滿滿食堂

營業中

休息中

友人介紹滿滿食堂，位置好方便，所以決定一試見到餐牌先發現非常吸引！樣樣野都好想叫呀。。。最後選擇困難症下，揀左A類別，即係1+2+3任選一款石燒頂級牛肩扒vs石燒安格斯窄身西冷前者比想像中好味，嫩口不過兩塊扒都只得100g，唔夠喉。。。鴨肝黎果陣好大件，越燒越細係常識😎d油不斷滲岀黎，超香呀，咬落口真係入口即融，超好味呀！！日本廣島蠔餐牌寫三件，但黎左4件！大驚喜，雖然未好識拿捏個時間，但食落都好肥美！冬陰功卜卜蜆辣就唔算辣，勝在好香口，而且好多蜆，最後都係清哂！任裝沙律，白飯，同湯，真係好扺食呀！！一定會再黎！唯一要彈嘅就係成間店都好油煙，不過就會好貼心地為客人預備圍巾

🐮鐵板鹽燒薄牛脷配天婦羅軟殼蟹💰$78😈成日都想試呢間滿滿食堂💛佢呢到係主打自助吧既先叫餐之後再去自助吧到裝飯同湯另外佢仲有沙律吧🥗佢呢啲所有野都可以免費任添🍚佢個鐵板都可以係餐牌上自選兩款既種類都多😝我揀左鹽燒薄牛脷配天婦羅軟殼蟹我幾鍾意佢個鹽燒薄牛脷🐮食落唔會好Un同埋好薄身跟燒汁都好好味🤤不過就稍嫌個天婦羅軟殼蟹淋左同埋凍左無咁好食🐔鐵板碳燒雞扒配天婦羅蝦💰$78😈而呢個鐵板碳燒雞扒配天婦羅蝦朋友仔都話好好食不過佢就揀左咖哩汁😝佢話個天婦羅蝦炸到好脆同埋熱辣辣食好食好多😋而雞扒就普普通通咁無咩特別😣我地仲加左野飲同小食👍🏻同埋真係特別推薦沙律Bar個芽菜同海帶都好好食

每次經過見到店面外肉肉肉的廣告紙 實在令人口水流既感覺~今天經過決定試一下！ 坐下發現原來係快餐店型式的石燒店！基本石燒餐牌分3類價值2人點了2個普通石燒套餐~1類+3類：牛肩肉+魷魚 $881類+2類：牛柳+鹹牛脷 $98+$28需加一服務費沙律，飯，湯，水，餐具，調味品 ~ 全自助取！分別係店舖不同地方!值得推介餐湯！ 今天的是椰子蘿白湯！ 味道不錯呢～餐飲加$10-$12 (原價半價左右)叫牛柳是基本餐價上需加錢的 (這個要注意)不過！物有所值！大大件 肉汁也不錯！上枱時內層還是血淋淋的！需熟食 記得多燒一回！牛肩肉很一般，調味有點鹹魷魚有4隻，口感是ok的牛舌有6件，因為是鹹牛舌，所以肉質相對較為柔軟，口感淋**當石板不熱了 記得要求店員更換一塊哦！另跟餐可加$10薯條，有4個味可選 原味/芝士/黑松茸/孜然。。 今天試了孜然 幾惹味的 如果味粉再多點更完美！總括來說，”中環區+石燒+牛柳”呢個價位係性價比高 可推薦的! 餐牌內除了石燒，其他可選擇的還有不少 鐵板餐/拉麵/石鍋飯都價位在70+左右！大家不妨一試！

喺中環打工，每日最頭痛嘅就係諗晏晝食咩一來唔想食太貴，二來又唔想等位其實我差唔多每一日返工都會經過滿滿食堂，但唔知點解總係冇落過去幫襯，某日突然無啦啦諗起佢，咁好啦！一於試吓啦！本身想堂食，但比佢個外賣自取價錢吸引咗，因為大部份嘅飯只係$48至$58之間，仲要包埋嘢飲，喺中環來講的確係一個幾平嘅價錢同同事一人叫咗一個，我叫咗個牛仔骨，佢叫咗個雞扒飯，一杯凍飲一杯熱飲，加埋只係$111，真係幾抵，賣相都唔差食落去，味道都ok, 不過老實講份量就有啲細了。但係呢個價錢來講，都算係唔差嘅，會翻兜！

