滿滿食堂

營業中

休息中

在中環，食一餐晚飯，閒閒地每個人都要$200以上。有一天，在網上找到一間性價比甚高的石燒食堂，膽粗粗去一試。食堂就在中環皇后大道中，行樓梯落地庫。這裡是吃肉的。 餐牌主要有三個類別 ABC：1)肉肉肉，由$58至108，由不同級別牛肉到燒魚；2) 都是肉，大概$42-44，有牛、鴨肝、帶子、鮑魚、燒蝦等；3) 小食，$26-28。可以單叫，也可以叫餐：1+2+3：$1141+2：$941+3：$84 餐的湯、沙律、飯是自助任加的，可以食飯食到飽。跟餐凍飲+$10。頂級牛肩扒，加帶子，$84，好味好抵食，牛肩扒份量足夠，帶子可以生吃，或是石燒。如果石的熱度冷卻，可以要求換一塊新的熱石。赤魚，加一口牛，一口牛十分有驚喜，比主食還要好吃。總評味道：好味，性價比甚高；環境：在繁忙的中環自成一角；服務：店員有禮貌；衛生：可以。

成日係皇后大道中行過幾次見到佢地庫有間石燒肉既餐廳，今次約左同事去食中午決定一試，12點去尚早，吾洗等位。佢餐廳都有好多吾同款式選擇，有唔同牛既部位、雞、豬，亦都可以揀兩種吾同肉類，選擇算幾豐富。而且大部分套餐都唔超過$100，係中環黎講，非常抵食啦。佢啲餐都有跟沙律、野飲、一碗白飯同你揀既肉。咁今次我試下佢啲牛扒，兩塊都好大塊，而且質澤幾靚，放上石燒自己燒就可以自己決定幾熟，係幾特別。不過提一提，裝西裝就唔建議去食，因為間野油煙非常大，幾個中身上既油煙味都唔散。

第一次黎呢間食，假期都唔算多人，唔使等位，先係門口收銀枱攞口罩食，之後坐埋位，職員會俾獨立包裝既圍裙，幾貼心。自助沙律吧都幾多野食，沙律菜、車厘茄、海帶等等，亦都有沙律醬可以簡，白飯係另一個corner，可以任裝，包你食得飽，仲有第三個位可以簡醬汁。Menu 上門石燒牛肉有type A, B, C 簡，唔同配搭唔同價錢，今次叫左2個A+B 餐，$94/餐，牛可以自己煎，自己控制熟既程度，食左西冷、牛肩肉、滿滿牛，3款都好好食，帶子都唔錯，好大粒。燒左一塊牛之後，可能冷氣太大，個石板已經唔熱，所以叫職員幫手換一個，都好快手。成個體驗唔錯，食飯質素高，加埋一，兩個人埋單$204，呢個價錢係中環食牛，非常抵食。

星期六都仲要OT,想食餐好啲。但不得不講，環境真係麻麻地。我知我地係黎食燒肉，但連地下都滑到溜冰咁😅咁又多左啲....野食黎講ok既，有沙律吧任拎，唔係淨係燒肉餐先有，鐵板都有。醬料、飯自己拎。唔知係咪好想show到有服務，抵比服務費，同行3人，有兩個都係塊鐵板唔夠熱，要中途換.....啲肉一個係乾到爆，一個係肥到未熟已經多油到流晒落去...賣相麻麻🤨重要係跟餐冇野飲，得個湯，鹹，食完要買野飲。🙃自己嗌左個兩菜鐵板，冇咩特別，好似pepper lunch,但要100蚊嘅話，食過其他吧。

想食一個豐富嘅早餐本身都知道 佢哋做嘢慢咁就準備早半個鐘前order吉列豬扒餐 加左麥皮早知道佢哋冇服務，落到去見到係自己個名嘅餐就攞走返到公司發現比少咗一個麥皮打翻電話去滿滿，職員嘅回覆係我話唔到事，要問經理🤨之後安排我過去攞返個麥皮落到去 職員仍然係係目無表情我問呢個麥皮係咪我嘅，冇回答職員眼稍一稍，用眼神表示 ，係😡😡見到佢真係嬲，食到成肚火真係唔會再有下一次

