漁民麵館 (已結業)

見到花膠湯麵就忍唔住要去試下，話哂花膠都係女仕恩物。今次就去試個花膠湯麵，個湯無味精而且食到有膠質，平時鐘意食辣既我食面會落辣油，但為左保持原汁原味乜都冇落都已經好好味。花膠大隻，冬菇大隻又索湯，好好味!不過略嫌個麵淋左d，唔夠爽口。不過呢個價錢係抵食既。

新開嘅麵館， 位於968巴士總站， 地點方便，斷估佢應該好旺， 所以選擇晚一點 九點半先去 😁 麵館主打花膠，仲賣得好平添~ 秘製辣醬拌皮蛋 $15～ 有兩隻皮蛋咁多，最好多啲人share 😚 秘製辣醬香辣帶勁， 辣醬=好食；皮蛋=好食； 辣醬+皮蛋= 唔係好夾囉 😆 涼拌甜酸木/雲耳 $15 ~ 都是辣的， 而且不是微辣 😆 不過酸酸辣辣的 配搭雲耳的爽脆還不錯 😜花膠蠔汁撈麵 $48～ 冬菇厚身， 散發香菇的鮮味， 花膠比較薄但有兩大片， 吸收到蠔汁的鮮甜，口感柔軟 微黏, 至於麵條，粗麵條本身没有特別，煮得剛好，保留麵條彈性，但為何會 Gel 住個口😀？ 應該是花膠溶到蠔汁裏，令麵條吃起來非常黏口。 如果不喜歡黏口的感覺，點湯麵比較合適，或者放到附上的湯裡過一過。但是食花膠嘛~ 不就是為了它的膠質嗎？ 😍本來想點花膠鮮奶作甜品，可是已經賣完，唯有下次請早。結帳時看到貨架上放了花膠，冬菇，魚翅等乾貨， 飢詩多口問 掌櫃 menu 上的雞絲翅是真翅嗎？ 掌櫃說是真的， 有點驚嘆28蚊也有真魚翅食！ 好彩冇叫到🎉，身為愛鯊魚人士，真係一翅都食！！ 💪💪飢Point : 8/10#hun

剛剛小豬🐷行過元朗市中心發現一間非常特別的餐廳 ，不期然已被店門出面相片🎞吸引！餐廳叫《漁民麵館》 呢間主打花膠撈麵小豬🐷好鍾意食花膠！因為有骨膠原💆對皮膚好😘！ 所以立即衝入去食小豬🐷叫了招牌的「花膠撈麵🍝 」同「上湯雞絲碗仔翅🥘」 太過驚訝😱😱😱😱了花膠好淋💯撈麵嘅汁係用花膠淆🍯煮成湯汁非常有 膠質好好味 ！旁邊嘅冬菇🍄肉厚和爽口好juicy😋 最令我驚訝的就是佢哋嘅 「上湯雞絲碗仔翅」 係小豬🐷人生當中最好食的🥇1⃣碗仔翅 🥘，碗仔翅足料 🐤🦐🦈🥘完全感覺不到家有味精味道清甜， 再加埋浙醋🍷加在一起味道完全perfect match 😋，最重要價錢非常親民💰 所以小豬極力推介大家去開🚩元朗市中心✔不妨來依間 ➡《漁民麵館 》📣📣朝聖一下。

噚晚嘅氣溫低過10度, 不過再凍, 工仍然要返, 生活仍然要過, 所以決定對自己好D, 今晚去漁民麵館食花膠大餐!漁民麵館喺元朗廣場巴士總站附近, 位置唔難揾, 小店內裡格局唔錯, 坐位多, 但檯唔會排得太密太迫, 坐得舒適, 樓面姐姐們有禮貌有笑容, 第一印象唔錯! 餐牌只有一張分底面兩頁, 一面是碗仔翅、粉麵及燉品類, 另一面是小食類及飲品類, 今次嚟嘅目的係花膠, 所以一次過叫咗花膠蠔汁撈麵($48)及花膠紅棗燉奶($55)。花膠蠔汁撈麵先上, 花膠份量認真唔算少, 連同伴碟嘅冬菇都炆得入味, 蠔汁唔會過咸, 撈麵可選擇幼麵或粗麵, 今次嘗試了粗麵, 粗麵掛滿蠔汁, 回味無窮! 呢個撈麵CP值真係極高!接住上花膠紅棗燉奶, 盅內嘅花膠份量同樣多, 加入少量紅棗及薑片, 燉奶味道清甜帶有輕微薑辣味, 喺咁凍嘅天氣下可以好好食個咁滋潤嘅燉品, 算係忙碌生活中一點小安慰。題外話, 樓面姐姐貼心安排, 喺我差唔多食完撈麵先上燉奶, 本身如果淨叫燉奶其實係唔駛等咁耐, 不過我想食完咸先再甜, 多謝樓面姐姐肯遷就我。下次再嚟時會試湯麵同其他燉品!

