漁火海鮮刺身火鍋

營業中

休息中

收工想係銅鑼灣打邊爐，咁岩見到呢間9點半後全單8折，就book左夜晚兩位打邊爐。湯底試左蕃茄薯仔湯拼胡椒豬肚湯，兩邊湯都好好飲，真材實料，打邊爐前都忍唔住飲返兩碗，值得一讚豬肚煮得剛剛好，好味😋小食方面鬼馬油炸鬼有驚喜，同埋牛頸脊入口都好嫩同有咬口，其他仲叫左雲吞，雲吞入面隻蝦好大隻同好爽口，午餐肉味道都不錯，響鈴系岩岩炸起，好薄同好脆，服務員話浸半秒就可以食了，仲叫左份生菜都洗左好乾淨。最後連叫左一渣橙汁埋單7百幾蚊，可以再encore試其他湯底👍🏻👍🏻👍🏻👍🏻

第一次響銅鑼灣打邊爐, 搵到依間地點方便, openrice d相片幾靚諗住試下, 食物一般, 服務ok, 不過就好貴, 又唔係食啲特別貴嘅嘢, 100蚊一碟雲吞, 有8粒, 嗌咗個牛肉拼盤,普通好食, 份量少, 所以貴, 所有嘢嘅價錢其實同我去其他打邊爐差唔多, 但係份量我諗少咗三分一, 不過啲雲吞就真係好貴, 我哋仲要嗌咗兩碟, 因為小朋友要食雲吞🙈🙈 四大一小, 埋單二千多蚊 🤔🤔 嗌咗一碟蠔一碟鱔片, 兩碟雲吞, 兩碟小食九肚魚, 一碟手拍青瓜, 一份牛肉拼盤, 一份牛肉丸, 一份生腸, 一碟烏冬, 一份三文魚 (非常細件同埋小), 一支竹蔗茅根, 湯底係梅菜豬肺, 啲豬肺超難食, 又淋又鞋!! 總括啲食物普通, 冇一樣嘢我覺得係特別好食, 個湯底就真係唔掂仲要差唔多200蚊 (計埋加一) 只可以話非常唔值所以唔會再去...

漁火海鮮刺身火鍋位於銅鑼灣，地點好方便花膠響螺燉豬展。手切頂級PRIME牛肉牛胸爽爽彈脆鯇片白滑鮮鱔片招牌雲吞王潮式手打牛筋丸生筋冰凍豆腐雞脾菇椒鹽九肚魚法國生蠔

銅鑼灣📍湯底 #天麻白芷魚頭湯 🐟 湯底非常清甜，一啲都唔油膩。如果天麻嘅味道再重啲會比較好！價錢尚算合理，環境坐得舒服。~*~*~*~*~*~*~*~*~*~*~*✅牛肉都有好多款，試咗個牛頸脊🐄好有牛味！ 肥瘦適中！ ✅脆骨腩亦都非常厚切，有口感好彈牙！ ✅鍾意食內臟嘅朋友，哩一間都好多選擇，你唔係成日有嘅#牛王喉 都有 ！✅菜嘅款式都非常之多，亦都好新鮮！✅唔係好多款唔同手打嘅丸！ 重點推薦一款小食: #鬼馬油炸鬼 🈵即叫即炸，好脆口! 必食呀🉐~*~*~*~*~*~*~*~*~*~*~*🌟overall scores: 8/10~*~*~*~*~*~*~*~*~*~*~

早幾日去咗呢間#漁火海鮮刺身火鍋，發現佢哋湯鍋都幾重料，款式選擇多，新鮮海鮮及刺身，龍蝦、加拿大野生象拔蚌、刺身活魚、鮑魚、帶子全部都勁正！當然仲有手切本地鮮牛頸脊、走地清遠雞、特選牛肉盛等都係必食！等我簡單介紹下有咩菜式必點啦！肥大花甲：粒粒都勁大隻又肥美！重點係冇沙日本稻庭烏冬：我每次食火鍋都一定叫呢個，因為飽肚野生竹笙：超大條！勁厚！口感爽！西洋菜：呢個季節竟然有！打邊爐一定要食！蓮藕片：非常爽口、我最鍾意就係食菜溫室豆苗：豆苗雖然睇落好少、不過分量足夠兩人食

