港口味冰室 (已結業)

今日放工同男朋友係深水埗長沙環附近食午餐加下午茶，見這間冰室幾乾淨又幾多客人就入去食。環境以白色為主及黑色小小掛燈設計，光猛舒適乾淨，以港人的主角、特色為主題，如：李小龍、電車等圖畫，好搶眼大概有10幾張枱子服務生都有3-4位，都幾好客，見有同客人吹下水，主動快手，外賣時對待客人都好好態度喔餐具、調味每張枱都有，方便客人！食物飲品港式的全有供應，選擇豐富！我們咁肚餓，就點了每人一個飯加飲品跟餐熱飲加$6;凍飲加$9熱杏霜：今日好想飲，無令人失望！香滑濃杏仁味，無粒粒未溶的粉粒，夠熱又唔會太甜，好滿意男朋友必飲：凍檸茶走甜：都幾大杯，好多片檸檬喔 🍋🍋🍋涼瓜煎蛋角飯：剛病好，食清清地，來一個排毒涼瓜煎蛋飯！好大好香的蛋角，煎得剛剛好、色澤一流涼瓜好多片，每片厚薄差不多，好甘又清爽，好喜歡喔飯軟硬剛中，份量好多！男朋友喜歡野味，就選了這個推薦的始祖椒鹽豬扒炒底飯！份量又係好多，豬扒有5-6塊，好軟腍有肉汁唔乾，配上微辣香脆椒鹽粒粒，好夾又可口炒底飯：好夠熱又香口，粒粒炒得乾身又有顏色又有蛋絲，好野味好好食，重點推薦這個

好日都唔會黎長沙灣架，老公放工有啲野做要過黎，所以就喺呢度搵野食。好想食啲茶餐廳港式小菜，所以就試下呢間都幾多好評嘅港口味。我地叫咗個二人餐，有得揀魚或者海南雞，一個是日晚餐同一碟上湯浸時蔬。我地就叫咗海南雞。海南雞係起咗骨架，啲肉都算嫩滑，仲配以甜豉油！海南雞有好香油味，街坊質素黎講，佢係做得唔錯架。然後晚餐叫左個茄子牛仔骨，茄子好淋，味道剛好，但係牛仔骨就淋得滯，如過靭番少少平衡番就好。以一個晚餐份量，佢真係好夠多！仲有就係上湯浸時蔬。佢一上枱時，我地以為佢黎錯架！因為成碟好有誠意，以為係雜菜煲，仲有啲菇喺上面，份量又夠。係好驚喜。最後，老公仲咗杯凍朱古力，走薄荷。呢度幾好，仲以為佢會唔肯走薄荷。上面仲有一層忌廉，不過略嫌朱古力底唔夠濃。以街坊茶餐廳黎講，呢度真係唔錯。

今日放假, 約呀媽下午茶, 今次唔飲中茶飲西茶!之前係附近飲完中茶成日都經過港口味, 次次經過都想試下, 今次終於有機會喇!下午茶3點3既時間, 店內得兩枱客。我叫左傳統干炒牛肉河粉+熱檸茶牛河炒得幾好, 色水夠, 味道剛好, 唔會好油。至於檸茶, 屬中等吧, 檸檬新鮮既, 但茶味不夠!呀媽就叫左個香煎豬扒米粉+熱檸水豬扒都算大塊, 是薄薄的那種, 豬扒同米粉味道正常, 不算突出~總括黎講, 講口味的話的確是有點舊港式茶檔的影子, 價錢亦都相宜~下次經過會想食埋佢個好似幾正既榛子西多士!!

