湊湊甄選 (K11 Musea)

營業中

休息中

本身今早想去食湊湊火鍋,但員工態度非常惡劣,冇講實要等幾耐先有位，但眼見仲有好多吉枱，所以應該預留返吉枱比walk in 客人,或者整返部票機 ，俾返所屬嘅客人,搞到宜家心情冇曬

自 K11 Musea 餐廳疫症爆發後,今天再來shopping,呢間叫湊湊出面有飲品外賣,叫咗杯珍珠奶绿,好飲喎不太甜,奶+綠茶剛剛好,珍珠大小軟硬適中,值得推介再睇餐廳係台式火鍋店,暗暗燈光環境看似不錯, shopping完試下晚餐先.店內全以卡位間隔,座位寬闊燈光柔和很休閑的感覺.點左個海鮮拼盘及一個什菜,湯底就酸菜鱼+紅顏花膠雞煱,餐廳送上鴨血及鹵水豆腐作餐前冷盤,味道不錯,火鍋醬料區有d鮮魚皮好食酸菜魚餐廳用一舊舊魚柳不是魚片,而個花膠雞煱係好濃既湯羹,花膠係魚肚,雞肉粒無雞味口感好似魚肚羹咁用魚肚充當花膠,侍應係等你飲完湯後再加湯既.之後仲精彩,海鮮拼盤用個三層高既盤用乾冰出哂煙係幾好睇既,底層有肥牛加硯,但係D肥牛真係想用廿個粗口來形容,好鞋🥾成世人未食過呢d肥牛,跟住仲有幾舊好厚既三文魚,用三文魚打邊爐我真係少見識其他海鮮ok既,最後有張图剩番三文魚同肥牛,真係食唔到,最後盛惠$1200😱而家食火鍋真係低處未見低😒食野一般會用好食/唔好食來形容,今次直頭感到受騙涉及虚假商品說明的.

以前喺國內幫襯過已經念念不忘！而家香港終於都有啦！今日就幫襯左喺維港文化滙Dockyard Musea 嘅一間分店！店內個裝修當然令人好有放鬆好似渡假嘅感覺！我哋因為平日早食午餐有八五折之餘仲可以坐窗邊好開心！食物嘅質素都係非常之好除咗我哋叫嘅牛肉都係比較屬於最平價，所以就比較遜色！值得推介係我哋叫嘅花膠雞湯底，淨係本身個湯我哋兩個人真係點飲都飲唔晒！足料之餘，係非常之充滿骨膠原！玫瑰花嘅豬頸肉都係值得推介！如果兩個人食就真係唔係食到好多嘢，所以建議要一大班人⋯⋯四個最起碼八個就最好啦！棒棒糖型蝦膠同魚膠靚就靚啦但係我覺得有少少腥！皇帝菜新鮮好味！送嘅沙冰好好飲益力多味！另外我哋叫一杯大嘅大紅袍珍珠奶茶可以分做兩杯細，但係其實一啲都唔細，好抵飲！最後飯後甜品送嘅梅子茶凍200分！

期待已久嘅一間火鍋店🍲聽講K11 Musea依間分店係最新最靚首先，打邊爐又點少得個湯底呢，最緊要係鴛鴦湯底白色個邊係：胡椒豬肚雞鍋🍲評分： 9/10呢個湯底超級好飲，非常之鮮甜又有濃濃嘅牛奶香，喺嘢食未到之前一定一定要飲返兩碗先，十分之推介。唯一扣咗少少分嘅係，當飲到咁上下需要加湯，雖然佢加既湯都係胡椒豬肚湯但冇一開始咁香濃。紅色個邊就唔需要特別介紹梗係麻辣湯底啦🍲評分：8/10麻辣湯底就正常發揮，但係最出色嘅係佢入邊啲鴨血同豆腐係可以無限添加，仲十分好食呀👍🏻👍🏻等嘢食之前，大家可以出去出邊嘅自助枱拎任食既前菜涼拌小食同生果。 仲有好多調味材料同醬汁比大家選擇（一時三刻太興奮唔記得影相🙈）好食到影得好少野食相🙈 特別想一提嘅就係呢個飛魚子墨魚滑 好出色 值得推介😋大家都知道打完邊爐之後一定會好口渴，好濟架啦，食到差唔多尾聲嘅時候，服務員會拎杯沙冰同埋呢個梅子果凍俾我地，清甜甘香，飲完食完之後都冇咁頸渴。好多人都話K11 Musea分店特別靚，入到去真係有哇一聲既感覺😍四人共消費：$893人均消費：$224Atmosphere: ★★★★★Food: ★★★★☆Price: ★★★★

