漁場台風

營業中

休息中

超勁濃湯的日式拉麵，小人久未有嚐，有機會經過的必然會它一會。本以為又是吃回本尊的豚骨濃湯拉麵，誰知踫上了高手中的高高手……竟會遇上燒海蝦豚骨拉麵！在濃濃的豬肉湯裏滲透著厚厚的蝦油香，美味得令人髮指！此外配料還包括櫻花蝦、香蔥以及紫菜。叉燒肥多過瘦，至少不柴。友人共賞，兩人共同分享了個鰹魚味豚骨拉麵。鰹魚味確實夠堅，魚香超濃，滲進豚骨湯裏不禁喝完一口又一口！我們一起決定的硬麵是正確的，索入湯裏還有有咬勁，好吃到不得了！如果全日只能夠吃一碗拉麵……小人就會選取這個鳥。

由門面睇落去就有好強烈嘅日本風味，入到去熱鬧嘅氣氛同裝飾更顯得更似處於日本之中。店員好細心，提供左綁頭髮嘅橡筋同墊腳嘅箱子比女士。👏🏻👏🏻👏🏻魚介豚骨 焙煎黑芝麻沾麵 ($85)🍜我個人就揀左依個，因為午餐都係得沾麵食冇拉麵，就揀左個特別啲嘅！ 湯底好濃烈，不過味精少少多，搞到食完都飲唔到湯了，因為喉嚨十分之乾🤢 相比之下，晚餐嘅拉麵大勝，因為魚味湯底特別又入味！魚介豚骨蕃茄海蝦沾麵($88)🍜另一個上面似櫻花蝦，感覺都係平平，但兩者配搭岀乎以料的平衡。仲有豚骨係三款沾麵都有嘅配料，真係幾岀色！

想試呢間人氣小店好耐了，特登過咗來試👅過到來都爆滿，不過等左大約15分鐘就有位了✨首先佢個湯聞落好香芝麻味，不過飲落係香濃魚味，試得出個底係應該用魚熬製嘅，好濃郁。裡面嘅豚骨都煮得淋嘅，做到沾汁個種杰杰地嘅texture，不過我就覺得個湯可以再熱d，食沾麵一定係個麵凍湯熱先prefect個拉麵🍜好驚喜地，佢個質感好煙韌，比一般嘅粗身，唔會話淋patpat👍🏻✨呢種唔係成日食到，上面嘅檸檬🍋可以唧落d麵度，解膩👌🏻食到一半d湯凍左仲以加返熱石熱返佢，而食完剩返嘅沾汁可以叫店員加熱湯當湯飲。我覺得係好食嘅，不過真係好飽肚😭沾汁一向都易飽，小編食到一半已經飽飽地，所以建議食量不大嘅可以揀返少麵🙌🏻

在香港，除了一些比較出名的拉麵店，說真的蠻難找到一間好吃的店舖，也經常會碰到一些「伏」。但台風這一家拉麵，一點都沒有「伏」味，可以說是我在香港吃過最好也是光顧最多的拉麵店！台風拉麵總共有兩家分店，分別是位於旺角和荃灣，而我個人比較常光顧這一間位於旺角的分店！他們家下午時分是供應沾麵，而晚上是供應湯拉麵的。這次我會介紹他們晚市的拉麵，他們的口味只有四個，分別是魚介、蝦、鰹魚和沙甸魚口味。此外，點餐紙是客制化的，客人可選擇麵的份量（150g,200g和300g +$10)、醬汁和蔥，而配料可另加叉燒、紫菜和半熟蛋。我個人其實已經吃過所有口味，他們的湯頭比較濃郁，質感比較「傑」身，有一點像沾麵的湯。而麵質方面，他們選用了粗身的麵條，應該是可容易掛湯而用上這種麵吧！麵的質感相當煙un ，非常合我的口味！我個人比較喜歡吃沙甸魚沙，因為沙甸魚湯比起其餘的鰹魚湯和蝦湯相對清淡，但是卻帶有濃烈的沙甸魚味，所以我會經常選擇沙甸魚湯！總括而言，我是十分推介這家拉麵店，而唯一我覺得要改進的便是能夠有多一點小吃可以點😋