#漁火海鮮刺身火鍋呢間火鍋店超多選擇！而且樣樣都係高質素的鍋底！例如有多款招牌名貴特色湯底：龍皇海鮮湯、花膠雞湯翅、花膠響螺燉豬展，花甲海蝦魚，招牌豬骨煲，天麻白芷魚頭鍋，菜乾白肺燉豬骨等等......我今次就叫咗個天麻白芷魚頭做鍋底，因為呢期成日頭痛，聽人講、飲完呢個湯對長期頭痛的人士好有幫助的。炸魚皮：魚皮超脆皮，唔會覺得隔夜糖心皮蛋：味道不錯，正宗糖心泰式生蝦：我覺得醬汁可以加點功夫新鮮牛胸爽：非常爽口，616就食得極品牛舌芯：必點推介！非常好味

約咗朋友出嚟晚飯聚舊， 想靜靜地傾吓偈但又想打邊爐， 揀咗一間比較質素較高又唔係任食嘅火鍋店。餐廳主攻 比較高级嘅火鍋配料，海鮮， 刺身魚生等等。先來調教好自己喜歡嘅醬料， 最後加上白芝麻和麻油超正！揀咗《胡椒豬肚湯》併《蕃茄薯仔粟米湯》。 胡椒豬肚湯，奶白色嘅湯底濃郁， 充滿胡椒嘅辛辣， 相當惹味。 湯裏亦有頗多豬肚，蘿蔔，雜菇， 非常足料夠誠意！油甘魚腩魚味較清， 肉質細嫩結實， 魚油唔重但係都有回甘嘅甜味， 師傅切嘅厚度啱啱好， 口感一流。美國頂級桶蠔目測有六隻大大嘅桶蠔， 肥美飽滿， 蠔味濃， 放在胡椒豬肚湯裏更能凸顯其鮮味！水庫魚頭喜歡吃魚頭的朋友通常 在吃火鍋時候都會點選， 唯獨每次都比較细件多骨。 但今晚這道水庫魚頭非常新鮮， 唔腥， 大大個魚頭肉很多， 我們都吃到相當滿足！手切本地牛頸脊份量一啲都唔精品， 色澤鮮明，且絕對係手切，因為每塊大細也不一樣，厚薄亦有少少差別。 牛味夠濃， 肉質嫩滑， 同時間嚼到少許筋腱同牛脂， 滋味無窮，牛迷絕不能錯過。嫩綠嘅油麥菜， 洗切得非常乾淨。餐廳嘅座很舒適，尤其是卡座， 椅背設計得較為高， 夠私隱，坐低後見唔到其他卡座嘅人。

漁火海鮮刺身火鍋地點好方便，港鐵銅鑼灣站C出口對面就係。湯底好吸引，有龍皇海鮮湯、花膠雞翅、花膠響螺燉豬展......等炸魚皮、椒鹽九肚魚，呢道菜好考功夫，九肚魚既肉質滑嫩，煮個時稍一用力啲，魚肉就散會哂。呢到煮得好好，keep到滑嫩之餘同時乾身酥脆，魚肉鮮香！新鮮本地龍蝦🦞， 肉身鮮嫩口，龍🦐肉味重且肉質口感嫩滑，超滿足！只需烚2-3 分中就岩岩好，食落肉質結實爽脆，夠嚼勁！手打墨魚丸🦐丸，一碟8大粒，餡料足，大大粒，完美吸收花湯底既精華。咬勁十足，又脆又多汁。

