潮丸 (已結業)

金馬倫道堪稱粉麵一條街，至少我這麼認為。我來盤點一下；吉野家牛肉/燒雞烏冬。星林居雲南米線。柳園螺螄粉。金越式牛肉河。泰園冬蔭功河粉。沙爹王豬扒檬粉。南記魚蛋河。牛芳百世牛腩河。十八座狗仔粉。。。。。。。。。。。。等等。真的各式其式，總有一款合心意。還有現在介紹這家 ＞ ＂潮丸＂裝修簡約，人手節約。還好出品確實不錯，否則不會連吃三天。招牌滷水雜燴飯 ＄60 。滷水料頭味道有點普通。但豬手丶五花肉和大腸很好吃，沒有豬羶味。招牌牛丸河（追加魚蛋) $70 牛肉味很濃很有咬口的牛丸，有一丟丟牛根丸的口感。魚蛋有點像新加坡魚蛋，軟軟的。特級墨丸王河粉 ＄55 。彈牙好吃，不是一咬軟趴趴或都是粉粉的。還有忘了拍照的牛三鮮河粉 ＄55 (非常推薦)除了下午茶時段，所有粉麵飯不包飲料。份量比較適合女生，男生應該很勉強吧。路過粉麵一條街可以來這裡一試。

牛腩粉麵一向都係頹食，但有班年輕人就立意將頹食變身潮食。尖沙咀金馬倫道新開左一間粉面店，由幾位年青人主持，可以睇得出小店別具心思同風格。佢哋認真到連辣醬都有三款，分別係紅椒、黃椒同埋辣油。當中我最鍾意黃燈籠椒，係海南名物，辣得來含蓄又有勁。小店的每一件小事都十分認真細緻。只係一個牛腩麵，亦都有好多細節可以選擇。朋友仔的牛三寶麵點了多青，上枱時果然是滿滿的一盤。我個人比較鍾意自己果碗，青蔥的比例剛好。牛三寶分別有牛筋、牛腩同牛肚。牛三寶當中最正係牛腩，比起坊間不少主打清湯腩的食店質素更高。肥瘦比例剛剛好，約三比七，牛肉味好濃郁。佢哋仲有唔少不同的小食，滿足唔同人的口味。咪以為豬肉丸只可以用來做肉丸面，豬肉丸都可以炸，仲可以點泰式辣醬添！呢個滷水拼盤比我地想像中大份得多，夠三至四人分享。越簡單的食物越難做得好，將快餐麵食變身潮食，難上加難。用心又大膽經營的小店，希望佢哋能找到知音人吧！

雖然今日唔係Happy Friday,但難得無哂係公司，當然要出去食午飯慶祝 。由於大家都想試新野，上網同呢間小店新開，於是就柴娃娃過黎食。裝潢幾新潮，張枱幾大，環境寧靜，坐得好舒服。我地見個個都叫粉麵，於是都每人叫碗試下，價錢介呼50至65蚊，唔包野飲，價錢屬中高檔。我叫左碗雲吞米粉（$50），另加$15追加牛丸。賣相唔錯，牛丸彈牙，有肉汁，雲吞味道正常，但個湯有d咸，食完要飲水解渴。希望下次湯底會有所改良同午餐能包野飲，五六十蚊食碗麵感覺食裝潢同舖租多d。

今天在尖沙咀行街，見到金馬倫道新開的＂潮丸＂門外看到是吃粉麵，但裡面裝修相當潮😎一張長長的枱，是非一般的粉麵格局，味道又如何呢🤔入去試試先三種辣椒醬，最鐘意辣椒油非常香，原來是自家製，問老闆話遲些有得賣👏🏻👏🏻👍🏻自家牛三鮮（牛爽腩，牛筋，牛肚)配米線 $55湯底鮮味十足，米線較粗身口感一流，牛味重牛的質量很好，牛爽腩一點也不嚡又唔會黐牙，牛筋軟硬適中，芫茜蔥冬菜可自選多少或不要，但我喜歡多芫茜和冬菜，覺得令粉麵更香氣洋溢👍🏻招牌滷水雜燴飯 $60滷水味香濃，豬手滷得很入味，豬大腸洗得乾淨👍🏻五花腩肉質肥瘦適中肉質腍嫩，感覺很多膠質炸墨魚丸$30墨魚丸真材實料，彈牙美味😋炸鯪魚球 $30好大粒呀😆😋鮮味彈牙爽口，放久也不會縮水代表真材實料，點上蛽蚧醬真的很惹味👍🏻凍咸檸檬雪碧特飲 $22雪碧是玻璃樽現在已很少見👏🏻👏🏻所以特別夠汽🤗

