漢發麵家 (大南街)

營業中

休息中

豬潤麵用上厚切豬潤，好鮮嫩同爽脆，而且湯底清澈冇起泡，應該係豬潤啤水啤得好徹底嘅工夫，仲有好清香嘅紹酒味，但就少咗傳統豬潤湯𥚃面血水喺滾 湯時凝結嘅風味，亦唔見有薑米；而豬潤太鮮嫩就冇咗𡁻落去有少少嚡嚡哋嘅口感。跟同區維記比較，各有高低。至於鮮牛蛋治都幾好，但就比唔上同區新香園。最令人失望係個丁麵麵㡳，同好多茶記一樣，貪快一早拆袋放哂出嚟吸濕，番咗潮嘅丁麵點煮都唔會好食，嘥咗個丁麵！

是日點餐： 豬潤 + 蛋面  何為驚為天人的感覺?? 對一個完全唔食豬潤既人, N年前喺X記初嘗豬潤面, 點解可以咁好食, 完全冇粉粉地既質感, 又入味, 無誇張真係有呢個感覺。可惜X記已經變得唔爽, 佢再比唔到呢種口道了... ...所以抱住一試無妨既心態黎到漢發... 食後感﹕足料 - 有 6大片厚切豬潤 , 面係丁丁面~ 先講豬潤, 質感唔錯, 唔粉。味道 - 薑味+酒香唔夠, 可以再入味啲就Perfect池~~ps. 一上枱豬潤係粉紅色既, 要熟d既話, 落單時要先講嚕~!番食指數：＊＊

萬年油炸的雲呑，食完立即喉嚨不舒服😕。豬扒比一般好些少。奶茶、檸茶一般。最好的是門外可以泊車。看到很多特地前來的食客，見到頗多的失望。座位亦不算舒服。明星照片就多。

這裡離家不是太遠，大約行15分鐘左右就到，某幾款食物水準也頗為不錯，如豬扒、豬潤、鮑汁鳳爪、水餃等；所以不時也會幫襯。很少可以「掂行掂過」，通常最小都要等上10至15分鐘以上；可見就算位置不就腳，只要食物出色，也會吸引一班好吃之人。今日來吃午餐(有時是吃下午茶) ，所以比較肚餓，唔食飯實在唔得。😁煎蛋豬扒飯 ～ 舊式煎蛋方法是先煎香蛋的一面，等蛋邊微微焦香才煎另一面，這樣蛋黃便不會全熟，仍然呈流心狀態，可惜現在很多地方也是貪方便用平底鍋加鐵模圍著蛋來煎，既不香又不脆；味道可以用「呆滯」來形容。可幸這裡仍用舊式方法，所以要加分；豬扒鬆軟有肉味，肉的紋理清𥇦可見；並不是靠化學品令其變軟的。奶茶 ～ 奶味香滑，但茶味偏淡。雖然價錢比一般食店貴少少，但論食物質數是值得的。

《豬膶麵-出前一丁》🍜$35這間漢發嘅豬膶麵位於深水埗，跟同區x記相比贏在厚切+爽脆👍但又輸x記個濃郁湯底😑如果加埋一齊就完美了😍(不過最近很多朋友仔話x記個湯底差咗好多，我就無試好耐了😁)《法蘭西多士》🍞🍯$30只可以講重點推介✋，連發哥都成日去食就知，每件西多士都會有專人不停淋上熱油去服侍它～😭不過真係貴左少少*西多士唔可以唔試

豬潤麵真是由細食到大，以前係維x常客，但自從我家大少帶我食過漢發後，就愛上了😍豬肉夠厚、有酒香味。每次都忍不住飲幾啖湯😜不過記住如果是weekend去的，就唔好太晏去，會賣晒架～仲有，唔慣食啲麵太硬既朋友，落單時記得同侍應講煮淋啲個麵😌

食完想再食嘅豬膶麵........同事午飯時間唔入錶就會揸車嚟呢度，佢介紹我食過呢間豬膶麵後，就唔會再去X記，咁為食嘅我，有人車埋我去門口當然唔會放過呢個機會啦！去到好多布行舖嘅大南街，你真係好難發現有呢間嘢，但你會發現門口有人等位等外賣，同門口好多相貼爆哂，你就知道有Ｄ嘢喇........入去坐就唔太舒服，可能好地道feel，所以人來人往，個個都趕住食，單拖有低頭族，又有附近OL成班吹水嘅，深水埗真係乜人都有.......我當然要食自定招牌豬膶麵啦！講真、湯唔夠X記正咁多膶精華，所以加Ｄ辣椒汁落去調吓味，咬落去唔老仲好爽，大大件好吸睛，不得了，中毒了..............隔咗幾日又揸車去，仲要介紹埋附近做嘢嘅OL媽媽去(佢之後同我講，一個星期內食咗3次)總結，鍾愛豬膶麵嘅為食貓一定要試，但只肯上、中、下午市你先有機會食，因為5點半就ByeBye好巴閉，收工揸車去你就唔駛唸喇！

今日因不用開車、所以可以悠悠閒閒來食完早餐後、才回公司加班。😋忽然想起這𥚃的豬扒麵、見時間還早、於是便決定行過來；看完餐牌後、才知這𥚃沒有套餐、必須分開計算、無奈下都只有照叫了。😩 豬扒出前一丁 ～ 豬扒外皮炸過、好在肉質還帶有肉味、真係唔錯，出前一丁不用説了吧。😁 奶茶 ～ 帶有淡淡的茶香味、如可以再濃多少少茶味就更好了、奶味香甜、雖未算好出色、但已把很多食店比下去了。早餐要成 $50 ，其實又真係幾貴。😞

