源記甜品專家 (已結業)

住在附近都好少幫親這間源記甜品專家.因為最著名的蓮子蛋茶, 都不是我杯"茶".試過芝麻糊跟燉蛋, 芝麻糊好滑, 不過唔夠香.燉蛋帶有薑汁, 亦不太對味.至於雞蛋糕, 成份只有雞蛋, 糖同麵粉.好香的雞蛋味, 但真的太甜了, 亦不是傳說中的好味.

西環的源記我已幫陣了二十多過年頭，幫陣他們只因我和源記吃出感情來。他們十多二十年依然是不變的裝修、依然是那一批舊伙記、依然是那個過時的石磨器架撐、對我而然，像回到舊時代，大概只有到澳門走一趟才感受到舊有室內的古舊氣色。我喜愛源記一成不變的裝修，更喜愛他味道如一的甜品。今天叫了個蓮子杏仁露，甜度依然適中，蓮子依然溶在口水，不知是否心理因素影響，還覺得肺部好像即時注入了支潤能量似的。

蓮子杏仁露($19), 蓮子合桃露($19), 芝麻糊($17 i think), 清蛋糕蓮子杏仁露, 蓮子合桃露, 芝麻糊...ok good la.蓮子有點兒爛...but not bitter.清蛋糕..ultra small..=.=the slide they gave us is like 1/3 of the size of the one pictured in the post below..overall 唔係好值...

估唔到相隔只兩三星期，又再嚟...食完煲仔飯，思吃甜品。最近嘅選擇當然係呢度...好友夫婦屈指一算，已有十一年冇嚟過。今次正好藉此機會懷舊懷舊...上次食糊。今次就食桑寄生蓮子茶...味道依然一如往昔地清，蓮子仍算鬆化，水準絕對比灣仔永華好得多...叫一件清蛋糕，口感死實，大退步...睇怕食完呢次後都要隔多好幾年先再嚟咯...

主人與奴隸獸晚上外出散步，尋找西環野貓蹤跡，不知不覺尋到去『源記』，食碗糖水做宵夜：1. 桑寄生蓮子茶（HK$18）：桑寄生茶清甜，蓮子鬆化。2. 蓮子合桃露（HK$19）：合桃露香口，可惜蓋過了蓮子味。不過，想當年『源記』的蓮子完整飽滿，現在卻煮得有點兒爛，雖不影響味道，但總覺得有點美中不足。

朋友話去西環食飯，食完就提議去食糖水…心諗啱啱食飽咁快又糖水？佢哋話好出名的喎，好啦…等我呢個住九龍城嘅“食家”來試有幾好先。叫左蓮子合桃露，蓮子唔錯，夠多，同合成有得揮。合桃露夠滑夠香，唔太甜。亦食得出係新鮮合桃人工磨出來…比現今的大良8記好似仲好好多…食左一啖蛋蛋糕…唔…首先唔係新鮮出爐已經無咁好，比較硬，而中式蒸蛋糕真係唔適合隔咁耐食喲…味道方面係ok的…但係大家要注意，呢間係一間老舖，舖頭上上下下都係老人家，大家要幫襯就要有心理準備，服務未必update或同外面潮舖咁週到…不過人情味搭夠…今晚我哋就係混亂中比人打尖…我d朋友就嘈嘈槓…後來阿叔就好識做咁打左個折頭比我哋…唉…香港人，入鄉要隨族，人哋賣的就係老舖的心機手藝人情味…唔好一碗糖水幾廿蚊但係要5星級素質啦﹗

o岩先試左佢既綠豆沙同蛋糕,綠豆沙D綠豆己經爛晒,都好水下,唔係好甜,$13,個蛋糕$5就係唔值,不過又話上過雜誌,志在試下.

雞蛋糕質地仿佛好似百潔布一樣~齋合桃露收$18, 頗貴囉...

