湯。雞

營業中

休息中

第二次黎幫襯第一次係細妹介紹同前staff一起食今次就同細妹撐枱腳真材實料湯底我都飲晒感覺好補身秋冬必備環境亦好光鮮冷氣好足夠你知道葵涌廣場3樓係好多雜味又撈撈又牛什又小蜜蜂建議大家著多件褸先入黎食好好享受一下食完就去muji and Uniqlo 行街買衫之前重有漫畫人既時候都會探下阿嬸阿伯再睇返兩個鐘漫畫而家葵廣都無晒我熟既人了感覺有啲落寞葵廣舊人表示同以前真係唔同晒無晒啲日本衫鋪啲化妝品店又無晒剩返啲一式一樣既50蚊店

葵廣出名野食多選擇，中日台港式小食諗得出既都有，而且價錢親民，基本上入去唔愁會餓住出番尼。其實踏入鋪頭之前冇特別做任何research，只係因為男朋友一句：怕喉嚨痛，唔食熱氣野😒睇一下個menu就入左去起初見到寫住”最低消費每位60”我打左個突，心諗死啦諗住食少少咋，咁咪最少要叫兩碗野？！不過後來覺得呢個想法係多餘既，因為價錢絕對對得住質素😋叫左碗藥膳花雕雞刀削麵、川味皮蛋涼皮、涼拌萵荀，男朋友追加花雕流心蛋加野飲就夠2個人最低消費。首先一上藥膳花雕雞刀削麵，係雞同麵分碟上！已經好surprise 喇！因為之前食藥膳雞米線多數都係成碗米線雞放喺麵上面....今次自動分上藥膳湯唔會蓋過醉雞味🤓非常欣賞！藥膳湯聞落好香，男朋友怕藥味太濃，但飲落又唔係想像中咁勁藥味，甜甜地又冇油喺面真係唔錯，刀削麵少少掛湯份量適中，就算細食既女仕都可以一人KO！醉雞花雕味剛剛好，雞件都滑，基本上冇野挑剔！另一樣讚既係川味皮蛋涼皮，個醬既辣唔會好似其他地方咁完全蓋過皮蛋味，撈涼皮都好好味😋男朋友話流心蛋好味，而且佢讚醉雞上面d杞子係新鮮，食落有微甜味，然後同我爭食🙂其他要讚既係其中一位哥哥見我同男朋友shar

平時黎葵廣都係掃街食小食多🍗估唔到係3樓呢間新開既湯雞會咁有驚喜！😆店鋪主打砂鍋雞湯，款式選擇都幾多✨仲有各式各樣既小食😋每款湯跟既粉麵都可以揀淮山麵、薯粉、新竹米粉、刀削麵、米線、粉絲等，超多選擇😍老闆叔叔好好人💕會主動問係咪第一次食 同你介紹同推介邊款最受歡迎😆其餘店員都好好禮貌好nice!店鋪雖然細細間 但坐落唔逼 冷氣仲好夠❄️🍄砂鍋姫松茸菇蟲草花螺頭花菇 $75 (9/10)黎到熱辣辣 好大碗仲好足料！😍菇味香濃突出 飲落味道十分鮮甜💯湯料超豐富 全部都好好味！咁大碗都幾乎飲曬😆 真心好好飲！有5-6件雞 肉質嫩滑有雞味配埋自家秘制辣椒油黎食 炒得好香好惹味🌶️更加正😍🐥💯粉麵揀咗新竹米粉 好吸湯 成碗真心冇乜挑剔地方😋🐥砂鍋花膠雞湯 $78 (8/10)奶白色既雞湯 味道鮮甜香濃飲落係冇加味精 雞味突出既鮮雞湯💛有魚翅、兩塊花膠 厚身又夠淋 感覺成碗都好滋補😝💕配左紅薯粉 煙煙韌韌又滑溜😚整體無論食物質素、服務、環境都做得好好😋👍🏻價錢合理又落足料，誠意滿滿，一定會再幫襯😍

