漁民麵館 (已結業)

今日俾人提一提， 又話想飲湯， 突然諗起一間係元朗既花膠雞湯飯好好食，就飛入元朗食多次（唔記得寫， 下次補返）咁goggle搵地址啦， 點知搵倒另一間又飲湯食花膠既鋪頭。 睇下介紹都唔差， 決定試下新野！首先， 真係唔多熟路， 搵位都有難度， 但都無阻我地搵食既心。 唔難搵既， 都算係大馬路， 因為未黎過， 都係門口望下餐牌先。 價錢都ok. 望多兩望， 有位姐姐走出黎叫我地入去坐。唔知我地係咪太早， 成間野得好少人。 算啦， 唔試唔知身體好！ 試左先。 黎得呢度， 梗係試下佢地招牌 冬菇花膠蠔汁撈面， 認真， 呢個價錢， 呢個份量， 呢個quality, 真係夠晒誠意。 花膠熟到岩岩好又大件， 冬菇好夠味又大隻， 面又煮得岩岩好， 好夠味。 食唔倒咩味精。 佢地個 花膠雞腳燉湯， 呢個價錢都十足誠意， 冇味精， 好大件花膠， 飲完好舒服。 我女朋友就係為飲湯而黎， 佢對個湯就極度滿意。 小食有醉雞翼同麻辣皮蛋， 醉雞翼大隻之餘都好入味， 食得過。 個皮蛋就正正常常不過不失。 仲叫左個雞絲碗仔翅， 不過不失， 但可惜黎到既時候係唔夠熱既。 同老闆娘講左， 佢都好快咁拎去整返熱俾我地，

係友人摻推薦下去到元朗呢間好養生既麵館，一於試試佢最出名既花膠湯麵發現除左花膠湯麵，仲有好多其他吸引既選擇：胡椒豬肚湯麵、冬陰功...另外仲有好多款燉湯同甜品～花膠湯麵 ($40) + 是日燉湯 ($68)花膠湯麵比較清淡，湯底幾鮮甜，呢個價錢有咁大塊花膠好足料，煮得非常淋身。最好食既係佢個冬菇，好入味！要讚下佢個 燉湯，材料豐富除左花膠、螺頭，仲有金華火腿、雞腳、鮮淮山...湯頭甘醇，十分滋潤凍鮮奶桃膠 ($45)唔夠喉，叫多個甜品桃膠絕對係平民的養顏恩物！凍鮮奶桃膠奶味香濃， 甜度岩岩好！ 桃膠份量好足，口感彈牙～之後一定會再同朋友黎試埋佢其他燉湯同糖水！

慢慢發覺原來元朗越來越多好嘢食。唔知係人多所以開定係點樣呢🧐每一次去親元朗都好似有好多野食 其實我去親元朗都只會搵華嫂冰室食🙊咁啱嗰日係星期日，醒唔起華嫂唔開。但係點都要醫下個肚仔，所以就想去即刻上網睇吓有咩好嘢食。見到有人介紹平民版花膠🤩而我本身係花膠愛好者，所以就入嚟睇吓究竟佢點平法先 🤡面就幾爽口🤓唔會覺得軟林林而佢啲花膠比我想像中多，因為50蚊左右食到咁多舊真係太低啦 🤡而冬菇就冇乜特別，不過佢啲汁用嚟撈麵食真係一流🙆🏻‍♀️

漁民麵館花膠係女人既恩物，相信大家都知，依家元朗既漁民麵館有得食拉！有花膠撈麵、花膠湯麵、花膠紅棗燉鮮奶等等，每碗都勁足料，大概有五、六舊大花膠，而且夠曬入味，加埋冬菇，味道好夾，都係三、四十蚊！評分：8 / 10

揾食見到平價食名貴食材通常都既興奮又緊張 實在太易中伏 所以去呢間店試聞名既花膠撈麵前 我都係半信半疑冬菇花膠蠔汁撈麵 盛惠$50 麵是粗麵 冇鹼水味 亦冇煮得過稔👍🏻冬菇是大大大花菇 炆得入味又稔身 多汁 好好食 而主角花膠份量都有七大塊 呢個價錢當然唔好預佢係厚身 膠質都唔重 算是過下口癮啦燉湯$68好吸引 湯品都好清甜又足料 個人覺得個湯仲值得一試 本來還想試下甜品 桃膠類 不過見價錢拍得住市區就冇試了