即開法國白珍珠生蠔HK $48隻，少少海水味，蠔味濃，口感清爽甜美，不錯。椒鹽九肚魚HK$98，好睇師傅功力，呢到炸得幾好，九肚魚肉新鮮，好似豆腐咁軟同嫩滑，入口即溶，啲細骨炸到脆卜卜，可以食埋，外酥內嫩，口感奇妙！湯底 我地今次就食花膠響螺燉豬展 HK$198！火鍋好唔好食，首先要睇佢湯底，只可以話湯底比住家湯仲好飲。爽彈脆鯇片HK$68，好新鮮，真係同名一樣，爽口脆彈！呢到有新鮮牛胸爽HK$98，好少肉反而有一大片白色既野，唔係脂肪，似好薄好薄既軟骨，入口出奇地爽口，口感好特別！招牌雲吞王HK$88，真係好大粒，粒粒雲吞都脹卜卜，大舊鮮甜豬肉大隻爽口蝦，好足料。自家竹蔗茅根HK$58，打邊爐一定飲，健康清熱又解渴，甜度適中，味道剛剛好。

今晚和朋友慶祝生日，朋友揀咗銅鑼灣京都廣場樓上嘅《漁火海鮮刺身火鍋》， 地鐵站出行過對面馬路，非常方便就近。餐廳裝潢簡約平實， 主攻生猛海鮮，刺身，火鍋靚料。 皇牌梗係唔少得生猛龍蝦～九宮格調味醬料， 自己調配適合嘅口味～餐廳提供多款滋補養生鍋底， 雙拼就最完美可以試兩款湯底。 《胡椒豬肚湯》拼《蕃茄薯仔粟米湯》， 蕃茄薯仔粟米非常清甜， 有天然嘅蕃茄酸，冇多餘嘅味精加重味道。 裏面勁多料，什有住家feel 的湯底 手切本地牛頸脊極品火鍋怎能缺少靚牛肉呢。 手切牛看似粗糙，食落質感柔軟， 油花和肉味兼備， 回味之極。 配上點選嘅稻庭烏冬， 更加係錦上添花！牛骨髓好耐冇食牛骨髓， 唔係咁容易買到嘅火鍋料。 牛骨髓份量足，夠租， 冇雪味腥味， 軟綿綿的又吸汤，美味！自家韮菜餃脹卜卜嘅餡料， 有韭菜香， 豬肉餡偏瘦， 唔會好肥， 健康嘅餃子。滑滑的稻庭烏冬， 放湯一流。 仲有三個，放汤后一兩分鐘就可以， 雖然飽飽但都可以一人食一個。😋美國桶蠔桶蠔肥美鮮甜， 大大隻渌完都唔會縮水， 好夠份量。火鍋店食物質素唔錯， 價錢中等用料上乘， 值得一試!

漁火海鮮刺身火鍋地點好方便，港鐵銅鑼灣站C出口對面就係。湯底好吸引，有龍皇海鮮湯、花膠雞翅、花膠響螺燉豬展......等炸魚皮、椒鹽九肚魚，呢道菜好考功夫，九肚魚既肉質滑嫩，煮個時稍一用力啲，魚肉就散會哂。呢到煮得好好，keep到滑嫩之餘同時乾身酥脆，魚肉鮮香！新鮮本地龍蝦🦞， 肉身鮮嫩口，龍🦐肉味重且肉質口感嫩滑，超滿足！只需烚2-3 分中就岩岩好，食落肉質結實爽脆，夠嚼勁！手打墨魚丸🦐丸，一碟8大粒，餡料足，大大粒，完美吸收花湯底既精華。咬勁十足，又脆又多汁。

