漁獲浜燒 (已結業)

沖繩風沙律豐富沙律有沖繩海葡萄🍇，新鮮車厘茄、日本苦瓜，還有新鮮刺身三文魚、帶子、魷魚，混合柚子果醋清新，酸酸甜甜特別開胃。天祿光臨大吟釀這一瓶日本清酒在小清新中帶點梨果香味，專門配浜燒海鮮。鎮店之魚 — 喜知次店長強烈推介我們這道燒喜知次，這條淨重約400-500克，以我所知廚師會洗淨魚身及去除內臟後，再以竹籤穿過魚身定型，使喜知次燒熟後仍然展出活靈活現的姿態。鹽燒是傳統處理方法之一，魚皮燒得香脆，魚肉嫩滑多魚油。主角 — 龍蝦二食一食是龍蝦刺身，爽口彈牙食得出龍蝦鮮味。二食是龍蝦膏甲羅燒，將龍蝦肉剪碎混上龍蝦膏和特製的麵豉醬，連殼燒熟，一邊燒已經香氣撲鼻，色香味俱全。浜燒生蠔、活鮑魚、長腳蟹、蠑螺加入清酒 🍶 和 高湯 慢燒，帶出生蠔鮮味和海水味。浜燒大扇貝可以選擇用高湯燒或牛油燒；我們選擇了牛油燒因為生蠔蠑螺，已經試過高湯清酒燒。在這裡店員一邊替我們燒，一邊和我們分享不同的燒法，服務周全。

最近心情不太好，煩心痛心的事接二連三。對我來説，紓解壓力的最佳辦法就是吃頓好的。放工後相約朋友來到了銅鑼灣的漁獲浜燒。我們大約晚上6點便到達了餐廳。幸好早入座，因爲餐廳很快便坐滿了。點好食物後，店員送來了兩杯welcoming drinks，是清酒。清酒很易入口，味道帶有點點果香，很適合不太喜歡濃烈酒精的我。先來刺身盛合6款。這個盛合有三文魚腩、油甘魚、帆立貝、赤貝、赤身吞拿魚、中拖羅。每一款刺身都相當新鮮而且高質！三文魚、油甘魚和拖羅都很厚切又肥美，有入口即化的感覺。赤貝新鮮爽脆，和帆立貝一樣鮮甜無比。另外，我們還點了一份沙律，好吃程度爆錶！黑松露火焰燒平目魚邊沙律。這個沙律的精彩之處在於平目魚邊，肥美而且魚油甘香，搭配香濃的黑松露和牛油果、生菜等，味道豐富！吃完前菜之後就來到重頭戲了。二人前浜燒盛合。這個盛合有珍寶大蝦、松葉蟹脚、兩隻鮑魚、兩隻蠔和兩隻帆立貝。全程店員都有幫忙燒海鮮，我們只需要吃就好了，十分貼心。蠔雖然不算大隻，但絕對新鮮、鮮味十足！毫無腥味！鮑魚口感爽脆彈牙，不用特別調味就已經吃到其鮮味。松葉蟹脚啖啖蟹肉，很滿足呢！珍寶大蝦相當驚喜！肉質十分脆口，蝦鮮突出，還有蝦