上次已食過滿滿石燒牛扒 飯同肉份量足夠有多 大滿足今次叫咗碗 黑蒜豚肉湯底拉麵 山椒炸雞 朋友叫咗個頂級安格斯雪花牛黑蒜豚肉湯底拉麵 山椒炸雞拉湯正常中上，味道濃郁，麵質唔會過淋有口感，份量足夠山椒炸雞都好食 新鮮炸出嚟 熱辣辣，雖然山椒味唔重朋友叫咗嘅頂級安格斯雪花牛超好食 肉厚度適中 肉質更嫩滑 份量無滿滿石燒牛扒咁多 但都足夠有個醬料自助Bar方便拎自己想要份量嘅醬料另外 誠意推介加錢換珍珠奶茶或特式飲品 ，大大杯，好抵同好飲環境舒適，會再次來臨

返工前來到公司附近食過早餐，今次我行過一間「滿滿食堂」，見到餐廳門外的餐牌的食物款式多而且價錢又不算好貴，都不妨一試。我點了一份炒滑蛋之料理(＄33)～選擇了黑松茸鮮菌炒滑蛋，滑蛋真是大份，口感好滑溜，灑了一些什菌，但味道有少少偏鹹，配雙午餐肉，想起以前小時候食罐頭方形的午餐肉，煎得不算好脆香，反而保留濕潤，跟件奶油脆豬，麵包都脆，牛油煉奶都落得足夠另加＄5配乾果牛奶麥皮，乾果是乾紅莓、南瓜籽等，麥皮都是熱食，加上脆脆更增口感，麥皮都好黏稠，味道不錯飲品我點熱奶茶，茶香一般，可讚茶及奶都好平衡整體評分，早餐選擇多元化又抵食，中環區真是難得有平價早餐，我估餐廳前身應該是日本餐廳，木系枱櫈，卡位櫈都有座墊，四周掛滿寫上日本字的貓咪，雖然是茶餐廳，日本風格的裝潢帶出日本氣息

隱藏於地庫的小店，如不留意的話，分分鐘路過而不自知，我就經過了幾次才留意得到。餐牌上的選項及配搭繁多，要花多一點時間理解；最後揀了黑松茸鮮菌炒滑蛋、雙火腿、奶油脆豬、熱奶茶，再追加多一份牛奶脆脆粟米片；加入黑松茸鮮菌的炒蛋很惹味又香口，滑溜多汁，但其餘的則不過不失。沒有驚喜也沒有失望，但作為同聲同氣的小店，也是值得多多支持的。滿滿食堂地址: 中環皇后大道中58-60號振邦大廈地庫電話: 26536678

記得要用圍巾, 因為都幾彈油🤣, 自助salad🥗前菜專區, 仲有飯🍚 & 飲品🥤, 好夠飽😌✨滿滿牛(100g) +雞扒(半份) 💰78💫評分: 7.4/10📝係有牛有雞既鐵板燒餐, 選擇困難症嘅我揀咗呢樣🥳, 自己切自己煎, standard質素, 中環lunch價錢算係抵, 同埋多位所以1:00pm都唔洗等🤩𝕄𝕒𝕟 𝕄𝕒𝕟 ℂ𝕒𝕟𝕥𝕖𝕖𝕟 滿滿食堂📍中環皇后大道中58-60號振邦大廈地庫(中環🚇D2 出口行4分鐘就到)

Colleague and I was originally supposed to go the Five Guys which is 10 second walks from this restaurant, but since we have had Five Guys a number of times already, we decided to go for something new, which is admittedly a mistake. For $84 excl. service charge, they offer a very generous amount of beef steak (200g), and a steaming hot stone which allows you to fry your own rice after swallowing the steak, which I guess isn't that bad for most people. But my preference is more towards quality th

同Honey 每日返工都係港島區,所以食飯都會選擇公司附近今日被發現係中環有間幾特別食店滿滿食堂🍲 （中環）因為係地層所以平日不顯眼入內環境都幾寬敞亦沒有壓逼感,未到7 點都有不少人出現石燒套餐 $114 (A 餐)（西京燒銀鱈魚+豬肉眼+魷魚價錢真好抵食再加多半份西冷比Honey佢like 牛.自助沙律吧不是太多種類,但勝左新鮮仲有溫泉蛋有湯同白飯任食最緊要汁, 因為有不同配料,有D 似打邊爐湯, 一定要飲, 料好多, 好足。一塊細細塊的石板利用石燒既熱力慢慢燒熟魷魚要比較耐些時間,肉類比較新鮮,西冷就算直接燒, 油脂在肉上慢慢滲出, 令肉質依然滑香唔韌48 蚊, 厚度及件數都好抵食雖然不是太厚, 但燒出來配上醬料及白飯, 超正,上檯前肉眼大約5成熟，然後再根據石燒既熱力整熟，肉質好有彈性，厚肉得黎又唔韌 一定要盡快切同食, 涷左5 好食.因為見材料5 錯,所以再落Order叫左鯖魚及豬腩肉配白咖哩魚就一般, 反而幾愛個豬腩片。因為好少配白咖哩,用來佐飯真係絕配,好老實, 如果食套餐可能未必夠食所以最好另加其他野食.價錢 5貴之餘. 仲好味.又方便放工5想煮飯. 真係一流

