滿滿食堂

營業中

休息中

同朋友各叫左牛柳 同牛肩扒套餐午餐份量都幾大, 有個扒 有沙律 有個飯 仲可以加配飲品出面可以自己加調味料舊牛擺上石到燒嘅時候真係好香呀! 聞到都覺得肚餓!!牛扒好食, 好有牛肉香味不過我可能後尾燒得太耐 食食下好韌但係總括黎講係唔錯嘅 而且呢個價錢可以係中環食到呢類午餐 真係幾抵!其實除左石燒牛扒之外 餐牌仲有好多其他野食 都幾多選擇 外賣自取都幾平!唯一唔好嘅就係入面好多人食石燒扒 所以每次食完成個身都係燒肉味

今日一個人參觀完大館同埋附近嘅藝廊，心血來潮想食鐵板燒，醒起附近有一間幫襯過嘅親民鐵板燒黃店好抵食，咁就去咗一個人刷返餐勁。因為冇時間食lunch，所以當兩餐咁食。嗌咗套餐A，有羊鞍、一口牛、魷魚之外，仲有無限供應嘅沙律吧、飯同餐湯。一口牛質感好鮮嫩，但切記如果燒太耐就會變韌，所以見到佢冇紅肉嘅汁就可以拎上嚟食。羊鞍有羶味（which is very good），但有三分一都係脂肪，魷魚正常水準。特別要講嘅係佢嘅沙律吧！有溫泉蛋可以送飯之餘，佢有個唔知咩醬嘅蛋通心粉都好好味，溝埋隔離嘅粒粒粟米食簡直係一流！搞到我食完main course之後都勺咗兩碗嚟食！嘢飲就嗌咗西柚愛玉果茶，都係貪佢個愛玉，但我近排唔太想飲太甜嘅嘢，而呢杯茶係出面台式飲品鋪少糖嘅程度，唔係太過甜但如果茶底再少甜啲會好啲。呢度好啱一個人或者一班fd嚟食，下次嚟中環一定會再encore! 💛

在中環，突然想吃石燒或者鐵板牛扒 ...朋友就帶我來了這間位於地庫的 滿滿食堂 ！選擇頗多還可以自選散叫，Set的話大約$88起而且這裡設有免費的自助吧 會有沙律、生蛋、飯、湯供應，吃飽沒難度。若有需要在石燒上桌前也可以帶上圍裙。因為我是第一次來嘛，所以點的是石燒之選。🍴 A類別(1+2+3)任選一款 ($118) ✦ 安格斯窄身西冷 (100g) - 一放上石頭就發出滋滋的聲音，肉香滿滿！不算很肥膩，口感軟嫩之外亦很有咬口，重要的是牛味也頗重的！✦ 薄切鹹牛脷 - 因為是薄切的關係燒起來會是焦香脆嫩，另外雖說是鹹牛脷，但調味剛剛好喇✦日本廣島蠔 - 看Menu應該只有3隻，但不知是不是有比較細的所以多給了?!燒起來較麻煩，會有水滲出來，但蠔都幾肥美兩位朋友點的是則是自選兩款的鐵板($78)可以配熊本日式咖喱汁或是燒牛肉汁。*部份食材可能需要另外加錢。飲品方面，跟餐凍熱飲都是+$10或者想飲特飲那些 (如手作茶) 則收半價。較意外的是這裡有 - 鮮果消脂蘋果果醋 ($14)

超抵食熱石板牛扒專門店主打食石板牛扒,最平約$80起就有交易包任食沙律吧前菜 有海帶芽菜沙律飯和湯都任食另配幾款唔同調味料比大家燒肉用扒勁厚身，肉汁豐富帶牛脂香 肉味好濃香! 脂肪唔多但係肉質都好嫩滑!有安格斯西冷牛扒 美國牛柳及美國頂級牛肉眼除左石燒仲有鐵板系列! 睇個人興趣選擇喇!海鮮有魷魚同大蝦,都幾新鮮!Basement, Peter Building, 58-60 Queen's Road Central, Central消費$200

難得happy Friday ， 約埋舊同事去食lunch , 要係中環區， 搵平靚正既餐廳， 都有少少難度😂尼間係我第n 次食， 因為真係好好食🤣抵食推介牛仔骨雜錦丼牛仔骨有3件， 咬落係7成熟， 好滑口，又有牛味， 好食鰻魚牛肉飯其實有甘大條鰻魚，加埋牛肉， 係中環都叫好抵食😋⋯⋯仲有一碗無味精既湯， 正。五花腩飯平時食五花腩都係切成細細塊， 得幾塊。 但今日係三條一齊上， 我見到都呆左😋😋。三樣飲量都足夠飽， 跟餐有得跟茶/啡。