某日去到曾經很熟悉的葵涌廣場朋友話個度有間新開嘅小店主打係雞湯、養生食物我諗住第一餐想食健康一點 所以就去試吓小店晌三樓 裝修行簡約工業風Concrete的牆身配木桌椅 感覺舒服打開餐牌見佢種類好多，湯都有好幾款📖亦有一啲涼拌小食同炸物我叫左🍜砂鍋花膠雞湯翅（$78）配新竹米粉上枱時個湯仲係”卜卜”聲滾緊湯就係要熱辣辣至正奶白色嘅雞湯 幾濃郁有點似在家飲媽媽煲嘅雞湯嘅感覺花膠有2大片 幾厚身 好淋至於雞 雞味濃郁 份量夠多 但偏鞋身配佢哋嘅麻辣醬食幾惹味👍🏻湯中還有啲翅 爽口無味加上因我本身不算太喜歡食翅所以冇乜感覺這個湯份量好足 好多材料都沉在底邊食邊發掘我揀了新竹米粉 吸盡了湯汁 好味 滿足😋回頭率高唔高呢？如果我住附近或者去開葵芳，肯定會再去食。但未去到會專登搭車去食嘅程度😝。

去得葵廣當然要掃街啦😝 但今日真係太攰，再加上換季買到一袋二袋🙈 真係想搵個位好好坐吓食吓☺️☺️ 意外發現左3樓新開咗間藥膳雞湯店😍😍😍花雕醉雞 ($48)細細件，雞肉嫩滑，但略厭浸得唔夠入味，酒香未入到肉，味道偏淡😢😢砂鍋花膠雞湯翅 ($78)價錢已包飯/多款麵揀，我地揀左刀削麵🍜原鍋上熱到起哂煙🍲🍲 兩大片花膠勁吸睛😍 仲有幾件雞🐤🐤 雞件鮮味濃，唔鞋唔老👍🏼 但刀削麵偏淋 (唔知係咪影相影得太耐🙈) 不過雞湯真係好真材實料，食到尾先發現原來有好多塊翅😋 足料冇加味精，飲完唔覺口渴，不知不覺清左成鍋湯🤤🤤🤤🤤同老闆傾開先知原來呢個湯佢地月左3個月研究😱 最終決定喺疫情嚴峻時開業😂 嗰時冇得做晚市😣 只可做外賣，但都儲到批客😌 可想而知佢地個湯幾正😏😏 而且呢度環境都唔錯，價錢又唔貴，當行街行到攰可以黎試吓個藥膳養生雞湯💕

見到新開，裝修幾特別，經常都有人排隊 就決定去試下。本身個人都好中意食雞 因為中意食雞所以會好厭尖 但依間啲雞真係好好食。兩個人，叫左一個雲吞雞沙鍋配刀削麵同口水雞淮山麵。可能因為食左口水雞所以覺得雲吞雞個湯有點偏淡 但絕對食得出個湯唔係普通高湯，係用料淆過。另外，口水雞 啲雞好嫩滑 辣度岩岩好，唔會話太辣，同埋淮山麵個湯麵好濃好好味！如果唔想食飯既朋友 可以試下食淮山麵仲有，見佢地門口有賣辣椒油，所以專登試左，結果有驚喜，隻辣味好特別，係師傅自己炒，可以試下～

小編曾經都介紹過養生米線👀，而養生湯底近年嚟都開始盛行，從一開始覺得不可能的事變成可能🤙。從普通湯底變成藥用價值高既湯底✨，食到湯麵之餘，仲可以飲到養生湯😋，有雙重驚喜。今日小編繼續係葵涌廣場覓食🍽，而呢間新開無耐既餐廳「#湯。雞」就係主要養生雞鍋🍗，有各種唔同既藥膳湯底畀你揀，小編因為曾經食過類似既湯底米線🍜，所以都想再次食到。✦✦✦✦✦✦✦✦✦✦✦✦✦✦🎈藥膳醉雞 $58小編第一時間先試湯底，非常足料🤤，未入口藥膳既香味已經傳入鼻中👃，入面有仲少量藥材，准山、紅棗等等，所以入口帶甜🥰，唔錯既選擇。醉雞用既應該都係花雕酒🍺，好入味，而雞件大部分都係多肉，所以入口啖啖肉👅，加上餐廳既辣椒油，夾埋一齊食就更醒胃、更好味。唯一既缺點係雞件砍得唔太好🔪，有啲雞骨砍到好唔齊口，食客好容易唔小心介到口腔，因而影響進食過程🤨。✦✦✦✦✦✦✦✦✦✦✦✦✦✦🎈滷水大腸 $34滷水大腸經過長時間浸泡已經好入味💦，而且每件大腸都非常之淋，入口輕輕咀嚼就輕鬆吞落肚😊。可能有啲朋友覺得滷水大腸味道唔太濃郁，可以都試下餐廳既辣椒油🌶，非常香口又開胃，絕對有驚喜🤩。✦✦✦✦✦✦✦✦✦✦✦✦✦✦今日小編再次食返藥膳

