漁場台風

營業中

休息中

一直都很喜歡這家拉麵店，由荃灣開到旺角店，亦無減我對它的熱愛。是夜決定吃拉麵，便和友人一同來台風。7時多有少許人龍，甫進店來店員立即親切的打招呼並引領你到座位前，看到女生長髮披肩更拿了一盤髮圈讓女生把頭髮束起，以便進食時沾上湯汁，這是我一直很喜歡此店的細心位。本人一向愛吃沾麵，但奈何台風的沾麵只限下午供應，所以本人便點了燒海蝦味豚骨拉麵。先說湯底很濃郁，而且海蝦很多，伴著拉麵入口傳來陣陣鮮味。麵身則較粗身，但仍保持到彈牙口感著實難得，可惜流心蛋蛋黃過熟，做不到流心效果。而叉燒肥瘦適中，點綴出豬骨湯的鮮味。看到店家把客人留言貼在牆上當佈置，更會逐一回覆客人意見，此種用心值得敬佩。

今晚小妹無飯食，拿拿聲揾返隻飯腳，友人就帶，左小妹去食呢間喺旺角嘅漁場台風，佢sharp醒嘅舖面外型真係幾特別，仲要有人排隊果下犀利，食碗麵啫，咁巴閉咁嘅？好彩黎到友人已經排隊中……等左一陣就入得入要擺設都好日式下，煮麵個鬍鬚師傅應該係日本人，笑容滿面加上流利日文，唔講以為去左日本食拉麵聽講呢度出名食沾麵，不過沾麵就係晏晝先有嘅，夜晚就食拉麵，有四款拉麵你揀，小妹就揀左鰹魚味豚骨拉麵，由於張紙寫到明講佢地麵底係正常1.5分量，為免做大嘥鬼，小妹揀左小麵，但又怕唔夠飽，所以加左份叉燒落單無耐就有得食，一睇就知個湯好香濃，每次食拉麵都一定要呷一囗湯試真啲，的確，濃郁嘅湯底好輕易就掛咗喺拉麵上面，每一囗麵都比濃湯包圍，小妹鐘意呢度嘅麵好有咬囗，一碗麵有筍，有半隻溏心蛋，有啲菜，有一塊紫菜同一件厚叉燒，追加一份叉燒有三件，都係好厚好大件溏心蛋要讚，流心又夠入味，叉燒夠大件厚肉，而且肉都煮得好稔，但略為唔夠入味，呢度仲可以隨你喜歡決定配菜，務求唔好浪費食物貼心嘅仲提供髮圈比長髮女士，真係照顧週到喜歡嘅仲可以留言比店員，佢地真係會回覆嫁，好過啲意見接受態度照舊嘅舖頭，好彩今晚黎左呢度食飯，又可以加

上一次嚟已經知道呢度日頭賣沾麵，晚上賣拉麵。既然已經試過沾麵，拉麵當然走唔甩。今晚收工又去左排隊，同上次一樣多人，真係客似雲來。好在今日預早少少到，排一陣已經可以入餐廳。同上次入去既感覺一樣都係咁多動漫野。晚上點餐紙轉晒拉麵，不過大同小異。沙甸魚味豚骨拉麵大食既我驚唔飽揀左300g又加左叉燒，原來300g真係勁多麵，連我幾大食都食唔晒，建議女仔揀番150g，男仔揀番200g已經ok。沙甸魚味豚骨拉麵的湯底味道濃，拉麵的軟硬度適中，口感唔錯。而再加既叉燒亦有三大塊，叉燒有腍腍口感，肥瘦適中。餐廳餐牌上面提及這款拉麵是推介給喜歡海洋味道的客人，雖然海洋味道來得比較抽象，我亦未能將海洋味道和沙甸魚味豚骨拉麵兩者結合。但的確我是一個喜歡海洋味道又喜歡沙甸魚味豚骨拉麵的客人。這個麵我確實喜歡。

