漁場台風

營業中

休息中

親愛的知我未食過沾麵，今日就帶左我嚟呢間試下。一入去就有位日男歡迎我地，其他店員都有禮貌，再配合店內既日本小店裝修，即刻覺得自己去左日本食個lunch 。點餐紙上有得選擇份量多少，再配自己想要既配料，都幾好。魚介豬骨味湯汁好香濃，將沾麵放入湯中食，令每條麵沾滿濃湯汁，岩晒我呢d濃味怪，所以縱使加左麵底同叉燒，我都將全部消滅晒！麵好彈牙好Q, 叉燒好大塊又厚肉，平時$25邊食到？仲附送飲品，比起其他沾麵店真係抵食。

男人未食過沾麵，於是我就問下朋友有咩介紹，朋友就介紹左呢間比我，話自選項目多，容易調教岩自己既口味～聽聞都多人食要排隊，於是中午12pm就去到。都已經8成滿座，環境好親民日本風，店員都有禮貌同細心，知我矮於是放個膠箱比我「浪」腳 XD枱上有成煲檸檬水任添，好細心。牆上貼滿左客人比既評語，我一路食一路睇XD 枱上有放指南教客人正確既沾麵食法，岩晒我呢個大鄉里～點餐紙有多個自選項目，我最後揀左：雖然麵量選擇左「小」，但原來食落都多！（餐紙上寫明佢地既都量比一般既多）～ 雖然湯入面已經有叉燒，但一開始太睇少個麵量，所以+$25 另加叉燒。叉燒份量勁！3大塊，厚肉，夠稔食，肉味夠，$25真係好抵！沾麵湯底通常比較拉麵濃得多，所以好適合重口味人士～ 湯好香濃，芝麻味唔重反而豬骨味比較濃，正～流心蛋好入味，平時唔食蛋既我都食晒～麵底有「冷/熱」選擇，我選擇左「冷」，但其實麵底唔會真係好似冷麵甘凍，只係唔會煮熱，所以其實我覺得「冷/熱」都唔大問題。自家製麵條比一般拉麵粗小小，好彈牙有咬口，連蔥加入沾麵湯中食好棒！埋單時先發現佢地原來有放髮圈喺cashier比客人用，幾細心～

呢間餐廳好得意, 日頭就供應沾麵,夜晚就供應拉麵,我本身都想試下沾麵,可惜係夜晚去,唯有另搵時間了...食拉麵淨係會食選豚骨湯底,今次俾我見到有左佢有燒海虾豚骨拉麵,即刻心花怒放,因為兩者都係我好鍾意食既,唔知兩者個配搭點呢。黎到,原來燒蝦係燒蝦乾，雖然份量都多,但心入面都係好失望,因為本身以為係鮮蝦, 可能因為落了蝦, 所以個湯底比起平時食既鮮D,而且呢個湯唔會話好濃味,好heavy, 個味道岩岩好, 岩我呢d食得比較清淡既人食.另外,只要Follow 佢既IG, 仲有另一半蛋送, 成日食拉麵得半隻糖心蛋食, 好唔開心,今次真係算汁到, 蛋黃有甜味, 算煮得唔錯~

熟悉我的人都知道我很愛吃拉麵，由豚王開始，在香港有名的拉麵店我幾乎都吃過。雖然每間都有些不同，但我依然偏好重口味的豚王，那種既漿口又重骨膠原的感覺，就好像一台Ｂ５２把重型炸彈掉到我的胃部一樣，那種感覺久久不能散去。荃灣的拉麵台風是另一間我很喜歡的拉麵店，除了細心的服務外，更重要的是他們沾麵的汁濃度很高，份量也很足！大熱的天氣在門口排了整整５分鐘！好了才５分鐘我還算是很幸運的。店內充滿著客人的評語，無論日文還是中文，句句都寫下對店家的愛！而且店家也有細心回覆，只要你回頭再吃就會見到了。對女生很體貽的髮箍，怕吃完之後忘了拆下來？不用擔心，它們都是免費的採用檸檬水是另一大特色，亦是我喜歡這家店的原因。正宗的拉麵店用的通常是冰水，但我卻不喜歡冰水跟混濁的湯底混合的感覺，胃部會很易出現不適。沙甸魚味豚骨拉麵（加蛋，叉燒）香港的魚介湯底很多都非常平庸，這碗的魚香味卻非常濃郁！尤其是沙甸魚這種比較濃味的魚類，作為魚介湯底更形濃郁。不過如果論厚度的話，還是跟豚王差一點。中間層層疊的是小魚乾，為豐富的湯底再點綴一下。至於拉麵底我點了普通，算是比較彈牙，適合香港人吃的類型，如果你想吃日本人版本，一定要叫硬

