湯。雞

營業中

休息中

嚟得葵廣，都不外乎食下章魚燒、手抓餅或者手卷等等。但有一間係食藥膳湯麵嘅小店我一直都好想試，個名仲好得意，叫湯雞😂 今次嚟到，乜都唔買，淨係買佢返去試吓😜呢份藥膳醉雞真係非常唔錯，醉雞份量夠晒多，而且好入味，花雕酒味幾重下，面頭仲有啲蟲草花，食落件件雞都幾滑下，真係唔錯😋 而刀削麵嘅湯底都好足料，真係有藥材係入面，而且都幾濃郁，可惜刀削麵唔夠爽口彈牙，反而比較腍身，唔係我鍾意嘅口感🤭另外，仲嗌多咗個口水雞撈米線，雞件同樣好多，佢嘅口水汁比較辣，同時亦都幾麻，但係亦都係佢個汁會令人越食越想食，非常惹味😝 雖然佢個雞都幾好食，但就無醉雞咁滑。而米線亦都有啲腍，唔夠煙韌，但整體都唔錯嘅！總括而言，呢間餐廳雖然個名夠哂搞笑🤣 但啲嘢食真係好唔錯，特別係佢個醉雞，真係好好味🤤 整體嚟講，佢嘅麵食麻麻哋，但係啲餸就好得！而且呢個價錢，竟然有咁多件雞，性價比都幾高，值得一試👍🏻

陪完男朋友洗牙近近地想係附近食嘢╴先發現原來葵芳好似冇咩正餐好食....諗起之前掃街望到呢間好似唔錯就試下啦😳.❥冷盤小食#醉雞卷 ($48)😋好味指數：(7/10)一嚟到已經聞到好重酒味😨雞肉都幾滑😎#麻辣牛舌 ($55)我唔食牛舌，不過都聞落去都唔錯😗.❥粉麵#砂鍋雲吞雞 ($70)😋好味指數：(6/10)可以配飯，或者米線﹑淮山麵同銀針粉等等一共7款，另外稻庭烏冬同日版出前一丁就+$5。我就揀咗刀削麵，可能滾得比較耐所以斱質偏淋😖大約有6件雞到，肉質偏嚡但唔算un個雲吞就普普通通啦🤪個湯佢地以無添加味精同用咗多種材料熬製作為賣點，飲落去味道ok幾鮮甜，但唔算係好濃郁😽但個鍋好多位都甩色……感覺唔係太好🤢#麻辣口水雞撈麵 ($58)😋好味指數：(7.5/10)麻辣味唔錯，越食越辣🤧如果覺得唔夠仲有以加枱面上嘅辣椒油，都幾香!呢個撈麵嘅雞比起岩岩嘅嫩好多😙

看到食評後決定與朋友到店舖一試，但朋友因事已在廣場樓下趕上來，但站在門口的女士表示要人齊方可入座，明白平日晚上6時多是繁忙時間的開始，小店會比較緊張佔坐率和座位的安排，我已表示可以幫朋友先點餐，但站在門口的女士依然用很沒禮貌的語氣說：「咁你等下先」。我還不知道食物的質素如何，但款待客人的態度建議要改善。

落到葵芳 新都會同葵廣都好似好多野食揀咁但想坐底食返餐正餐 當然好唔好食好重要 仲要用💛嘅 其實。。。未必好多選擇本身想發掘吓啲好野食 行咗兩轉呢兩個商場後。。。最後都係 #湯雞 啦～ 佢哋嘅足料冇味精湯底，真係去邊度都搵唔返未食推介 #砂鍋姬松蟲草花螺頭花菇雞 配 #粉絲最適合不過👍🏻👍🏻👍🏻粉絲索晒湯底嘅精華，勁入味 湯底姬松蟲草花螺頭香味同濃湯味 湯底係有料架～姬松、蟲草花、螺頭、花菇 樣樣有 同埋唔係得一粒半粒架🤤🤤 而佢地嘅賣點 係雞🐥 即使砂鍋都好 上面嘅雞件一啲都唔「鞋」口‼️#砂鍋桃膠雪梨椰子雞 配 #淮山麵呢個第一次試，一上枱就重椰子味🥥先試一啖湯，勁滋陰😍😍 然後湯料同樣夠足 桃膠 椰子 五指毛桃（應該係😅）雞件就唔駛再講啦😂 呢個都值得推🙌🏼推🙌🏼推🙌🏼當然嚟到 #湯雞 又點少得我嘅至愛😍小食叫多份 #花雕醉雞 今次有雞髀🍗 重花雕酒味🍶 仲配有啲蟲草花同杞子 同重花雕酒味 雞肉夠滑 夠入味😍😍😍今餐真係非常滿足😇😇😇

