滿江紅 (已結業)

老闆突然想辣辣的今天提起這家滿有名氣的店於是我們便來了12:30沒有人是因為我們還早吧加上仍是假期中使我們能夠靜靜地坐在窗邊的一張卡位享受著就忙裡偷閒的時候選擇困難症的的二話不說點了個二人餐先來一碗西洋菜豬骨例湯菜有菜味豬有豬味這些是癈話在下也不多說前菜的兩款在下選了自己喜歡的四川辣辣涼粉老闆喜歡的青椒皮蛋我把辣辣青椒吃光了老闆就把臭臭的皮蛋吃光了🤣另外的兩款是麻辣豬耳和涼伴小黃瓜主菜酸菜桂花魚另外的兩款是香辣海中蝦和水煮桂花魚伴菜我們則選了老闆為牠而來的宮保雞丁另外的是麻婆豆腐和清炒時菜跟白飯再額外多點一碗四川擔擔麵食物質素好但沒想到份量偏小不過也正好讓在下好好節制自己的食量很久沒來了除了環境變乾淨了也沒什麼大變動是好事吧：）

未裝修之前，覺得滿江紅質素好份量夠價錢又抵，因為裝修幾個月冇去。。見重開今晚一試。發現餐牌唔同咗，好大機會已經轉咗老闆 。叫招牌水煮桂花，個部長話全香港都無桂花魚叫我哋試水煮沙巴躉$338。價錢唔係一個問題，好明顯部長想sell沙巴躉，就話無桂花。。 以前水煮桂花例牌$250，而家要$298，但分量仲少咗。叫咗一碟炒萵筍，超级喊 要求退回。。 另外叫咗一碟麻辣豬耳，味道ok，但份量比以前少咗1/3！應該唔會有下次

你因爲經過 女知客拉我們 用九折的優惠卷加上中午不加一終於打動我們行兩層樓梯上到這個本來做川菜的滿江紅幸好女朋友愛吃南瓜立即登記要了一個南瓜排骨飯餐送中湯幾條青菜另一新耳目的中菜叫做客家炆全豬竟然發現有豬腳豬耳豬腩肉真正半肥的肉塊我叫最貴68$ 的招牌口水雞湯麵那個陽春麵非常好的多年沒有見過的一碗陽春麵⋯⋯實在意外驚喜面條林而好食湯不混俗例湯西洋菜清湯招牌口水雞大碟夠辣各有喜好的飯友都滿意自己所點的飯菜慶幸沒有叫名貴湯套因午餐幾合口味

尖沙咀。 川菜麻辣真係食到爽YY, 又要覺覺地辣又要繼續食，完全停唔到🤣🤣🤣🤣🤣🤣好正呀lee間，好鐘意～必番兜😛水煮魚係麻辣中帶鹹，小編幾鐘意，唔會過份太辣，𥚃面有青瓜，豬血，芽菜，粉皮👍🏼👍🏼蒜泥白肉必食，如果你係愛蒜之人，你會狂蘸d蒜泥👍🏼👍🏼👍🏼👍🏼👍🏼口水雞，好味，雞肉唔肥，皮薄，隻雞雖然唔係話勁嫩，但最緊要個辣汁好味～👍🏼👍🏼皮蛋豆腐就一般，如果好似台灣菜咁加海鮮醬/蠔油加糖/豬肉鬆會更增升味道～麻辣雞絲涼粉就偏辣左d,頂唔到～干煸四季豆，ok夠鑊氣，但食麻辣會令佢無左味🤣🤣🤣洛神花茶調得好好飲，食辣飲凍，正到呢😍😍😍😍😍😍$200-300/head

第一次食哩度係幾個月前裝修之前既時候，個時既水煮魚都好入味，但係裝修之後既水煮魚就得番魚味，啲辣味只係喺個魚既皮層上面咬到入去又無乜味好唔過癮，連個麻辣豬耳都仲辣過個水煮魚，哩一味餸就真係有d失望蒜泥白肉好好味，切得夠薄，配合埋青瓜咁食好好味，不過就得8片度，價錢方面可能貴左小小58蚊，不過係好食既再有麻辣豬耳辣得好過癮，叫左碗白飯黎送哩啲辣野真係好爽環境都幾好，人唔算多就算8點到都仲有位，中意食辣既可以一試！

