湘聚小廚

營業中

休息中

這家餐廳主打的是湘菜, 但我又對湘菜沒有什麼認識, 但都吸引到我一試的主要原因是這個菜單上有很多菜式都是港人愛吃的菜!!鐵板孜然牛肉$118一上桌便被他的「滿堂紅」嚇到了, 辣椒的份量佔了一大半, 不過吃落又冇想像中咁辣, 孜然味咸咸的, 和辣椒的味道互相配合, 非常夾味, 而且鐵板上的好處是能夠一直熱著牛肉, 不會因時間久了變冷變UN, 而牛肉亦很鮮嫩, 沒有變老的感覺蜆蒸蛋$78在蒸蛋上再加上了蜆, 不但令整個蒸蛋充滿了蜆肉和海鮮味, 而且廚師把這個蛋都蒸得好好, 蛋的口感很嫩滑, 而且味道剛剛好, 用來餸飯真的一流雙絲拌牛肚$78這碟牛肚的雙絲雖然只是配菜 但卻很新鮮, 不得不試, 而他的牛肚炒得非常好, 很入味之餘並不會過UN, 非常爽口, 一咬落去即刻有些汁滴出來!!

湘菜係香港開得愈來愈多 今次就去左西環食湘聚小廚同朋友聚一聚啦孜然串骨串骨醃得洽到好處 肉味濃郁 連辣椒一齊食仲更加香辣惹味 份量亦都好多 每條骨啖啖肉冰鎮藕花 食落口酸酸地又好爽脆 辣既後勁十分之重 每條藕花都滲透辣汁 系一道十分開胃既涼菜長沙臭豆腐炆肥腸香港好少食到既黑色長沙臭豆腐 聞落雖然無香港啲啡色臭豆腐咁臭 食落反而更香味濃郁因為啲臭豆腐索哂肥腸既汁同湯底而肥腸嫩滑入味 大大舊但又吾會韌 口感豐富 同臭豆腐配合一齊顯得相輔相成鼎鍋子雞雞肉細嫩幼滑 估吾到一路keep住煲都吾易老同鞋 鍋入面仲有好多薯仔 又系索哂啲辣椒汁同雞汁 所以食哂啲雞之後都仲有驚喜老干媽炒蛋老干媽系大陸出名既辣椒醬 用黎炒蛋都系第一次試 老干媽一如既往地味道濃郁鹹香 加埋滑溜既炒蛋 送飯真系一絕魚頭面面既質地彈牙 但略嫌湯底清淡 配魚頭或者其他辣味既菜一齊食味道更佳水煮牛肉望落好多辣椒應該會好辣 食落反而麻味比較重 仲一啲都吾吝嗇 裡頭勁多牛肉同芽菜 份量多到四個人都食吾哂菜心菜夠新鮮 每一件都青綠色架 配埋蒜蓉同埋大廚炒得好有鑊氣 系辣味盛宴中一點小清新

西環 堅尼地城一帶因為港鐵通車而成為新聚腳地咁當然要過一過黎 搵下有咩好食又特色既味道啦好耐無食過辣野 忽然又想食下即時搵飯腳揀下有咩湘川滬菜可以醫下肚有條街叫日富里 真係好細 如果唔睇清楚應該會行過左都唔知望到門口滿堂紅咁既樣就知唔少野 湘川味道極濃入面佈局都係同正宗湘川滬食館咁 極濃中國設計特色 未食先辣喇!!!紅色燈籠高高掛 借問先生何處來?!相聚於湘聚 雖然我辣既程度好低 但就是想食一口不竟天氣又潮濕又變返涼 辣可以怯濕都係對身體有幫助既!!松茸清燉雞湯 $48未進入辣之領之前 飲返碗老火湯補一補先|松茸 菇中皇牌 因為佢生長速度慢 人手培植困難 具有獨特的濃郁香味所以好多人都話佢係松露之後 最珍既菌類之一 成碗湯都有成十粒松茸係到 香味極強 而且加埋雞去燉制 極度鮮甜濃郁 飲完個人都即時熱晒!!!酸辣雲耳(小辣) $48根據待應所講 佢地既辣係無因為係香港開舖而減少一直維持返湘川本土既辣度 所以我地開頭叫正常辣 佢都好好心咁諫言我地最後要左 "小辣"  又好好采 係小辣 因為真係夠辣 岩岩好 如果再辣多少少我諗真係會噴火!!! 雲耳好爽口而且用上既係鮮耳而唔係乾雲耳加工 爽度

