湯。雞

營業中

休息中

星期四，朋友介紹到左葵涌廣場3樓，試了間精緻湯雞。葵廣3樓，只想起企喺度掃街小食，冇諗過有間咁正既隱世小店😋朋友推介，必點砂鍋花膠雞湯淮山麵，花膠紅翅，超好味😍😍😍 個湯基本上係飲晒（唔好落辣椒油污染佢既湯味😂）小食醉分啼都很出色，非一般小店水準，直達餐廳級數，肉質夠厚有酒味，仲有杞子一齊煮，好補身又有益。店務員亦非常友善講解菜式，看得出很用心去經營👍🏻👍🏻👍🏻❤️ 相信疫情後生意必大賣。

葵廣出名多野食、大眾化、小食向一個月前開左呢間#湯。雞賣既菜式別樹一格有雞湯、酒浸冷盤同麻辣冷盤重點係食材成本應該唔平但價錢竟十分平民門面擺放左冷盆櫃選擇多，大大盒，仲唔貴而且賣既冷盤有d在市面上唔算常見見入面仲有位就決定食呢間餐廳裝修偏工業風家庭式經營老闆非常好客亦會主動問食客意見總共叫左三個小食一個花膠雞湯麻辣花膠 $48算市面上較少見入口係爽脆，同辣汁撈埋後香口又開胃雖話係麻辣其實唔算好辣十分推介醉醺蹄 $48肥瘦適中，稔身，完全唔韌入口酒味濃郁，而且唔苦，有少少清甜用上蟲華花伴碟足見心思十分推介醉鵝肝 $98呢個真係全部最好食既首先酒係浸透左鵝肝你可以清楚見到桂花絲仲係酒汁入面清甜以外仲可解膩而鵝肝本身係一片片成形，厚薄適中其實筆者都食過深井某名餐廳既醉鵝肝價錢比呢度貴，份量亦比呢度少，而且有少少散，亦較為油膩從各方面睇呢間餐廳既醉鵝肝都係屈機上乘之作不可不點最後到花膠翅雞湯 $57首先$57蚊黎講佢交足功課既係湯入面，你會真係搵到螺肉、翅同花膠但你唔可以期望佢同澳門果d一樣咁多料係入面（畢竟呢個價錢）入口湯頭係鮮甜、偏清但唔會飲到花膠煲湯既「漿口」感正因為湯比較清建議如搭配小

行葵涌廣場，上了3樓覓食，發現新開間雞湯魚翅，見到70幾蚊有交易立即試，一松茸蟲草花花菇響螺雞湯配米線夠滑🤤，冇味精夠老火👍，辣椒油夠麻夠香😋，帶小朋友一齊食健康有益，醉豬手/雞翼/鴨舌，有桂花香味，有驚喜！睇得出食店好有心，唔會只有酒味，幾十蚊，性價比好高，裝修夠現代，服務員清一色年青人，服務態度非常好，細心，食完後發現好多冷盤在門外收銀位，可外賣，原來外賣有折，下次買外賣返屋企都得，一定有下次！

之前已經買過佢花膠雞湯，超足料！連阿媽都話好飲！。。。。。。。。。。。。。。。。。今晚再試下佢個醉雞湯米線！但因為疫情關係，冇得堂食，唯有買外賣返屋企食！。。。。。。。。。。。。。。。。。一打開個湯先知原來係藥膳湯，本身有啲怕藥材味，但都叫左就照試下啦！點知一飲個湯，嘩！甜味嘅！好正喎！完全改變左我對藥材嘅睇法！入面超多龍眼肉，十分足料，而且飲晒成個湯都唔覺得鹹！我諗真係冇味精飲完個湯，全身興烚烚，應該好補身😂。。。。。。。。。。。。。。。。。至於d醉雞，都幾入味，而且雞胸位都唔覺得乾硬，好好食，下次會試埋其他野！。。。。。。。。。。。。。。。。。同埋而家外賣有折，唔記得幾多折，總之折左$49咁足料，大大碗，又用心整我覺得好抵食！

小子之前經過依間鋪見新店， 拎左張單張睇， 見有醉豬手、醉乳鴿 見外賣自取 8折，即買左回家食好味。醉豬手仲仲係起左骨， 淡淡肉今日小子同朋友黎到入去堂食， 試一試佢d砂鍋麵砂鍋花膠雞湯翅 配 淮山麵 $78砂鍋麵係即叫即整， 落左單要比d耐性等一等， 個麵黎到， 熱辣辣， 好香， 內有3-4舊花膠、 小子飲哂d湯， 下次要試下其他野溏心醉蛋 $10略為遜色， 酒味唔夠入味， 普普通通整體來講， 小子都覺得唔錯， 地方、 環境都乾淨舒服， 直得再黎

有多款小食,推介必食醉🐷手。唔同其他舖嘅醉汁,佢哋醉汁無劣質酒嘅苦味,重有陣陣桂花香味。🐷手好Q又入味,唔係上台先淋汁果D貨。花膠鮑魚雞㷛都可以外賣,外賣八折後先一百蚊度,諗住俾你呃咗都唔入肉就試下。返到屋企開餐時,係盒湯度（湯同鷄係分盒上）居然打撈到兩隻鮑魚仔,同起碼三四塊半隻手掌大同幾厚下嘅花膠。呀媽ㄧ路食ㄧ路鬧我食餐飯洗咁多錢做乜。對唔住媽打,我都無預計兩舊水多D會有小食、有鮑有膠、又飯又🐔,重要高質素.....