相隔多年，再次嚟呢度叫糊...想當年經常跟好友嚟食糊及清蛋糕。一班嘩鬼嚟到嘻嘻哈哈，回憶總是美好....响波記食到飽飽，忽然想起呢位"老朋友"，於是慢慢由石塘咀順步走到正街...一坐低，又係蓮子合桃糊....蓮子極鬆化，甜度啱啱好，不過質感稠度好似不及從前嘅濃....老朋友聚舊...總是美好....

夜晚7點幾同屋企人黎呢度食糖水雖然住左西環咁耐但好似未食過源記因為細個時唔鍾意食中式糖水叫左個芝麻糊($13) 好滑呀但又唔係話好香芝麻味由於好少食中式糖水唔識亦無得比較食左小小雞蛋糕好普通ja wor 唔知係咪天氣乾擺得耐食落乾乾地有d "kok"喉tim..1 d都唔鬆軟伙記都幾寸隔離臺個太太食食下同佢收計錯錢伙記態度唔好回應" 唔係收錯錢都未收錢!"隔離臺個太太好嬲出名就真係唔憂做

十年前，那天天氣很冷，與朋友晚飯第一次踏觸「源記」，先被舖內暖暖的芝麻、合桃、各式各樣的糖水味吸引，芝麻糊有很香的芝麻味，滑不留口，甜度亦是剛剛好，令人回味。十年後，秋高氣爽的日子，下午時分叫了合桃糊。小肥大師：「合桃糊居然不夠合桃味，不合格（以老字號來說），甜味完全蓋\過合桃原味，失敗！十年後再比多次機會它」

小時候跟媽媽去西環買海味，她一定會帶我來吃一碗源記芝麻糊才坐車回家。那是在任何別的甜品店也吃不到的好味道(常懷疑那些開到成行成市的甜品店的芝麻糊是開粉的)- 香滑芝麻糊，真是名副其實！是夜，特地坐叮叮過來，兩個人，一碗芝麻糊，一碗合桃露，一件雞蛋糕，希望跟babe分享我的兒時回憶。

食完糯米雞再食雞蛋仔, 本來應該幾飽, 但最後都係搭電車來食甜品.真係有排搭. 唔知是否搭到頭昏腦漲, 竟然迷惘地入了隔離的茶餐廳, 真糊塗.上次食覺得雞蛋糕麻麻, 索性叫四碗糖水好了, 分別係桑寄生蛋茶, 桑寄生蓮子茶, 蓮子杏仁露同蓮子合桃糊.桑寄生蛋茶: 9分, 沒有了蓮子的桑寄生茶, 沒有了那份蓮子香, 感覺上係欠了點點, 未算最好, 當然桑寄生茶係依舊精彩, 唔帶苦澀, 加上盡吸桑寄生茶味道的蛋, 已經好滿意.桑寄生蓮子茶: 9分, 另一個係沒有蛋, 只有鬆化的蓮子, 加入了蓮子香的桑寄生茶, 更加動人. 媽媽都好滿意, 並對臺上寫著有關桑寄生的功用好有研究.下次自己整?蓮子杏仁露: 9分, 同樣加入了蓮子的杏仁露係香而滑, 濃郁的杏仁味很搶鏡.蓮子合桃糊: 7分, 合桃糊太甜了, 又唔夠滑, 係是晚比較令人失望的一項. 幸好有蓮子香挽回分數.結語: 蓮子同桑寄生茶都係這裡的強項. 下次來都係以這兩樣做膽.

見openrice過百個笑面評源記, 男友公司又近哩度, 就去試下喇, 但........去過兩次, 試過合桃露, 杏仁露, 桑記生蓮子蛋茶同埋雞蛋糕, 覺得d蓮子好甜好林同杏仁露好香之外, 合桃露其實同平時酒樓飯後送既時日甜品味道差唔多, 而個雞蛋糕個口感好實, 唔夠鬆, 好似隔夜咁, 但唔知係咪特登係咁整既呢? 但要讚就係d伙記好nice.

除了桑寄生蛋茶, 其他的都不好吃, 好差! 其實桑寄生蛋茶都只不過OK以上一點點而已. 又貴又不好吃, 各位不要浪費金錢二人吃了:合桃蛋糊杏仁蛋糊桑寄生茶