日式平民食堂 石燒牛扒 $88起 主要供應日式及港式料理價錢便宜,但食物水準一樣相當出色 用料講究 係疫市中嘅搵食好去處最主打就係石燒系列 選用肉質最軟腍而且都有肉味 上石板時約3成熟, 自己切肉用熱石餘溫將扒煎至理想熟度午餐包一個沙律同白飯 如果晚市係任食飯前菜同沙律 仲配八種調味料供大家使用唔食牛嘅朋友，都有雞、羊、豬和三文魚扒比大家選擇 魚肉夠厚身 食之前煎熟少少先好食!除了肉食之外仲有好多唔同小食可以追加 芝士年糕 黑煎卜卜蜆 廣島蠔等等選擇~價錢一個食到飽住走都係百幾蚊一位非常好食又平平均消費$150評分8/10中環皇后大道中58-60號振邦大廈地庫

友人介紹滿滿食堂，位置好方便，所以決定一試見到餐牌先發現非常吸引！樣樣野都好想叫呀。。。最後選擇困難症下，揀左A類別，即係1+2+3任選一款石燒頂級牛肩扒vs石燒安格斯窄身西冷前者比想像中好味，嫩口不過兩塊扒都只得100g，唔夠喉。。。鴨肝黎果陣好大件，越燒越細係常識😎d油不斷滲岀黎，超香呀，咬落口真係入口即融，超好味呀！！日本廣島蠔餐牌寫三件，但黎左4件！大驚喜，雖然未好識拿捏個時間，但食落都好肥美！冬陰功卜卜蜆辣就唔算辣，勝在好香口，而且好多蜆，最後都係清哂！任裝沙律，白飯，同湯，真係好扺食呀！！一定會再黎！唯一要彈嘅就係成間店都好油煙，不過就會好貼心地為客人預備圍巾

🐮鐵板鹽燒薄牛脷配天婦羅軟殼蟹💰$78😈成日都想試呢間滿滿食堂💛佢呢到係主打自助吧既先叫餐之後再去自助吧到裝飯同湯另外佢仲有沙律吧🥗佢呢啲所有野都可以免費任添🍚佢個鐵板都可以係餐牌上自選兩款既種類都多😝我揀左鹽燒薄牛脷配天婦羅軟殼蟹我幾鍾意佢個鹽燒薄牛脷🐮食落唔會好Un同埋好薄身跟燒汁都好好味🤤不過就稍嫌個天婦羅軟殼蟹淋左同埋凍左無咁好食🐔鐵板碳燒雞扒配天婦羅蝦💰$78😈而呢個鐵板碳燒雞扒配天婦羅蝦朋友仔都話好好食不過佢就揀左咖哩汁😝佢話個天婦羅蝦炸到好脆同埋熱辣辣食好食好多😋而雞扒就普普通通咁無咩特別😣我地仲加左野飲同小食👍🏻同埋真係特別推薦沙律Bar個芽菜同海帶都好好食

每次經過見到店面外肉肉肉的廣告紙 實在令人口水流既感覺~今天經過決定試一下！ 坐下發現原來係快餐店型式的石燒店！基本石燒餐牌分3類價值2人點了2個普通石燒套餐~1類+3類：牛肩肉+魷魚 $881類+2類：牛柳+鹹牛脷 $98+$28需加一服務費沙律，飯，湯，水，餐具，調味品 ~ 全自助取！分別係店舖不同地方!值得推介餐湯！ 今天的是椰子蘿白湯！ 味道不錯呢～餐飲加$10-$12 (原價半價左右)叫牛柳是基本餐價上需加錢的 (這個要注意)不過！物有所值！大大件 肉汁也不錯！上枱時內層還是血淋淋的！需熟食 記得多燒一回！牛肩肉很一般，調味有點鹹魷魚有4隻，口感是ok的牛舌有6件，因為是鹹牛舌，所以肉質相對較為柔軟，口感淋**當石板不熱了 記得要求店員更換一塊哦！另跟餐可加$10薯條，有4個味可選 原味/芝士/黑松茸/孜然。。 今天試了孜然 幾惹味的 如果味粉再多點更完美！總括來說，”中環區+石燒+牛柳”呢個價位係性價比高 可推薦的! 餐牌內除了石燒，其他可選擇的還有不少 鐵板餐/拉麵/石鍋飯都價位在70+左右！大家不妨一試！

喺中環打工，每日最頭痛嘅就係諗晏晝食咩一來唔想食太貴，二來又唔想等位其實我差唔多每一日返工都會經過滿滿食堂，但唔知點解總係冇落過去幫襯，某日突然無啦啦諗起佢，咁好啦！一於試吓啦！本身想堂食，但比佢個外賣自取價錢吸引咗，因為大部份嘅飯只係$48至$58之間，仲要包埋嘢飲，喺中環來講的確係一個幾平嘅價錢同同事一人叫咗一個，我叫咗個牛仔骨，佢叫咗個雞扒飯，一杯凍飲一杯熱飲，加埋只係$111，真係幾抵，賣相都唔差食落去，味道都ok, 不過老實講份量就有啲細了。但係呢個價錢來講，都算係唔差嘅，會翻兜！