上網見到好多評語推介,以為幾好, 就同朋友去試吓, 叫左碗豬潤米, 食落就覺得一般, 湯底淡口,豬潤厚肉又難咬, 米粉又吾夠淋,服務態度差, 都係去番“x記”個間铺好食好多

作為一個香港人 西多士呢個本土創作小食真係可以話 有今生無來世 既經典食品要知道一份好味既西多士其實唔易食到所以排隊食都要一試呢間深水埗小店既出品一去到 第一個問題係 今日仲有無麵包？？有 就繼續排啦！！ 原因係上次入到去坐低左先發現無包賣 無多士。。。等左一陣就入得其實佢除左多士 仲有鮮豬潤 炸豬扒 鮑汁鳳爪 豬手 都好出名。。。今次要左 豬扒麵 35蚊豬扒相當入味 離遠已經聞到佢既香味肉質嫩滑 唔un 外脆內軟 就係咁之嘛！！麵底要左出前一丁 咬好幾好 剛剛熟可樂煲薑 20蚊聞落好有薑味 熱可樂有一種好特別既香味同薑係相當夾 如果有感冒飲佢會幾舒服因為我鐘意薑 如果多多少少薑會更濃郁招牌西多士 30蚊是日重點 西多士 一黎到已經覺得好鬆化 脹卜卜咁 同平時食開既有d唔同 不過糖醬偏甜 自己落得重手左 oh my god !!! 不過 包質真係幾鬆軟 証明佢係新鮮麵包黎 而且外面蛋漿部份薄薄一層 唔會太厚令到個包林晒 更加既係佢夠脆口中間配合埋經典花生醬 成個口感係完滿提提大家 佢五點就會收工喇 所以早少少去

今日黎到排隊排左大約20分鐘~可能因為星期六都幾多人呀~我ORDER左一份炸雲吞, 一碗豬潤牛肉麵炸雲吞炸雲吞配芥末醬 咳都要食😆好脆呀, 係即叫即炸既, 點芥末醬非常好味~因為啱啱炸起, 所以仲熱辣辣~ 正呀!豬潤牛肉麵一開始食覺得啲豬潤好大舊 有小小唔知點咁 因為真係好厚, 份量係好多~食食下又幾好味 ~ 啲豬潤又肥 又厚 又彈牙 牛肉就冇乜特別~ 備註：哩度係星期日休息~地方唔大~ 食完要即閃咁囉...

又是成名後，但不能保持水準的小店本來在石硤尾大排檔做起的（小弟都食了二十多年），以前老闆是泰國人，但出奇地煮得一手好的港式云呑面，兒時食的以牛根腩面及不能底擋的油菜（通菜最難忘）牛根腩，鳯爪，🐷手等都是廣東式柱醬炆法，不過不失，個人喜好牛根腩，現在所胃飽汁鳯爪未有試過，但不能不提是以前的腐乳通菜，那些特別調配腐乳汁是靈魂所在，至今亦不能忘櫰，可惜今非惜比最近小弟有時間，特意幫襯，叫了牛根腩面加一碟通菜，面還ok,但牛根腩已差了很多，那碟我以前無敵的通菜更是失望，可能現在豬潤面先係主打，把以往的泡豬腦後，再一提，辣椒油亦是這店的得意之作，但亦不再是以前的七里香（以前大排檔時，老闆娘煮辣椒油時，方圓七里都聞到，小弟小時不太吃辣，聞到都流眼淚)

本人相當鐘意會雲吞麵，元朗好到底，灣仔永華、佐敦麥文記、上環麥奀、紅磡大光燈、深水埗劉森記，我全部食均。於是又去朝聖。點知，超級失望，講真佢哋個麵真係好爽口彈牙，幾有水凖，但係個湯底就完全唔掂，啲師父多都我食完之後要飲2支水先解都渴。 我對味精好敏感，所以真係冇下次！

日前去太子, 想起很久沒幫襯漢發, 便進店內叫了一碗潤牛麵，同侍應講加隻蛋，佢話加蛋要加雙蛋喎, 我覺得非常奇怪, 哪有強迫客人吃雙蛋的道理? 但當下沒有細問, 便說ok麵來了, 由於雙蛋的關係, 再加上豬潤及牛肉, 已經塞滿整個碗要知道如果食材與碗碟的比例不合適, 是會影響食物的觀感, 本來可能好吃的菜, 也會被扣分(店方好明顯沒作這方面的考慮, 才會迫顧客加雙蛋吧)漢發用的麵是出前一丁, 很多來光顧過的人都知道, 可是, 我的那碗出前一丁, 非常難吃!整碗麵好像用清水煮的一樣, 淡而無味, 這對於天天煮很多碗出前一丁的店來說, 是非常過份的事!豬潤和牛肉都沒問題, 但這碗不需什麼技巧煮的麵, 竟然索價47元!一道食物賣多少錢, 大家心中是有把尺的: 店租、食材、烹調技巧等漢發位於深水埗舊區, 附近沒食肆, 人流稀少, 租金很貴? 算了吧整碗麵最貴的是牛肉, 其他全是極平的材料烹調技巧更是非常普通, 自己在家也可以煮出來不知漢發是否自恃自己曾有不少明星光顧, 薄有名氣, 便不知天高地厚如此難吃如此貴的麵, 我是無論如何不會再吃的了

兩點零鐘黎到 唔洗等位 入去就有得坐搭枱坐不過都好闊落叫咗豬潤蛋公仔麵（$29）同蝦子雲吞撈（$40）厚切豬潤正到爆呀 煮得啱啱好 唔會熟到鞋哂有啲人好鍾意薑味嘅清香湯底 但呢度D湯底係無薑味嘅 啱晒我呢D唔好薑嘅人！蝦子麵D麵夠晒彈牙 好多蝦子 加埋啲蠔油 好好味