湯•米 (已結業)

放工同老婆係將軍澳南遊蕩，見到有個帝景灣商場，就行入去睇吓。唔算係商場，係街舖分布係兩層。見到依間台式火鍋店，如果唔係行入嚟，都唔知道有一間餐廳，六點已經見到有人坐喺裏面，就同老婆入去試一試。叫咗佢哋個招牌臭臭鍋，配粉絲，裏面好多料，有臭豆腐，肥牛，鴨血，貢丸，等等。每一樣都好有水準，湯底都好好味，少少甜，係我鍾意嘅味道。仲可以喺外邊攞一啲醬料，蒜蓉我就最鍾意。仲加咗蝦，烚吓烚吓嚟食，正。另外再叫咗麻辣臭豆腐，酥炸墨魚丸，青瓜。都真係鍾意食臭豆腐，好耐冇食，食到臭豆腐嘅味道。墨魚丸似椒鹽，彈牙好食。叫咗杯菠蘿沙冰，好菠蘿。😁。食飽飽，吾貴，抵食好食。