今日星期日暫時人都唔太多, 等一陣就有位, 老闆娘仲好熱情款待! 平日行過見新開, 而且平平地有得食花膠就想試試先叫左兩個招牌, 花膠湯湯清,料都足,冇人地所講味精感, 花膠是可接受, 咁既價錢食算係好唔錯, 喜愛食清的可以一試意外的係, 冬菇大到唔洗錢咁, 大大隻肉厚, 讚!!一般ＯＫ, 辣醬帶有DD苦, 老闆娘仲送小食卷下次用38當然唔會要食到D乜但冇幾多條翅, 但料足口感還是OK可一試

住左元朗咁耐都唔知道開咗一間專食花膠既食店今日都係因為我坐968返元朗落車先發現到呢一間麵館畀佢出邊嘅餐牌所吸引....而且亦有好多燉品食不過我又唔係太肚餓.....所以我選擇左食養顏嘅花膠燉鮮奶既補身又養顏。直頭係女人嘅恩物。呢個燉盅都熱辣辣。花膠都相當足料不過略嫌花膠有少少沙但係總括而言都幾好味唔會太甜而且食完之後個嘴都有啲膠質不過以我認為.....雖然呢間食店以花膠為主.....但係如果加多一啲另外嘅海味食材....可能更為之吸引

上班前去元朗尋味。給個機會這間新開的麵館！店內裝潢設計挺特別，環境舒適感覺潔淨，這個也是選食店的重要考慮因素啊！店內食品選擇不多，就是這兩頁餐牌。主打花膠和養生系列。簡簡單單，點了這個花膠湯麵試下。味道很不錯👍🏻上湯是很清甜的，花膠爽口（雖然有啲人鍾意口感很黏的，但這個都不俗啊）。麵不是很大碗的，對我來說剛剛好（男士可能要叫多一碗😆）！店舖開到晚上11點，下次有機會想試吓這兒的燉品！吃個養生的糖水！

經過巴士總站附近見到呢間新開嘅食店，主打嘅係花膠，價錢又唔貴，咁吸引，梗係要去試下啦。$38有花膠湯麵你食，咁滋補嘅食物又真係好難唔心動嘅。一上枱，賣相都幾驚喜，花膠都幾多下。冬菇好厚肉，炆得好淋好入味，而且仲有幾條菜，感覺都算健康。另一款係花膠蠔汁撈麵，今次揀左粗麵，感覺一樣咁足料，都係有菜有花膠冬菇。蠔汁撈麵比湯麵濃味，兩種食法各有特色。睇下你個人口味係濃味定係清淡，我就覺得湯麵清清定岩我多d。另外再外加一碟郊外油菜，份量都唔細，而且蠔油係分開上唔係倒喺菜上面，都算幾細心。佢仲有甜品同埋碗仔翅，不過食完個麵已經好飽，下次經過要試埋其他野先得。

好慶幸今日去無乜人，花膠雞絲翅$38 ，當然唔好期望佢係亞媽煲開比我地既花膠咁靚啦，係花膠筒仔黎，成碗都好足料咁大大碗,冬菇，雞絲，雲耳都好多，但花膠食落有苦味，而且清淡，早知試下好多人都食緊既花膠冬菇撈麵啦，下次會試下d甜品，個花膠燉鮮奶好吸晴

經過元朗廣場巴士總站附近，見到依間新開的漁民麵館，叫埋朋友入左去試下。估唔到依個價錢，可以有咁大塊花膠，性價比高，花膠同冬菇都好入味。推介花膠撈粗同花膠燉鮮奶，食完個鮮奶個咀真係黏住黏住，好潤，一定會再去。講真，咁嘅價錢食咁大塊花膠，好過自己發，推介大家去試吓😋😋😊

是日驟雨連連 本想去食擔擔麵暖暖身 突然發覺開左呢間小店 看似舒適 而且以花膠入饌 加上店員親切招徠 好 試下啦上座後 店員放上精美餐具 感覺乾淨企理室內亦掛上各菜式的小木牌 開放式廚房 油煙不大 製作情況顯而易見花膠湯河 $38 OK湯底像平日的細蓉 不算鮮美 花膠碎也算爽彈淋滑 值得一讚是冬菇大大粒也炆得入味 麵底則可選粗麵/ 幼麵/ 米粉/ 河粉 是次選了河粉 正正常常啦 整體感覺清清淡淡花膠蠔汁撈粗麵 $48 可選粗麵或幼麵 是次所選的粗麵都夠彈牙 蠔汁味道合宜 同麵底都夾 花膠亦較湯麵類有味道 相對這道較吸引整體來說 店子尚算舒適 以同路段來說 食物也算有創意 服務也不錯 樓面與廚房言談間感覺也融洽 雖然份量不算多 但對返價錢都算合理以新餐廳來講 都可以一試 希望將來增添更多新菜式啦！