一坐低店員送上一杯帶微酸草莓口味的welcome drink讓我們打開味蕾迎接美味的食物然後推介天祿光臨，此酒入口李味香濃，酒質清雅但韻味深長，配合海鮮更能帶出食物鮮味先來一個開胃醒神的前菜，沖繩風刺身沙律，沖繩海葡萄，日本苦瓜，配柚子醋汁，再加上新鮮沙拉菜同三文魚，帶子，吞拿魚⋯等等！食完前菜，師傅拿出一整條金目鯛不消幾分鐘一盤賣相精美的刺身已放在眼前，大大嚿魚肉，點上加入蔥薑同埋蘿蔔的酸汁，將魚鮮味再提升了浜燒時侯到了，日本白貝，北寄貝浜燒，各有特色，白貝雖然細細隻但味道鮮甜美味，北寄貝加入高湯同清酒一起煮，吸收高湯精華，食落更鮮更甜味噌蟹甲羅燒，蟹膏加入蟹肉一點味噌，鵪鶉蛋，蔥和香脆的麵包糠，入囗更香滑，蟹膏味更濃郁再來一條燒伍馬一夜干，燒得外皮酥脆，肉質鮮嫩，用鹽燒方法令魚乾身點，所以食落有咸香味，令人一試愛上師傅將金目鯛魚骨放入味噌湯一起煮，飲落更有層次感最後食埋個清新帶點微酸的柚子雪芭不得不讚負責浜燒的師傅經驗豐富，時間拿捏得恰到好處，所以食物出來的水準甚高，此店店員親切有禮招待，下次一定同好友再來

又開始踏入公司每年的旺季，工作接蹱而來，實在有必要出去飲杯鬆鬆。漁獲浜燒位於銅鑼灣澳門逸園中心，由銅鑼灣地鐵站 B 出口一出行前少少就到。店內的環境好像舒服版的日式居酒屋，座位與座位有足夠的空間，氣氛好好，店員也十分有禮貌，有如去了日本的感覺。這裏餐點有好多選擇，以浜燒、刺生為主，加上沙律、酒肴、卷物、揚物、煮物、燒物、食事和甜品等。話明要鬆一鬆，當然唔小得飲番兩杯，店員細心介紹了一支「天祿光臨大吟釀」給我們，店員果然無介紹錯，支酒味道帶有芳柔的果香味及恰到好處的辛口，同刺身和海鮮味道好夾。首先叫了一碟沖繩風沙律清清味蕾，沖繩風沙律有好多新鮮肥美、味道鮮甜的三文魚刺身、油甘魚刺身、有爽脆鮮甜的八爪魚刺身和卜卜脆帶海水味的海葡萄。配上色彩繽紛的甜椒和新鮮翠綠的沙律菜，加上酸咪咪清新又開胃的沙律醋，令人回味無窮。之後叫了一個刺身盛盒六款，有肥美鮮甜的三文魚、有入口軟綿綿魚味香濃的中拖羅、有即撈即劏的原隻爽脆鮮甜赤貝、有紋理清晰肥美無筋的大拖羅、有肉厚味鮮口感鮮嫩滑溜富彈性的帶子和魚味細膩香濃的油甘魚。吃吧沙律、刺身後，就開始令人期待的浜燒，我們叫了特上漁獲浜燒盛合(2 人前)。盛合真的好豐

我同朋友都好鐘意食日式燒烤 同海鮮食日本餐廳最多選擇既地方就係澳門逸園中心全座大廈幾乎層層都係餐廳而且有好多出色既日本菜今日黎到漁獲浜燒叫左刺身盛合(5款)特製黑松露炙燒平目魚邊沙律松葉蟹鉗浜燒時令活蠔浜燒活日本北寄貝浜燒生燒鰻魚飯桃味雪葩蕃薯雪葩刺身盛合(5款)先講賣相非常好片片魚生都係厚切晶瑩剔透 啖啖肉而且真係好新鮮牡丹蝦同海膽 係我最愛同時有齊真係好滿足特製黑松露炙燒平目魚邊沙律依種魚類唔係經常食到所以試下特別既菜式估唔到咁好食黑松露味好濃未食都聞到好香平目魚真正入口即溶口感好正推介大家要一試跟住就係重頭戲我地期待既燒海鮮松葉蟹鉗浜燒時令活蠔浜燒活日本北寄貝浜燒有專人係旁邊燒比你好好服務活蠔好肥美 漲卜卜生燒鰻魚飯都係水準之作鰻魚索哂燒汁整體黎講全餐飯樣樣都好味食到好飽好滿足

