漁火海鮮刺身火鍋

營業中

休息中

即開法國白珍珠生蠔HK $48隻，少少海水味，蠔味濃，口感清爽甜美，不錯。椒鹽九肚魚HK$98，好睇師傅功力，呢到炸得幾好，九肚魚肉新鮮，好似豆腐咁軟同嫩滑，入口即溶，啲細骨炸到脆卜卜，可以食埋，外酥內嫩，口感奇妙！湯底 我地今次就食花膠響螺燉豬展 HK$198！火鍋好唔好食，首先要睇佢湯底，只可以話湯底比住家湯仲好飲。爽彈脆鯇片HK$68，好新鮮，真係同名一樣，爽口脆彈！呢到有新鮮牛胸爽HK$98，好少肉反而有一大片白色既野，唔係脂肪，似好薄好薄既軟骨，入口出奇地爽口，口感好特別！招牌雲吞王HK$88，真係好大粒，粒粒雲吞都脹卜卜，大舊鮮甜豬肉大隻爽口蝦，好足料。自家竹蔗茅根HK$58，打邊爐一定飲，健康清熱又解渴，甜度適中，味道剛剛好。