美國穀飼豬梅肉扒 $78👍 有大量抵食午餐選擇，但一場黎到，覺得都係要試一試佢地嘅“石燒之選”，勁厚切勁大塊豬扒，再加白飯、沙律，都係 $78，好抵！👍 厚切豬扒，全熟都好軟淋，啖啖肉好爽皮👍 出面勁多調味品任攞，沙律有柚子醬/芝麻醬；肉類都有燒肉汁、鹽、黑椒等選擇👌 塊豬一上黎係全生，勁驚燒唔熟，因為塊鐵板只係燒熱左，下面係無火嘅。好彩都夠熱燒到全熟。👌 友人話牛扒正常，咁嘅價錢都算 ok👎 就算係 lunch 都唔少人食石燒，可能又因為係地牢，通風麻麻，都幾煙👎 服務衛生方面，基本啦。你當快餐咁就好，唔好要求太多

呢個石燒牛扒食到我一頭霧水，佢送到上嚟嗰舊石難難殘殘，嗰舊牛扒燒完之後，成舊食落去啖啖都係沙石，咬落去卡卡聲，成舊報廢咗，我覺得自己食咗成餐沙，同個waiter講，佢一啲表示都冇，其實呢啲石板係消耗品，舊石爛成咁唔知點解佢哋唔會檢查，照上菜，係我用之前應該都有好多人用過或者投訴過，佢應該定期去淘汰爛咗嘅餐具，咁樣真係好唔衛生，都唔知食咗啲咩落肚，非常之失望。服務態度又不好，好冷淡又冇禮貌，啲嘢飲又非常普通，唔會再黎第二次。

難得男友接我收工，就喺公司附近揾嘢食。滿滿食堂我之前同同事都食過，D嘢食吾錯，而且價錢吾貴，印象中幾抵食架，所以今晚再嚟試吓先😄。我們叫了三個餐，分別係石燒牛柳（200g)、三文魚扒同廣島𧐢、第二個餐係石燒窄身西冷(100g)、一口牛配帆立貝，第三份係石燒牛肩扒(100g)配一口牛,再加一份芝士味薯條🍟，飲品選了鮮果蘋果醋和鮮桔菠蘿🍍梳打。先上枱就是石燒牛柳同石燒西冷，好好味😋再來是一口牛同三文魚扒之後是廣島蠔同帆立貝，三文魚扒味道Ok但肉質太諗，廣島𧐢出水，燒起上來太濕，麻麻地，帆立貝味道吾錯，一口牛味道超正，所以我們再叫多一客一口牛配牛肩扒，所有牛都好好味，超正，所有套餐可以出去自取沙律🥗、湯同白飯、漿汁，所以一定會食得飽，絕對值得推介（ PS 店鋪只收現金）

之前介紹過"滿滿"既早餐, 推薦佢既滑蛋.呢日試滿滿既午餐.中午12點15分左右到, 已經好多人, 我哋好好彩有位. 坐低點左石燒雞扒同埋丼飯. 醬油豬軟骨併帆立貝親子丼 (豬軟骨煮到好軟身, 呢個價錢嚟講唔錯)超嫩石燒雞扒如果大家點扒餐, 要有少少耐性, 慢慢烹調, 雞扒大約10分鐘左右可以食至於室內環境, 呢度就唔係俾大家靜靜傾計既地方, 四周都係鐵板上烹調緊既聲, 係熱熱鬧鬧既氣氛.關於"滿滿"抵食既評論見過唔少嘞, 試過之後真係抵食. 食物質素唔錯, 套餐包野飲或加少少錢轉凍飯, 我哋呢餐每人價錢$100以下.佢既石燒牛扒餐評論好多, 大家都好推介, 有機會都想試下.