去西環上堂，人生路不熟，熟附近的朋友帶我去左一間食湘菜的小店。門面比較窄，睇黎係老街坊的食店。但入到去原來樓上有雅座，都幾乾淨舒服。朋友介紹食水煮魚，睇圖就好吸引了。而我見到店主推介豬肘，亦提議一試。兩款主菜，點多一個湯、一個菜，剛好。蟲草花燉雞頗足料，火候都夠，入口好潤，無乜味精。一盅兩個人share都夠飲。水煮魚實物唔比圖片遜色，好大盤。用火爐保溫，夠誠意。魚肉都好多，厚切保留到魚味，可惜骨比較多，食時要小心。湯底唔算太辣，帶少少麻，好刺激。比較欣賞佢除左基本香料外，蒜香好突出，睇黎係花左一番功夫。香辣肘子王因為即制，所以都要等成40分鐘。好彩我地有其他野食食住先，最後時間剛剛好就上檯喇！實物比我想像中大好多，係原隻豬肘，店員仲即席幫我地切添。豬肘好多肉，肉質好嫩滑，燜得好入味。而且豬肘的膠原部分好多，好滑好香。最後黎一碟油麥菜，清一清腸胃同味蕾。整體而言，食物是大件夾抵食的，堆單四百多，始終是街坊小店吧！

本小姐未食過湘菜, 不過屋企人想食, 於是長途跋涉黎左西營盤呢邊食, 聽聞都幾出名餐廳D侍應多數都係內地人, 裝修就好似去左內地小店咁, 因為成間舖設計得好"紅", 用既木都係內地常用材料好多辣野, 連前菜都係辣! 海帶同花生都係微辣! 花生應該炸過, 有少少油, 但超爽脆, 好似食薯片果種感覺而海帶都幾多, 因為辣辣地, 食完好開胃!乾扁四季豆 都算係名菜, 超級多辣椒籽! 雖然唔好辣, 但就好刺激, 每啖都好爽脆, 好好食麻辣豬肘 有優惠, 所以特別叫左, 估唔到同紅燒元蹄一樣咁大隻, 我地成家人都食唔晒一隻呀! 超厚豬皮同稔稔既肉, 食落都唔算油, 我地食個不停呀!

在西環的香港大學下方...有一間正宗湖南菜, 叫做湘聚小廚, 裡面的菜色有點像川菜, 但沒那麼辣, 沒那麼油, 也有些不辣的菜色紫菜蛋花湯除了是台灣人很喜歡的, 還是湖南菜! 超大碗的蛋花湯還再加上很多紫菜, 喝起來很清, 又有不少蔥頭吊味, 別小看他, 也可以是喝湯喝到飽是不辣少量的菜色其中一款麻辣雞煲有好大量的辣椒呀! 不過辣度比想像中低, 反而很麻, 舌頭麻麻的, 有點麻痺卻又很刺激, 雞肉件件都很大舊! 少少辣, 反而多滋味

前排天氣又熱又凍又潮濕，一身都覺得唔舒服。諗兩諗，決定同個Brother去屋企附近食番餐辣，驅一驅寒氣！呢間野有兩層高，大部份員工都係內地人，好似特別有種去左四川既感覺。一開始就叫左個小食送啤酒。冰凍既豬尾，味道係小辣，係落爽口又QQ既口感都幾特別。豬尾有好多膠質，但係唔會食到痴哂牙咁，幾好味。小小辣，岩哂我地愛辣又怕辣的人充滿咸香既炒粉絲煲非常惹味。味道都係少少辣，但係咸香味十足，用黎中和其他食物的辣味岩岩好。粉絲炒得夠乾身，食落爽口，好味道一路食一路煲住乾炒田雞煲，真係愈黎愈辣，十分過癮！田雞份量都幾多下，肉質上台時岩岩好，但食得耐左之後就有少少硬身，大家食既時間take time 啦！我地選左少辣，但都食到出哂汗~好過癮。大家自己去決定食幾辣時小心D呀，量力而為