尖沙咀都差唔多食到冇野好食，幾經辛苦先搵到一間我想試嘅新餐廳。一路行一路行，差啲就行過龍，點睇呢個名都似係舊式粉麵店多過新派店呀嘛？點知入到嚟，哇超級乾淨企理，坐晒吧檯，又播晒五月天嘅歌咁，感覺好年輕！肚餓到爆，快快趣睇menu，呢度係主打牛，不過見到魚三鮮我又忍唔住喎，於是......檯面有幾款辣椒醬，雖然我唔食，不過都八卦開嚟睇吓。好有趣喎，有自家製嘅黃燈籠椒及紅燈籠椒醬，鍾意食辣嘅朋友一定要試試魚三鮮米線 ($55)聽到老闆同其他客人話個湯係佢哋自己新鮮煲，絕冇味精，即刻飲吓先，味道天然清淡，飲多幾啖都對得住自己！魚皮餃皮滑溜，食完唔會覺得好油膩；魚片頭成粒都好軟綿，唔係嗰啲炸到脆卜卜嘅口感；魚蛋頗彈牙，魚味都幾濃！牛丸王 ($15)當然成個lunch，牛丸先係重點！係佢哋自家製無任何添加，雖然形狀唔似一個波，但口感超爽彈，入面有啲筋又juicy，好似有啲油份喺口腔入面爆發咁樣，層次分明，牛肉味好濃而且調味適中，唔會覺得一味得個鹹字。好想買啲返去俾媽咪試吓，老闆話我唔係第一個咁問，但佢哋而家未有得外賣生牛丸，唯有下次再嚟買囉炸雲吞王 ($65)實在非常鍾意食炸雲吞，所以就算得我一

久不久我都會係OpenRice搜索下近期新食肆！昨晚無意中搵到呢間才開幕個多禮拜的「潮丸」！今日即急不及待一個人嚟做先鋒！😜「為食妺」（一人前）午餐：牛三鮮河粉（爽腩、牛筋、牛肚）夠淋夠入味！魚皮餃餡料飽滿、冇雪腥味！👍🏻👍🏻😋😋落單後等待其中才發現原來有追加其他食材！即刻睇都未睇清楚、就同靚女店長講追加「魚皮餃」！點知靚女回應：追加冇「魚皮餃」喎！可能我做咗個失望樣俾佢睇到！佢即時回應：我送兩粒俾妳試下！真係人靚心靚! 👍🏻😜😍怪不得我有女友話：妳同做飲食嘅特別有緣！市區終於有似樣嘅牛雜食了！唔使山長水遠去....！👍🏻😜😘😘

今日被我發現金馬倫道有間新潮的粉麵店-潮丸。無論門面和裡面的裝潢都不似出面的粉麵店。光猛乾淨企理，有點兒似西餐廳。店員細心地講解如何下單，似叫車仔麵的叫法，自由配搭。我點叫了有大母指推介的牛三鮮米線$55牛三鮮有牛爽腩，牛肚，牛筋。及加$15追加牛丸。話明叫潮丸，相信呢度的丸是必吃。牛爽腩，牛肚和牛筋都很腍。我尤其喜歡牛爽腩，牛爽腩吾會死實，好有牛味。再到吃牛丸，好爽彈，好好味。要了小食，唐生菜＄25蠔油另上。唐生菜好青綠。話梅柚子蘇打特飲＄22雖然有話梅，但吾會好酸，反而味道清新，值得一試。