🍎👧🏽同朋友 去左試旺角呢間沾麵小店🤓 平日中午去 10-15分鐘左右就有位了😎－－－－－－－－－魚介豚骨焙煎黑芝麻沾麵🐟⚫️🥢 ($85). 「咁似芝麻糊嘅？😂」朋友叫左原味 我試曬兩款汁👅原味確實係較濃郁 黑芝麻汁相對較清 就咁飲都唔咸 仲食到芝麻的顆粒感🤪～ 汁入面方形的豚肉😮 幾嫩.麵質是重點❤️ 麵條粗粗的 軟硬適中 很有咬勁 伴着淡淡芝麻香😍 加幾滴檸檬汁🍋可以解膩💦 仲有軟滑嘅糖心蛋🥚🤤🤤 冇得輸～後期🍎👧🏽有加熱石落啲汁 食完仲加左湯 不過黑芝麻味就再淡左🤨 不加湯會好些.💡沾麵只有午市才供應.💡麵條份量 叫咗普通 飽到傻😵 下次要叫偏少.💡喜歡濃味的朋友 可以試原味💡凍麵會比較好吃喔－－－－－－－－－呢間小店充滿着日式氣氛🇯🇵🎏🏮廚師亦係日本人 食物質素一定有保證✨絕對要試的沾麵店 👍🏼👍🏼👍🏼👍🏼👍🏼

今日黎到我最鐘意食既拉麵店！ 佢就係係旺角既漁場台風。雖然主店係荃灣，但因為旺角地點方便，地鐵店行岀黎2分鐘就到！漁場台風好特別！佢下午食沾麵，晚上就食拉麵。我睇牆上既comment， 都見到有人問店長點解要咁，放工黎食就食唔到沾麵了上圖係漁介豚骨沾麵！ 老實講250g麵真係好大碗，的確比一般多！ 個湯底好正，好濃厚我同朋友都好中意食佢地既沾麵。 晚上雖然係拉麵，但質素都係一流！ 我係漁場台風既常客，每次食完會留翻張單，因為存留3張下次再黎可以有一隻糖心蛋送！

總括：會推介比朋友，非常特式，鋪內的漫畫風全由老闆/ 員工親手繪畫，相當用心；拉面亦相當有質素．整體黎講，會令人印象深刻同正面～揀選原因： 想食日本野，見佢幾特別就早Ｄ去唔洗排隊～服務：員工有禮，枱上有自助水同食具提供～食物：正常味道已非常濃味，我食開濃味都覺得好足夠，朋友點選了濃味就變得太過了．［可以見到湯底color有明顯分別的~~)而份量非常足夠，一定夠男士飽飽～拉面就比較硬同粗身，但可接受蝦蝦好好味！份量十足！溏心蛋係我最愛，相當滿足～價錢絕對符合～飲品：是次沒有點選。環境：鋪內老闆相當用心，把客人手寫過的意見書撕下並加上他個人超強的漫畫畫工，成為整鋪內的特式設計，一路食一路睇下Ｄ食客有咩意見，無論好壞，老闆都照放出黎，仲要每句都有手寫回應！整體非常有風格～相當乎合鋪頭的名字呢～！枱下位置仲放左個膠箱，用黎比客踩住，特別能夠遷就個子矮小的我，十分體貼呢！

今天經過台風店見只有小貓3隻，就走入去試試，因為平時好多人排隊，感覺好有寄望。好快就安排到座位，因在店外已經填好左食什麼味道嘅麵，但是入坐後就等，等左差唔多15分鐘左右先出麵來，感覺有D拖時間的感覺，麵送到來，先聞一下，沒有什麼香味，已經扣分，1，湯頭、拉麵最重要嘅就係湯頭，只可以用兩個字形容失望，只值30分，拉麵最重要靈魂竟然完全唔掂2，麵質，粗麵，我揀咗中的硬度，分量相當之多，可惜唔係我杯茶，40分3，塘心蛋，唯一滿意嘅是那顆🥚，夠味塘心，挽回些少分數，80分4，菜，完全唔掂，無味又凍，20分5，紫菜，冧嘅，完全承諾，10分唔合格，大失所望