好耐無食日本菜，於是相約好姊妹去擦番餐，同事經常黎食，所以十分推介説是必試之店日本沖繩沙律： 不錯的前菜，魚生加上新鮮沙拉菜，酸酸的好醒胃。師傅介紹新鮮空運的金目鯛魚刺身，只需輕沾加入了薑蔥的酸醬油， 就能帶出魚肉的清甜，魚質新鮮彈牙甲羅燒配多士，吃完冷葷，來個燒蟹蓋暖胃是不錯的選擇。燒日本白貝：燒海鮮繼續來， 餐廳並沒有介紹錯，這款燒白貝真的不用沾任何醬油都非常鮮甜，很肥美，下次再來都必點。高湯清酒煮北寄貝，燒跟燒白貝比，味道相對清淡， 雖然刺身食法比較甜爽，但燒的食法也不錯伍馬一夜干，以鹽醃製一整天令魚肉較乾身和帶點鹹味，以爐端燒方式把魚皮燒得脆脆，筷子輕輕把魚肉拆出，已可見魚油滲出， 然後沾上提供的酸汁， 酸汁不但把油膩感除去， 並帶出了魚油的甘香。 值得一試！燒魷魚，師傅的手勢值得一讚！外微焦內柔軟，聞到陣陣燒魷魚香。但只要稍為過火，便會吃到像橡皮擦一樣永遠都嚼不完。番薯雪糕甜品，亮點！必食！ 實實在在的蕃薯味道，甜度適中，吃第一啖已欲罷不能，以這個甜品結尾--完美！

今日係同男朋友嘅紀念日，我哋放工去咗銅鑼灣一間日本餐廳食海鮮！呢到主打浜燒！會有店員係你隔離親自為你即場烹調～店員首先為我地開咗一支燒酒，「北鹿」味道清涼，帶少少果味，容易入口。然後點了呢碟「沖繩風沙律」，冇諗過除咗沙律菜，仲有好豐富嘅三文魚、吞拿魚、魷魚、帶子等刺身。成餐飯其中一個重頭戲，就係食原隻龍蝦！店員首先俾我哋拎上枱，睇吓佢影吓相，之後就會幫我地安排幾款食法！第一種食法係龍蝦刺身～將龍蝦肉薄切。食落口好爽，帶少少小小甘甜嘅鮮味第二種食法就係變成甲羅燒！見住店員先將蝦尾嘅龍蝦肉連殼燒熟，再剪碎龍蝦肉，加入蟹膏再燒熟！濃郁嘅蟹味未食都聞到非常之香！之後再食餐廳嘅鎮店之寶！北海道深海魚 - 喜知次，有少少油分，所以肉質嫩滑、細膩！知道係日本嘅高級魚，好滿足啊！最後就食各種浜燒海鮮！有長腳蟹、鮑魚、生蠔、扇貝、螈螺！其中最滿意係以牛油燒嘅大扇貝，店員喺自己隔離即點即燒，又可以喺旁邊偷下師，打聽下呢到各種海鮮嘅食法！服務真係一流啊！

偶爾冇咩大事發生都會想食餐好既獎勵下自己，今晚黎到朋友推介既日式浜燒店豪一豪，環境未算好華麗，但呢種深夜食堂既小店感，真係傾計一流。特上漁獲浜燒盛合 (二人前) ($698)包左珍寶大蝦、松葉蟹腳、鮑魚x2、蠔x2同帆立貝x2，另外可以加錢升級成其他海鮮，店員話今日龍蝦好生猛，就加左$550 將珍寶大蝦升級成原隻龍蝦活刺身+甲羅燒兩食。第一眼就見到全部海鮮都色澤鮮明，好有岩岩捕獲既鮮活感。 店員會先將擺盤靚靚既盛合呈上，俾客人打卡後再即席係旁邊提供燒烤服務。 大大隻龍蝦無花無假新鮮撈上黎，展示過生龍活虎既樣貌之後，就交俾師傅接手處理。從來我都深信部分海鮮係唔適合做刺身，例如蟹同帶子好多時都係熟食更能引出甜味。  所以一開始店員提議兩食我是拒絕的，見朋友真心想試下就俾次機會，估唔到會完全扭轉哂我印象。 龍蝦刺身晶瑩剔透，比起一般刺身切得厚身，完全突顯出生猛海鮮既爽口彈牙，單單係咀嚼既瞬間已經對如此鮮明既口感大為讚歎。 一般而言海鮮未經烹調都會較淡味，估唔到龍蝦活刺身鮮味十足，甜度同熟食比絕不遜色，值得一試。見其他客人揀原隻龍蝦做甲羅燒，啖啖肉又好惹味咁，兩食將大部分龍蝦肉做成刺身，本來以