我估潮汕人仕應該頗喜歡吃牛，記得多年前旅遊當地，不只是牛丸，牛肉火鍋亦非常普遍，不同部位亦會吃。中秋假期的中午走過金馬倫道，發現一家小店以自家牛三鮮湯麵作主打，牛爽腩、牛筋及牛肚的組合完美，門外圖片誘人食慾，剛好亦是午餐時間，擇日不如撞日，登門光顧。甫進店內，感覺乾淨企理，新派粉麵店，長枱及麵吧桌椅格局，見到花籃仍在該是新開不久。辣椒醬有令粉麵食味昇華的奇妙功效，開心見到桌上備以多款辣椒醬齊備，尤其少有的黃燈籠椒及紅燈籠椒醬。三款比較，黃燈籠椒的確最有霸氣，回甘灼在舌頭上，久久不散夠刺激。自家牛三鮮湯麵牛爽腩、牛筋及牛肚可能已經是牛的最好吃部位，煮得夠腍，調味亦好，尤其牛爽腩肥瘦肉相間，香嫩多汁。清醇的湯頭，估計沒有加味精，清而味豐富。湯粉白雪滑溜亦掛汁，吸盡湯之精華，口感不錯。豬三鮮湯麵同伴選了豬三鮮，五花腩、扎肉及豬肉丸，我最喜歡豬肉丸，因爲質軟滋味有肉香。五花腩同樣是揀手貨，肥美香嫩。扎肉不過不失，依我口味，能加進黑胡椒就更惹味。這一款配上粗身米線，香滑順口，沒有投訴。出菜快而有序，環境清潔沒有沾油漬，下次經過的話會再來。

雖然過了中秋，天氣沒之前酷熱，但氣溫仍高企三十度，午飯都不太想吃飯，但港式的粉麵店通常都要搭枱，座位亦非常擠迫，今日在尖沙咀行街剛好見到金馬倫道新開了一間新派潮州粉麵店，店面寬敞整潔，價錢亦合理就入內一試。＊＊＊＊＊＊＊＊＊＊＊＊＊＊說的就是潮丸，白色的磚牆配上牆上的食物相，不說還以為是甜品店或西餐廳。有別於一般港式粉麵店都用圓桌，潮丸一邊是面向磚牆的單人座，另一邊剛是多張二人桌，中間通道可容兩個人平排而行，侍者上菜時也不用像表演雜技一樣。點餐形式就像車仔麵店一樣，都是在點菜紙上剔。潮丸除了提供潮州粉麵，亦有飯、小吃和特飲提供。每張桌上都附有調味料，比較特別是除了常見的辣椒油、魚露和紅醋外，還有紅橙籠椒和黃燈籠椒，我試了一點，紅燈籠椒帶點酸辣，而黃燈籠椒只有本小量辣味，適合不太別辣的食客。咸檸檬梳打特飲($22)天氣熱杯禁不住點杯凍飲。咸檸檬梳打不是想像中類似咸檸七的味道，味道有點過咸，味道一般。招牌墨丸王($55)食粉麵通常我都會點墨丸，今次也不例外。麵底可選河粉、米粉、生麵或米線，亦可按個人喜好加/減冬菜、蔥花、芫荽或芽菜。墨丸有五大粒，每粒正常大小，但口感比出面的墨丸爽彈，墨魚味

We were watching movie at Tsim Sha Tsui The One and after it had ended, it was already lunch time. We walked around to see if there were any new restaurants or cafes and while we were walking around Cameron road, we saw this new restaurant named Chiu ball.   Their menu was very straight-forward, selling meat ball, beef items, pork knuckle and light snacks etc. We can choose either noodles or rice. On every table, there were saucer tray, with plenty of sauce for us to choose from. Most of them we

Normally I don't really bother having chiuchow noodles because the shops don't look clean and the staff look casual.However, the guy at this shop was quite good looking hence I went in and the tables and decor was inviting.If you're here then you are obviously here for the noodles and I had just that with beef balls.The broth was strong and not oily and I loved the way it was topped with some pickled salty cabbage which makes it different to other Chiuchao noodle joints.There were three differen