星期六晚7點幾冇訂檯走過嚟都仲有位，咁啱次次都係同一張檯，今次佢哋個冷氣終於整好。今次都係叫小菜，未試過的口水雞、炒薯絲(醋）、毛血旺，仲有必叫大大杯凍檸茶。口水雞醬汁濃，香口的，唔算好辣好麻，雞肉沒有雪過龍。少少辣，用醋炒係開胃嘅，如果下次揀辣炒應該惹味啲。後加毛血旺，本身撈面啲料都冇咩特別，係撈起底嘅湯就唔同晒，又香又麻辣，啲料好多，豬紅、魷魚、牛柏葉、腸仔，仲有一舊爽爽地嘅應該係黃喉。最後又係食到超飽咁落樓，埋單每人差不多$200。呢間餐廳俾起新開嘅川菜勝在份量多，又唔會太重味，易搵位，所以我哋會翻單幾次。

今朝5點收工響公司恰左幾個鐘頭，同2個同事去美容院扮完靚靚後都差不多下午1點，點都要搵野落肚既，幸好今日三個人都嗜辣既，又咁岩【滿江紅】就響附近，二話不說踩場去了！話時話呢間滿江紅開左咁多年我都未幫襯過，幾次就唔岩時間，有時就係朋友甩底，總之一直都無緣品嚐⋯⋯今日終於食到喇！三個人隨便點左幾樣菜，三杯飲品：-洛神花茶，凍檸茶，檸檬柑桔1.水煮桂花魚～魚夠滑身，但完全唔辣，配菜太多，普普通通沒有驚喜😑2.蒜泥白肉～賣相唔差，可惜腩肉切得太厚，同埋個蒜泥根本唔係蒜泥只係蒜粒，我覺得好失望！😔3.香辣肥腸～呢個最好食，脆身香口，紅椒青椒都配搭得幾好，唯獨是只屬中辣，（不過已經係所有食物最辣的一樣）🤨4.口水雞～肉質都幾滑，但口水雞唔係辣既咩？點解我覺得甜既，但我同事仲話滿江紅既口水雞好出名，曾經攞過獎喎🧐總結：如果呢間唔係食川菜的話，食物的確煮得唔差，但好可惜我完全食唔到好辣既味道，落單時我亦曾多次聲明一定要特辣，可惜結果都係失望⋯⋯🤭今餐埋單$6XX，同事請食！

今次黎到尖沙咀搵食突然好想食辣，朋友即刻推薦呢間滿江紅，個名聽了很多次，但一次都未食過，今次要去試下滿江紅的座位闊落，環境都幾舒適。由於太肚餓的關係，坐低已經即刻點菜，每樣都很想食，於是點了最熱門的菜式夫妻肺片川味十足期待已久的水煮魚片魚片很滑，泡椒和其他配料很多，底下有芽菜薯粉非常入味，平時經常上深圳食川菜，這個水煮魚可以媲美，味道很正宗口水雞，見到每一台都必點辣子雞，略嫌雞炸得較乾身還有酸辣土豆絲，魚香茄子，配白飯一流，不錯👌

事隔幾日我有去多次食滿江紅喇好掛住佢啲辣味！今次多啲人去所以一共叫咗八樣送，三碗白飯首先同上次一樣叫返水煮魚同酸辣土豆絲仲有辣子雞先，唔洗多講呢三樣必食！之後介紹口水雞(半隻)，份量唔小啲雞肉好多唔係淨係得骨架，仲好入味添，唔會太辣搞到食唔到雞既味道！另外叫咗海鮮炒飯，要讚既係一啲都唔濕，炒到係真係一粒粒乾身，而且唔會咸，驚喜99！仲有夫妻肺片（小辣），唔會咬唔爛又入味！繼續係魚香茄子，唔辣但酸酸地配合返送飯一流！最後係紅油抄手，八碟送夾埋每人唔過$170！！好抵食！食完又食推介：滿江紅

