漁場台風

營業中

休息中

喺旺角行街行到好肚餓，突然好想食拉麵，醒起呢度有間好出名嘅拉麵店，決定過嚟幫襯下。喺門口等左一陣，好快就有位。店員會喺出邊派餐紙俾你點。我嗌咗個燒海蝦味豚骨拉麵，而朋友就點咗鰹魚味豚骨拉麵。拉麵賣相非常吸引，上面鋪滿左粉紅色嘅燒海蝦仔，有一塊叉燒同紫菜，仲有我最愛嘅半熟蛋。食拉麵第一步當然係飲啖湯先啦，湯底夠熱，超濃蝦味，係真材實料煲出嚟架！麵條係我鍾意嘅粗麵，有咬口，每食啖麵就會掛住濃郁嘅蝦湯，真係好好味啊！不過塊叉燒就無乜特別，下次再食可以將塊叉燒轉做多半隻蛋🥚🤤呢碗鰹魚味豚骨拉麵上枱時真係比佢嚇親！因為朋友加左底，碗麵多到就快瀉啲湯汁出嚟😂！湯底相信係百份百由鰹魚熬製出嚟，同上面削到一片片嘅木魚一樣味道～平時好喜歡食木魚嘅朋友，呢碗拉麵就啱哂你口味喇🍜不過加底嘅朋友真係要三思，因為佢嘅份量係非一般多😂真係好肚餓嘅大胃王就嘗試挑戰下啦🤣口痕嘅時候，食到碗咁熱辣辣又好味嘅拉麵真係好滿足啊！

呢間好有日本風嘅拉麵館，位置唔太當眼。Lunch時間唔洗等位，食物選擇唔多。午餐只有沾麵，晚餐食拉麵。我揀咗呢個重口味，辣，蕃茄櫻花蝦熱湯，凍麵食到差唔多可以叫人加湯，加你想加嘅調味嚟飲。不過我叫左重口味，都係唔適宜飲呢個係墨汁湯底，而每碗麵已配有半隻蛋，叉燒，紫菜。 只要加錢就可以另加餸菜！麵嘅份量有三種，女仔嘅話叫最少就得。其實都幾飽～整體好唔錯 價錢都唔會太貴下次可以來試拉麵

沾面搜尋器又出動，今次終於試左呢間好多人排隊既漁場台風沾面！白天賣沾面，晚上賣拉面，我最佩服只賣1-2樣食品的日本餐廳，可見佢地對某樣食物的堅持！中午前黎到餐廳，仲未使排好耐隊，好快就有位，入到去安排最入既位置， 四周圍佈置好特別，寫滿很多之前客人留下的comments，比人有一種有親切的感覺！指示非常簡單，有沾面享用方法，亦有一張菜單紙，填完交上去就好快有得食。三種湯底都好似好特別，我為左試呢間沾面既真正味道，選左一個最原始，我朋友就叫左蕃茄海蝦湯底！一黎到單聞沾麵已聞到麵香，不會太太硬又不會好林，十分彈牙，加上檸檬，使到麵味更突出。有不同分量選擇，我選左普通(250g)已經好多，一碗已經可以頂一個下午！呢度既豬肉同其他有點不同，以角煮式一舊舊呈上，這種做法好危險，一不小心就會煮到太鞋，呢度廚師選上有少少肥肉分佈既角煮肉，好林，又唔油膩，我自己非常喜歡！另外從一貼心服務看得出呢間沾麵既高水準拍得住日本的沾麵，湯底放耐變凍了可以要求加上一舊熱石，香港冇乜沾麵餐廳有呢個服務！價錢中等，沒有銅鑼灣那區的沾麵咁貴，質素差不多絕冠，真係食過番尋味，掛住日本沾麵就黎呢度啦！