日本回來後一直想再嘗浜燒，便和朋友試試銅鑼灣的漁獲浜燒。店員先給我們一小杯的welcome drink 是天之戸清酒，嘗到少許草莓香氣。我們亦點了另一枝清酒 叫天祿光臨，有點哈蜜瓜的果香氣，很易入口。我們先點刺身盛合6點，刺身全都很新鮮，三文魚腩肥美；赤貝又鮮味又爽脆；帶子肉厚，食起來很鮮甜！赤身和拖羅都有魚香味，特別是拖羅入口即融。之後店員便幫我們安排二人前浜燒盛合，賣相很吸引！有鮑魚、蠔、珍寶大蝦、松葉蟹腳和帆立貝，而且都會是店員幫我們燒好，我們只要等食，太好了！燒蠔後仍然大大隻，保留蠔汁。而松葉蟹和燒鮑魚亦充滿鮮味，特別是鮑魚的肉質爽口。帆立貝有兩食，清酒煮帆立貝更突顯鮮味，而我們更喜歡牛油煮帆立貝，因為食起來則更惹味更香。燒大蝦亦很好食，蝦肉很彈牙爽實，燒得又香！我們亦多點一條伍魚一夜干浜燒，是馬友魚，燒起來的魚皮更脆皮，魚肉咸香不會太乾，很惹味，真是令我一口接一口！最後我們點了水果雪葩消膩和去口氣。整體來說，不論是刺身和浜燒，食物質素都很高，而且服務很好，可以再來！

漁獲浜燒餐廳格局是和式佈置，一踏入餐廳便聞到一陣烤海鮮的焦香，開宗明義提供各種一流水產菜式。沖繩風沙律作開胃菜式相當合適，不但有包括帶子在內的多款厚切刺身，還配搭沙律菜、苦瓜和珍貴的海葡萄，由醋汁連結各種食材，醒胃之餘咬落清脆爽口，先聲奪人絕不馬虎。再來的是少見的秋刀魚刺身，魚身幼長非常考驗師傅刀功，擺盤賣相非常好，秋刀魚口味自帶一種濃香的醬油味，不需要依賴沾沾豉油已經鮮味滿滿，味道討喜。來到主角，浜燒由店員在食客面前即席烹調，大家可以依個人口味選擇以清酒或牛油加入調味，清酒方式最能夠保留食材鮮味，特別是活凡立貝等新鮮食材，原始風味最珍貴。店內有清酒推廣，遇岩日子可以試多幾款清酒，不得了，所以三五知己一齊分享美食會好抵！

在特別的日子，要好好的慶祝，今晚我們二人用海鮮來犒賞自己🥰坐在吧枱，首先開一支清酒🍶，現在星期日至三有清酒買一送一的優惠，不要錯過！我們喝的是Akabu 赤武，帶點甘口，坐熱喝後勁濃，正！吃浜燒前先吃沖繩風沙律🥗，是海葡萄魚生沙律，加了柚子醋，酸酸甜甜挺開胃。秋刀魚刺身，第一次吃秋刀魚刺身，格外有驚喜！原以為會帶少許腥，怎知道一點也不腥，十分鮮味，點些酸味道更好。來到重頭戲——海鮮浜燒，今次選擇了二人盛合，升級了活白貝及活帆立貝。工作人員十分有心機，在旁幫我們燒海鮮。燒蠔美味鮮甜，在口中那又滑又香濃的感覺，令我不能忘記！活帆立貝加了清酒煮，不用再加調味已很足夠。大蝦肉質結實，可試點海鮮醬 ，胡椒柚或七味味噌醬。大滿足後，再吃個雪芭，完美晚上🌃🤩👍🏻