上次下午黎左食沾麵，今次平日夜晚黎試下食拉麵，估唔到平日夜晚都有咁多人，排左大概15分鐘先可以入坐。 鮮紅色的門面已經換成藍黃色，客人可以一面排隊一面選擇想吃什麼，以加快入座進度。 簡單易明的點餐紙，只有四款拉麵可選，另外可以選擇麵的份量，要不要蔥，醬汁的多少，附加食品以及飲品，wall上亦貼滿客人嘅留言。 一坐低交上點餐紙後，店員便拿出髮圈給我們，讓女生可以紮頭髮吃麵而不弄污頭髮，非常貼心。 鏗魚味豚骨拉麵 $83麵內有叉燒、半熟蛋、蔥絲、筍條及紫菜。呢度拉麵係由魚介豚骨湯熬成湯，湯底很濃郁，魚味濃郁卻無腥味，同埋一D都唔咸，豚骨亦有魚介香味。 麵質爽口彈牙，而且掛湯力不錯，麵的份量很多，建議女生只選少量(180g)就好了，另外半熟蛋很好吃，甜甜的而且煮得很入味。 增量叉燒 $25共有三片，叉燒的份量很多，因為很大塊，店內叉燒選用了脂肪較少的巴西脢頭豬肉，令肉粒更容易掛上湯汁，但我個人感覺叉燒有點乾身，不過入口啖啖肉，很飽肚。 店內還供應檸檬水等等，讓客人自己添加。 總結，拉麵比沾麵更好吃。

據說這一間餐廳很有性格，午餐只賣沾麵而晚餐則只賣拉麵。今天晚上來到，就只好吃拉麵吧。4款拉麵，原來加大的份量真的很多，平常吃兩碗飯的我也飽得上心口。滿滿的一碗麵。上面有著很多的目魚絲，就是鰹魚了。湯底主要是豬骨湯，很黏黏的感覺，十分足料。麵身較粗身，彈牙，因此十分飽肚。蛋是我的最愛，半熟之餘帶點點的甜味，而且沒有生蛋黃的那種腥味，十分出色。肉類增量。再加多了3塊厚切肉，份量是多了，可是卻是室溫的而不是熱的，而且肉質較為堅實乾身。配上一支烏龍，一解口中油膩感，一流。

見網上評價好好 所以同男朋友去試下 可能因為個晚落大雨 七點半都冇人等位 所以好快可以食得 鋪頭雖然唔大 但佈置得好溫馨 周圍都寫滿左客人既留言 另外店員好貼心會準備橡根俾女子綁頭髮 方便食拉麵 同埋驚座椅太高 會有盒俾客人放腳 哩間中午係食沾麵 晚市時段先有拉麵魚介豚骨拉麵 hkd78男朋友加左半熟蛋(hkd12)同加左面(hkd10)個湯好香 同埋加左面個份量真係好多 有成300g 女仔建議正常份量或者小面就得 豚肉都好大塊 鰹魚味豚骨拉麵 hkd83我就冇加到面 面既份量係正常 都有成200g 係比出面食既正常份量多 所以都有啲食唔哂 面既質感好好 比較爽口 湯底既魚味好重 哩個既湯底濃過魚介 第一次食鰹魚味既拉面 好滿意 另外 仲有自制辣椒油可以加 唔會太辣 加少少已經可以突出到個鮮味！個人比較鐘意既個拉麵！整體感覺好好 鋪頭俾人感覺好溫馨 拉麵水準好過 價錢合理 下次會試埋其他款既拉麵 都建議大家可以黎試下！

還記得我們一起吃過的沾麵嗎？那時的我簡單得很，只要你在我身邊，我就感到幸福，你工作忙得沒有時間，經常出trip ，我就乖乖的等待。那天你剛好工作完可以吃個午餐，來了這個早上賣沾面晚上吃拉麵的。今天我經過，也來吃沾麵。這裡的沾麵，大概是我吃過最出色的，我不知道日本的是如何！可能是因為和您吃過，所以特別喜歡，喜歡他們早沾晚拉的餐牌，雖然面的品種不多，只有三種，但已經夠好吃！80多元的沾面用上粗而彈牙，容易掛湯的款式，配上溏心蛋半隻，紫菜，檸檬角等！我選了最好吃的豚骨湯，味濃鮮甜，湯內有比單叫更好吃的叉燒角，還有荀和葱，沾面湯的香味四溢，配料分量很夠。這種麵配上濃濃湯汁，啖啖滋味，怪不得中午大排長龍這種秋意的天氣，吃碗沾麵作午餐果然不錯，沾麵的麵建議凍食，不過也可以選熱食，另外, 面的份量真的很多，女生應該吃不完，建議點少面，不要像我一樣浪費啊！這次到來，風景中沒有你了。我記得那天天氣挺冷，吃著沾面，你細心的為我打點，任我繞住你，再緊緊拖實你䁔暖的掌心不放，曾經我認為，即使您沒有時間陪我，我也知道您很為我。每一次的時間，我只靜靜的坐著，听您講話，看您的面龐，記得珍貴的時間。我知您不會看到這篇