好耐無去葵涌廣場行街發現有一間新開嘅小店即刻同朋友試下， 估唔到有驚喜😍雞湯浸紐西蘭鑽石蜆💛好鮮味湯都飲晒花膠砂鍋雞湯翅💛 雞好滑 湯幾好飲 飲得出冇加味精 ，抵讚👍🏻👍🏻泡椒雞腳💛好好味又夠辣， 仲外賣左一盒拎走添🤣 四川麻辣鴨血💛好味夠麻辣, 但略嫌鴨血份量少咗d 🤣最後當然黎一個甜品 3.65鮮奶燉花膠😍花膠份量都算多，仲有紅棗一齊燉好膠質😋正呀💛💛

之前去過一次葵廣，記得有好多嘢睇買同食今日咁啱又係附近整完結婚嘅嘢大概六點左右，就諗住不如去望下，睇下有咩特別嘢食，由第一層開始行，行到3樓就開始肚餓本身諗住食地下個間鹽水雞，其實大部分人都係就咁買完企附近食，不過K話係街企喺度食都好似唔係幾好住，因為葵廣都多人，咁啱我地行過見到jollibee，本身諗住坐低食算，不過見到隔離有間店望落都幾吸引望一望餐牌竟然有我最鍾意嘅花膠雞湯 K不嬲都好鐘意食口水雞，所以我地就決定試下因為我介緊碳水所以淨係飲湯同埋食咗幾件雞，K就叫咗飯同埋Fanta 口水雞辣得嚟好香好好食，老闆話係廚房入面自己炒㗎，唔係出面買一樽樽開好個d唔知係咪食完口水雞， 個湯飲落就唔係好夠咸，不過都好好味有兩大舊花膠，仲有魚唇，魚翅，同埋細細粒嘅金華火腿

一直想試但係因為限聚令所以冇機會去。今日好彩有同事舉手買返嚟食叫了三款不同湯（砂鍋桃膠雪梨椰子雞湯，砂鍋花膠雞湯趐，砂鍋姫松茸蟲草花螺頭花菇雞湯）份量10分足，湯味好濃超正食晒雞後在拿湯撈飯冇得頂叫了很多款小食，第一次食醉鵝肝，有驚喜醉豬手非常入味泡椒豬手酸酸美味好特別。醉鴨舌，鮑汁冬菇不過不失，對得住這個價錢麻辣牛柏葉不錯，麻辣雲耳，四川麻辣鴨血喜歡麻辣嘅人一定要試醉三寶一次可以試三樣嘢，如人少又想食多幾款不錯的選擇⋯⋯整體全店食物都不錯值得再試

