滿樂中菜 (已結業)

It’s my second time eating here. The restaurant is cozy with reasonable price. Dim sum was served in big portions and tasted good. Cha Siu and the pan fried noodles were particularly good. Staff were nice and helpful. It’s quiet unlike usual Chinese restaurant. Our family of 6 enjoyed a holiday lunch here.

本住當去睇吓咩叫戲曲中心，open rice訂位又有25里數回贈。結果有驚喜：燒賣係從未見過咁大粒咁靚，一定要叫！蝦餃夠大粒，布拉腸粉超滑，燒腩仔皮夠脆！粉果亦係大大粒夠分量！服務幾好，杯碟焗熱咗先上枱，感覺好衛生。意外發現啲辣椒油好夠辣，有得買走，都係$36一樽，平過普通魚蛋麵舖買！大部分係梳化位，好平民化嘅環境，但味道唔錯！我地坐的士去，但原來要入個停車場閘再行樓梯先上到去。覺得好隔涉！後來走先發現行出廣東道仲方便！無揸車嘅建議喺中港城落車行埋去最近。

首先要讚一下所有服務員，在”陰雲密布”情況仍然專業，服務態度十分好！令我和家人可以抽離空間，暫忘一陣子全球狀況！一到餐館招待員負責量體溫，每一張枱有蘆薈酒精搓手液，而且安排每枱客人坐位置和空間非常好，還有是為客人的餐具加燙處理，實在是細心安排，也令食客安心！服務員介紹杏汁豬肺湯、蠔烙真材實料，點心質素不錯，味道也很好！另外再要讚賞服務員的主動，當她問我們添湯時，主動提議把湯翻熱一下，這是在疫情給我們的一份溫暖！謝謝你！“吃”也是一門藝術，在這戲曲中心內的餐館，不論工作與否，人與人之間多了一份優雅，一份欣賞，這一份修養是要保持。在大環境下可以舒緩，更值得珍惜！

戲曲中心內的中菜館，環境優美清淨，地方闊落。 有卡位坐得很舒服，店員都非常專業有禮， 店員會用滾水為所有嘅餐具消毒 ，保持衛生。食品食材優質，十分美味，是一次很好的飲食經驗

雖然本人唔識得欣賞粵劇， 但係位於西九龍柯士甸嘅戲曲中心開幕無耐， 建築設計相當具特色， 以中國財登為設計藍本， 集中西合璧元素，就算唔去欣賞粵曲， 都可以去參觀一下， 順便食個晚飯。朋友就介紹咗呢一間位於1樓嘅滿樂中菜， 大讚高質素之餘， 價錢亦相當合理。餐廳嘅裝修以典雅嘅嘅翡翠綠色為主題， 高貴得嚟亦唔俗套， 座位寬敞舒適。呢度嘅燒味雙拼係招牌菜式，腩肉同叉燒都相當出名。叉燒掛滿蜜汁，肥瘦得宜，肉質嫩滑，脂肪喺口腔溶化，確實出色。至於腩肉，外皮燒得金香鬆脆， 咬落脆卜卜， 皮脆肉嫩， 還能保持住肉汁， 盡顯燒味師傅嘅功架。椒鹽九肚魚， 比起平時喺大排檔食到嘅九肚魚更加香脆， 炸得相當出色， 唔會一口油膩感。 最重要係大廚盡顯刀功，將九肚魚拆骨， 食起嚟就更加啖啖肉。呢間酒樓嘅招牌杏汁燉白肺湯幾乎人人必飲，係一個非常滋潤， 以及非常考功夫嘅老火湯。 奶白色嘅湯頭，杏香撲鼻，入口濃稠。 白肺嘅處理方法亦相當繁複， 要飲到一碗美味嘅老火杏汁白肺湯， 絕對非常花工夫和時間， 每一啖都係心機。瑤柱肉餅蒸蟹圈， 賣相吸引， 睇得又食得。 肉蟹嘅size相當龐大， 入面又佈滿蟹膏， 蟹膏混入咗肉