係旺角實在太方便我，lunch time又走去食沾麵。印象中，沾麵好食過拉麵，因為我鍾意濃湯底。今次都係要左個魚介原味，無加任何野，蛋都重係好好味，湯底ok，今次個肉比起上次係多左大件左，但好廋好乾，咬到最後一件，質感好似街邊魚翅既廋肉未整絲前咁乾，真心有些少難咬，其他全部都ok既。填左意見，不過我見佢放哂係個垃圾筒內 (可能只放order紙吧) 希望睇到意見，可以加多項選擇肥or廋既肉，唔係既，比幾大舊肉我都無用提議 : lunch time可以送飲品，或者用吸印仔儲次數换飲品，$8x只得麵一碗，飲凍水，真係有少少貴，間中食下係可以既，如果想經常食既我就唔會唸

成日旺角行街唔知食咩好，咁岩係花園街剪頭髮就搵左間拉麵店食，就係旺角街市附近，去到果時門口都有幾個等緊位，成個店都好有日本feel!成間感覺就係日本果d拉麵店囉其實本身想食沾麵，但原來日間先有沾麵，夜晚就得拉麵食！店內佈置勁多日文，全部都係吧坐位，就唔會有得面對面坐啦仲有得睇坐師傅整野食，佢地好似係日本人，好似係成個牆都貼滿客人ge留言，有日文又有中文，當中都好多好評呢度服務好好，見我地吊腳，比左腳踏我地踩，即刻坐得舒服曬免費有勁濃ge檸檬水，等你食麵時可以refresh一下味雷夜晚得呢張紙可以order，我揀左普通拉麵，睇睇個份量，正常係200g架，另外自己加多左個半熟蛋但原來本身個拉麵都有蛋架一行3人，大大碗拉麵，我唔客氣啦朋友係加左紫菜，好誇張，大大塊紫菜圍左半個碗叫多個蛋，一共係個半蛋，個蛋真係好好味，蛋黃完全半熟狀況，咬落好軟綿綿，同埋唔係就咁煮架，成個蛋似係放左醬汁，另外個麵係勁多份量，好似食極都食唔完咁，加上超濃味ge湯，好似係沾麵個湯咁呀，成口都有拉麵ge味，久久都未散，正！

今次嚟到漁場台風搵食！ 自從朋友仔介紹咗我去食荃灣台風拉麵後～就已經好少食其他拉麵店～今次忽然想食拉麵～但朋友仔又唔想去荃灣～所以去咗旺角分店～旺角分店係上午食沾麵～下午食拉麵～好想食沾麵啊店內好多日系海報～同埋顧客嘅留言～桌子高度雖然比荃灣店矮～但店員貼心地搬咗張櫈仔俾女孩子墊腳！而對於長頭髮嘅客人～仲有一盒彩色嘅橡根俾佢哋食麵時綁起頭髪～（用完可拿走）服務比母店細心！燒海蝦味豚骨拉麵 （$88）豚骨味濃～蓋過了蝦嘅味道～感覺同菜名不同～有失燒海蝦味之名麵不能選軟硬度～個人覺得偏軟～而且麵同湯唔夠熱～好怕食啲唔熱唔凍嘅拉麵⋯⋯好處係加入咗櫻花蝦～增添口感。鰹魚味豚骨拉麵+紫菜 （$83+10）因為係鰹魚base～所以湯底偏鹹～覺得濃到應該用於沾麵而非拉麵～叉燒厚度適中～但好瘦好乾～冇食日本叉燒嘅口感～糖心蛋同母店差不多～半熟之下蛋黃有流心狀態～而且亦有蛋香及甜味～正！紫菜加＄10後鋪滿3分之2碗！抵食～有紫菜味～浸咗一陣都冇縮埋一舊～不錯！整體上覺得湯太濃～拉麵來説有點鹹～睇咗一下食評俾的大部分係食沾麵～猜想此店應該係沾麵比較成功！拉麵的話還是去荃灣店吃吧～

