滿樂中菜 (已結業)

住喺佐敦嘅朋友約我去柯士甸站晚飯，從未去過戲曲中心嘅我又開眼界了，粵劇🎭是中國的國粹，確係需要發揚光大，戲曲中心建築⛩頗具特色，值得參觀之餘，今日我仲係場館裏面嘅「滿樂中菜」，食左美味嘅一餐。餐廳兩旁有一系列卡座，半開放式有點像包廂嘅感覺，壁畫🌿、翠綠嘅餐具🥢，頗具中國風 ，我們的四人餐桌，坐得相當舒適👍燉湯味道濃郁，真材實料有老雞、豬肉、五指毛桃，滋潤香甜而且火喉♨️十足，相當不錯。潮式炸豆腐酥香表面，軟心內層滑嘟嘟，點一下蔥香汁，美味即時加倍。鮑汁炆花生雞腳又係食唔停，粒粒花生炆得軟綿綿，雞腳腍滑入味，以呢兩道作為前菜小點，飲埋啤酒更加出色🍺🍺燒味雙拼永遠最受歡迎，先吃叉燒，肉質鬆化，甜甜地嘅蜜汁，焦香嘅表面好味得驚為天人。再食燒肉又係一絕，腩仔肥瘦均勻，少咸惹味，表皮卜卜脆，深得我們一致讚賞👍👍👍 鯧魚起肉去骨大大件 ，表皮煎得金黃香脆，魚塊嫩滑多汁，頭抽獻少少甜特別討好，食到我地個個舔舔脷👅，非常之正。中式牛柳又係萬干寵愛，「滿樂」呢度亦確有一手，多洋蔥炒得軟熟清甜，牛柳腍滑入味，酸甜汁認真開胃招牌金瓜炒米粉，南瓜切幼清甜健怡，炒米粉少油乾身, 紅紅綠綠，有菜有肉🦐真係好好食🥢今

第一次來戲曲中心，唔好以為我梗係來聽粵曲，其實係約左朋友來食飯，我初時都唔知原來呢度有幾間食肆😅大鄉里來到就梗係要影下相周圍行吓，估唔到外型設計好Cyber，空間感十足，好似一隻巨型嘅太空船😍滿樂中菜，就係我地嘅聚會地點，由於時間尚早，正好可以隨意參觀一下，設計以綠色為主調，牆壁上有花卉設計，跟戲曲中心很配合👍🏻餐具擺設一樣係用綠色，同一色調，淡淡的像翡翠玉石，古色古香🥢每日也有不同燉湯$288（4位用）今晚是足料五指毛桃雞腳燉湯，清潤又滋補，連湯渣都唔好放過😋雙拼燒味 (蜜汁叉燒、燒腩仔) $228，嗱！我要強調，呢份「笨」唔係普通嘅燒味，好可能係我食過最好味嘅叉燒、燒腩仔；叉燒當然係半肥瘦，而且肉香又夠淋，熱辣辣，蜜汁甜又香，送飯一流，燒腩仔，皮脆肉嫩，非常Juice 😋另外兩款熱食，鮑汁炆花生鳳爪煲$138，入味多汁，忍不住手口並用😬，潮州炸豆腐$108，價錢實惠，有點像鹽水豆腐，份量足，送酒一流😬頭抽煎鯧魚片$278，顏色上得好靚，厚身大件，啖啖肉又無骨，酥香味美，回味無窮👍🏻中式牛柳$138，也不錯，我個人反而欣賞洋蔥配角吸收了肉味的口感😍沙爹炒雜菜$98，惹味雜菜，少油又健