大熱天時，諗住搵個有冷氣、有食肆、有街行嘅商場，我哋一家咁可以輕輕鬆鬆hea足半日！ 不過假日揸車搵位都有啲困難😅 點之我聰明老公唸到一個好地方，仲話泊低架車就可以直上商場， 我一諗就諗到當年我帶個仔去嘅掃街聖地［葵涌廣場］😍先去三樓睇有咩好食😆見到一間門口堆滿人嘅小店，香港人嘅心態😆梗係走埋去睇睇啦！一望入去裝修好有文青feel，咁嘅情況唔理咁多攞咗張飛先😆點知嚇我一跳要等3張枱😭有啲唔耐煩之際，唸住望下餐牌有咩好食，估唔到見到我至愛..... 滋潤養顏湯［砂鍋鮑魚花膠雞湯翅］， 說時遲那時快，小店哥哥就話有位比我哋👍🏻一坐低：小二，幫我嚟五斤高粱，三斤牛肉呀！ (純粹虛構😂) 因為太開心，有我鍾意食嘅食物😂我先嗌咗半隻雞湯翅試下，再嗌我平時屋企好想整嘅桂花酒香醉雞卷，平時好少見嘅酒醉鵝肝，呢啲都啱我兩公婆食，再幫亞仔嗌咗碗蒜油雞撈刀削麵😋😋😋小店人山人海，諗住出餸都要等等，傾下偈都唔夠10分鐘之間就已經陸續餸到😍首先賣相吸睛😍先食鵝肝，質地係我鍾意嗰種，又棉又化；個湯好濃沃，有唔少花膠； 雞卷好食啖啖肉，唔使𦧲骨，雞皮唔肥膩；仲有阿仔個雞面啲雞好滑，蔥油爆得好好味，食完之後碟碟照鏡

藥膳湯底好正，冇味精，好足料！個湯好甜，感覺好補身，食完個米線，仲會飲晒個湯！醉雞都唔錯,, 就算雞胸位都好林，一d都唔會覺得乾硬,,呢個價錢，食到呢個質素，真係好抵

星期四，朋友介紹到左葵涌廣場3樓，試了間精緻湯雞。葵廣3樓，只想起企喺度掃街小食，冇諗過有間咁正既隱世小店😋朋友推介，必點砂鍋花膠雞湯淮山麵，花膠紅翅，超好味😍😍😍 個湯基本上係飲晒（唔好落辣椒油污染佢既湯味😂）小食醉分啼都很出色，非一般小店水準，直達餐廳級數，肉質夠厚有酒味，仲有杞子一齊煮，好補身又有益。店務員亦非常友善講解菜式，看得出很用心去經營👍🏻👍🏻👍🏻❤️ 相信疫情後生意必大賣。

葵廣出名多野食、大眾化、小食向一個月前開左呢間#湯。雞賣既菜式別樹一格有雞湯、酒浸冷盤同麻辣冷盤重點係食材成本應該唔平但價錢竟十分平民門面擺放左冷盆櫃選擇多，大大盒，仲唔貴而且賣既冷盤有d在市面上唔算常見見入面仲有位就決定食呢間餐廳裝修偏工業風家庭式經營老闆非常好客亦會主動問食客意見總共叫左三個小食一個花膠雞湯麻辣花膠 $48算市面上較少見入口係爽脆，同辣汁撈埋後香口又開胃雖話係麻辣其實唔算好辣十分推介醉醺蹄 $48肥瘦適中，稔身，完全唔韌入口酒味濃郁，而且唔苦，有少少清甜用上蟲華花伴碟足見心思十分推介醉鵝肝 $98呢個真係全部最好食既首先酒係浸透左鵝肝你可以清楚見到桂花絲仲係酒汁入面清甜以外仲可解膩而鵝肝本身係一片片成形，厚薄適中其實筆者都食過深井某名餐廳既醉鵝肝價錢比呢度貴，份量亦比呢度少，而且有少少散，亦較為油膩從各方面睇呢間餐廳既醉鵝肝都係屈機上乘之作不可不點最後到花膠翅雞湯 $57首先$57蚊黎講佢交足功課既係湯入面，你會真係搵到螺肉、翅同花膠但你唔可以期望佢同澳門果d一樣咁多料係入面（畢竟呢個價錢）入口湯頭係鮮甜、偏清但唔會飲到花膠煲湯既「漿口」感正因為湯比較清建議如搭配小

行葵涌廣場，上了3樓覓食，發現新開間雞湯魚翅，見到70幾蚊有交易立即試，一松茸蟲草花花菇響螺雞湯配米線夠滑🤤，冇味精夠老火👍，辣椒油夠麻夠香😋，帶小朋友一齊食健康有益，醉豬手/雞翼/鴨舌，有桂花香味，有驚喜！睇得出食店好有心，唔會只有酒味，幾十蚊，性價比好高，裝修夠現代，服務員清一色年青人，服務態度非常好，細心，食完後發現好多冷盤在門外收銀位，可外賣，原來外賣有折，下次買外賣返屋企都得，一定有下次！