[🇭🇰香港- 尖沙咀].🔻位置係隔涉咗啲,但係樣樣嘢質素都好高! 必食-"肉餅蒸蟹圈" 唔係得個樣,真係好大隻蟹,蟹肉多,肉鮮甜,又多橙紅色嘅蟹膏,當然唔少得吸晒蟹汁嘅肉餅;“鮮蟹肉燴黃金豆腐" - 滑身嘅玉子豆腐上面鋪滿蟹肉碎;唔記得影相嘅“普寧蘿蔔灌漿”外層炸到鬆脆,裏面係清甜粗身嘅蘿蔔絲👍🏻.🔻🍽 滿樂中菜📌 地址: 尖沙咀柯士甸道88號戲曲中心1樓2-4號舖

想去戲曲中心好耐，上openrice睇有咩食時見滿樂裝修幾好，之前曾book過次但有啲事就取消左，今次屋企人做冬，咁就book了試一試。首先，地點方便行動不便，有輪椅嘅老人家，有露天停車場，平路就可以入到戲曲中心，一出𨋢就係餐廳，地方闊落，唔似商場咁人多。老人家見個戲院咁靚既新奇又開心。食物方面款色多，椒鹽九肚魚叉燒燒腩拼盤都幾出色。點心也不錯，唯一無咁驚喜係個奶皇拉絲芝士包，相信如果係蛋黃芝士流沙會好吃很多。值得一提嘅係個壽包（差啲唔記得訂左，但好彩待應叫我唔好走住仲有壽包），比一般壽包大個，個皮好鬆軟，個餡連我唔係鍾意食蓮蓉既人都食左一整個，家人當然也紛紛話唔錯！食物完勝附近天x天, 六x館等餐廳。至於服務方面也十分不錯，中途會幫我地換碟。值得再來，下次會來試試烤鴨。

2020 元旦晚餐，我家習慣吃中餐，還要是粵菜！本來預訂的酒樓，原來搬舖了，新舖差評多於好評！與家人商量後，決定換地方。臨時在網上找，發現評分挺高的滿樂酒樓，位於西九龍的戲曲中心内，反正沒來過，順便參觀下西九新地標建築物。即日電話訂座也有位，晚上七點準時到達，約80%滿，生意不錯！點了５餸１湯：#杏汁白肺湯 (４位份量)#玫瑰豉油雞#菠蘿咕嚕肉#栗子雞煲#上湯菠菜，本來想點上湯蓎蒿，沒貨！味道挺好的！拿牙簽時發現，原來是百樂潮州酒樓集團成員！定價偏高的店！

隨著柯士甸戲曲中心落成，佔地8000呎中菜廳於2月開張，以精緻中菜、燒味和手工點心為主，更以招牌菜片皮鴨、肉餅蒸蟹圈、蜜汁叉燒、杏汁燉白肺湯聞名，難怪能如此吸引不少食客前來享用美饌。******************************從地下扶手電梯而上，便來到滿樂中菜門前。滿樂中菜佔地8000呎，地方佷大，內裏設計都有著戲曲中心的獨特設計，空間感也很大，坐著吃飯都感覺舒適。餐前小吃，雲耳，爽口開胃，作為餐前小吃都不錯。椒鹽九肚魚 HKD108，椒鹽九肚魚脆漿非常之薄身，但吃上口又脆口，九肚魚魚肉嫩滑，一脆一滑口感豐富，味道又香，確實是一道很出色的小菜。燒味雙拼 - 叉燒、腩仔 HKD228，難怪這裏招牌菜是燒味，叉燒肥瘦適中，非常入味。半肥瘦的腩仔，更加香脆無比，每吃上一口，都能吃到皮脆的聲，確實出色。招牌杏汁燉白肺湯 HKD288，一窩白腩湯可以分為4位享用，也有1人份量，每位收費為 HKD88。有些人不是太接受到杏仁的味道，但這裏的杏汁燉白肺湯，杏仁味香湯底甜美，朋友不愛吃杏仁，都愛上這杏汁燉白肺湯，確實是必吃之選的撂牌菜。雜菌蒜片炒牛柳粒 HKD138，牛柳炒得火喉十足，

