更多
2020-01-21
806 瀏覽
雖然本人唔識得欣賞粵劇， 但係位於西九龍柯士甸嘅戲曲中心開幕無耐， 建築設計相當具特色， 以中國財登為設計藍本， 集中西合璧元素，就算唔去欣賞粵曲， 都可以去參觀一下， 順便食個晚飯。朋友就介紹咗呢一間位於1樓嘅滿樂中菜， 大讚高質素之餘， 價錢亦相當合理。餐廳嘅裝修以典雅嘅嘅翡翠綠色為主題， 高貴得嚟亦唔俗套， 座位寬敞舒適。呢度嘅燒味雙拼係招牌菜式，腩肉同叉燒都相當出名。叉燒掛滿蜜汁，肥瘦得宜，肉質嫩滑，脂肪喺口腔溶化，確實出色。至於腩肉，外皮燒得金香鬆脆， 咬落脆卜卜， 皮脆肉嫩， 還能保持住肉汁， 盡顯燒味師傅嘅功架。椒鹽九肚魚， 比起平時喺大排檔食到嘅九肚魚更加香脆， 炸得相當出色， 唔會一口油膩感。 最重要係大廚盡顯刀功，將九肚魚拆骨， 食起嚟就更加啖啖肉。呢間酒樓嘅招牌杏汁燉白肺湯幾乎人人必飲，係一個非常滋潤， 以及非常考功夫嘅老火湯。 奶白色嘅湯頭，杏香撲鼻，入口濃稠。 白肺嘅處理方法亦相當繁複， 要飲到一碗美味嘅老火杏汁白肺湯， 絕對非常花工夫和時間， 每一啖都係心機。瑤柱肉餅蒸蟹圈， 賣相吸引， 睇得又食得。 肉蟹嘅size相當龐大， 入面又佈滿蟹膏， 蟹膏混入咗肉
朋友就介紹咗呢一間位於1樓嘅滿樂中菜， 大讚高質素之餘， 價錢亦相當合理。
餐廳嘅裝修以典雅嘅嘅翡翠綠色為主題， 高貴得嚟亦唔俗套， 座位寬敞舒適。
呢度嘅燒味雙拼係招牌菜式，腩肉同叉燒都相當出名。叉燒掛滿蜜汁，肥瘦得宜，肉質嫩滑，脂肪喺口腔溶化，確實出色。
至於腩肉，外皮燒得金香鬆脆， 咬落脆卜卜， 皮脆肉嫩， 還能保持住肉汁， 盡顯燒味師傅嘅功架。
椒鹽九肚魚， 比起平時喺大排檔食到嘅九肚魚更加香脆， 炸得相當出色， 唔會一口油膩感。 最重要係大廚盡顯刀功，將九肚魚拆骨， 食起嚟就更加啖啖肉。
呢間酒樓嘅招牌杏汁燉白肺湯幾乎人人必飲，係一個非常滋潤， 以及非常考功夫嘅老火湯。 奶白色嘅湯頭，杏香撲鼻，入口濃稠。 白肺嘅處理方法亦相當繁複， 要飲到一碗美味嘅老火杏汁白肺湯， 絕對非常花工夫和時間， 每一啖都係心機。
瑤柱肉餅蒸蟹圈， 賣相吸引， 睇得又食得。 肉蟹嘅size相當龐大， 入面又佈滿蟹膏， 蟹膏混入咗肉餅，味道甘香。金黃色嘅蟹膏， 賣相亦相當吸引。蟹肉相當厚實， 一梳梳嘅蟹肉帶有海水嘅鹹鮮，亦相當甜味。 由於肉餅吸收咗蟹嘅精華味道， 令平凡嘅肉餅生色不少。
滿樂蔥蒜牛肉崧煨飯，煨飯粒粒分明， 裏面加入咗蒜同香蔥粒， 食落就更加香口惹味。 煨飯比起炒飯多了一份濕潤感覺， 加入咗牛肉崧同埋牛肉汁， 令每一口煨飯都可以食出牛嘅滋味。
呢一間滿樂中菜位於九龍市區中心地段， 鄰近西九龍高鐵站， 加上食物質素高， 吸引咗唔少食客垂青， 大家如果有機會到戲曲中心參觀嘅話，絕對唔好錯過呢間咁高質素嘅中菜廳。
張貼