一個人在旺角食lunch，見到快富街出面有一條人龍，原來是排隊吃沾麵！這間店子中午售沾麵，晚上售拉麵，綽頭十足！我本身非常愛吃沾麵，見那麼多人排隊，基於羊群心理就蠢蠢欲動想試。因為一個人等位，所以不用一會就有得入座了！入到去，所有職員都大聲用日語打招呼，感覺熱鬧又熱情，頗有氣氛。一坐下我就交了下單紙給店員，原來這兒好多店員都是日本人呢！我點了最便宜的魚介豚骨沾麵($83)。雖然沒有什麼特別，但卻最能試到魚介豚骨湯底的味道。湯底調味剛好，不會太咸太稠或太重味精，單飲味道已覺頗為清甜，而且不太油，所以即使全碗湯都沾了也不覺邪惡。把麵沾一沾，濃湯立即掛在麵條上，成品不錯！特別喜歡麵條的口感較爽彈，不會太淋變作一團。溏心蛋剛好半熟，流心度恰到好處，蛋的調味也不錯。不過紫菜就偏少，只有一片，而且叉燒切成粒狀，口感比較粗糙嚡口。但湯底確實出色，而且份量極多（完全吃不完！），性價比高，整體還是值得一個笑臉！下次我應該想試試芝麻沾麵，見到許多其他客人都點了，黑黝黝的湯底十分吸引呢！

旺角的漁場台風日間賣沾麵、夜間賣拉麵 ，因為喜歡吃沾麵多些，我特地選了中午去試試。已經下午1時多，但門外竟然仍有有條小人龍，幸好流動率高，等了約10分鐘已經可以入座。甫進入漁場台風，即時感覺置身于一個日本的熱鬧漁場，牆上貼滿日本電影、日本明星、漫畫明星的海報，還有牆上滿滿的留言字句，五顏六色，甚有御宅族的感覺，非常有活力。加上10月到訪，店內亦有一些萬聖節的裝飾，實在有氣氛。店員主動拿了一籃子髮圈給我，原來是給我綁頭髮用，這樣吃麵會更加方便，在日本都有拉麵店提供髮圈，但香港真的非常少有，這個小小的舉動實在窩心。沾麵款式有三種，分別是魚介豚骨沾麵、魚介豚骨焙煎黑芝麻沾麵及魚介豚骨蕃茄海蝦沾麵，三款均以魚介豚骨作湯底，選擇了款式後可以自選麵量，醬汁和蔥花，也可另外加錢增量配菜，如叉燒、紫菜和半熟蛋。麵量有180g（小）及250g(普通）選擇，價錢一樣，如果大食的朋友可以加 $ 10 選350 g 。師奶性格的我原先當然選了250g，但 入到去才發現漁場台風竟然是早前我覺得甚為抵食的『拉麵台風』姊妹店！吸收了上次經驗，我立即改一改麵的份量做180g，因為店子自稱的『拉麵份量比一般拉麵店多1.