港口味位於長沙灣元州街，今日去完明愛醫院探人，落到黎，見餐廳仍然在營業，諗都無諗就入左去醫肚。餐廳地方唔算好大， 係一般港式茶餐廳嘅格局。不過餐廳嘅裝修 對比起舊區嚟講 都幾摩登， 以黑色同白色黎做主調，都幾 別出心裁。今日首先叫咗個三人餐，三人餐先黎的係餐湯菜乾煲豬展湯，okay, 不太差。半隻海南雞， 肉都算幾滑， 配濃豉油及泰式辣醬， 唯一美中不足的係啲肉中間冇咩啫喱。小炒王即炒小食，我哋揀咗小炒王小炒王有啲蝦乾有啲腰果有啲魚肉另外仲有 韭菜花， 茶餐廳嚟講呢道菜的配料都幾多。咕嚕魚肉另外又可以揀是日晚餐其中一款， 我哋揀咗咕嚕魚肉， 魚肉都算大舊，又唔算太厚， 酸酸甜甜。跟餐可以配白飯或者油飯（＋5元）, 配海南雞一齊食。跟餐還有一碟蒜蓉炒菜, 幾大碟的。另外仲可以加配飲品可以揀呢度出名嘅樽仔凍奶茶，超濃味。另外我哋又叫咗條魚， 係盲曹呢， 即叫即蒸，78蚊都算抵食。最後我地仲叫左呢到出名的椒鹽豬扒飯，份量大碗，仲要非常有誠意的炒過底黎， 非常不錯。

今日與同事到長沙灣元州街的港口味冰室食晚飯。餐廳都十分多菜式，有我最愛的海南文昌雞飯，涼瓜豆卜青衣柳煲，美極香煎牛仔骨，及蒸魚套餐，還有爆餡榛子流心西多🥪,日式照燒雞翼撈公仔麵配黑鬆露炒蛋及多士及金牌焗豬扒飯...等。我們今晚要了2個餐，招牌海南雞半隻，涼瓜豆卜青衣柳煲，飲品要了紅豆冰，凍檸蜜。例湯。先上的是例湯，見到裡面有青紅蘿蔔等，令湯底比較清甜。招牌海南雞半隻$98。套餐加6元。見到海南雞金金黃黃的皮已經令人垂涎，海南雞入口比較嫩滑，㸃少少跟配的酸甜帶微辣的醬汁，很是惹味。涼瓜豆卜青衣柳煲$65，套餐加6元青衣柳煲裏面有豆卜，涼瓜，豆豉，雞髀菇及冬菇等，非常惹味。青依柳外表的粉薄薄的炸過，青依柳肉質鮮嫩，食落感覺到青依柳魚肉有彈性的新鮮感，魚肉鮮甜。紅豆冰$12。裡面真是有很多紅豆，令每口的紅豆冰都有軟綿的紅豆，有口感之余又清甜。同事則要了個凍檸蜜$9。同事謂酸酸甜甜非常好味。感覺真是有驚喜，原來這間港口味冰室不但價錢平民，也可以做到泰式餐廳及中式的特色菜，而且迎合香港人的口味，調味及材料質素十分好，連平時比較挑剔的同事都讚呢。

放工去左長沙灣搵食~~~見到呢間冰室勁多人。小編決定同友人食呢間港口味冰室！！小編見到有樽仔奶茶同奶茶紅豆冰，更係吾會放過，小編致愛。茶味非常之濃又吾會太甜。第一次飲紅豆冰加奶茶，估吾到2者係咁夾，非常好飲！！！海南雞飯......小編去到邊見到有一定會叫黎食！！呢間既海南雞飯真係非常非常好食，先講隻雞，肉質不會老，剛剛好而且雞皮係做到爽口非常個油飯更加不得了，不油膩而且有椰子香呢個椒鹽豬排飯又係好好味，首先係炒飯底，炒得不錯夠乾身，老闆話呢碟飯一滴豉油都冇落，做法係舊式方式功夫多，豬排味道都好正！呢碟炒芥蘭，D蝦乾超大隻，味道又不會過鹹而且好大碟！呢碟大澳鹹魚煎肉餅，味道剛剛好，而且煎得好脆身。佢肥瘦肉用既比例岩岩好，不會太膩！

港式茶餐廳就算平想去旅行也會想找一間來吃在香港要找一間港式的茶餐廳真的很方便所以我這次來到經過長沙灣的港口味冰室就來試一下吧茶餐廳最好的地方就是什麼種類的食物都有先上的是燉湯燉湯只要加27元 十分便宜燉湯所有精華都在小小的燉鍋中營養滿滿的叻沙龍皇雜菜煲大量的蔬菜加上了看起來不是很濃郁很水但是吃起來很濃的叻湯沙土魷鹹蛋蒸肉餅到了大部份人最愛的飲餅這裡的肉飾不會攪得太碎而變得沒有些口感加上了鹹蛋的鮮味配上白飯是一流的搭配