呢間中環日式小店喺地庫， 招牌十分醒目， 都好易認，而且地理位置十分方便，地鐵站出口行唔需要十分鐘就已經到。 入到去發現餐廳原來好大 ，而且仲分 沙律吧檯， 湯同飯自助吧枱同醬汁自助吧檯。 感覺規模比其他日式石燒自助店更好，而且沙律吧嘅蔬菜全部都十分新鮮，選擇又多，個人覺得一個餐可以有自助吧檯，免費食沙律真係超抵食。 佢嘅湯係椰子湯超甜超好飲 ，而且醬汁嘅款式亦都十分多。 睇完menu我哋決定要是佢嘅自選石燒套餐同埋咖哩軟殼蟹石頭鍋。 自選石燒套餐有好多款 材料可以選擇 主色我叫做一個鱈魚扒，牛扒同 煙鴨胸。 鱈魚扒十分新鮮放係石燒上面烤，配埋佢嘅醬汁十分好食， 牛扒亦都好軟淋。 至於佢嘅咖哩軟殼蟹石頭鍋亦都好好食一個鍋裏面有兩隻 炸軟殼蟹，配埋咖哩汁 好惹味， 而且份量亦都算多 ，用佢嘅汁配白飯食真係一流。 另外我哋亦都叫咗佢嘅台式飲料蘋果醋同芋香珍珠奶茶，兩款甜度都好適中，好好味。

·超嫩石燒雞扒 羊鞍雞扒絕對咁多次都係首選 入味又嫩滑 包你喜歡 羊鞍 燒完肉質好林同超滑呀都係 喜出望外 第2大愛 呢個組合好滿意🤎·明目圓肉杞子蜜靚靚樽身 成個樽滿哂料浮浮沉沉既龍眼 同明目杞子飲落好清甜呀 龍眼加蜜糖食完個石燒飲返枝 潤返哂👄

今晚出左黎中環接美女朋友放工兼食飯佢話要帶我去佢近排同d同事放lunch食晏既“食堂”食返餐呢間餐廳係地庫位置，唔係得佢帶路，分分鐘miss jor都唔知佢話呢度除左有鐵板餐/石鍋同拉麵之外，仲有我近期都幾中意既石燒！！！咁我當然唔會放過啦，我地兩個點好餐之後，就出左去自助區度夾沙律同我好中意既溫泉蛋啦白飯同湯都係可以任添，所以一定唔會食唔飽等左無耐，熱辣辣既石板同所點既肉類都黎到啦我要左一份“霜降和牛”HKd$88+10%，美女朋友就要左“頂級牛肩扒+熊本一口牛”HKd$+10%我既和牛厚切，可以隨自己喜好控制生熟程度美女朋友話佢既牛肩扒食落都嫩諗，質素唔差佢仲分左粒一口牛俾我，食落唔差啵，都幾有牛味！！！呢度跟餐只係加10-14蚊就有飲品，連台式特飲都有得選擇我所揀既"百香熱情水果茶"都幾fresh，解喝又解膩

超抵食中環地庫食堂！滿滿食堂佔地很大，而且價錢也非常適中，適合中環上班族中午放lunch或晚上dinner到訪。餐牌上有不同款式，當中比較吸引的是石燒肉，根據不同級數或配搭有不同定價，豐儉由人，最低消費$70。醉翁之意不在酒，除了套餐之外，沙律、白飯、湯等等都是半自助形式任飲任食，是日餐湯為椰子雞湯，口味清甜又鮮味，沙律方面有比較特別的枝豆、海帶，更有溫泉蛋提供，非常豐富！A set霜降和牛$114+30法國鴨肝 日本廣島蠔和牛方面花紋分布適中，而且都比較厚肉，油脂充足；法國鴨肝香味濃郁入口即化，日本廣島蠔鮮味十足熱辣辣非常香口。星期五優惠：鮑魚$22，經過調味口味香甜又彈牙。香芋珍珠奶昔跟餐半價+$14雲頂水果茶（阿里山茶）$20飲品方面跟餐的話會比較抵飲，價錢平過出面嘅台式飲品店，我嘅水果茶口味清新，原價都只係$20 ，酸酸的水果香味非常健康。