俗語話「冬大過年」，平時幾忙都好，冬至都會一家人一齊食飯。今年冬至飯，家人選了戲曲中心的中菜館 — 「滿樂中菜」。平日的戲曲中心，比較冷清，或許是當晚沒有節目上映。原以為餐廳食客不多，但都有七成滿，應該是大家都提早做節。🔸 招牌片皮鴨（半隻）最先上枱的是片好的鴨皮，賣相看似有點油，但食落肥而不膩。另一碟鴨皮連肉就配薄餅同吃，配料有京蔥、青瓜、醃蘿蔔及酸薑，想不到配酸薑的味道不錯，而且不覺辣。🔸 蒜香梅汁蒸白鱔片梅汁這個味道有點特別，酸咪咪幾開胃，但配魚肉還是有點保留，始終豉汁蒸鱔才是王道。🔸 漁香茄子煲茄子煲味道較濃，亦略為油膩，宜配白飯同吃。🔸 六頭蠔皇鮑魚鮑魚做緊推廣優惠，分別點了伴菜遠及伴鵝掌兩款，鮑魚炆得很淋及入味，冬菇味道亦不錯，由於我冇試鴨掌，不知質素如何，但純以價錢而論，鴨掌要加多$50有點貴。🔸 花膠絲杞子浸時蔬花膠絲幾爽口，上湯杞子浸菜，味道較為清淡。🔸 瑤柱蛋白炒飯炒飯粒粒分明，飯面鋪滿瑤柱絲，很香口。🔸 杞子桂花糕（上）、番石榴糕（芭樂糕）（下）杞子桂花糕下層是杏汁糕，味道香甜；而番石榴糕下層則是椰汁糕，相對較清。

自從知道滿樂喺西九戲曲中心開咗分店之後一直躍躍欲試，目的除咗去捧滿樂場之外，去戲曲中心參觀一下亦係此行嘅樂事。杏汁燉白肺湯，白肺湯清甜潤喉，向來最鍾意食湯渣嘅我，當然要試一試佢呢度嘅白肺，呢度嘅白肺可算係成中數一數二咁出色，招牌不愧係招牌，個肺洗得乾淨呢啲基本嘢不在話下，最重點係佢個肺炆得特別腍，但係個管位依然保持住爽脆，真係超級好食。蜜汁叉燒，呢度嘅蜜汁叉燒蜜味香濃，叉燒唔會話太鹹，旁邊係經過醃漬嘅黃豆，係唔係好多地方食到嘅味道。椒鹽九肚魚，呢度嘅椒鹽九肚魚可以話係演繹咗一碟好食嘅椒鹽九肚魚所需要嘅條件，炸得脆、乾身、仲要起埋骨，法官大人，我無野問喇。 雜菌蒜片炒牛柳粒，牛柳粒選料上乘，豐富嘅牛味同雜菌打成一片。 瑤柱肉餅蒸蟹圈，呢道菜可以話係今晚嘅亮點，賣相精美嘅大肉蟹霸氣十足咁樣騎喺瑤柱蒸肉餅上面，肉蟹新鮮味道自然無懈可擊，底下嘅肉餅唔知係咪特別輕手，啱啱好可以襯托番蟹肉嘅甜味，加埋少少蟹羔嚟送，真係令人口水都流埋。

戲曲中心開咗一直都未有機會去欣賞一齣好戲。 這日就趁冬至 欣賞完一齣好戲後再到樓下的 滿樂中菜 與家人開懷共聚， 相逢在滿樂。餐廳貫徹戲曲中心流線型的 設計， 除咗大堂以外， 旁邊亦都有好幾個廂房， 以綠色為主調，雖然不是以中國式大紅大紫的味道， 但是佈局雅緻，位於位之間寬敞，客人與客人之間距離也十足， 簡單嚟講：坐得舒服。 燒味雙拼 一入門口已經見燒味部在右手邊， 掛滿一隻隻鴨與其他， 忍不住先叫一客燒味雙拼。 燒腩仔外皮燒得卜卜脆，而肉質又鬆化， 叉燒醃得夠入味， 而且紅卜卜的外皮加蜜汁的亮澤， 下去肉味濃郁 又有豬油香，簡直色香味俱全。 椒鹽九肚魚 脆漿拉得夠薄, 九肚魚炸得外脆內嫩滑, 椒鹽味同蒜香味都非常平均, 呢味絕對係比想像更出色。 紅燒肉碎豆腐煲  豆腐煲盤滿缽滿， 一拿起個蓋酒香撲鼻，紅燒 肉碎夠鹹香， 紅燒肉碎加埋夠嫩滑的豆腐，絕配。 招牌杏汁燉白肺湯 這道菜絕對是心機遇功夫菜， 淨係豬肺就已經要啤足水， 而且杏仁又要磨汁兼且又要燉夠時間， 杏汁白肺湯 色澤呈奶白色入口清甜芳香兼且有潤肺， 杏仁味 淡淡滲出， 真材實料， 滋補潤肺。 瑤柱肉餅蒸蟹圈