本身從OPENRICE訂左座，雖然遲左少少，好彩張枱仲係度。入座店員都好有禮貌，而且地方都坐得好舒服。首先我地叫左個鴛鴦湯底（紅顏花膠雞湯＆胡椒豬肚湯）紅顏花膠雞湯－湯底比較濃稠，應該係因為骨膠原，所以絕對要飲左碗先開始打邊爐胡椒豬肚湯－煮成奶白色，胡椒味好出，但係唔會好辣，飲完個人都會暖哂（我地一坐底就飲左好多，麻煩到店員姐姐成日幫我地加湯）另外其實仲叫左好多野食（不過無影哂相）牛其實都算新鮮既～個豆苗十分有趣，可以自己剪落黎店員姐姐們都十分勤力，尤其是係台灣店員姐姐好多次都會自動幫我地較火、又提議可以幫我地剪豆苗、又幫我地整好d蝦滑。整體而言環境坐得十分舒服，加上場內環境都好靚，好岩打卡。下次有機會都會再黎，仲希其他湯底好想試下！

朋友說很久沒有出來一齊食火鍋，他揀選了K11 Musea 內的一間台灣式火鍋湊溱火鍋，茶憩。朋友說在荃灣分店食過非常之好食。去到滿外滿多人在等候，慶幸在網上已訂了位，餐廳門外有一間台式飲品店，人內裝潢非常豪華中國宮廷風好吸引人，每張座位有間隔，好有私人空間。揀了台式麻辣火鍋湯底，上枱滿江紅，試一口湯底不夠麻辣，沒有什麼特別之處但還算可以；唯一可口是豬紅Q彈滿好食。整體來說裝橫豪華，食物走高尚格調選擇不多又不夠多元化。服務方面真的極之沒有禮貌。食一次已足夠；不想多介紹；不會去再第二次。

疫情之前聽聞湊湊火鍋要排兩小時以上。預訂電話都好難打到。旺角同尖沙咀都有分店，不過Tsim Sha Tsui K11 musea shopping mall 店內裝修好有空間感，私隱度高啲。週末和平日六點前買單全單八五折。喜歡火鍋店送嘅食物飲品實在太多，服務態度好好，感覺好賓至如歸。胡椒豬肚雞鍋極之足料，差不多半隻生雞另上，豬肚係厚切。啖啖濃湯一口氣飲咗兩碗。雖然魚類係雪藏，本來冇乜期望，但係原來配上湯底都都食到魚嘅香同冇雪味。

如題。座落K11 musea，環境滿分💯，座位闊落，氣氛極好，服務貼心，得閒又送下呢樣送下嗰樣（個酸奶沙冰🧊係幾正解膩），嘗試彌補食材嘅不足🤐湯底係唯一做得比較有心機，冇咩值得挑剔👍🏻🐔食妝鍋-紅顏花膠雞$138，非常足料有唔少花膠鮑魚，湯底味道同口感都濃郁，飲左兩碗先再加湯煮火鍋🌶️勵志鍋-台式麻辣鍋$138，迎合香港人口味，香得黎又唔係好辣，食食下覺得呢個湯好味過食妝鍋巨伏系列🤢：🥩特選級牛小排$198🥩唔掂😇。呢個價錢呢個質素呢個份量連百佳肥牛都不如🤑。🍤丸類拼盤$98 認真有啲hea🤦‍♂️，$98九粒超市貨，牛丸、蝦丸、同魚蛋（？）冇味到食唔出正正常常但都唔係抵系列💰：炸響鈴$58、烏冬$38、娃娃菜$38唯一可以叫系列：飛魚籽墨魚滑$68 今餐每人盛惠$4⃣️4⃣️6⃣️，食左環境同飲左湯

同朋友兩個人打台式火鍋，呢度有午市套餐，$598，餐牌有六至七個湯底揀，我們揀了花膠雞湯底及酸辣魚湯底。唔知可笑定可悲，明明叫個花膠湯底，食嚟食去都覺得係豬皮，搵唔到一舊花膠，反而見到有兩隻鮑魚仔。味道OK，但係打邊爐不及酸菜魚好味。酸菜魚個湯底包左唔少餸喺入邊，例如魚片芽菜酸菜，但是魚片像是雪藏魚，較厚身不夠滑。二人餐，包括一份牛肉，另選三揀一的肉（如：羊肉豬肉或者牛肉），鮑魚兩隻，冬菇墨魚滑，三選一款菜。我們另外加了響鈴，及鵝腸。未上菜之前，餐廳送了免費添食的鴨血及炸荔枝蝦球。推介炸荔枝蝦球，很好味，熱辣辣，蝦滑很彈牙，配上脆脆的表皮！自選兩款牛（牛脊肉及牛展）好大份，兩款肉都很好味，也是淋淋的，滿有牛味，推介鮑魚細細隻，是新鮮的！個人很喜歡這個墨魚香菇滑🤓足料新鮮，推介自選項目：響鈴不過不失，是新鮮炸起，不過不算很大驚喜。不過要讚一讚鵝腸，好少餐廳可以食新鮮鵝腸，彈牙鮮甜！最後附加了一杯大紅袍珍珠奶茶，個人很喜歡茶底很香很好味珍珠亦很彈牙，還有餐廳附送了茶味梅子果凍，淡淡的茶味吃下去感覺很清新。小總結：餐廳環境設計時尚寬躺，好適合一班朋友食。午餐時段有特價優惠，大家吃得飽飽的也是