港口味點講都無香港口味咯今天約了老豆老媽子食午餐，本來老豆食過皇冠話再去，但openrice食評吾得，就是搵左港口味。去到門口，睇到門面同裡面裝修，雖然不是老鋪，真都系比較舊色，旁邊兩排卡位。算啦既然openrice話好，門口有個午餐客家梅菜炒飯又幾特別，就入去啦！叫了一個午餐加兩個炒野，大概等左5分鐘就來曬。因為大家share，要求三個碗，雖然好忙，佢地都好快好有禮貌咁拿來。客家梅菜肉松炒飯(午餐HKD 44)～來的時候已經吾多熱，就是特別食梅菜都一D味都無，肉碎得好小，炒飯無味同太濕，吾得。雪山焗特厚豬扒飯 (快餐HKD 50)～ 比較其他茶餐廳同快餐比較，真系細好多，來的時候也睇吾到有焗過的感覺，吾香，絕對吾系剛剛焗過的感覺，但豬扒的確好厚，有咬口，汁就吾系太重味道，其實食吾出系平時的番茄或者芝士，飯系有點炒底，但吾香。乾炒牛河（HKD48)~ 系最好的一個，每條河粉都炒到有色，味道OK，牛肉以為好少，點知越食越多，仲好大塊，有牛肉味，OK至於奶茶同咖啡都吾夠熱，吾香，非常吾得。至於價錢，以咁裝修，地理位置，性價比吾高咯。

小鮮肉老公仔知道本人妻中意食海南雞，今日就帶左我去長沙灣，話呢度d海南雞唔錯，咁本人妻為食貓上身，有得食就邊度都去食睇完餐牌叫左個最抵食嘅街坊孖寶——海南雞、是日鮮魚，小鮮肉老公知道本人妻呢幾日返工辛苦叫左個湯比我補補——抵錫😘😘同再叫多個黑松露沙拉一字骨比我，聽個名都知高級，唔知味道係點呢😍😍蟲草花燉雞腳湯 非常足料嘅燉湯，跟餐加$28就可以轉，所以已$28黎講完全係冇得輸，飲落口同起屋企自己燉幾個鐘嘅質素係一樣，所以以後要飲湯就黎呢度飲～可以慳返d煤氣費～仲要非常非常大盤是日鮮魚 茄子炆桂花 呢條魚其實我地未點餐之前，職員已經介紹話正野黎，經驗所得次次職員推介得嘅都唔會差（堂食先係喎😂）今次呢條魚真係鮮味十足，一條魚要整得好食，最重要一定係要新鮮，夠新鮮唔識整都會好好味，經本人妻食魚咁多年經驗，呢條魚最少今日都仲識游水，唔係死魚黎，加埋師傅炆到岩岩好嘅茄子，真係食到舔舔脷主角海南雞（半隻） 金黃色嘅海南雞，好似泰式海南雞會起曬骨好體貼，食落口係非常之有雞味，加埋d醬汁點黎食，一口咬落去，肥美而唔膩，真係好滿足黑松露沙拉一字骨 一碟6件嘅沙拉骨，每件都沾滿沙律醬同一大撮黑松露醬，食落

家住美孚嘅我，係一名無飯煮婦，又由於美孚食店選擇不多，我地一家經常會去長沙灣深水埗一帶開飯，發掘到不少好食又抵食嘅食店，介紹比大家，希望大家都食到好野嘛今次要介紹嘅就係尼間位於長沙灣嘅港口味冰室，簡直係我地一家人嘅飯堂，皆因尼度嘅小菜水準高之餘仲好抵食店面小小，光猛整潔，裝潢設計走懷舊路線，好有香港🇭🇰特色，坐位以卡座為主，十分舒適有不少街坊捧場客呢街坊套餐非常抵食，款式又多，我地三個人決定叫一個三人餐，只係$188，有四個餸套餐唔啱食可以選擇散叫，除左碟頭飯，㗎喱，炒粉麵飯同小食之外，仲有素食類選擇，照顧埋素食人士，非常細心涼瓜炆倉魚，魚大大條好厚肉，味道好惹味， 魚肉新鮮夠滑，涼瓜非常入味，分量亦好多，又由於另外兩位男士唔食涼瓜，我可以一個人獨佔，真係好滿足店員極力推薦黑松露沙拉一字骨，賣吸精緻，絶不馬虎，有大酒樓級數，值得一讚沙拉汁味道好好，好開胃，黑松露分量好足而且好香，同沙拉汁好夾一字骨大大件好厚肉，仲好入味，推薦金針雪耳蒸雞，熱辣辣香噴噴雞件好滑好入味，特別要讚讚豆卜吸收左汁料真係美味無窮蒜香炒什菜，多款不同種類蔬菜🥬，滿足不同人仕口味，夠鑊氣，不錯咁好餸梗係要配白飯啦凍飲