飲湯位於葵涌廣場三樓，平時掃街的位置，在充滿好多選擇和小食底下，健康成為它的發光點，主打無味精，試一試！哩間推介呢！👍🏻人均：$63.花膠雞翅湯湯料有花膠，魚翅，魚唇，金華火腿，花膠大大塊，湯底呈乳白色，好濃雞湯和金華火腿味，香濃鮮味又大碗。😋😋😋.醉豬手刀削麵跟餐加$6飲zero，醉豬手好彈牙和厚實，充滿骨膠原，花雕酒勁濃，豬手和湯分開上，食到原味，湯底係濃厚當歸藥膳味，好補身😂😂😂

平時係咪以為葵芳一定要掃街呢 果次誤打誤撞去左間鋪頭食 其實行到攰攰地去食都幾好 可以同朋友一齊去又可以傾下計-🧏🏻‍♀️溫馨提示：鋪頭吾大 座位都吾多 所以可能要等一陣先有位 不過我覺得值得一試🥳而且同平時葵芳既小食都吾同嫁🧡而且佢晏就同夜晚 都係同一個餐牌 所以都係果幾十款 不過都夠簡啦 禁多款式-▪️口水雞 $48▪️醉雞卷 $48▪️麻辣墨魚頭 $48#口水雞 佢嘅份量都幾大碟 而且離遠都已經聞到辣嘅香味 聽聞係廚師自己炒 唔係普通加辣醬 食落去我平時好食得辣都覺得幾夠味 又唔會啲辣味掩蓋左雞嘅香味 而且佢啲雞都幾滑 #醉雞卷 其實我都唔多地方有 不過得佢整得好好食 酒味都夠重 而且食落去啖啖肉 而且有啲地方會包到唔實 但佢呢度咬落去都唔會散 我真係會想返轉頭再食多次佢嘅醉雞卷#麻辣墨魚頭 我佢嘅墨魚頭吸晒啲汁 咬口好爽 因為好多地方已經整得唔好食 但係我加埋麻辣同埋有少少麻香味 配埋爽口嘅口感 食落去好似平時啲前菜咁開胃—————————————-——————-—————-📍Location 葵芳葵富路7-11號葵涌廣場3樓302A號舖🕙Business hours 星期一至日 1

今次都係叫外賣自取，咁會快啲食到晚飯。因為一到晚飯時間，又係好多人。揀咗一份腿茸雞鮑翅飯，拎到返去食，都keep住熱辣辣！好新鮮，粒鮑魚size都好大粒，即刻覺得個飯抵食晒！

#湯雞 砂鍋花膠雞湯翅刀削麵（78）+魚翅餃（9）一鍋裡面又花膠又翅，非常矜貴，花膠大大舊，咬落爽口，雞肉都好嫩滑而且份量十足，魚翅餃有蝦但就食唔到有魚翅，有d似飲茶食果種魚翅餃，不過呢個係放湯。致於湯頭就似係屋企煲既湯咁，飲落唔會口乾，而且味道濃，有少少黏口，火候十足。主食類其實除左刀削麵仲可以揀新竹米粉，粉絲，飯等等，仲可以加錢要烏冬或者出前一丁，任君選擇。

#湯雞 砂鍋花膠雞湯翅刀削麵（78）+魚翅餃（9）一鍋裡面又花膠又翅，非常矜貴，花膠大大舊，咬落爽口，雞肉都好嫩滑而且份量十足，魚翅餃有蝦但就食唔到有魚翅，有d似飲茶食果種魚翅餃，不過呢個係放湯。致於湯頭就似係屋企煲既湯咁，飲落唔會口乾，而且味道濃，有少少黏口，火候十足。主食類其實除左刀削麵仲可以揀新竹米粉，粉絲，飯等等，仲可以加錢要烏冬或者出前一丁，任君選擇。