天氣突然轉冷，今早九度🥶，午餐吃火鍋真是好選擇餐廳在六樓，入座前出去天台感受下，愈凍胃口愈好吧‼️這間裝修好靚呀～～好受歡迎，差不多滿坐‼️服務也很好，很仔細說明及介紹台灣火鍋就是湯底重要，選一個簡單的番茄🍅牛膝湯，好多番茄🍅，三大塊牛膝，如果可以剩飲湯吃湯渣，都已經飽飽巴沙魚真心很好味，不要少看兩個小籃子，份量不少㗎‼️我們只吃了一份，帶走一份牛上腦，有牛味又冧身，豚肉不是太肥，脂肪一滾就溶掉，所以個湯最後是最肥的～～墨魚仔🦑好爽口，細細隻好易食，荔枝蝦丸好彈牙每桌都送鴨血豆腐，可以添加，更可以帶一兩份走，但不是我杯茶，吃完一份便算了🙏🏻飲品當然選大紅袍珍珠奶茶🧋，選了熱的一壺，但是笨啦‼️一陣就凍晒，應該要個蠟燭熱着，但火鍋飲這個不太配，應飲酸酸甜甜的～～～甜品送酸梅果凍

我作為火鍋控 真係一年四季都唔介意打邊爐 特別係依家天氣咁凍 如果可以食麻辣火鍋就更好喇😂 湊湊火鍋係來自台灣嘅品牌 裝修有格調而且間格分明 每枱都有屬於自己嘅空間 私隱度高👍🏻 店員非常細心逐一介紹餐廳嘅各個角落 就連個menu都整到成本雜誌咁 完全感受到滿滿嘅誠意🥰 .湯底同火鍋配料選擇多 台式麻辣鍋味道恰到好處 食落惹味得嚟又唔會辣到噴火 超正🤩!! 反而紅顔花膠雞鍋就有啲比下去 味道欠缺雞味 口感係稠糊的湯羹感覺 好難避免有痴底嘅程況😕 火鍋配料方面 跟餐嘅兩份牛肉都有清晰雪花口感軟嫩 鮑魚新鮮有咬口 墨魚滑亦非常爽口 我額外叫咗份貢丸咬落仲好juicy😋 飲品方面除咗啲特色茶飲 仲有冰凍台灣啤酒添呀🤪

午膳邊爐，侍應表示限時兩小時，有足夠時間~🔸環境: 高檔、暗黑藝術風，環境偏暗，唔太啱我~但整體舒服~ 鴛鴦鍋底: 台式麻辣+花膠雞🔸台式麻辣-對我來說唔夠辣，豆腐同鴨血免費任添，鴨血有陣藥材味，口感可以更好，覺得唔夠咬口～🔸花膠雞-雞湯味濃，但好杰身，口感超似芡汁，扣分~ 待應會提醒先試飲湯底，再加上湯打邊爐~ 內有香菇、小鮑魚、雞肉粒同花膠，花膠似豬皮，質素同檔次有少少差距~🔸花膠湯味道比麻辣好，但湯底較預期普通，有少少失望~蟶子-好鮮味，但處理清洗可以更細心毛肚-新鮮、唔韌伊比利亞黑豚肉-配麻辣，出色🔸萵筍-切成條狀，還是薄片比較好吃魚子墨魚滑-魚子太多，唔太食到墨魚滑🔸大紅袍珍珠奶茶，茶香多奶，唔會過甜 ，合格打邊爐嘅中段會送上沙冰，第一口有少少似酒，食落酸味味，好醒胃 尾段送上梅子茶凍，超級濃茶味，清新口腔值得一讃，所有菜同菇菌都超新鮮~一試難忘~ 午市有85折~