旺角有唔少拉麵店，但係質素就好參差，今日難得食到唔錯既拉麵！依家大部份拉麵店都有依張相似既紙仔去落單，可以自由選擇麵量、配料，十分之個人化今次就嗌左燒海蝦味豚骨拉麵（＄88）可以見到佢個賣相一啲都唔差！櫻花蝦有一匙份量，望落去色澤幾好同幾香～ 溏心蛋都煮得岩岩好湯底有好濃郁既豬骨味，唔會好油膩～叉燒肥瘦得宜，幾嫩唔會好乾！麵都煮得岩岩好，幾有咬口唔知有冇人同我一樣，唔係好中意拉麵既紫菜，浸到軟晒唔好食

今天跟女朋友在本店晚飯 首先 令我不滿的是 每位客人都有水 當我麵都吃了一半 也還沒有水 結果我要跟店員要求才有 送水時 還送我一個白眼 有事嗎？ 最後結帳時更離譜 我被懷疑食霸王餐 但明明我早已結帳了 處理時更有病 兩個店員否認有收過我錢 直接懷疑我 你們不是有存好我們下單的票嗎？ 為什麼可以直接懷疑我 令我心情極差 明明好好的一餐 最後竟然令我被當作需要吃霸王餐的人 有事嗎？ 我出示單據時 你們的女店員竟然從我手中搶走它 有事嗎？最後檢查完 竟然最基本禮貌 雙手給回我也沒有 還更嬉皮笑臉的對著我 我走時也不忘再白眼一次 有事嗎？是岐視嗎？ 我由你們本店在荃灣經營時我已經開始光顧了 這三年來一直心目中的五星好評所有好印象竟在今天打破了 令我太失望 3年時間 服務一年比一年差 有事嗎？

小友這個沾麵迷，隔了不一陣子就嚷著要食麵。論便利，除了家附近的"神山"之外，就要數到身處在旺記的"台風"....都記不起是第幾次來吃麵。店內的麵款 (主要是沾麵)都已食得七七八八了，好像除了眼前這個魚介豚骨蕃茄海蝦沾麵之外....一睇那碗沾湯，就知是濃味之作。果然一口呷下，濃重甜中帶酸的茄味襲然而來，不過，這茄味是並不天然，相信少不免下了大量茄膏進去熬。其極之霸道的酸，完完全全蓋過湯原身有的魚介及豬骨香味，絕對是喧賓奪主的經典案例....說是有海蝦，但橫豎看來都似是櫻花蝦多些。蝦碎的量毫不吝嗇，算是彌補了吃不到海蝦的創傷....湯內的叉燒不是一片片而是一嚿嚿的，形狀有點像豚角煑。咬下去甚硬甚嚡口....小弟對之一向見怪不怪，因為這裡的叉燒一向並非耍家....我愛的，是這兒的麵條....有些人說這兒的麵條太硬，但我就偏偏喜歡這種極有咬頭的粗身硬麵。淰滋滋，軟軟濕撻撻的麵，有甚麼好吃 ?這兒的蛋流心度是挺不錯的，黃入口甘甜不死實....幸好有麵加上這半只蛋，拯救了一整碗東西....

又是台風一年一度的週年慶，今年四月公私兩忙，還以為沒機會來品嚐這限定拉麵，幸好太太在週日幫忙照顧小孩，我才可抽空在中午來旺角一試這海膽拉麵。 根據過往經驗，無論荃灣或旺角，每一次台風的週年紀念都會大排長龍。有了過往經驗，我大約10:15已經到達旺角漁場台風，預計排隊大約兩小時至12時店子開門剛剛好。天公造美，今年沒有像上一年般下著毛毛細雨，沒多久，後面排隊的人龍就直達後巷盡頭了。 限定拉麵只在週六日兩天供應，我有些朋友在第一天已經率先來試過，評語都非常正面。畢竟只賣$50的高質拉麵，還有「海膽」二字作招徠，早已預期會是人氣鼎盛吧。 早點排隊的好處是，希望能夠在第一輪就進店，否則要再等之前的人客吃完，時間等的更久，也更難預料。這天很幸運地能在第一輪就進店，是第一輪的最後幾個，所以前後等了不超過兩小時，比去年等的時間更短，算是十分幸運了！ 這兩天只有海膽拉麵一款，配搭也只能作有限度的選擇，我選的，自然是偏濃醬汁和有蔥的配搭了。 各位漁場台風的熟客應該對店長谷津さん不陌生，但戴紅頭巾的可能大家不認識，其實他就是老闆之一的伊東さん。伊東さん每年都會在週年限定的兩天在店裡幫忙，今年也不例外