元朗行開行埋都有好多嘢食，呢間花膠麵都聽過好多次但都無機會食，今日得閒就特登去試一試佢。🤪🤪雖然本身唔係特別中意食花膠，但入到黎無理由唔食主打菜花膠，所以就叫左一個花膠撈粗食。🤤🤤🤤🤤食落個麵好重蠔油味，應該係用蠔油做底去撈。另外麵質都幾爽口，食落唔會淋哂一patpat。仲有花膠好大塊，雖然一定唔會係咩靚貨，但呢個價錢有咁大塊都算係足料dum本。😍😍😍😍呢間店都值得推薦俾人試下😛😛

學完跳舞，同家姐兩個人去食花膠補返隻腳，咁就去食漁民麵館啦。入到去見漁民出左燉湯，燉湯比煲湯多好多功夫，所以叫左兩個黎試。個湯入味，有杞子，花膠，鮑魚又有准山，飲完湯潤返下，唔錯。$68有鮮鮑又有花膠嘅燉湯真係抵。我再食左胡椒豬肚麵，個湯底真係好似胡椒豬肚湯咁忍唔住食曬d麵之後都飲左唔少豬肚湯家姐食左冬蔭公花膠米缐，不過家姐掛住食就唔記得左影相，家姐就話好好味，話個冬蔭公湯底好似泰國嘅冬蔭公，好啦咁我下次試啦

今日行完元朗廣場走去漁民麵館原來多左好多新野原來依家日日有燉飲，今晚有花膠，雞腳，鮮淮山，鮑魚，栗子，椰子，瘦肉。好多料，真係用燉盅上，而d料真係全部食得返，鮮甜，味道剛好。屋企煲湯無法出到燉湯feel啦，$68我都打包左個俾媽咪飲超級推薦之後叫左花膠冬蔭公粗麵$50，花膠大，冬菇照舊正。我自己就好鍾意個冬蔭公味有新意，見人人食豬軟骨我又立即加返$10，又林又入味男友就食四川麻辣米線$38，有豬紅，豬肚，木耳。味道幾好又唔太辣Encore 埋我必叫的皮旦再食個桃膠，超滿足下次再黎飲湯先得

花膠海參一向都覺得係唔平既野多數去酒樓先食或者自己煲湯用我地兩個人就叫左一個花膠海參湯麵,一個花膠冬菇海參撈麵花膠冬菇海參都抆得幾腍但係味道就清淡d如果撈麵既話要靠多少蠔油先夠味而湯麵唔知係咪得我係咁撞正有少部分麵唔熟所以食剩少少(但係呢樣我覺得算係有少少唔夠細心)小食方面,我地叫左拍青瓜,青瓜就爽口得黎個汁又唔辣,加埋個麵就幾好。.以呢個價錢有花膠海參你食都唔要求得咁多,份量少就預左,如果你係食量較大咁淨係叫一個麵應該唔夠食

花膠蠔汁撈麵🍝 $48 – 可自選粗麵或幼麵，花膠大大舊好足料😱，仲有2-3片，煮得非常淋身，冬菇亦亦非常厚身，加上蠔汁配合，令整個麵和冬菇花膠也非常入味🤤，值得推介👍🏻👍🏻。花膠碗仔翅 🥣$38 –加入了花膠的碗仔翅令整個感覺更加漿口，配合雞絲跟木耳，再加上醋和糊椒粉🤤，就是一碗非常漿口的碗仔翅，放入花膠令整體感覺有所提昇🤩。花膠紅棗燉鮮奶🥛 $55 – 燉鮮奶用左3.6牛乳製作🍼，一上台已聞到陣陣鮮奶香味，燉鮮奶當然亦唔少得就係該店最出名的花膠，味道剛好不會太甜，再加入左薑片和紅棗，感覺就是非常養顏☺️，我一個人緊係要食哂一盅🍵，呢個女仕一定要試下。呢度無論主食同甜品🍮每樣款式都唔過$60，飽肚得黎又非常養生👍🏻，推介女仕們快D黎一試👩🏻!