美國穀飼豬梅肉扒 $78👍 有大量抵食午餐選擇，但一場黎到，覺得都係要試一試佢地嘅“石燒之選”，勁厚切勁大塊豬扒，再加白飯、沙律，都係 $78，好抵！👍 厚切豬扒，全熟都好軟淋，啖啖肉好爽皮👍 出面勁多調味品任攞，沙律有柚子醬/芝麻醬；肉類都有燒肉汁、鹽、黑椒等選擇👌 塊豬一上黎係全生，勁驚燒唔熟，因為塊鐵板只係燒熱左，下面係無火嘅。好彩都夠熱燒到全熟。👌 友人話牛扒正常，咁嘅價錢都算 ok👎 就算係 lunch 都唔少人食石燒，可能又因為係地牢，通風麻麻，都幾煙👎 服務衛生方面，基本啦。你當快餐咁就好，唔好要求太多

呢個石燒牛扒食到我一頭霧水，佢送到上嚟嗰舊石難難殘殘，嗰舊牛扒燒完之後，成舊食落去啖啖都係沙石，咬落去卡卡聲，成舊報廢咗，我覺得自己食咗成餐沙，同個waiter講，佢一啲表示都冇，其實呢啲石板係消耗品，舊石爛成咁唔知點解佢哋唔會檢查，照上菜，係我用之前應該都有好多人用過或者投訴過，佢應該定期去淘汰爛咗嘅餐具，咁樣真係好唔衛生，都唔知食咗啲咩落肚，非常之失望。服務態度又不好，好冷淡又冇禮貌，啲嘢飲又非常普通，唔會再黎第二次。

難得男友接我收工，就喺公司附近揾嘢食。滿滿食堂我之前同同事都食過，D嘢食吾錯，而且價錢吾貴，印象中幾抵食架，所以今晚再嚟試吓先😄。我們叫了三個餐，分別係石燒牛柳（200g)、三文魚扒同廣島𧐢、第二個餐係石燒窄身西冷(100g)、一口牛配帆立貝，第三份係石燒牛肩扒(100g)配一口牛,再加一份芝士味薯條🍟，飲品選了鮮果蘋果醋和鮮桔菠蘿🍍梳打。先上枱就是石燒牛柳同石燒西冷，好好味😋再來是一口牛同三文魚扒之後是廣島蠔同帆立貝，三文魚扒味道Ok但肉質太諗，廣島𧐢出水，燒起上來太濕，麻麻地，帆立貝味道吾錯，一口牛味道超正，所以我們再叫多一客一口牛配牛肩扒，所有牛都好好味，超正，所有套餐可以出去自取沙律🥗、湯同白飯、漿汁，所以一定會食得飽，絕對值得推介（ PS 店鋪只收現金）

之前介紹過"滿滿"既早餐, 推薦佢既滑蛋.呢日試滿滿既午餐.中午12點15分左右到, 已經好多人, 我哋好好彩有位. 坐低點左石燒雞扒同埋丼飯. 醬油豬軟骨併帆立貝親子丼 (豬軟骨煮到好軟身, 呢個價錢嚟講唔錯)超嫩石燒雞扒如果大家點扒餐, 要有少少耐性, 慢慢烹調, 雞扒大約10分鐘左右可以食至於室內環境, 呢度就唔係俾大家靜靜傾計既地方, 四周都係鐵板上烹調緊既聲, 係熱熱鬧鬧既氣氛.關於"滿滿"抵食既評論見過唔少嘞, 試過之後真係抵食. 食物質素唔錯, 套餐包野飲或加少少錢轉凍飯, 我哋呢餐每人價錢$100以下.佢既石燒牛扒餐評論好多, 大家都好推介, 有機會都想試下.

平時返工都會去食早餐，因為好抵食，前排午餐難得約到朋友食飯，可惜發生左非常唔愉快嘅事事緣我返工未放飯所以叫朋友先去攞位跟手揀埋食咩落單入座朋友表明係二人我朋友揀左$136嘅C餐加$14要埋野飲，合共$150而我就揀左個$36卜卜蜆餐呢個份量兩個女仔share食都夠啦因為兩個餐都跟飯沙律同湯等左陣啲野食黎到扒同卜卜蜆都熱辣辣好好食食完我地發現侍應無俾單我地所以叫佢地印張單出黎無幾耐就有個類似經理嘅人拎住張單同個menu過黎經理：你地要嗌多個餐喎（命令式語氣）我同朋友：下？點解嘅？（完全唔知發生咩事）經理：每人最少要嗌一個餐，卜卜蜆唔當係一個餐我朋友：下..落單嘅時候你同事無講過喎經理：我知我同事無同你地講，但你地要每人最少要嗌一個餐我：餐我就唔會再叫多個，我地無時間食亦都食唔落，我最多只係會嗌杯野飲經理：咁今次就算，下次要每人嗌返一個餐（好不忿咁離開）之後我再問返我朋友落單嘅時候職員有冇同你講過，佢話無我地再研究個menu只係寫左“每位最低消費$70”無寫到每位最少嗌一個餐而我地未計加一同個卜卜蜆都已經夠$150我明白佢地可能小本經營所以要推大每張單嘅額但真心唔係咁樣同客講野囉完全exp