湯。雞

營業中

休息中

除左足料~ 唔知可以講咩好!! 真係自己課金既午餐同晚餐😆😆 對於藥膳湯同醉雞依兩味~ 我幾鍾意既😌😌而佢又真係冇令我失望❗️砂鍋雞湯翅刀削面(HK$68): 唔係講笑..真係有一梳梳既翅🙈唔係素翅🙊😏仲有配埋幾件雞❗️砂鍋桃膠雪梨椰子雞刀削面(HK$68): 湯底好清~ 椰子味濃🙊對於好耐冇食過椰子雞煲既表示好滿足🥰🥰🥰熱辣辣正呀❗️藥膳醉雞刀削面: 一上餐d 藥膳味四圍飄~ 連同事都讚好~ 藥材又好多令到湯底好夠味, 飲完個湯底個人都暖晒🤩🤩刀削面煮得岩岩好,唔會中間厚既位置太實,就算食晒成個都唔會食完滯住滯住其實佢仲有好多麻辣/醉料小食🤤 店面位置雖然細...但真心好味🤗🤗🤗

嚟葵廣食正嘢，呢度d湯足料到爆，真係覺得好抵食，一定會encore 😊砂鍋姬松茸蟲草花螺頭花菇雞 跟刀削麵湯底足料，食不出有味精，而且用砂鍋上菜能夠保持溫度👍🏼雞件雖然浸在湯中，但一點都不會韌。刀削麵正常發揮，沒有太大驚喜。整體來說，這個價錢有這個質素，超值👍🏼口水雞 跟飯配藥膳湯雞件質地頗滑，口水雞入味帶微微麻香。如選擇配飯的話會配一碗藥膳湯。藥膳湯藥材味很重，全完感覺到店家落足料。食完覺得好滿足😌

去親葵芳都一定去葵涌廣場食， 今次經過見到呢間 #湯。雞， 餐牌同價錢都好吸引，又咁啱有位... 咁就飄左入去啦～ 口水雞跟淮山麵 - 雞算嫩， 唔係好麻， 辣度都還好，不過食食下個香辣味都足夠。 跟配個碗雞湯淮山麵就真係正到爆！ 麵彈牙， 入味，軟硬度剛剛好。醉雞藥膳養生麵 - 原來佢地醉雞用陳年花雕就再跟自己調配的桂花蜜去醃， 確實好入味， 雖則夠味但唔搶本身雞嘅味道。 藥膳湯好鮮甜， 麵香彈牙另外小食醉鴨舌 👍 夠入味！ 一定會再返黎幫襯！

砂鍋花膠雞湯翅-$78另加糖心醉蛋-$10/隻另加雲吞-$6/粒花雕醉雞-$48腿茸雞鮑翅泡飯-$68經過呢間鋪頭都會傳來一陣陣💨好香嘅雞湯味🐓但係成日喺lunch嘅時候都大排長龍😫。今次終於食到la。佢哋嘅湯底好香，冇落味精🥰🥰砂鍋花膠雞湯翅有陣陣嘅雞味，鍋料好足，d飯粒偏硬身點浸都唔腍。腿茸雞鮑翅泡飯嘅雞味同湯都比砂鍋花膠雞湯翅濃好多😆（可能係錯覺😅）。花雕醉雞唔太入味😅但係點埋d汁就好d la😅值得讚d雞係嫩嘅💕醉雞溏心蛋味道甜甜地💕加埋d汁先有醉雞味😂兩人食💰🏠地址：#湯。雞 (葵芳)葵芳葵富路7-11號葵涌廣場3樓302A號舖🚅：葵芳地鐵站D出口

今次來到葵芳廣場，上到頂樓發現有雞叫人客滿滿，我哋坐到最入，位置較擠逼，人疊人我哋點了一個砂鍋花膠雞，一個砂鍋椰子雞，加一杯豆漿。豆漿麻麻地，下次可不飲它，飲汽水好過。雞不錯，但份量太少，花膠少到好似冇一樣，希望它能改善，全因湯底有好濃嘅雞湯味，會上癮。但椰子就普通，價錢算偏貴，以佢既份量同葵廣既質素。在寒冷既天氣下，食到熱辣辣既雞好滿足個人感覺評分：食物味道 - 食物賣相 - 餐廳環境 - 店員服務 - 性價比 -