唔大雨唔落街🌧，鬼叫肚仔餓咩， 同媽子本來去東京一品拉麵 ，🤔住一心去食下午茶， 點之三點鐘至有得食🤷‍♀️，咁就去咗元朗廣場附近👇度食麵啦🐟民開咗年幾，今次同媽子都係第一次嚟食，呢度主打花膠麵食🍲， 睇下有冇驚喜先🤭店裏整潔乾淨，座位闊落👍店員服務有禮👍👍有飯食、湯粉、 小食，居然還有滋潤嘅甜品🤭👍下午茶時間有冰豆漿或汽水送😆👍花膠湯米🍲$4O.00比想像中多餸，厚冬菇都有三四塊，花膠都唔少，雖然薄身D，但食落冇乜腥味👍👍👍胡椒豬肚米線🍲$38.00胡椒味幾濃👍， 感覺好少味精👍👩‍⚖ 整體感覺上幾好，以幾十蚊價錢，可以食到咁嘅質素， 已經相當有誠意啦，另外如果豬肚再腍少少就更好啦，下次會試下啲滋潤甜品

同女朋友黎食，佢叫花膠撈麵，我叫花膠飯，D花膠一次比一次少，一次比一次細舊，膠返相連冬菇都比少左！要成$50 得果一塊都夠膽死，環境一般，入去坐低，水都唔比杯，要人主動叫先肯拎黎，重要冷氣機滴水。

話說天氣越來越熱 本來諗住打邊爐 但係搵嚟搵去都唔係幾想食 所以決定去食下面算啦 行到元朗西巴士總站 見到漁民麵館 又醒起佢個花膠麵 咁咪入去試下囉 呢排好似多咗餸菜選擇 不過都係堅持淨係食番個花膠麵算啦 雖然話係花膠麵 其實我係揀左河粉 因為佢啲麵係鹼水麵 同花膠唔係幾襯 其實成本面都非常精美 首先講啲花膠 似打邊爐嗰啲花膠仔 有少少硬身 食落都算順口 跟住再講旁邊嗰隻冬菇 非常入味 其實佢隻冬菇先至係成碗麵嘅精髓 個蠔油芡炆得非常入味 再嚟係個湯底 冇味精 有鮮味 似老火湯咁樣 相當精彩 再加上兩條生菜仔 同一執清蔥 簡直係畫龍點睛 成本嘢只係賣40蚊 非常超值 誠意推介雖然呢度冇乜點叫過其他嘢 亦都唔想叫其他嘢 因為佢個 花膠麵始終係招牌菜 其他嘢冇乜所謂

九龍人的我又跟著新界的朋友到處覓食 無意中發現元朗呢間以✨花膠✨做主打既餐廳 女士們聽到花膠是不是立即聯想到可以養顏呢 而且重點價錢不貴 立馬叫朋友揸車去 去到店裡人不太多 可能比較夜的關係 我們仨各自點了不同款式的花膠菜式 .📍花膠蠔汁撈麵（$48）以這個價位來說 花膠的份量不少 麵條幾彈 亦不會好乾 撈埋d蠔汁仲有冬菇 整體味道很夾 還會附送一碗湯.📍花膠雞絲魚翅（$38）這個又是性價比幾高 花膠份量也挺多 但味道就跟一般碗仔翅差不多 勝在有花膠同大碗.📍花膠紅棗燉鮮奶（$55）來到女士至愛的花膠燉鮮奶 燉出來的鮮奶很香 因為有放到姜片所以奶中有淡淡姜味 整體亦不會太甜 女士們多喝可養顏呢～.✏️總結個人喜好也挺喜燒吃花膠 加上自己家裡又不會有時間整到 這裡可以以一個平常吃晚飯的價錢吃到花膠很不錯 只是地點有點遠 但尖沙咀也有分店 下次就可以去尖沙咀那家分店吃花膠啦

午餐食胡椒豬肚河，唔好食之外，無乜餸之外，比多d河粉食飽你，加十蚊牛腩，只換來一塊半薄切瘦腩，同職員講佢話有兩塊架啦，好似已經比多左你咁，同場都有人反映呢個問題，五十幾蚊，絕對唔值，一定再冇下一次