當第一口沾麵放入口中……而家呢個社會 每個人都指責人與人信任太少睇到openrice 間嘢咁多好評又一次抱住信任和期待嘅心情 ……來到渔場台風……當第一口沾麵放入口中……what the .....……………… 說好人與人的信任呢……唉…… 自己都係 too young too Simple 冇得怪既衰在叫埋屋企人一齊食老人家冇牙力嘛入單之前已經講明要煮林啲…… 出到嚟…… 都係硬到……冇朋友都唔知係唔係呢間野沾麵的特色啦雖然見佢個裝潢都好畀心機…… 仲有個位畀你 浪高隻腳便服務都ok又唔似openrice講到咁衰有笑容嘅但係個沾麵……汤底油又多……麵又硬……價錢又貴……重要連條芽菜都5俾……好多人話 而家呢一輩嘅人好幸福但係連食嘢之前……都要做定功課😑😑😑唔係隨時畀啲假食評呃到你

食咁多間拉麵 呢間真心難食!! 服務態度又差 打電話過去問大約位置 話反過轉頭識唔識中文睇地圖嫁!!! 我搵到你間鋪就唔洗打電話去問拉! 講返碗拉麵 我選左櫻花蝦湯底 個麵底的確好多 但係太硬!!! 第2 糖心蛋太熟!!!第3 塊叉燒超鞋口超瘦!!!第4 而且最最最嚴重 個湯底有燶味!!! 同個店員講 佢話無煲燶! 但係點解有陣燶味 唔通係d櫻花蝦?我未食過櫻花蝦 但係點都唔會有陣咁怪既燶味下化!?拉麵個靈魂係湯底咁既味二個字形容哂:難食!

* 上午賣沾麵* 晚市賣拉麵* 日藉老細多年來都親自落場煮麵，有心有保証有眼見今天十分忙，等剪頭髮等其他等到好餓但亦都忍住不隨便醫肚，因為一定要去這一間店。平時好難得有時間去，因為只有中午時才有沾麵供應，但我對這間拉麵店的沾麵是念念不忘的。 我可以十分肯定無論質量，服務甚至價錢這一間的沾麵一定最貼日本，最好食亦最穩定。當一碗沾麵可以先聞一下麵香,再把自家製的超彈牙麵條，那實在是十分高層次的沾麵享受，掛湯力也是一流。就算是大男人如我普通量已經十分飽。而我最重要的篩水部分大家也可以見到是很乾而沒有半滴水。做到「有濕度而無水底」，十分有心。至於沾汁，由於之前都試過所有味，基底是魚介豚骨，這麼多年來魚介味也十分香。今次點了番茄櫻花蝦。湯底雖然比開業時沒有那濃厚但都有85%。如果你問我，第一次去先不要試原味，先試黑芝麻。肉是「角煮」式，不是傳統的一塊上，喜不喜歡見仁見智，質感有點像滷肉，我可以接受，而且份量不少，肥瘦比例 7:3 。我自己跟幾次去食由於太飽都不需要再加清湯 (スープ割り)。不過第一次去可以一試，我覺得由於麵也有少少水份當你吃完然之後其實那些少的水份加上沾汁喝下去剛好。（可能我個人

平時見到餐廳大排長龍我都好少走去排隊，因為我個人無咩耐性😂但係今次有friend真係好想食呢間，所以就陪佢排左陣。排隊既時候佢會比定紙同筆你圈低你要食咩，入去直接交比佢就得。我叫左個燒海蝦味豚骨拉麵，份量唔算多，佢個湯真係好濃好稠，豚肉大大塊，唔算好嫩滑，但係就好多櫻花蝦。面係屬於粗身既，加埋骨膠原十足既湯底都幾滑口。流心蛋係一個加分味，食落幾香醬油味。鋪頭牆上面貼左好多人既留言，同埋一啲卡通公仔，幾得意。