坐落柯士甸港鐵站側的戲曲中心建築非常獨特, 日與夜也很美, 指定時間有免費粵曲聽。聽完行一陣, 拍拍照, 便可以上二樓的滿樂中菜食埋晚飯先走人。食店線條貫徹戲曲中心中庭的曲線美, 綠色餐具加光線配搭讓人坐得很舒服, 上次嚟都已經很想跟朋友來喝杯茶食個點心, 奈何由於時間關係.....滿樂主打中菜, 位於環境高檔戲曲藝術建築物內, 價錢算合理, 食物亦多樣化, 包含了很多特色中菜 eg 北京片皮鴨及白汁豬肺湯‚ 也有多款套餐供選擇。杏汁燉白肺湯 ($288/4位）一碗靚嘅杏汁豬肺湯應該是這樣的, 濃濃的奶白色, 深不見底, 揭開湯盅, 香濃的杏仁味飄香四溢。果然係招牌湯, 入口香滑濃郁, 啖啖新鮮杏仁香,  好滋潤啊，啱曬秋冬飲，以形補形， 潤一潤個乾燥的肺嘛！豬肺啤得乾乾淨淨， 亦燉得腍滑， 完全無胛味，好飲雜菌蒜片炒牛柳粒 ($138)牛肉高質， 以蒜片爆炒，夠鑊氣， 牛肉肉質鬆軟且肉汁豐富， 咬一口還呈粉紅色, 香口嫩滑， 雞髀菇及其它菇菌沾滿醬油鹹香及蒜香， 爽口惹味， 食味拍得住牛肉， 呢碟牛肉粒很好送飯。瑤柱肉餅蒸蟹圈 ($528)賣飛佛......又怎能少得我摯愛的蟹蟹,

見佢新開所以特登入去戲曲中心影吓相，影完相順便喺嗰度食飯，因為餐廳有限所以揀咗佢去食，環境好舒適因為我哋人多所以叫咗個湯一齊飲揀咗杏汁燉白肺湯 ，幾好味阿媽話要食前菜所以揀咗個手拍青瓜 OK好味唔太差之後叫咗個蜜汁叉燒分量大燒得又好食仲叫咗個滷香鮮蹄筋 呢個好入味比我想像中好食平時好少食椒鹽九肚魚 因為好多餐廳都整得唔好食，但係呢度真係整得好好食😋招牌乳香骨 分量超多即叫即炸，又香口頭抽煎鯧魚片 起初以為魚片係嗰啲細細塊點知佢大大塊得來然後魚肉質地好好味出邊比較少有呢一款菜式食三菇燴六耳 炒得好好味亦好鮮味滿樂蔥蒜牛肉崧煨飯 份量大，炒得好好味～

戲曲中心近來多了很多食館,但個人仍然最喜歡這裡,因為他的卡座很有特色,裝潢也很有品味,今天愛人先試了一個養顏蟲草花燉雞湯翅,材料十足湯味濃郁,為這頓晚餐嚟一個美妙的開始,燒味也是這間菜館的名物,所以試了他的半肥瘦叉燒拌上沙律和滋味豆,賣相和食味都名不虛傳,店員極力推薦一個芹蒜炆黃花魚,賣相一般,但是原來芹蒜與黃花魚很夾,令人驚喜而且份量十足,另外個人最喜歡哪個韭黃炒鮮魷,魷魚厚身爽滑,簡直物超所值,每次來都必試他的蔥蒜牛肉鬆煨飯,除了香氣撲鼻,飯質軟淋更易入口,最後送上的甜品,是桃膠桂花糕和巴洛椰汁糕,甜度適中,為這頓晚餐寫上完美的句號。