呢晚同親戚食飯，佢地揀左黎戲曲中心入面既呢間中菜餐店!!!由於我收工先趕過去，所以叫佢地叫定食咩食住等，唔洗等我=D好彩個晚交通都尚算ok，無話遲好多，大家都係食梗頭一兩味餸姐個晚佢地都點左唔少菜式，平均既味道都唔錯！！！當中有幾款係我特别中意，推薦大家黎到既話都值得一試!!!呢個“鮑汁炆花生鳳爪煲 ”HKd$138+10%作為小食都幾好！花生炆得又淋又入味，而大大隻既鳳爪又有滿滿既膠質~~跟住既“燒味雙拼 (蜜汁叉燒 + 燒腩仔)”HKd$228+10%係心水推介要trytry~~前者叉燒入口鬆化軟腍， 蜜汁甜度得宜~~後者燒腩仔皮脆肉嫩，每層分明！！而呢碟“頭抽煎鯧魚片”HKd$278+10%就係當晚獲得大家一致讚好~~光睇好似平平無奇，但當中既鯧魚片食落肉質嫩滑，啖啖肉，配上白飯的話可為一絕：）除左食物，呢到既湯品都有水準啵！！呢晚我地要左呢款“是日精選 （4位用）”HKd$288+10%既燉湯~~睇到d湯渣都知道足料，飲落清溫而甜亦無味精！！！呢度場地夠寬闊，食物不俗，加上店員有禮友善，所以都幾適合親友飯聚，尤其係同喜愛中菜既長輩級喔

之前陪親戚去戲曲中心睇劇時都見過下呢間滿樂小館，今次經開呢頭就決定去食個晚飯環境都幾大幾光猛，坐起來傾計都舒服😌四個食都算叫得多野個個都係捧住個肚走首先應該係必叫招牌-蜜汁叉燒佢每一碟菜都會有配菜擺設，幾精緻叉燒真係件件大舊食起來好有肉感 唔算好肥，啖啖肉，唔錯之後係是日精選燉湯-茶樹菇鳳爪群翅湯真係好好好好好好好飲既超料靚湯飲得出佢係真材實料既燉湯每人都飲左兩三碗呀連湯渣都唔放過，點豉油食都好好味再黎滷香鵝掌翼滷汁好香，鵝掌肉夠實 又入味呢個手拍青瓜好喜出望外賣相已經唔錯味道更勝一籌食落去酸酸尾尾 但又有辣既香味係最快清哂既一碟主角就係瑤柱肉餅蒸蟹圈好大隻蟹一拎開個蟹蓋真係啖啖蟹膏呀蟹肉夠甜多汁蟹膏勁多肉餅入哂味一定要食係驚喜既一味菜唔止蟹同湯好好，主食都炒得好香唔錯招牌金瓜炒米粉米粉炒得剛剛好，唔硬又唔林，仲有蝦肉南瓜椰菜拌住食入口每啖都好香中菜味道黎講，呢間都真係唔錯下次睇劇再帶屋企人來食

今天午飯老闆請食飯。共兩圍,叫了很多點心。最好吃我覺得是叉燒,很新鮮很香,也很嫩口,肥瘦剛好。蝦餃燒賣也很大顆,熱騰騰的。而那碟燜炒米粉很香很美味,有叉燒蔥和南瓜。煎蘿蔔糕很香口,好像有些xo醬,但比較的息。遙柱蛋白炒飯味道也很標準。蒸牛肉是作成燒賣,很好吃。另外有其他不同的餃,都材料新鮮夠熱。甜品我們要來了馬拉糕和潮州水晶糕,都不錯。餐廳裝潢想西餐廳多於潮州酒樓。以綠色為主,所用的茶具碗碟是漂亮的青瓷。

滿樂位於戲曲中心內，大多數人都沒想過在內開餐，小妹郤很鍾情這裏，一來近西鐵，二來人少不用等枱，是難得清靜的中菜廳。從大門到餐廳的沿途，是久違了寬濶空間，感覺悠然舒泰。滿樂環境裝修清雅，小圓枱自成一角，屬舒適類型。小食是手拍青瓜 $48，青瓜預先雪凍，入口清涼，略嫌拍得太輕手，配以紅石榴，好看又好味。滷水鵝掌翼 $98，掌翼夠腍，夠入味，入口和暖，加上粒粒的醃豆，不同口感共冶一爐。蔥蒜炆黃花魚 $198，魚肉嫩滑，但有點小骨，要留心啊！黃花魚先炸香，配以料頭再炆，全家都很喜愛啊！💖辣椒蒜香炒雜菜 $98，看似勁辣，其實辣椒是香而不辣，但賣相效果嚇人。椰菜、西蘭花、百合等，質感爽口。滿樂蔥蒜牛肉崧煨飯 - $148，牛肉、蛋白碎切，味道還不錯。喜歡煨飯較為濕潤，比炒飯更合胃口。這是自已很喜歡的餐廳，各方面質素都給人驚喜，註定是我杯茶 🤭🤭🤭💖

