丸" 個名幾特別就行過去睇下。細細間個門面幾得意， 又帶點東南亞味道，就入去試下佢！佢入面完來係主打舊式香港style ! 一坐底叫左杯凍檸茶先！ 杯凍檸茶用舊式不鏽鋼杯，夠哂冰凍！ 而且好濃茶味，飲一啖即刻醒神哂！！想試好多野，所以決定叫左碗牛三鮮， 有牛筯，崩沙腩同牛肚，再加炸墨丸同牛丸。 (呢道主打牛丸，冇理由唔試試佢既）碗面黎到，好香， 見佢有提供黃椒，紅椒，潮式辣椒油， 我就樣樣都試下， 全部都同碗面好夾，仲夠哂辣！ 三鮮全部都好入味。墨丸同牛丸，表面炸得好乾身， 牛丸咬入去d 汁必哂岀黎！最後我食哂所有野，超飽！ 一定要再黎！ 牛三鮮米粉 炸墨魚丸 & 炸牛丸 唔同既辣椒

平時一個人的時間，為求不用等位又可快快吃完，通常都會在街上隨意挑一間粉麵舖吃一碗魚蛋粉，不過前幾日在尖沙咀就發現了這間外表新潮得像cafe的粉麵舖 - 潮丸。裝修有別於傳統舊式粉麵店的格局，入口不見半開放式的廚房，不再煙霧瀰漫，不像其他粉麵舖坐到人夾人，感覺開揚舒服，誰說粉麵一定是頹食呢？ 餐牌選擇不少，而且自己剔選，不會像平時經常叫漏走青 XD，而價錢就比一般粉麵舖略高。 枱上放有好幾款不同的辣椒油，供客人隨意添加。特級墨丸王河粉 $55透白的湯頭清而不濁，味道清淡鮮美不過鹹。墨魚丸吃起來彈牙有咬口，裡面還夾雜了粒粒墨魚，更添魚鮮味。 河粉偏向幼身，質感滑嫩帶米香，而且不會因煮得過久而出現一夾即散的問題。清湯蘿蔔 $28一碟份量也不少，無須過多配料和調味，蘿蔔味道清甜，吸收了清湯的精華香味。 咬開蘿蔔仍是燙熱的，呈現熟透的半通透澤潤狀態，既沒渣也不苦澀。 加$10就可加配一杯清新可口的熱柚子蜜。 

今天我跟女朋友一起下班，工作得很累，也不知道去哪裏吃東西！但作為男朋友，有必要決定去哪一間吃飯，這或許是男孩子的不幸吧！我們一路行一路行，行到金馬倫道的街尾，發現了一間新開的粉麵店，裏面的裝修看起來非常舒適，有別於一般的潮州粉麵店！於是我們便走進了試下！我看了餐牌，再看看了網上的推介，發現了他們的手打牛丸非常出名！於是我便叫了一碗手打牛丸米粉！最驚喜的是在下單的時候他可以選擇蔥、莞茜、芽菜的多少！果然是一間貼心的粉麵店，之後我還點了一個滷水拼盤！牛丸正如報道的一樣非常彈牙，吃得出是手打的質素！至於滷水牛腩牛雜他的滷水汁非常香，牛腩牛雜非常入味！不錯的體驗！