今日同同事過左黎一間遠少少既茶餐廳試野，荔枝角食 LUNCH 時間好慘 ... 番左工3年...搵間好食既好難，梗係要周圍搵野試下 !! 今日過黎到係因為上次食烏冬見到好多人等呢間，又想試下 !!黎到梗係要等位啦 !! 店鋪唔大，但見到咁多人等位都唔會差得去邊，因為佢唔係真係近商廈 !! 應該係唔錯先會有人潮 ~~ 係門口已經睇好哂想食乜 !! 見佢門口寫特餐推介，仲唔襯機會下你 ~~我點左特餐，我最愛喇沙，佢仲要係摻摻 ~~ 正呀 !! 仲有個櫻花蝦炒蛋同奶油牛角酥 !! 邪惡到呢 ~~ 黎喇 ~~ YEAH !! 個櫻花蝦蛋好特別 !! 好似滑蛋蝦仁 ~~ 哈哈 !! 勁香囉 ~~ 個蛋好滑呀 !! 個奶油牛角酥都真係大愛 ~~ 堅邪惡 ! 我冇試過可以咁食牛角酥架 ~~ 正 !!!喇沙摻摻到黎 ~ 都算好多料呀 !! 首先個湯好濃厚既蝦味 ~~ 食得出廚師既心機 !! 真材實料 ~~ 入面都唔少野架 !! 有魚片 / 豆卜 / 蝦 ~~ 個蝦好爽口 !! 不過如果拆埋殼就最好啦 ~~ 你睇我幾懶 ?! 哈哈 ~~ 豆卜吸哂未 ~ 勁正囉 !呢個係同事既 常餐 ~~ 首先黎左黑松露

之前有人介紹呢間茶餐廳話好掂，我心裡都好 懷疑港式餐廳可以有幾特別!今日試過又實在比到我10分滿分中有9分的驚喜檳城叻沙摻摻特餐，摻摻即油麵加米粉，兩樣一齊食既感覺好特別，飲品可以溝，估吾到麵都有得溝! 叻沙湯比正宗偏淡味，過正合我口味，特餐仲有櫻花蝦炒蛋同奶油牛角包，呢兩樣係其他茶餐廳就真係未見過，而且炒蛋絕不欺場，好滑，同櫻花蝦好夾，以普通價錢食到咁特別既配搭，抵!另外一樣同係叻沙過配海南雞，海南雞都好滑，吾係雪藏雞，下次要試下佢另一推介海南雞飯。本來兩個人已經飽，但見有榛子醬西多士就忍吾住要叫一客。西多士食得多，榛子味就未食過。落order後差多等左10分鐘，可能係即整，而且見好多枱都叫。過一食就知等得值，一來西多士炸得恰到好處， 香脆又吾會食到成口油， 榛子味比起平時食咖央味反而冇咁甜， 真係真心推介另外佢仲有幾款特飲，茶走紅豆冰既紅豆煲到好淰身，茶走茶味都算濃，一飲兩種(奶茶同紅豆冰)的享受。菠蘿冰則無咩特別，齋甜。