中午喺呢度飲茶，環境非常舒適，食客唔多，冇預先訂枱，亦都唔使等位點心好精緻，燒賣好大粒，蘿蔔絲餅好足料。糖醋麵同其他炒粉麵都好好食！價錢算高，茶錢$20一位，點心都比出面貴

又來捧許美德師傅的場！他是一位很可愛的前輩師傅，常笑咪咪的，我係「阿龍」啊 👋🏻在柯士甸「西九粵曲中心」的「滿樂中菜」，之前已和同事來飲過茶，相當悏意，起初我也不知道這位米芝蓮星級人馬除了掌管「百樂」之外，也同時來「滿樂」坐鎮呢。今趟是吃晚飯和大菜。我喜歡這裡除了傳統潮州菜外，也有其他巧手中菜選擇。吃潮州打冷時我必叫的小吃「椒鹽九肚魚」$78易做難精。中型九肚魚起骨，下調味略醃，沾薄粉漿炸脆兼保持肉滑，最後撒的椒鹽也沒有過火，香口極，啖啖肉，配喼汁吃尤佳：「胡椒陳皮焗奄仔蟹」$188奄仔蟹，也叫「處女蟹」，是已經性成熟卻尚未交配的雌蟹。它好吃之處，不僅在於蟹肉甜，還有它的蟹膏不像一般成年膏蟹那麼硬，是香滑細膩得多。一揭開蓋，胡椒香撲鼻而至。它用瓦煲，放入新鮮胡椒串、陳皮、調味和原隻大奄仔，乾焗至熟：烹製出的蟹肉，帶淡淡的鹹，蟹膏水份收乾不似清蒸軟綿，卻滿有胡椒微辣與陳皮香，彷如一位「叛逆女子」，柔中帶剛，有性格而不單調：「淮杞花膠燉螺頭湯」$248 足料得極度誇張！這樣一大窩，滿滿的湯料，矜貴在只剩約三碗濃湯，不甜才怪：湯料扚出來，軟雞腳和厚肉螺頭片，沾甜豉油吃，又可以是一味餸：「招牌

今次去一個全新既地方食飯我諗好多朋友仔都未去過位於柯士甸站上蓋既西九文化區戲曲中心年初開幕即成西九文化區的人氣地標裡面有間中菜食府叫滿樂中菜有入廚逾30年的許美德師傅擔任行政總廚招牌片皮鴨 半隻 $380未片前會上枱比我地睇睇同映左相先色澤烤得相當均勻之後大廚就會係我地面前片第1碟係就咁配上醬汁食食落滿有鴨油香味第2碟就就係就將鴨皮及鴨腿加上京蔥、醃蘿蔔、爽脆青瓜配上醬汁用薄餅皮包住一齊食三菇燴六耳 $138好大碟~健康之選駌鴦胡椒焗蝦 $168上菜時咋咋聲,辣辣地幾特別杏汁燉白肺湯 $88 / 1位好香杏汁味,極推介原隻鮑魚燒賣皇 $108 / 2件做得好精緻陳皮紅豆沙 $28重陳皮味,看得出是用心機煲出黎