之前喺荃灣食過呢間拉麵店，自從知道旺角開咗分店都冇試過。今日突然間想食拉麵又醒起呢間鋪頭，就即刻走去食啦。哩間鋪頭好得意架，中午時間淨係買沾麵，夜晚淨係買湯嘅拉麵。唔錯唔錯幾有性格！旺角鋪頭細細，通常都係要排隊等位既。係排隊期間侍應就會俾餐紙你，叫你揀好餸俾佢地，當你入到去坐低嘅時候，碗麵就會即刻呈上我就嗌左嗰魚介豚骨蕃茄櫻花蝦沾麵，要硬身嘅麵，湯底要濃既，再嗌咗支烏龍茶。呢度最出色嘅原來係可以要求加熱石落啲湯底度，等你唔會食食吓個湯底凍哂，真係好細心呀！！由於要求湯底要濃啲嘅，真係好味啲喎，因為當啲拉麵配上濃濃既湯底，每條拉麵都好掛汁，好味好味！記住要節啲檸檬落去啲拉麵度會更加清新。。

拉麵台風係我最愛嘅拉麵店。除咗老闆人好之外，當然係佢嘅湯底最啱我口味。可能本身鐘意食魚，對魚湯特別有好感，呢個鰹魚湯拉麵份量啱啱好，湯底又好飲，每次都一定成碗清最好就係唔太濃味，食完唔會特別口渴。

行開旺角search下附近有咩可以快食就搵到佢了！門口有少量人等位叫左個魚介豚骨拉麵(佢建議第一次食既人揀呢款，但其實燒蝦拉麵最多人叫)個湯底都幾濃，大家睇個色水就知喇我個人prefer鹹少少湯底，所以下次會揀"大量"醬汁麵係粗麵，食到最後唔會淋晒而且有得叫量少/普通/加底。我叫左普通，食食下發覺真係幾多，我都算食量較多既女仔，所以建議一般食量既女仔揀150g就夠了配菜原來可以替換的，不過我叫完先知 塊叉燒做得唔錯，煮得幾淋，唔會好似出面有d乾到似柴皮！半熟蛋都俾一般既好味，流心黃唯獨塊紫菜點解整咁細塊呢....整體唔錯，會再黎試，下次一定試下燒海蝦味拉麵，因為我見到最多人叫！P.S. 有個女侍應成日自high用極高音係店入面講日文，仲要唱埋日文歌....講番中文既時候把聲會變番正常我明白佢想營造出日本氣氛，但食麵全程覺得佢極度annoying....

前排同friend夜晚經過呢間拉麵店已經好想試，可惜大排長龍！所以今次特登揀咗中午啱啱開嘅時間黎，趁少人啲嘅時候試下！呢間餐廳好特別，沾麵只會係午市提供，而夜晚佢就會變身成為拉麵店！魚介豚骨蕃茄海蝦沾麵一上枱嘅時候已經覺得湯底好吸引！湯底好足料，除咗有大量海蝦之外，仲有蘆筍、叉燒、洋蔥等等嘅材料，食落嘅時候味道濃郁！好食！而麵身方面，面嘅質地幾彈牙，口感唔錯！配上檸檬汁再加湯底，味道出奇地夾！因為我好鍾意食溏心蛋，所以額外加左一隻！呢度嘅溏心蛋整得唔錯，流心嘅蛋黃配上少少湯，一齊食味道好正！落單嘅時候已經見到Menu上面寫住呢間餐廳嘅拉麵份量比一般餐廳多1.5倍，開頭冇乜點為意，食落先發現原來份量真係幾多！好扺食🤣🤣而去後尾嘅時候湯底開始冇咁熱，所以我哋亦都有叫侍應加熱石，始終自己比較鍾意湯底熱熱咁樣食！呢個沾麵幾唔錯！有機會都想試吓夜晚嚟食下佢嘅拉麵啊！