突然拉面癮起，但係又唔想食平時食開果幾間，行過見到有間門口好特別，就咁入去試下由於我女朋友長頭髮，一坐低，餐牌都未睇，就有個侍應拎左籃髮圈比我女朋友綁頭髮，夠哂貼心原來呢到日,夜都唔同，今次我夜晚黎，搵次試下朝早黎點完餐，周圍望下，會發現好多公仔模型相信呢到個老闆一定好鐘意模型我點左個“魚介豚骨拉面”，一黎飲啖湯嘩!!好濃郁既湯底，有好重既魚味，應該加左少少味噌，而拉面既份量比一般拉面店多而我女友就嗌左個“燒海蝦味豚骨拉面”一上枱，一陣海蝦味已經飄夠黎基本上個底係一樣，但係加左啲燒櫻花蝦，成個湯就更加重海鮮既濃郁每塊叉燒，都要用匙盛住，因為已經煮得好軟綿綿，一夾就有機會散開，但係食落仲有咬口黎呢到食，真係要衡量下自己既食量，因為我地只係嗌左普通既200g，但係已經到最後都食唔哂佢仲有個300g加面底自問都食量唔差既，可以黎試下小弟自問無咁既食量

好好好奈都未食過拉面, 係時間要食下啦, 之前係荃灣食過幾好食今次試下去旺角先拉面水準拍得荃灣果間, 拉麵吸晒湯幾精華, 紫菜就要趁早食, 否則爽脆變變淋, 拉麵質地吾錯, 食到SU SU聲!!

沾麵整體係好味 試左最基本原味 唔算好咸 普通份量已好大份 男仕就應該足夠 沾麵我選擇涼麵 麵質比較粗身 係我最愛 跟麵紫菜真係太細片 有d失色 唯有另加$10 紫菜 午市時段都要排隊等位 但安排入座真係需要改善 門口排長龍 另有新客推門入就比位人 要門外客人反影先叫人排隊 人未齊唔可以入座可以理解 但唔望下出面排隊既人龍就比位其他人就真係要好好改善

男友愛吃拉面, 但去完東京之後更加愛上了吃沾面.回來香港不停地叫我找沾面店. 但沾面在香港感覺還是不很流行呢.最後在OPRICE找到這家在旺角的漁場台風, 而且還很多好評, 急不及待晚上就去.誰知原來這間店是上午賣沾面 晚上賣拉面. 我們只好硬著頭皮吃拉面.入到店面很有日本店鋪的氣氛. 都貼滿了日本POSTER. 亦明顯看出老板是個日本人.另外每個位置都有一壺檸檬水可以自酌 , 腳下又放了一個盤給你放東西或作腳踏. 還有髮圈給女性束起頭髮等等, 這些都是很貼心的服務.說回拉面, 款式選擇不多. 但本來日本拉面都是這樣子呀.我點了一個魚介豚骨湯底, 男友是濃蝦湯底.面份量十足, 面質也彈牙, 有半隻溏心蛋, 一塊厚叉但個人覺得比較硬.湯底十分日式風味, 但建議大家都點濃味因為我點普通就覺得有點淡了.男友的濃蝦湯底味道剛好, 就是吃到最後有點點咸. 但他十分滿意, 還說下次一定要來吃沾面.