一個人出到旺角，又諗唔到食乜好，平時小弟都幾鐘意食下沾麵，咁又不如係旺角搵下有冇啦。就咁岩俾我搵到漁場有得食沾麵。但係去到門口先知。原來12點-3點先有沾麵。我去個時間係7點，只係得拉麵。行到門口，又冇理由唔食埋先走既。入到去，同平時細細間日本人開既拉麵店一樣，位唔太多，不過都坐得舒服。服務好好，俾個膠箱你放袋。再唔係反轉膠箱變櫈仔，等你隻腳唔會吊吊下咁。如果女仔長頭髮，佢仲會俾個髮圈佢，紮起d頭髮，費事d頭髮都食晒。（點解我知，因為隔離枱黎左對couple，個侍應就俾個髮圈個女仔）麵方面唔太多款，我叫左燒海蝦味豚骨拉麵。塊豚肉係燒過既，食落去比較香口，肉就唔會話太軟，岩我口味。湯有濃濃既豬骨味，亦唔會太鹹啵。而當夜因為肚餓，加左$10 多麵去到300g(冇記得既話），係絕對夠食！Total都係$98，價錢係合理既。不過係冇得同日本比。所以抵食指數4分。你問我會唔會再食，係會既。因為我仲未試個沾麵呀！！！

上次回港未能吃到好吃的拉麵，今次就不能再錯過。 去的，是之前已經去過的 らーめん漁場台風。・つけめん漁場台風。，不過是旺角店而非去過的荃灣店。 其實我本來是想吃沾麵的，但因為香港太熱，實在不想下午出街，所以還是夜晚去吃，夜晚的話就只有拉麵了。 我點了是燒海蝦，湯底濃厚，有淡淡的燒香味，我想像會有點海鮮甜味，雖然沒有，但還是好吃的。 麵有點偏硬，正是我喜歡的口味。所有配料都出色，尤其是蛋，蛋香十足。（每碗拉麵都包括半隻蛋，我知道會吃不下，不敢再另點蛋了。） 惟一美中不足的，是叉燒味濃但略硬。 我已經決定會再來這一家，希望下次可以下午去吃沾麵。 P.S. 是上次荃灣的店員太好服務還是什麼，我覺得旺角店的店員不及荃灣，不是差，只是去過有比較，就覺得他們沒有那麼貼心了

台風係由日本人開既，所以服務同味道一定有品質保證女仔唔夠高既一定會比個膠箱你放係腳下唔洗隻腳吊係空中，而且枱下有地方比你放袋。麵既話有分g既，女仔黎講食最細既已經夠飽嫁啦

朋友話荃灣台風好食，唔想去咁遠一於黎旺角試，點左個平既魚介豚骨拉麵，見佢150%麵量所以無加底了~多醬汁有蔥加個蛋!!碗麵睇落真係麵量較多，而且原來碗麵係包一隻蛋。。搞到我叫多左。。未食拉麵先試湯，因為要左多汁，所以個湯比較濃，好似飲緊濃湯咁，呢個濃度配幼麵可以掛湯而湯既豬骨味夠重，鍾意豬骨濃湯既值得一試但呢度既麵係粗身麵，麵比較粗身，食落煙韌但有點硬，麵唔算好吸味，所以一啖麵一啖湯先食到湯既肉味。至於塊叉燒，係厚身既!雖然有肉味但好鞋，似白灼咁，而且塊肉比較鬆散，一夾就散開哂個蛋係流心蛋，非常好味!凍凍地，蛋黃仲有蛋汁，而且佢滷得唔錯，淡淡既茶色加淡淡既咸味。下次可以唔洗加蛋了

星期六學完日文過左黎依度食野依間想食好耐，終於有同學陪我黎等左大概廿分鐘就有位見牆上都幾多意見都讚好所以都滿心期待因為實在太肚餓我地點左「魚介豚骨沾麵」$83之餘再另外加左$25加多啲叉燒估唔到沾麵正常分量對女仔黎講都唔少湯底好香濃，好好味而個叉燒係比出面食到食份量還多而且係厚身所以計番價錢都唔算貴下星期放學再黎食先

之前睇朋友Instagram 見到依間麵店咁吸引依間特登黎食門口好多人，等左大概十五分鐘就入座門口都貼左沾麵享用方法排隊果時可以睇定由於日間得沾麵所以點左「魚介豚骨蕃茄海蝦沾麵」$88湯味道好濃，而且入面仲有幾舊肉食食下啲湯凍左所以問左店員拎左熱石放落湯度好快啲湯就會熱番整體用料豐富，一碗都夠晒飽