今日係姊妹聚會，個個都鐘意食辣野即刻搵到間叫滿江紅，個名夠曬吸引，唔理三七廿一即刻去食！五個女仔，叫咗四碗飯五樣送，好飽！必叫一定係水煮桂花魚(小辣)同酸辣土豆絲，水煮魚好滑又夠辣，個底仲有大量薯粉同入曬味既芽菜！送兩碗都仲得呀！土豆絲好香油味，唔會太辣中和返，唔誇張好好食！炸饅頭夠曬熱，再加大量煉奶，當甜品正！最後仲有辣子雞，越食越辣夠曬過癮！環境舒服乾淨，拎黎傾計聚會就岩曬喇！好好食四川菜推介：滿江紅

星期日晚同男友去了食滿江紅，叫了四道菜，分別是麻婆豆腐、回煱肉、乾扁四季豆、椒炒辣子雞。麻婆豆腐麻而不辣，但略嫌偏油，四季豆乾濕適中，肉碎好入味，爆香了的回煱肉和椰菜配搭得剛剛好，送飯一流，最後是那盤紅噹噹的辣椒雞，味道不錯不過有點熱氣。整體不錯吃，正宗川菜館。

想食正宗川菜！要嚟滿江紅！想食正宗麻辣火鍋！非滿江紅莫屬！！之前都有試過其他店鋪嘅麻辣火鍋，但都未搵到一間所謂嘅「正宗」！滿江紅小菜就食過幾次，但就未試過火鍋，原來「正宗」就在左近！滿江紅出名員工態度其差，但今次卻意外地親切，難道有重新再培訓過？但願可以維持落去啦！火鍋配料係單點形式，選擇有好多，有點眼花撩亂，但實有一款啱自己口味！$188招牌麻辣鍋，血紅色嘅湯底，面層浮住滿滿嘅麻子紅辣椒...未煮滾已經可以聞到濃濃嘅麻辣香氣，眼見都覺得辣呀！果然冇令人失望，湯底味道香濃，初嚐會係小小辣，亦有小小麻，跟住就會愈滾愈辣，愈滾愈麻～鼻水亦會不自覺地流出，但感覺同味覺都好正！呢啲先係叫麻辣火鍋嘛！食材方面亦唔錯～手切肥牛要咗個份量小嘅，但估唔到實物咁大碟！如果要大碟嘅咪好誇張？！肥牛一片一片平鋪碟上，賣相好靚好吸引！肥瘦均稱，入口溶化，肉味香濃！堅正！羊肉片亦好好味，味道帶少少羊騷，入口即溶，羊肉配麻辣鍋係命運相遇般超夾！根本就唔需要其他調味料，已經索曬麻辣香味！黃鱔煲仔飯就食得多，火鍋就真係第一次！基本上好似焯白鱔一樣，口感都爽，但就冇白鱔咁爽，鱔味就比較濃一啲。即劏田雞，賣相一定唔討好，

從前在尖沙咀吃四川菜都多數較貴了二樓滿江紅吃好幾次午餐之後十分滿意50幾元口水雞飯套送一白蘿蔔湯汁加五元一大杯即沖滾奶茶是水吧師父手作加入煉奶是茶走了非茶包茶一個蠔仔芹菜湯飯即潮州粥多湯多料最合大餸的本人美女朋友見到碟口水雞立即登記多叫一個半只口水 雞外賣125$超大只多青瓜真是開心自的人都抽水幫忙多吃幾舊- 實在宴客都夠今天又適逢除夕我發版叫一個例牌四川省扣肉不是客家人的不是梅菜但風味差不多才88$姊妹又要外帶最終因爲太大碟吃不光才放棄否則拿著兩大款式手都累繼續努力我叫上海名點桂花酒釀湯圓子很香酒味她們也滿滿足葫蘆全樽醃子薑-600$ 一個她倆各一個杏仁蛋白茶我起初恐嚇她說會肥到見面驚艷好滑好清爽不甜不膩滑溜溜⋯⋯蛋白又嫩又軟杏仁汁濃郁好好耐沒吃過那麼中國人的好午餐

為大家介紹來尖沙咀必食“滿江紅”每當來到尖沙咀，都會想起“滿江紅”的水煮桂花魚香味撲鼻，魚肉軟滑。仲有蒜泥白肉，蒜，香十足，口齒留香，肉身軟滑彈牙，好食。生蒜雖然食完個口會有未，但殺菌一流

The food is good.Don't be frightened by the reviews!The food is not spicy at all!!We can eat more spicy!!!BTW, thanks to the waiter. He is very friendly.