🌬天氣涼涼地，就最想食一啲滋補養生嘅嘢行過葵廣...屋企人prefer坐低食正餐見到呢間#湯。雞，個名幾好笑，一於入去試吓**********🐔砂鍋雞煲翅（$68）配刀削麵叫砂鍋就係貪佢食到尾都仲熱辣辣😆佢呢煲一定唔會令你失望，因為真係好熱🍲配刀削麵食都幾夾，湯底幾清甜，屋企人幾滿意👍🏻雞件反而比醉雞嘅份量少，而且較細件翅方面，以呢個價錢都唔會期望有好多俾你食，有幾粒細細粒，好正常😅**********🐔藥膳醉雞（$58）配米線米線同醉雞分開上藥膳湯米線好足料，睇到有邊啲藥材：紅棗、北芪、淮山、杞子、桂圓呢啲基本啦👍🏻湯底偏甜，差唔多飲哂😂醉雞好入味，酒味偏重🥃不過雞件唔係太熟，骨位會見到有血，有人係會好鍾意嘅...因為覺得啱啱熟，肉質會好嫩滑，但係我就唔慣，將所有雞件放哂落屋企人煲熱辣辣嘅砂鍋度整熟啲，最後浸番啲酒先食**********行完葵廣攰攰地想坐低醫肚，呢間都係唔錯嘅選擇😃

見之前食評一般，就試吓一次咁大把！地方細細，食完一身味出返嚟！大家自己考慮！叫了藥膳雞，d雞真係得d骨，基本上冇乜餸，果然伏！寧願去葵廣食手撕雞仲好，加＄8叫杯豆漿算正常！職員態度木口木面，預咗！

同事之前幫襯叫過外賣了，但略嫌送到公司食物溫度凍左，今日見有早，專登過去葵廣外賣自取！LUNCH TIME堂食坐滿，等外賣既人都有幾個，幾旺咁。第一次食一於試下招牌砂鍋粉麵系列！😎落單時店員態度欠佳，十問九唔應，無乜禮貌😣想確認下係咪配自選麵？佢瞄一瞄我，叫左紅薯粉問到係唔係跟餐飲？佢示意繼續落單，叫左豆漿問到係咪有熱豆漿？佢示意落左單，叫我俾錢屬於超級「港式服務」😌＊－。－。－。－。－。－。－。－。－。－＊🔸 砂鍋花膠雞湯翅  配 紅薯粉 $78由於外賣自取，無砂鍋，轉膠盒要加$3雞肉、湯、麵全部分開上，唔怕吸乾水雞件四件賣相唔好，似餸頭餸尾打風咁都有肉食既，少少油膩湯味道夠濃，飲完唔會話太鹹花膠多兼夠滑，有豐富骨膠原翅呢...就真係唔見有喇頭先講到叫左杯(熱)豆漿，最後係落單要左凍既...雖然甜度各樣都OK，正常好飲不過埋單先知唔係送，跟餐加$8整體黎計$89外賣薯粉有D貴食物質素一般，未到好好食服務唔好，有待改善或者貴就貴在花膠(?)唔會想再ENCORE ＊－。－。－。－。－。－。－。－。－。－＊

唔知點解竟然冇人評論啲店員服務食過兩次呢間野都算受氣之前有一次諗住買外賣嗌極都唔應 無人肯落單態度又唔好嘢食只係算中規中矩但唔明白打開門做生意點解態度可以咁差個個都唔願做 好似得罪咗佢咁香港地壓力大都唔使次次去親都黑口黑面。。。。？

今日去咗葵涌廣場食🥳😋藥膳醉雞刀削麵醉豬手飯豆漿刀削麵就唔係一片片係一條好長嘅面都好有咬口份量又夠飽到🥳最豬手就好啫喱狀膠質豐富女仔就要揀呢個啦！豆漿係可以拎走既😋非常細心❤️

天氣咁凍，就好想飲熱辣辣嘅湯。行開葵涌廣場嘅人，一定會知三樓喺食嘢既集中食小食甜品樓層。今次想搵一間可以入去坐嘅餐廳，然後搵咗間有藥膳湯麵，啱晒身子虛又要補補身 / 想養生嘅人，特別係女士，女士們嘅恩物。呢個湯，比我想像中係意外好飲，但注意人均消費要$60，淨叫一碗麵 / 飯喺唔夠，所以我叫多份麻辣鴨血試下。麻辣鴨血食得辣嘅人先好叫，嘢食好夠熱，不過辣味有少少搶咗鴨血嘅味道。個人覺得一般。一個人食的話，份量有點多。兩個人食的話，可以叫一份share，試一下。藥膳醉雞 。 配薯粉藥材湯，帶鮮甜，好夠熱！湯料十足！好耐無食薯粉，所以今次配咗薯粉，食落去又覺得無問題。當然大家可以轉番食飯or其他面。醉雞有淡淡的酒味，亦不濃。我覺得呢個湯喺必食。