本來想評為難食,但正評如潮,我都係慕名而來,ㄧ次經驗希望係失準啫芝麻魚介沾麵湯汁上枱只係暖,芝麻味欠奉,湯頭太淡,唔掛麵,完全好失望,2粒熱石都幫唔手,可能係加左芝麻破壞晒湯汁。有支沙甸魚醋就新奇

香港可以食沾麵既地方唔多難得係旺角小街中 會有日本沾麵拉麵好處 即是係自己一個去食 都唔會感覺奇怪叫左個魚介豚骨蕃茄海蝦沾麵沾麵可以間冷或暖 傳統應該間凍沾麵不過怕凍沾麵會太硬 最後都係間左食暖沾麵望落去已知魚介豚骨蕃茄海蝦湯底好濃 有好多櫻花蝦放左係湯上沾麵質真係好有口感 再沾上濃濃湯底食落口充滿蕃茄味同櫻花蝦係台風食過蕃茄湯底 先真正知道咩叫蕃茄濃湯一碗拉麵最重要既就係湯底 師傅完全做出超水準而湯底內更有叉燒 叉燒肉質軟軟 但不鬆散每一啖肉都充滿濃濃湯底 真係要去食過先知到係香港會有咁好味既拉麵

睇咗蘋果介紹，得知呢間拉麵店幾特別，日頭賣沾麵，夜晚就賣拉麵，少見地用魚介豚骨湯底熬成湯，好奇心驅使下，今日嚟咗一試。鮮紅色的門面，很有日本風的裝潢，霸氣的台風，從遠處已經吸引到我的目光，來到的時候看見長長的人龍，幸好排隊時有位可以坐，最終排了半個多小時先入到去。簡單易明的點餐紙，只有三款沾麵可選，另外可以選擇麵的份量，要不要蔥，醬汁的多少，以及凍或熟的麵，排着隊的我們已預先想好吃什麼。終於明白為何要排隊，入面一行行嘅座位，總共只可以坐24人，實在不能招待太多客人。店內有免費橡筋，讓女生可以扎頭髮吃麵而不會弄污頭髮，非常貼心。牆身貼滿日本動漫海報以及客人的食評，餐牌還會教第一次吃沾麵的人如何吃。而我喜歡沾麵的原因，是因為麵跟湯分開，所以麵條能保持嚼勁，能避免一般拉麵因為浸湯過久，吃到最後麵會變軟的問題。魚介豚骨蕃茄海蝦沾麵 $88湯底熱騰騰呈暗紅色，面頭灑滿櫻花蝦，麵內有叉燒、半熟蛋、蔥絲、筍條及紫菜。原來唔要筍可以要多d紫菜，啱哂唔食筍既我。湯底都幾濃郁，原來魚介粉以沙甸乾、鰹魚乾、秋刀魚乾及鯖魚乾等多種材料打磨而成，魚味濃郁卻無腥味，豬骨仲有魚介香味，不過蕃茄味就唔太覺，櫻花蝦份量

2016年仲未試過打風，但似乎一股台風已經靜悄悄打到香港。其實拉麵風早已植根香港，但近年仍不斷有新開既拉麵店。早前由朋友口中得知旺角一間拉麵店既存在，決定去試下。今次呢場台風取名為"漁場台風"！早早十二點幾去到，已經見到有人龍，等左超過三十分鐘先入到台風既中心位置，可見呢場台風既威力驚人。等候期間，店員先比將拉麵紙我地揀野食。入到餐廳，其實感覺同台風風眼都差唔多，台風既中心都係好平靜。呢度感覺好傳統日本拉麵店，好溫馨舒服既感覺，四周又貼滿poster。剛才揀選食物既拉麵紙，原來可以揀走筍去換其他餸，對於食客嚟講實在貼心，因為好似我呢d唔食筍既人，唔會因此少左一個餸。魚介豚骨焙煎黑芝麻沾麵 $85呢度有一個地方同其他拉麵店唔同，佢既沾麵麵底可以揀凍或熟麵，一般拉麵店好少有呢個選擇，而鋪頭亦有建議沾麵配凍麵。不過，一向唔睇又唔跟指示既我當然揀對家熟麵。揀左多麵同埋加紫菜，上枱既時候大大碗拉麵同埋一碗濃郁既黑芝麻湯。先睇睇個湯，非常濃郁，但絕對唔係得個咸字。上面既芝麻為湯提供左緩衝，外加左一份香味，而叉燒亦已經沉睡於湯中，與湯融合。呢個時間，我已經忍唔住，要先嚐一口湯......將拉麵同蛋放