這天與好友A及另一位朋友於廣東道走著走著，路過順便參觀一下未去過的戲曲中心，上樓看到這間裝潢精緻的餐廳，碰巧晚飯時間有點餓，便不如一試水準。餐牌中看到有杏汁燉白肺湯($288/4位)，不用多想也即時下單，皆因小弟很喜歡喝豬肺湯，清洗麻煩也不好意思叫媽準備，所以一有機會也會點來嚐鮮。湯未入口，香氣先到，杏仁的濃郁香氣已令人滿心樂透，呷一口熱湯，更覺杏汁味濃，燉得透澈的豬肺也軟腍入味。蜜汁叉燒($138/例)也是看得出功夫，用上了半肥瘦位置，肉質較嫩亦有適量油脂，叉燒醬汁也有層次，不會死甜，邊緣亦烤得微脆，不會覺得膩。另一款小食滷香鮮蹄根($108/例)也很特別，豬腳筋煮後以滷水醃過，彈牙有咬口，滷水味也剛剛好，旁邊的甜甜的黃豆也很吸引。主菜上桌，避風塘炒肉蟹($528)的避風塘味道香辣撲鼻，用了約斤二重的肉蟹，蟹肉走油炒過後，仍然多汁鮮甜，肉質依然實淨，加上熱辣的炸蒜辣椒，惹味非常。海鮮過後，便來了個瑤柱扒四寶菜($138)清清味蕾，除了舖滿碟的瑤柱絲外，裡面還有冬瓜、紹菜、冬菇、草菇及西蘭花，嚐盡不同口感。吃罷以上，半飽的我們再來一份友人想試的滿樂蔥蒜牛肉崧煨飯($148)，比平常炒飯

朋友仔介紹係尖沙咀滿樂食中菜，4個人嘆下茶，傾下計，而家係香港食野選擇太多，有西餐，日式，法國菜等等。。。。。偶爾食下中菜，都係唔錯既選擇。食中菜當然唔小得湯水啦， 茶樹菇鳳爪翅裙燉湯，燉湯既原固湯味係十分濃，湯料既味成為湯既精華。湯料亦可配醬油食。頭盤係燒味，蜜汁叉燒。叉燒又肥又厚，食落口啖啖肉，再加上蜜汁燒出黎既甜味，配搭好好。拌碟亦好有心思，用蘿蔔切成花，又好睇又好味。冷盤，手拍青瓜。呢個青瓜真係超好食，中意食醃料制品既人一定好中意，因為佢用麻油再醬醋同其他配料醃成，入唔濃濃既醬料味，再加上青瓜本身非常爽呀，所以夾既程度係十分。鹵香鵝掌翼鵝，本身加上鹵水，再加白醋，係超好味，而鵝掌翼，係好滑，有肉同埋可以吮，唔會太飽肚，口感好。主菜，肉餅蒸蟹圈呢個重頭戲，見到都流哂水，上面係新鮮既肉蟹，下面係肉餅。肉蟹啖啖肉，蟹蓋都有蟹膏，蟹肉新鮮，肉餅都好好味吸收哂蟹既味道，好甜好鮮味南乳羅漢齋煲食咁多肉緊係要食個菜，羅漢齋入面有冬菇，腐竹，雲耳，西蘭花等。。。再加南乳汁煲成，味道濃，入唔爽。招牌金瓜炒米粉我比較中意食呢個米粉，因為佢用南瓜， 蔥，豬肉，菜。炒到好香好有獲味，忍唔住食左兩碗。

滿樂中菜位於大名鼎鼎的戲典中心， 樓底高有氣勢，有不同的商務客光顧。 餐廳並不局限於一種菜式，中國大江南北的不同菜式都有提供。「燒味雙拼」是這一間餐廳的名菜， 蜜汁叉燒吃下去有口感，脆皮燒腩仔亦唔太肥，送飯一流。 接下來是「杏汁燉白肺湯」， 這是我飲過其一碗最美味的「杏汁燉白肺湯」， 味道非常濃郁，十分有杏味，令人回味無窮。主菜來了，就是「避風塘炒肉蟹」， 份量十足，亦算鮮味。餐廳提供了檸檬水及濕紙巾來洗手，非常貼心。 餐廳的環境不錯，餐具典雅有特色，茶也不錯。 總體而言，是一間值得值得一試的中餐廳。聞說餐廳的烤鴨很有特色，真想下次有機會試一試。