每次經過葵廣都聞到一陣好香嘅雞湯味，所以今次決定嚟試吓😃😃 8 pm 到好彩都唔駛等位就入得，店舖都幾細心，每人都俾隻碟仔去放雞骨，唔駛整到成枱都係😎砂鍋雲吞雞配刀削麵 （$68）好喜歡佢成個鍋上，份量十足💪🏻💪🏻 而且夠晒熱辣辣；雞湯味真係好香😋😋 雞肉嫩滑，仲有兩粒雲吞；刀削麵都闊度適中，有彈性，最怕有時食到嘅係淋晒😂 點咗跟餐豆漿（+$8）餐牌仲有好多小食，但一個人食飯，都試唔到😪😪葵廣又多一間高質嘅好食粉麵 👍🏻👍🏻

葵廣3樓竟然開咗有得堂食嘅食肆以雞湯作為麵食湯頭作招徠，頗為吸引今次試咗藥膳醉雞可以跟飯/麵，佢嘅麵類可以揀米粉、米線、淮山麵、刀削麵淮山麵同刀削麵最吸引，今次就揀刀削麵試下醉雞同湯麵分開上，非常好唔會撈埋一齊，流失晒醉雞嘅精華（提外話：碗碟除左崩口之外，非常有質感，即刻唔同feel）醉雞非常嫩滑而且足料，好濃嘅花雕香味，亦有杞子同蟲草花點綴一下，提升咗層次湯麵相對之下比較普通，只有淮山同半條黨參（or人參？）聞落有非常濃郁嘅藥膳養生湯香氣，可惜飲落味道好淡，亦冇乜雞味刀削麵亦唔似刀削麵，好鬼淋，又唔煙韌只係一條好薄嘅粗麵，奉勸大家唔好嗌醉雞好味，刀削麵好麻麻，湯底以養生為賣點，要食可以配米粉/米線試吓而最平嘅麵$58，堂食最低消費$60要加配飲品/小食，或者同行人士嗌一個砂鍋or其他貴價食品試吓

是日喺葵廣進行掃街大行動！以往嚟過葵廣很多次，但每次都因為人太多而無功而回。今日竟然冇以往咁多人（雖然都係多。。。而且三樓最逼人）我地由一樓逛到上三樓，沿途都有好多美食，睇到我都流曬口水，但係因為行得耐，想坐低抖抖，於是男友就OR到一間雞湯專門店啦，睇落幾骨子，於是就上咗去三樓度搵位喇。我地幸運地等咗一陣就有位喇。打開餐牌睇吓想食乜？我揀咗個砂鍋雞湯翅配淮山麵，男友就揀咗個砂鍋姬松茸蟲草花螺頭花菇配刀削麵。當服務員端上嚟時，啲湯仲滾緊，好正！因為我最鍾意食熱辣辣嘅湯麵！急不及待飲頭啖湯，嘩，味道芬芳濃郁，真係好有雞嘅鮮味，果然係「雞有雞味」！試埋男友嘅花菇螺頭湯，味道更加鮮美。雖然份量唔算多，但都足夠飽肚！飲曬啲湯都唔會覺得十分口渴！不過我地都忍唔住喺隔離果汁檔買咗「粒粒芒椰蘆薈」同埋「苦瓜蘋果」，為我地葵廣美食之旅畫上完美嘅句號。

同好姊妹💃🏼💃🏼💃🏼係葵廣行完街搵好野食，見到頂樓有間裝修別緻，就揀左這間，完來係主打食雞🐔這間有「笙竹米粉」好少餐廳使用，也有「刀削麵」，今次我揀......藥饍雞笙竹米粉▶️湯底藥饍味香濃，配上凍醉雞肉質算滑溜，而且十分入味🤩口水雞笙生米粉▶️湯底為雞湯味道更香濃，配上口水雞，我就覺得好鬼辣🤪泡沼牛百葉▶️有少少酸辣味，但牛百葉超爽，好味呀😋😋麻辣雞腎▶️香口麻辣I like it😍備註：🩸湯底無味精👍🏻🩸店員風趣，聲明有問題必退換，可見幾對自己食物有信心🩸朋友一致話會再來食（當然包括行街😂🤣😂）