出去行街，可以唔食野，但唔飲嘢我就唔得啦🤣如果又有嘢飲，又有位坐嘅話，咁就最Perfect了今次超值得推介嘅係湊湊火鍋·茶憩仲要係K11尖沙咀分店👍👍👍除咗景靚之外，個味道仲相當唔錯，價錢中超抵👏👏👏咁大杯嘅珍珠奶茶🧋，都只係$27仲要喺尖沙咀K11，有靚景又有位坐，真係正到冇朋友。咁嘅地段咁嘅價錢，可能大家都會懷疑佢嘅質量。我可以大膽咁同大家講，呢一杯珍珠奶茶係我人生飲過最好味嘅一杯。我真係冇收錢，冇作大㗎。大大杯之餘，入口香濃純滑，粒粒珍珠仲好彈牙添🥰大家唔信嘅話，可以去試吓㗎，就算呃你都係$27唔知係咪疫情關係做咗成粒鐘都係得我同我朋友兩個人臨走之前仲有驚喜驚喜就係－送我們每人一份「用心鴨血」真係估佢唔到我都係第一次飲呢個奶茶🧋居然飲奶茶有鴨血送😂碗鴨血都好大碗吓㗎味道都唔錯，只不過有啲辣🤣🤣🤣由於疫情關係，佢哋依家仲推出左外賣🥡下次要試吓佢哋嘅少少辣湊湊鍋先😊

Friday night 雖然冇堂食，唯有行個圈、買杯嘢飲先返屋企啦 😌踱下踱下，原來K11 Musea除咗「Kiki Tea」，6樓有另一間台式飲品——「Tea Mi Tea」，呢個brand少啲見 🤔 行近再望真啲，原來係「湊湊火鍋 · 茶憩」嘅外賣飲品店 😮除咗珍珠奶茶，仲有茶拿鐵、奶味茶、醇品裸茶、冬瓜、香梅、果味茶系列，價錢由 $27-$35 不等，配料只有珍珠可以揀，加一份 $4。=========================招牌大紅袍珍珠奶茶 $33一入口，茶底清香、帶甘香，茶味出冇苦澀，亦冇被奶味蓋過，相信「拿鐵系列」用上鮮奶會更醇香；珍珠Q彈煙韌，晶瑩剔透 ，size偏細嗰種。茶底值得一讚，同奶比例配合恰當，入口醇厚；市面上有不少走甜後，茶味奶味全無 🙊 而且珍珠本身非常微甜，啱哂怕甜嘅我 👌🏼😌 以台式餐廳嘅珍珠奶茶而言，「湊湊火鍋 · 茶憩」同「翰林茶館」嘅「珍奶」叮噹馬頭，都係茶味香濃，可算云云珍奶海中突圍而出。好「茶濃」珍奶嘅朋友，值得一試！=========================湊湊火鍋‧茶憩 (尖沙咀)📍 尖沙咀梳士巴利道18號Victori

之前都食過其他分店嘅湊湊火鍋 今日天氣涼左好多 男朋友話要打邊爐暖下身 就去左K11 musea分店嘅湊湊火鍋一去到 就被個裝潢設計吸引左 可能呢間分店坐落係K11 musea 入邊 連啲裝修擺設等等都特別有藝術感 而且樓底好高 再配襯埋聖誕節嘅佈置 🎄 成個氛圍都令人感覺好舒服全體店員都超有禮貌 好殷勤好貼心 又周不時幫我地調整火鍋嘅溫度 幫我哋加湯（按照你點嘅湯底加架！） 幫我地落墨魚滑 服務態度專業 好有台式火鍋嘅體會👍🏻食物質素非常高 有任食兼可外帶嘅麻辣鴨血同豆腐 即使我哋叫嘅係楜椒豬肚雞湯底🍲都有得任叫而且分開上 唔會污染我地煲湯 我地個湯底真係揀得好啱 飲得又打得 好香奶油味 啖啖楜椒最適合呢個天氣飲 湯底嘅雞肉好嫩滑 絕不鞋口飛魚籽墨魚滑🦑煮熟左都仲食到粒粒魚籽牛筋丸🍢超Juicy 啲汁好重牛肉味蔬菜🥬拼盤好新鮮 顏色繽紛牛腱肉🥩 兩個人已經食到好飽好飽 真係眼闊頭窄呀另點左兩杯大紅袍珍珠奶茶 茶味香濃 珍珠好煙韌 不過真係愈食愈飽 其實可以2個人share一杯 再歎埋佢個湯底同烏龍茶中途休息有乳酸沙冰🍧最後甜品有梅茶茶凍 食得膩都有得解解油🥰⚠️ 早啲去唔使等位 我七點