平時返工都會去食早餐，因為好抵食，前排午餐難得約到朋友食飯，可惜發生左非常唔愉快嘅事事緣我返工未放飯所以叫朋友先去攞位跟手揀埋食咩落單入座朋友表明係二人我朋友揀左$136嘅C餐加$14要埋野飲，合共$150而我就揀左個$36卜卜蜆餐呢個份量兩個女仔share食都夠啦因為兩個餐都跟飯沙律同湯等左陣啲野食黎到扒同卜卜蜆都熱辣辣好好食食完我地發現侍應無俾單我地所以叫佢地印張單出黎無幾耐就有個類似經理嘅人拎住張單同個menu過黎經理：你地要嗌多個餐喎（命令式語氣）我同朋友：下？點解嘅？（完全唔知發生咩事）經理：每人最少要嗌一個餐，卜卜蜆唔當係一個餐我朋友：下..落單嘅時候你同事無講過喎經理：我知我同事無同你地講，但你地要每人最少要嗌一個餐我：餐我就唔會再叫多個，我地無時間食亦都食唔落，我最多只係會嗌杯野飲經理：咁今次就算，下次要每人嗌返一個餐（好不忿咁離開）之後我再問返我朋友落單嘅時候職員有冇同你講過，佢話無我地再研究個menu只係寫左“每位最低消費$70”無寫到每位最少嗌一個餐而我地未計加一同個卜卜蜆都已經夠$150我明白佢地可能小本經營所以要推大每張單嘅額但真心唔係咁樣同客講野囉完全exp

坐車聽人提起好食又抵咁啱舊同事約食飯落到去可能坐得比較廚房油煙好大諗住都係一餐飯冇所謂拎起餐牌睇對手掂倒張枱就FEEL倒張枱笠黐黐諗住快D食完走, 叫人落order我自己叫左個A5和牛SET, 啱啱講完, 我舊同事都未開口, 落單個呀姐就用極差語氣咁講有最低消費態度惡劣到我特登走上黎新開個AC比個差評平心而論食物質素一般般帶子冇咩味係得A5牛好少少不過咁嘅服務態度唔洗錢/再好食都唔會返轉頭幫襯

位置方便、價錢都平民，岩晒中環返工既朋友。午時套餐平均一百樓下左右，自助沙律吧同白飯任裝，個餐仲包飲品，係中環呢個食飯都貴到死既地方簡直救星🥺餐廳主打石燒肉料理，同時有各款日式石鍋同壽司小食。#滿滿石燒牛扒石燒牛扒200g，一個人食岩岩好石燒要自己控制好火喉，千祈唔好燒過龍呀牛扒唔算多筋，口感不俗配口多款自選醬汁，真係好好味😋#熊本一口牛極推薦大家一試牛肉粒的油脂和牛質濃郁，一口一粒係滿滿既幸福感#軟殻蟹咖哩鍋大大隻軟殻蟹配上濃厚咖哩汁好邪惡咖哩汁份量好多，但勝在白飯住裝，用來撈飯認真唔錯#芝士拉絲黑胡椒牛仔骨鍋滿滿食堂既鍋物醬汁偏濃牛仔骨都大塊，咬落去口感不錯，胡椒偏重可惜芝士好快溶了，做唔到拉絲效果