放假出左尖沙咀四圍逛，兩三點想搵個位食下野，行過一間叫潮丸的店，門口好新波，一睇就知新開啦，餐牌選擇不多，但有麵有飯都ok，價錢唔算好貴，尖沙咀價位。餐牌有主食同小食，選擇不多。坐了bar枱，枱上有三款辣椒醬。店員話三種辣醬都係自家制，食得辣一定要試下。見咁特別試左枱燈籠椒醬，酸酸辣辣帶蒜香，又幾好味喎，用左黎將碗粉加辣。朋友點了招牌牛爽麵（$50），賣相不錯。牛腩有好幾件，幾軟腍，麵爽口無鹼水味。自己點左特級牛丸王米粉（$55），賣相也很好。牛丸有五粒，自家打無添加，濃郁的牛酥味。米粉軟硬適中。湯底清甜，飲完無口渴。加碟油菜（$23），菜翠綠，加埋蠔油正。仲有炸鯪魚球（$30），一碟三粒，炸得香口又彈牙，最正係有蜆芥，呢個醬味道獨特唔係個個接受㗎。份量偏少，作為下午茶ok啦。

今日難得同男朋友一齊放假 出左去尖沙咀覓食。 慣性出到去先諗食乜嘅我地 比哩間"潮丸" 個外框吸引住左。但發覺店入面坐無虛席，就諗住去第二間 。但行黎行去 都唔知食乜 翻轉頭就有位喇！仲要岩岩到2點半 有下午茶餐添！由於我同男朋友都好中意食牛所以叫左個牛三鮮同特級牛丸王share ! 平時一碗麵平均都要50-55$下午茶抵好多！仲要有嘢飲送！有別於一般粉面檔的裝修！牛三鮮啲牛肚 好好味！特級牛丸王！ 有5粒 牛丸賣樣雖然普通 但...堅好食唔知可唔可以齋買牛丸 翻屋企自己煮另外留意到枱面有三個容器 一打開辣椒油個個蓋 超香！碗面嘅精髓唔多唔少都係辣炒油度老闆話係 自家製的！值得一試！

天氣仲咁熱，中午食粉麵比較易食，因為有湯水幫忙，香港空調足，唔怕熱，朋友介紹，到了金馬倫道呢間叫潮丸，叫得潮丸，必定多丸，牛丸、魚丸、豬肉丸皆有，潮州就是知名造丸。但招牌牛三鮮$55 沒有牛丸，真難揀，最後決定$15加牛丸，$22加個菜，全單$92食晏差不多，合理。牛三鮮不愧招牌，煮得入味，筋夠軟熟，膠質豐富，爽腩真的爽，肚都出色，個湯好甜，充滿牛肉香，全部精華在此，配河粉超爽。牛丸內有少少筋，好似話係汕頭特色，所以口感多了層次，比一般的好。油菜新鮮，無咪點。非常滿足。

走在車水馬龍的尖沙咀金馬倫道, 被一陣很香的牛腩香味喚醒了食欲, 先發覺又到晚膳時間, 夠鐘醫肚, 巡住牛腩香味去尋找, 見到我身處之位置的旁邊有間細細地門面的鋪頭, 個名叫”潮丸”, 於是不加思索即刻行入去, 咁香真係唔可以唔試下! 入到鋪頭里面, 間鋪唔算大, 但是非常的干淨整潔, 白色的墻壁下半部份鑲上了瓷磚, 明亮干淨, 餐枱及枱面醬料也是摆放得整齊有序, 令人感覺非常舒適.睇返個餐牌, 原來它皇牌是潮州滷水嘢, 仲有王牌牛丸, 墨魚丸及雲吞等等, 好多嘢想食, 但我至愛雲吞, 於是我叫了個淨雲吞及一個滷水拼盤以及一個好特別的嘢飲叫”咸檸蘇打”, 然後舒舒服服的座在那裡等食. 無幾耐, 淨雲吞上枱, 雖然是淨雲吞, 但是碗中的材料認真唔少, 除咗雲吞, 仲有唔少香蔥, 芫茜, 碗底仲有芽菜, 白色的湯底, 奶黃色的雲吞, 綠油油的香蔥及芫茜, 香氣扑鼻, 我急不可待食一粒雲吞, D雲吞皮唔怕林, 中間的餡好足料, 豬肉非常的香, 亦食到雲吞裡面唔知是包了魚亁定係蝦乾之類的材料, 非常的香口, 而蝦肉亦是爽口彈牙, 好好味! 碗底的芽菜都是索取了魚湯的精華, 清脆爽口而且入晒