呢晚黎到長沙灣打算都係搵間麻甩茶記醫下肚甘。 見到呢間港口味就想起霆鋒最近嘅廣告！餐廳懷舊嘅感覺唔算好強烈，勝在光潔明亮。呢間冰室主要都比較做街坊生意。食物選擇都幾多，價錢相對相宜。雪山焗豬扒飯 $50總共有5大件豬扒食落都鬆軟唔痴牙，用炒飯底，調味應該就可以再重手d!周行友人唔舒服就叫左杯咸檸7 消下炎跟個飯就叫左杯忌廉薄荷朱古力 非常童趣嘅外貌，朱古力味好香濃，薄荷味唔重。黑松露沙拉一字骨 $68 有6條骨，食落勁濃勁香嘅黑松露醬味，超開心，本身一支骨嘅調味亦唔錯。榛子西多士 $25西多士就食得多，榛子醬餡料都係第一次。比起平時花生醬感覺反而無甘膩口，幾新穎。黎個大合照先。港口味炸比 $22 去到冰室叫左杯朱古力，邊少得來一隻炸脾。大隻過我塊面嘅生炸雞脾，舖左層好香口辣辣地、似避風塘口味嘅辣粉，大大啖放入口。雞脾肉非常嫩滑又好juicy。仲只係$22 咋！ 正！

能夠迎合香港人口味既食店，真係唔係間間做到，而好好彩，真係比我搵到一間有質素，符合港人口味既冰室，就係位於長沙灣既♥港口味冰室♥唔好睇佢門面簡單，佢食物既內涵係我暫時認為係最好的～雪山焗特厚豬扒飯 $50相信好多人都食過焗豬扒飯，但我可以肯定呢個豬扒飯係我食過最好食的，先唔講佢既豬扒，我最鐘意佢既地方反而係佢個飯！佢個飯係預先同蛋一齊炒起，所以食落口唔會淨係覺得係普通一個飯，一個少飯底令成個豬扒飯唔同哂，真心好食！而佢既豬扒都好嫩口，一啲都唔覺得硬，佢同個蕃茄汁都好豐富，好足料，我估唔到豬扒飯可以咁好食～咖哩牛根腩煲 $68呢個牛根腩煲同樣都整得幾出色，因為我係一個唔係好食得辣既人，而佢既咖哩正合我口味，唔會太辣，但又不失佢既咖哩香味～而且牛根腩份量都幾多，真係煮到好淋，比啲咖哩汁索哂味，送飯一流！入面除左有牛根腩，仲有洋蔥，薯仔等配料，每樣配料都入哂味，薯仔仲煮得好淋，好正！鐵板蝦乾肉碎啫啫芥蘭 $65啫啫芥蘭都係第一次聽，未送到上台已經聽到佢鐵板既炸炸聲，賣相睇落都好豐富，而且未食都已經覺得好香！！佢既蝦乾大大隻，同啲肉碎，芥蘭都幾夾，唔會覺得好奇怪，食落都幾開胃～反而我覺得呢個啫

放假肯定係訓到三朝百晏，兩點幾先食第一餐，黎到長沙灣食tea！呢間港口味冰室位於元州街，兩點鐘黎到，鋪頭細細，約三十個位，有接近九成滿座啊，好厲害幸好啱啱有兩個人埋單，我地先可以舒舒服服坐卡位。一般茶餐廳嘅選擇都有齊，即使係午餐、下午茶，價錢都好抵食，街坊都熟哂啦。大部份下午茶都係三十零蚊，包飲品，合理價位。點左瑤柱福建炒飯，港口味生炸脾同埋蕃茄濃湯牛肉炒滑蛋通粉，飲品則點咗港式茶走紅荳冰同埋樽仔奶茶瑤柱福建炒飯雖然係下午茶但係份量一啲都唔細，一大碟滿，而且料亦唔少，所以見到都好多人點。因為好少茶餐廳會做福建炒飯，如果去酒樓食分分鐘接近七、八十蚊，自己都好耐冇食。一試之下，果然味道唔錯，用料實在，冬菇、瑤柱，蝦肉等有齊，以呢個價錢，抵食啦港式生炸雞脾生炸雞脾係招牌之一，食得出真係生炸嘅外皮非常香脆，而雞肉亦可保持嫩滑，面頭加上七味粉，味道更加惹味，做得唔錯。蕃茄濃湯牛肉炒滑蛋通粉 蕃茄濃湯亦係足料之選，湯底有茄味，唔會太鹹，飲得入口。炒蛋夠滑，有少許蛋香。牛肉片份量不少，肉質鬆軟，不錯食最重要係配我鐘意嘅無紋通，連埋湯底一齊食，都係我杯茶。茶走紅豆冰用上奶茶底配紅豆冰，比較特別，亦冇一