今日去咗中環名店：滿滿食堂！超級期待！好彩我哋今日點半先至去，人潮少咗好多，我哋排咗大約10分鐘就有枱啦！入到去已經聞到浸浸肉香，好心急咁喺餐牌入邊搵嘢食，咁就梗係要食石頭燒肉啦！🥳🥳🌍滿滿石燒牛扒(100g) + 美國榖飼豬扒(150g) $80必食之選🔥🔥🔥🔥選擇困難症嘅我，梗係要搵雙併啦！又有豬、又有牛，係你啦！牛扒非常之厚及有牛味！豬扒大大件，非常之抵食！必選！唔洗諗！最好係佢哋來到嘅時候大約只有四成熟，在石上慢慢燒，可以燒到你想要嘅熟度，啱啱號！😋😋非常之窩心，佢哋為每個客人都準備咗圍裙！記住必須要用，唔好貪靚唔用佢！油彈得非常之厲害！仲有記得要去攞佢哋非常之好食嘅黑松露生蒜🧄，用嚟點肉100%一流！🌏燒芝士年糕 $24追加嘅。我哋將佢放埋上舊石上面慢慢燒，好好食，好 creamy！🌍煙鴨胸 $18有驚喜！咁嘅價錢有三舊校好厚嘅煙鴨胸，放上石上燒又鹹香又濃郁！🌍榛子珍珠咖啡 餐飲加$14香港人加油！我哋將啲珍珠轉咗做仙草！同埋要從小貼！好好飲不過都偏甜！大家如果唔飲得好甜嘅就記得要少少甜就夠！

滿滿食堂lunch時段堂食嘅人蠻多，所以選咗外賣。黑松茸鮮菌滑蛋飯：菌味平淡未搶蛋味，雞蛋超級滑，一份嘅飯量十足，黑松茸味道偏淡。雞翼超級讚。胡椒味蠻重，但係搭配酥脆外皮和嫩滑雞肉質感，堪比完美。煎豚肉餃味道一般，一款很平淡無特色嘅煎餃🥟

今日第一次幫襯，覺得啲野食ok，但食緊野嘅時候佢啲員工喺我附近係咁抹塵，抹完啲牆呀櫈呀都未夠，仲要抹我頭頂部冷氣機，佢抹緊果陣望我一眼我以為佢醒水，點知佢繼續抹，你部冷氣機係遠小小我都算，大佬我啲野食係正下面，啲塵跌哂落尼點食呀？咁都算啦我忍，我連黑佢面都無，我食完野之後坐咗一陣，前前後後都唔夠半個鐘，最後埋單果陣有個仔同個阿嬸企喺收銀，我比張卡個仔碌，跟住佢隔離個阿嬸好唔耐煩好串咁講話佢地唔收卡架淨係收現金，我又唔係你老闆，我第一次尼點知你收唔收卡姐，唔洗咁嘅態度呀？我走果陣個呀嬸仲要睥住我走，我識你？趕客咪講，你老細真係多謝哂你。

武漢肺炎持續咗年幾，而家d人都唔係點理佢，已經照常出街，呢日響中環， 條街真係爆多人， 可能friday, 所以咁多人出嚟啦~呢間滿滿食堂想食咗好耐，今次終於夾到嚟食喇~~ 佢係主打食燒肉， 都有d鐵板， 我地入到去坐低， 個姐姐仔好有禮貌咁講解， 我地叫咗嘢食之後，就出去拎醬料同沙律吧~ 好有驚喜呀！！ 佢d醬料唔係得普通嘅豉油， 仲有黑松露蒜蓉， 芝士醬呢d, 好有誠意呀！！！佢個salad bar都好正， 唔係太多嘢揀， 但係d嘢好啱食， 係d日韓款式， 全部都好fresh!!! 最欣賞係佢竟然有溫泉蛋， 係溫泉蛋呀！！！！ 我都有食過任食嘅溫泉蛋， 但係響酒店buffet, 唔係呢d一百幾十嘅鋪仔囉~ 真係好正！！！ 估佢唔到， 即刻加晒分呀！！我地叫咗一個石燒， 揀咗頂級牛肩扒同石燒刺身級帶子， 個friend話個牛超好食， 係靚牛嚟， 好有肉味。 個帶子仲痴線， 勁大粒， 平時自己買都要1x~2x一粒，佢一客有3 粒， 真係抵食到爆我就要咗個鐵板， 揀咗碳燒雞扒同燒豚肉五花腩，好大份， 又好好食， 真係冇得頂， 仲要免費食salad bar, 飯同湯， 咁嘅價錢，