We tried Jiang's again after a disappointing experience a couple of years ago when it opened. The selection looks great, and the flavours are very Hunan without being too salty; but the quality of the ingredients seems very poor. Over half of the clams in our dish were unfresh and didn't open, and the potatoes were a cheap and tasteless variety (when a variety more similar to the Hunan original is absolutely available in Hong Kong)At first we assumed that they were just using cheap ingredients t

喜歡食香香辣辣既朋友一定要黎試下呢間係港鐵大學站附近既湘聚小廚，我叫既餸全部都大大碟夠哂足料！椒鹽雞軟骨，每粒都夠哂爽脆但又唔會感覺好油~碟內既辣椒多得挎張~但唔好比嚇親！唔會食到噴光的~~味道剛好帶惹味！！招牌菜絕式雙魚，2大個魚頭~份量巨型！有2款唔同既辣椒，一種是黃色另一種是紅色。黃色辣椒更香辣，椒內既籽麻麻香香咁！！幾正~魚頭骨膠源豐富又夠滑~而個魚汁送飯正到脾！！蜆蒸蛋~看似平平無奇！但蛋香濃郁，加埋有好多隻大蜆係入面，蜆既鮮味滲入蛋內！個雞又夠哂滑~~真係必叫呀！！

經朋友推薦下前來湘聚小廚用膳，湘聚小廚的舖位距離香港大學站只有2-3分鐘的距離，十分方便和就腳。店內的座位不算多，每張枱之間也有一定的距離，坐著舒適，很適合與朋友聊天。前菜2款，左邊的是涼拌海帶絲，十分爽口；右邊的是炒豆，口感很脆。湘聚小廚的餸菜選擇很多，教人眼花撩亂。店員姨姨知道我們有選擇困難，便主動向我們推薦幾款招牌菜我們最後點了秘製豬尾（$68）、孜然串骨（$118）、絕色雙魚（$138）和冰鎮蓮藕（$48）。秘骨豬尾是泡在冰、辣椒和辣椒油裡，帶有少許酸辣，肉則帶點黏黏的感覺，也是很開胃的一道菜，忍不住一直狂吃豬尾的口感有點像豬手，不知道會否含有豐富的骨膠原孜然串骨醃得很入味，光吃豬串骨就覺得肉質有點乾，但還是很美味。豬串骨連辣椒一起吃，十分香辣惹味很細心的店員姨姨還提醒我們記得要襯熱吃魚，魚肉放涼便不好吃了絕色雙魚的份量很多，魚頭表面灑上紅椒和黃椒兩種辣椒。個人偏好吃黃辣椒，酸酸辣辣，刺激味蕾。將蒸魚的醬汁淋在魚頭上，拌飯吃一流冰鎮蓮藕是四道菜中最辣的，蓮藕的口感很像喬頭，表面滑潺潺，第一口吃酸味，辣味隨之而來因為在蓮藕的小孔中裝載著涼拌汁，愈吃愈來，令人食指大動總括而言，湘聚

地鐵港島綫延伸去到堅離地城後，我地都多左機會周圍搵野食，今次同朋友黎左港大地鐵附近既餐廳食湘菜，講到食，我地真係好勤力架餐廳其實都算近地鐵站，一出地面已見大大個指示牌話喺惠康附近，跟著指引好容易就搵到佢喇好傳統既門口，大大個紅燈籠，好有中國特色餐廳坐位寬敞，坐得巧舒服前菜係爽口海帶同好香脆既豆豆餐廳有兩款燉湯，我同朋友揀左呢款松茸燉雞，補補佢雖然係雞湯，但一尐都唔油膩，好香既湯，兩人share 一碗再食其他野就岩岩好第一味辣野，揀左手絲雞，小辣。但我覺得個雞乾左尐，可能炒耐左。串串蝦，呢個自己好喜歡，米見佢咁多辣椒喺面就好辣咁，實情係只是微辣，蝦殼薄脆，蝦身大大隻兼肉爽，殻連肉一齊食，好惹味食完辣野點可以唔食菜balance 一下呢？大大碟清炒萵筍，好清甜好滿足！順帶一提既係，餐廳個阿姐好nice，笑笑口，好有街坊屋企feel