呢幾日真係好曬...同同事曝曬完3個鐘...真係好想食番啲野comfort下自己，於是...黎左呢到！呢到日頭係食沾麵，夜晚係食拉麵。拉麵就食過喇，終於黎食下佢嘅沾麵。估唔到嘅係下午兩點幾都仲要排隊，咁一路排就填住食咩先，好貼心架，職員專用嗰欄會俾職員圈客人係男定女 有無戴眼鏡....咁一路填又可以一路睇下門面嘅餐牌...又會教你正宗沾麵食法好有心...啲公仔好彩唔駛等好耐就入得去喇！入到去已經有兩杯水等緊我地佢仲會俾橡筋俾長頭髮女仔...我見佢有俾隔離位...唔知點解無俾我呢🤔可能見我手腕自己都有條....同事第一次黎，我同佢一路睇下牆上啲顧客意見同店方嘅回應，有啲都幾好笑架....仲有得望下師傅整麵....坐左陣，個麵就黎喇！呢個我嘅，蕃茄海蝦沾麵...其實係櫻花蝦，蕃茄味就無乜...荀好好味呀！麵量又夠多！濃濃嘅湯 我都好愛！入面仲有豬肉粒嘅...同事個黑芝麻沾麵，我都試左啖，係鹹嘅芝麻糊咁，不過無芝麻糊咁杰...都幾好味！我地兩個都覺得個湯唔夠熱！於是食食下，我就忍唔住叫佢加熱石喇！「咋」一聲.....加左之後個熱度就啱啱好喇，不過維持得唔耐！好彩都食完喇！食完就叫店員加魚介湯

漁場台風係朋友飯堂 有次lunch約埋佢一齊食😛 因為午餐時段係沾麵 晚餐係吃拉麵！1點多去吃 是不用排隊喔～👍🏻 店面都好有日本拉麵店的style!魚介豚骨番茄海蝦沾麵 $88朋友對海鮮敏感 但佢都會嗌呢款沾麵 吃完會敏感的朋友表示 是真材實料！ 而且我超級中意番茄湯底！ 更加係必點的！麵 - 分為180g 250g 350g (+$10)我食量比較多 所以就揀左250g 剛剛好吃完！ 但是如果覺得180g太少 250g又太多 店員說可以選擇中間份量 避免浪費喔！麵不會煮得太軟 有咬口！溏水蛋 - 不過不失！正常日本拉麵店應有的水準！番茄海蝦湯 - 真的十分濃郁！ 亦都食到番茄味 海蝦份量亦都有很多！ 而叉燒不是片狀而是粒狀 煮得腍！ 份量十分多 食極都食唔完😂

見到呢間拉麵店係openrice都幾多好評，一於黎試下！要係門口排隊等位，不過都唔算等左好耐，排第5，6張枱，等左15分鐘到。店員會出黎問你幾多位，俾定紙你落左單先，入去坐低冇幾耐就有得食啦～呢到午餐食沾麵，晚餐食拉麵。我地叫左個鰹魚豚骨湯拉麵同燒海蝦味豚骨湯拉麵，普通麵量同大量醬汁，鰹魚湯底超濃厚🍲，嗒真啲就有鮮魚味，好香！❤️蝦湯就鮮甜啲，有蝦既甜味🦐🦐🦐蝦既精華都係哂你既口度啦🤩🤩普通麵量都好大份，我地好肚餓入去，好飽出返黎😋叉燒唔特別出色，有啲太楷荀真係好好味😍好香黑椒味！溏心蛋好好食🥚店員好funny，氣氛好正牆上啲客人留言同店員回應都好正真係好好好好好好好抵食！

鰹魚味豚骨拉麵湯既魚味好濃， 濃得黎唔會係腥味👍🏻拉麵既軟硬度可以自己決定😁日本師父做既拉麵唔係我今日介推既重點，原來要介紹嘅係，哩間店子既特色🤔鋪頭雖然好細，但係就擺滿晒動漫嘅模型同海報😂😂重要啲員工自己溝通嘅方法就係用日文😂😂但明明佢哋係香港人😂😂😂😂😂😂