漁火海鮮刺身火鍋係銅鑼灣駱克道既京都廣場，地點好方便。佢既湯底好吸引，我地今次就揀左花海蝦花甲湯，湯底好正好好飲。手切本地鮮牛頸脊 $248（大），呢排火鍋好鍾意點牛頸脊，聽說佢係牛活動量較多既部位，所以肉質相對結實，脂肪唔多，肉味又較香濃同時肉質爽脆，有咬口！自家打造蝦丸拼墨魚丸， 爽彈、嚼勁一流，有鮮味，一口咬落去，成口肉汁精華。尤其是蝦丸，蝦味很重很鮮甜。炸魚皮、鮮魷魚、牛柏葉，都非常新鮮，而且好大碟份量很多。還竟然有本地龍蝦 $328， 超級新鮮， 爽口。好正！

突然好想打邊爐，揀左銅鑼灣既漁火海鮮刺身火鍋，地點方便。佢主打新鮮海鮮及刺身，本身今日一心打邊爐，但都點左兩隻即開生蠔試試，法國白珍珠生蠔雖然唔算大隻，但夠哂鮮甜。有好多款招牌名貴特色湯底揀，我地就揀左花膠響螺燉豬展。上枱滚開左個刻已經聞到好香，湯底清甜，仲有豬展、雞腳一齊煮，味道更濃！為左個湯，專登點左冰凍豆腐，可以吸哂啲湯食。打邊爐必食當然有牛、牛同牛！呢到既手切本地鮮牛頸脊，份量大，肉質鮮紅色好新鮮，口感鮮嫩爽滑，好食！呢到有新鮮牛胸爽，好多人以為牛胸爽白色一大片既脂肪，其實唔係，佢係胸腔肋骨中間既軟骨位，食落非常爽口，口感完全不一樣！另外仲有白滑鮮鱔片，魚味鮮甜又脆口又滑溜，一啲腥味都冇。

我地就揀左花膠響螺燉豬展。睇湯名就知好滋陰養顏，最啱女仔，湯底鮮甜又足料，好多花膠，仲有雞腳、蟲草花、龍眼肉等，材料好豐富，嘆到足料靚湯！可以先飲湯後打邊爐，唔好浪費左老火靚湯，我飲左兩碗湯先開始打邊爐！爽彈脆鯇片好新鮮，只需烚三至五秒就岩岩好，食落肉質結實爽脆，夠嚼勁！白滑鮮鱔片同樣爽滑鮮脆，魚味鮮甜！招牌雲吞王，絕對唔係雲吞仔，雲吞中發現原隻大蝦，爽口鮮甜，皮薄餡靚！潮式手打牛筋丸，帶少許嫩筋，口感爽脆，有嚼勁。另外仲有點左生筋、豆苗、冰凍豆腐、雞脾菇等。熟食就點左椒鹽九肚魚，不錯！九肚魚好難煮，通常都出街食。夾椒鹽九肚魚時要溫柔啲，一粗魯用力就會整散，咬落會感覺到表皮卜卜脆，特別酥香，唔會腥。

放左工，咁有朋友仔叫我試下依一間咁我就去試下。入到去環境都幾好，職員服務態度都好好佢會推介你食咩，比意見你，而家上料都好快咁我地就決定左叫依個花膠響螺燉豬展，咁佢黎到都要煲滾先可以飲既個場飲落好夠味，但花膠有D彈牙，唔知係咪因為未煲得太淋，不過都好食既。我自己都飲左3碗，咁你飲哂之後個職員就幫你加湯底，咁你叫左既火鍋配料就可以放落去咁我打邊爐就一定要叫墨魚滑同蝦滑，依間既墨魚滑同蝦滑真係好好食真係落足料，口感好豐富而且好彈牙，真係好好食。咁叫左依個窩荀，佢食落都幾好，但冇特別響玲又係我打邊爐必叫既食物，佢係即場炸完再拎出黎比你，所以你放1秒落湯底就可以拎上黎，好脆好好食。依個係黑豚腩肉，佢d肉我想講又係好食，雖然切到好薄，但1d都唔影響佢既韌度依個係什錦刺身，但我覺得依個冇咁好食，食落唔新鮮，佢有落檸檬令到味道帶出多d鮮味但我覺得都係唔得，依個真係好普通