我班大學同學識左十幾年，食親唔係打邊爐就私房菜，其實女生們都好愛吃日本料理，所以今次一行六人去左銅鑼呢間日本料理.我地有訂位，不過環境比預其中差，比較窄，如果想坐舒服d，我諗訂位時要同餐廳講聲。.講番呢餐，食物方面比我預期之中更好食，個人最喜歡係金目鵰刺身，配上酸汁。超鮮甜，入口肉質好實同爽口，食完淨魚頭可以拎去煮湯或煮炸都可以。.其他海鮮都好新鮮，份量好足夠。呢家日本料理食物質素好高，價錢相對都比外面高一點，但是食到水準感覺仍好值得。

特製黑松露炙燒平目魚邊沙律 ($138)顏色鮮艷，滑溜嘅牛油果配合油份爆燈嘅平目魚邊、仲有香濃嘅黑松露醬，味道非常夾，超級好味！金目鯛刺身 ($580)原條起肉做刺身，夠晒霸氣！油脂適中，肉質細膩，食完之後，店員將成條魚骨攞去炸，有啲鹹香又脆卜卜，送酒啱晒味噌蟹甲羅燒 ($78)店員將鵪鶉蛋、蟹膏及脆脆撈勻後就開始燒，瞬間已經燒好，食落唔係好膩，搽麵包食好襯活日本北寄貝 ($198)口感軟綿又鮮甜，一啲渣都冇活龍蝦浜燒 ($598)第二次食原隻龍蝦，燒之前仲拎咗埋嚟俾我哋影相。一路燒一路加上龍蝦膏及蝦肉味噌，肉質彈牙有嚼勁，味道濃郁香煎蒜片厚切牛舌 ($98)係我最愛嘅牛舌！每一塊都好厚身，外層煎得香脆，內層好爽口，食出啖啖都係肉汁，最重要係蒜片夠晒嘅香又多，一齊食真係絕配再食埋桃味雪葩及番薯雪糕，完美的一餐~

這次已經是我第四次到這餐廳用餐了！每隔一段時間便會回味這裡的燒海鮮。浜燒的食店在香港好像比較少見，要做到有質素更少。我和朋友一坐下，店員便送上前菜。之後便熱心為我們推介二人海鮮燒盛盒！服務態度很好！加了$450把原本的虎蝦換成龍蝦，肉身鮮味，廚師為我地把龍蝦做兩食，包括刺身和甲羅燒。龍蝦肉質爽滑，而且十分新鮮！甲羅燒加入了龍蝦膏及龍蝦肉，味道十分濃郁。而帆立貝也加了$100轉成活帆立貝，味道新鮮，可選擇以牛油燒或清酒，我和朋友都選了清油，味道清爽口且熟得剛好。蠔的質素也不錯，不會過腥，而且新鮮。盛盒買包含了蟹腳和鮑魚，鮑魚新鮮爽口不韌，而蟹腳則普通。因為我和朋友都愛活魚刺身，今次也不例外點了！刺身新鮮，人口沒有太重的油分，適合喜歡清爽口感的朋友。而魚頭部分，廚師把它放湯，魚味夠濃，加入豆腐和昆布煮成麵豉湯，鮮味十分！及後朋友念念不忘這裡的燒白鱔，所以決定要點一份。白鱔的口感不會太軟身，加上燒汁及有燒焦的邊邊，既脆口又有鮮味！整體而言，餐廳服務態度良好，而且燒海鮮的技術性十分純熟！絕對會推介給各位！