在家吃了很多天住家飯，閒時都要出來走動一下，買外賣支持本地小店～這間店主要售賣湯飯，Menu有很多款選擇，例如有藥膳醉雞、口水雞、鮑魚魚翅雞、雲吞雞、水煮雞等了一系列以雞為主的款式外。小食方面有少見的 醉乳鴿、泡椒豬手、雞湯浸鑽石蜆 及 川汁皮蛋溏心粉皮。平時很愛喝椰子雞湯，這裏有椰子雞湯飯當然要買來一試！椰子雞湯清甜可口，湯底裏面配料不少，原來有雪梨，怪不得那麼清甜。椰子香氣撲鼻，可惜椰肉太硬。雞肉新鮮有雞味，肉質不會鞋口。下一次再買其他試試，希望水準可以一直保持。

最近飲食業的生意大受打擊，但葵涌廣場仍然人流不絕，有很多小店不斷開張！今天到葵涌廣場最頂層買飲品，看到有間新店開張，主打雞/ 湯飯，menu 很吸引，外賣還有折扣！外賣將飯、湯、雞分開3個盒放，下次可自備飯盒。愛吃醉雞，order 了藥膳醉雞 湯飯，雞件賣相不錯，看上去份量好似較多～醉雞酒香味相當濃郁，比平時吃到的醉雞醉味濃很多，雞肉嫩滑有彈性。藥材湯湯底味道恰到好處，感覺補身，喜歡醉雞、藥材的朋友不能錯過！

本來想配健康的淮山麵，可惜太好賣，6:30來買只有飯，其他都賣清光！老闆推介這個雞湯翅，聽說是最多人買～開頭以為雞湯翅並沒有雞，原來是有的！haha雞件賣相一般，但湯底跟配料都有驚喜，裏面有大大片花膠，一排魚翅。外面吃到的雞湯雖然說沒有味精，但總會加少許類似濃湯寶的調味料，但這裏的雞湯很清甜，有雞味但飲完不會渇喉～雞肉肉質尚算滑溜，亦有雞味。這個價錢有花膠、魚翅，又有雞，外賣有八折性價比真的很高！推介～

今日去咗葵芳廣埸，行到3樓見到有間新開嘅鋪頭，鋪頭雖然唔係好大枱同枱之間都夠寬。朋友之前食過話好正，今次我地一齊買外賣呢度有砂鍋花膠雞湯喎，不過今日買外賣就感受唔到砂鍋嗰種熱辣辣啦，佢地仲有口水雞，醉鴨舌，鵝肝，麻辣豬耳等... 好多嘢食呀依家外賣仲有8折有口水雞，醉豬手鴨舌，醉鵝肝，麻辣豬耳，牛舌，糖心蛋（但比我整爆咗😅）

女人唔補好易老，可惜我係個地獄廚神，唔識自己煮養生嘢，只好出街搵補嘢食。😢葵廣3樓，出名係垃圾食物天堂，竟然開咗主打養生嘅砂鍋雞店！因為禁堂食，晚市都無晒人～最近經過葵廣食好西，發現3樓開咗間唔錯嘅小店「#湯。雞」！主打滋補養生嘅砂鍋雞，仲要標榜湯底唔落味精！一睇就知啱晒我呢啲貪靚嘅囡囡（我唔認老嘅，咳咳...）​造訪當日，正值全日禁堂食第一日，剛好遇正在門口包外賣嘅老闆豉油哥，喺佢嘅推介下，試咗佢哋嘅招牌「砂鍋花膠雞湯翅」！（為咗影相美觀，豉油哥仲突登堂食咁上，比我影相，之後再包成外賣比我帶走，真係太貼心啦～！🤤）​等咗約10分鐘，一鍋熱辣辣嘅砂鍋雞就送上，擺上枱時仲滾緊泡泡！香氣四溢！真係齋睇都流晒口水！🤤​一鍋約有4-5件雞，兩大塊花膠，仲有少量魚翅及魚唇，蛋白質及膠質滿滿，竟然唔洗一舊水...！外賣仲有8折，真係極抵！​豉油哥都坦言咁嘅時勢，不求賺，能守住已經好好，最緊要大家食得開心，體會到我哋熬湯嘅用心。​回家後，逼不及待拆開嚟食。雖然無堂食咁新鮮滾熱鬧，但食得出個湯底火喉十足！奶白色嘅湯，幾清甜，湯頭質感適中，唔會濃到膩，飲時好順口，幾高質。​我好怕雞鞋口，豉油哥有講過佢哋