🦉業餘食評🍜20 Feb 2018👌🏻|| #sss_旺角 || 漁場台風—————————————————————————-無題-
旺角的漁場台風是荃灣拉麵台風的姊妹店，兩者裝潢風格一樣，牆上貼滿食客的食後感和小評語，目及所見中英日韓文都有，五彩繽紛的水筆和偶而出現的食客小畫作都顯得店內氣氛溫暖，令食客心情也變得開朗。 而荃灣店簡單粗放的布置卻又有著貼心小用具如女生用的髮夾及勾桌的袋掛都在旺角台重現，種種小細節加起來使台風兩店在食物上桌前已帶給食客親切文鬆的用餐氣氛。此外，和一般走中上價格，強調用料和精緻外觀（和份量），的一般拉麵店不同，無論沾麵或拉麵，台風提供的就是量大質高，看起來樸實無華的麵。 值得一提的是，兩店雖然口味大同小異，但是次的主角漁場台風日間只提供沾麵而晚間只提供拉麵，拉麵台風則近年才有一種口味限量供應的沾麵，因此有不少食客簡單二分旺角是主打沾麵，荃灣則是主打拉麵。—————————————————————————
湯: 🌕🌕🌗🌑🌑
事實上這款基本口味是我試過的三款中最為普通的，對比蝦味的特色甘甜，黑蒜的適度濃烈，漁場台風連沾麵汁份量也過人一等的這項特色反而成了弱點，

🐰專業感想🍜22 Aug 2017💮呢碗係人生中第一次食既沾麵應該會好奇怪發現影得mama 冇強烈focus係碗麵度 角度唔靚當時🦉🦉經常催促我 對於我每次食野前snap感到好不耐煩 我都未影佢就食......後來🦉🦉太愛🍜建議係電話整左個🍜album叫我記得影相 開始要練習秒影要快又要靚佢要勁快食🙄btw係開心既❣️🐰專業感想🍜22 Aug 2017💮//🐟介豚骨焙煎黑芝麻沾麵//💰85|| #sss_旺角 ||湯底: 🌕🌕🌕🌑🌑好香好似芝麻糊咁 食落緊係唔甜 而且好特別 濃稠度好高 btw我覺得有🍋係有點兒怪 又唔係炸雞😹||叉燒: 🌕🌕🌕🌑🌑係芝麻湯入面 粒狀易入口啱晒懶人 但有啲小嫌唔夠 會見到後面係叫左既增量叉燒(+$25) 好食 咬落一絲絲||麵質: 🌕🌕🌑🌑🌑沾麵會比拉麵煙韌掛湯能力高 個人mama地 比較嗜軟身 真心我都覺得自己懶又挑剔應該要交俾鐘意沾麵🦉🦉寫

同事提議食台風，因為佢本身住荃灣，覺得荃灣台風好好食，所以推介左幾次。十二點三度去到，所以無咩人，大半間餐廳仲有位，不過一點食完出黎已經有六、七個人排隊。我食既係魚介豚骨烘焙黑芝麻沾麵另加半熟蛋，裡面有四四方方既豚肉，我覺得有點柴，不太夠味，因為沾麵湯底很濃，所以其他食物就比較淡，一定要加上沾麵汁，另外有笋片。麵身我覺得偏硬、同粗身，未能好好吸收沾麵汁，麵汁一開始味道已好濃，但比較單調，所以加左蒜蓉同辣醬，反而比較食到魚介既味道；半熟蛋就不過不失。同事就食左魚介豚骨沾麵，佢都話味道太重。等候時間就觀賞下其他食客留言，中間報導餐廳係三個日本人成立既。一碗麵，齊頭一百，250g對於女士有點多，下次會試180g。而佢餐牌寫日沾麵、夜拉麵，下次會夜晚再試埋拉麵。