星期六去完葵芳睇黑寡婦之後去葵廣掃街見到呢間新開既湯雞有砂鍋花膠翅就試下佢砂鍋花膠雞湯翅配新竹米粉 ($78)米粉吸收左雞湯既精華好好食花膠都好大塊👍加左$9試埋佢個魚翅餃入面有魚翅同蝦好足料😋

去葵廣掃街，多數都係外賣，有時想坐得舒服啲，就會揀堂食，不過一場去到就唔想揀連鎖店。有間新開嘅雞湯面專門店，之前食過一次已經覺得唔錯，再食一次仍然好有驚喜！見到雜誌訪問過，望一望原來呢度嘅雞湯係用金華火腿、雞架等材料去淆湯，飲落唔頸渴，每一啖都係濃郁上湯！招牌係花膠鮑魚雞麵，冇記錯大約70至$90，個湯底係飲得，而且真係有雞味，有兩大舊花膠，雞肉好嫩！啖啖肉，唔使加額外嘅辣椒調味已經好好味。值得一讚佢係用砂鍋裝住，所以食咗好耐都仲係保持溫度，嗰碗嘢一上枱嘅時候係沸騰嘅狀態，掂。藥膳醉雞湯麵係第二款必試，個湯底真係有藥材，醉雞真係有四五大嚿，唔係求其搵啲雞骨塞住個位，諗起都流口水佢嘅糖心蛋都好味，有酒味清香，係糖心效果，花雕味濃郁。呢間係一定會encore❤️

繁忙時間想去葵涌廣場食嘢，唯一一間唔使排隊，即刻入去試吓，見佢裝修幾靚仔，以為唔差。叫咗兩碗面，一個椰子雞湯配飯，另一個係花膠雞湯配麵，湯麵不入味，至於花膠，感覺唔到存在，雞比較「鞋」，成餐飯最好味就係罐可樂總括嚟講，價格與品質不符。題外話就係店員都冇乜禮貌，可能人手欠奉，見到一個後生女一腳踢。希望小店可以改善，希望裝修同食物品質以及價格相符。相信大家都唔介意俾錢，但係希望食得開心同好味，大家加油

今日同朋友去左葵廣食嘢行街。發現左呢間 ＃湯。雞𥚃面好多養身湯麵、湯用料新鮮 又足料 大大碗一碗就已經好飽肚 叫唔到小食嚟試。雖然好可惜，但下次再試過其他。講返呢碗泡飯！真係正「腿茸雞鮑翅泡飯」真係有鮑魚、魚翅嫁 好足料而且個湯唔係味精湯飲晒都唔會覺之後好口渴。推薦大家去食，價錢又中等而且一啲都唔貴。

今日行開葵廣見到呢間主打雞湯嘅米線，就好想入去試吓，因為成日喺街度食飯都覺得出邊嘅嘢好多味精同埋油，但係呢間餐廳睇落就覺得好清淡好健康同埋好養生，果然最後都冇令我失望^^一坐低打開個Menu就俾佢個砂鍋花膠雞湯翅吸引住，感覺上食完之後成塊面都會充滿膠原蛋白🤩啱晒女仔嚟試吓！砂鍋花膠雞湯翅🐓（$78）佢有得俾你揀唔同嘅面底，咁今次我就揀咗淮山麵啦。佢一拎上嚟就已經聞到浸好香嘅雞湯味，雖然成碗面嘅顏色都偏淺色，但係味道上絕對唔會輸蝕，一飲落口就已經試到嗰浸好清甜嘅雞湯味，後韻仲有少少回甘，雞嘅數量同埋花膠嘅數量都唔少，好似食極都仲有咁，個湯底有嗰種充滿膠原蛋白嘅口感，絕對會再嚟食過🥰

去到葵涌廣場，人山人海。而且見到呢間餐廳太多人排隊喇，相信係因為有養生湯底而咁出名，所以決定唔晒時間等位，索性買外賣返去食。藥膳醉雞 配刀削麵外賣包裝幾好，而且外賣都keep到質素。一打開盒，好大陣藥材味。湯底超香甜，又多材料。清楚看到一片片材料，十分足料，而且口感還很溫醇。特別係醉雞，口感一流，帶甘甜而且飄住好香嘅酒味，肉質很嫩滑，配上藥膳湯，味道更上一層樓。刀削麵口感爽滑彈牙，整個配合都好完美。