朋友鬼鬼馬馬約我去油麻地戲曲中心，重以為想扮'偽文青'，打打卡之後就去附近打邊爐，點知居然上咗2樓一間中菜館，D質素重有返咁上下😏-蜜汁叉燒好腍滑，雖然味道略為淡咗少少，都算甜美。-手拍青瓜好香的麻油味，伴甜中少酸紅石榴，幾清新，配搭和賣相唔錯。-滷香鵝掌翼夠入味，肉唔會鞋口，肉質幾滑。-群翅蟲草花瘦肉燉湯個燉湯好甜，好有肉鮮味，魚翅已經煲到好腍，還有入口即溶的雞腳，怪不得咁甜啦。-南乳羅漢齋煲蔬菜掛到南乳汁，菇菌煮得入味，有水準。-瑤柱肉餅蒸蟹圈瑤柱應該與肉餅一起剁碎了，成隻蟹放上肉餅上面蒸煮，蟹膏甚多，蟹肉鮮甜，肉餅加上蟹汁，味道足夠。-招牌金瓜炒米粉。油份雖然多了一點點，但炒起好香。南瓜蔬菜等配料夠多，併埋米粉一起食，滿足的一餐。

鬧市吃晚飯，難免吵雜，這裡在柯士甸站出口行2分鐘，又或是佐敦走過來不用10分鐘，便可坐得舒適，清優，三五知己聚會又有多了個好選擇。松草花魚翅群雞肉敦湯$288美味足料，魚翅仔有膠質，雞脚夠腍，一煲敦湯足7碗，今次重唔飲餐飽。手拍青瓜 $68爽脆，有麻辣汁的香味而不辣，再加了粒粒果肉的紅石榴，微甜，時鹹時甜，會追著吃的前菜。蜜汁叉燒 $138外邊蜜甜，裡面腍軟的豬肉，還帶點油脂，鹹多少少更好吃，我喜歡吃旁邊的有味黃豆，煙煙韌韌。滷香鵝掌翼$108肉腍入味，又不會太濃的滷水味，淨吃不過鹹，送啤酒都不錯。南乳羅漢齋煲$128南乳味頗濃，有大大的冬菇，雜菇，蔬菜與枝竹，大鍋一點更好。瑶柱肉餅蒸蟹圈 $528嘩嘩 ...很久沒吃蟹了，這次選了蒸的讓鮮甜蟹汁滲在肉餅上，蟹膏超多，蟹肉鮮甜，尤其蟹鉗，彈牙汁多，肉餅不會太鹹，正。招牌金瓜炒米粉 $148大量幼金瓜(南瓜) 條，還有蝦子，蝦乾，菇條，豬肉與青菜，米粉不會炒得大乾身，有韌度，總括配料頗多，味道也不錯。

以現代中國風為裝修風格的中式食肆，環境優美雅緻，坐得舒適，希望食物也同樣出色。前菜 - 手拍青瓜，清新可口，碟裡還加了新鮮的石榴粒，酸酸甜甜，意想不到的好配搭。招牌片皮鴨隆重出場，盡顯師傅刀功。先來一碟鴨胸，片片均稱，擺設精美，唔單只睇得，仲食得。讚! 這裡預備的薄餅很薄，不粉，煙煙韌韌，再配上子薑、醃蘿蔔、青瓜、京葱與特製甜醬同食，口感豐腴不膩。要特別一提的是酸酸辣辣的子薑，既平衡了烤鴨的肥膩感，又豐富了滋味，有畫龍點睛之效。食完片皮鴨，最好來碗湯，清一清肥膩的口感。今晚精選燉湯材料豐富，內有蟲草花、瘦肉、老鷄、群翅邊，啖啖鮮甜，火候十足，出色之作。金牌菠蘿咕嚕肉，雖是最平常不過的菜式，最顯大廚的功力。賣相精緻，咕嚕肉外脆內軟，味道不俗。蔥蒜炆黃花魚，魚先炸後炆，外皮脆肉嫩滑，再加上大量蔥蒜炆煮，食落鮮味倍增。這個滿樂蔥蒜牛肉崧煨飯，可算是別具創意，大廚參照了煮意大利risotto嘅烹調方式，飯粒不會太乾身，別具新鮮口感。所謂滋味藏在細節中，無論是青瓜中的石榴粒，伴片皮鴨吃的子薑，煨飯的烹調方式，一一盡顯大廚的巧妙心思。