6點半上完堂突然想食辣，openrice發現HKU附近有間湘菜，就叫埋朋友一齊黎試下。我地首先order左松茸燉雞湯，呢個湯好足料，有好多松茸同瘦肉，我同朋友都好鐘意!水煮牛肉: 望落好似好辣，但小辣辣度啱啱好，唔會蓋過肉嘅鮮味。入面有好多牛肉同芽菜，非常惹味。湘聚炒飯王:雖然配料唔多，但味道好濃，啱晒重口味嘅朋友，配埋水煮牛肉都幾夾!拍蒜粉絲蒸娃娃菜粉絲份量好多，而且比平時食嗰D粗，口感幾特別。娃娃菜索晒D汁，但就油左小小。Overall都唔錯，HKU學生仲有優惠，有機會會再來食過。

收工之後約左朋友去做 gym，運動前首先梗係去醫飽個肚先 朋友介紹佢屋企附近有間幾好食既餐廳 話係食湖南菜 去到睇餐廳外觀都幾有特色 門面都幾靚 咁就入去坐底左 未叫野食侍應已經上定小食同茶比我地 感覺都幾好 好似去左茶樓飲茶咁而且依度有得飲加多寶(王老吉) 即刻嗌返罐黎飲先! 打門菜單頭果幾頁都係魚 全部睇落都好似好正 花多眼亂 朋友叫我發板 咁我就嗌左個口水雞 豆角茄子 同蒸水蛋 口水雞半隻 湖南菜都係以辣為主 依個口水雞上面滿滿既芝麻食落去好香 而 d 雞肉都幾鮮嫩 辣得過癮 朋友果然無介紹錯 豆角炒茄子都係以辣為主 成碟菜都好夠鑊氣 青椒同紅椒絶無手軟 感覺都幾出色 味道食起上黎都幾好 最後就係蒸水蛋 水蛋都係咁煮好難會難食 味道都唔錯 無乜驚喜 簡單既一餐餸菜 整理黎講都算幾好 6,70 蚊一個餸 價位都唔算貴 下次可以再黎幫趁

沒有到訪過西營盤, 就不知道原來開了間川菜館, 店主很有心, 雖然川菜大多都很辣, 但店主特意減低辣度, 亦加入不少不辣菜色十分適合一家大小來吃見到牆上的折扣, 馬上就點了一隻香辣肘子王, $168到底會有多小隻?答案是很大一隻! 等於我2個拳頭的大小的豬肘, 超多的辣椒仔, 阿姐還特意幫我們切成一塊塊豬皮很厚一大塊, 吃起來沒有肥膩感, 骨膠原極重, 肉已經被燜得非常稔, 味道絲毫不輸紅燒元蹄! 但價錢就實惠很多, 只需要168而已皇朝粉絲煲味道非常濃, 蒜香加上炒過的口感, 乾身得來味道很集中, 有少少蟹粉味, 只看樣子份量不多, 但吃起來卻怎吃也吃不完!

港大朋友說，校園附近有一間吃湘菜的辣得很過癮，誰知道我這個中大人以前經已來過一次，我就知道他在說湘聚小廚。畢竟是第二次來光顧，心裡已經有概念該點什麼款式的菜：來一碟肉、一碟海鮮、一碟青菜、除了青菜都要小辣，另加兩碗白飯。你看，已經吩咐了小辣，農家小炒肉裡還是有很多很多青紅辣椒呢，真不能想像在湖南土生土長的人有多能吃辣。肉片非常夠鑊氣，普通居家廚房裡頭應該不能炒出這樣的火候。肉質頗有嚼勁的，配以麻香刺激味蕾的味道，這可說是非常好的佐酒小菜。但駕車不能喝，只能喝加多寶解辣。至於豆豉炒蜆，調味當然不止豆豉啦。蜆肉雖然不大，但其調味辣得好過癮，我與朋友就連蜆殼都不放過，夾起來吮那些豆豉辣汁，一邊吮一邊流汗。今天吃辣的 quota 用盡了，油麥菜只用蒜蓉炒，不用放辣了。炒青菜來說，配蒜蓉往往最能讓不愛吃青菜的人都會吃，貪口香吧。我愛油麥菜莖部爽口而葉的部分嫩口，兩者兼得。結帳時才發現，原來身後有兩枱紅鬚綠眼，年輕的外國人也來用膳，看來是港大那邊的學生慕名來吃嘗辣呢。