渝酸辣粉

營業中

休息中

食譚仔食到悶悶地，係時候試下新野喇～呢間啲酸辣粉好彈牙，會愈食愈辣，叫咗小辣都食到成身汗，爽晒😋😛留意返👉🏻佢有分少少辣，小辣，中辣同加辣架！以後想食粉又多一個選擇😙🙌🏻

都食完頗久, 搵返張相, 順便講幾句某星期六下午到達, 這天幾多年青外國人正在用餐,叫了紅燒大蒜肥腸麵 & 四川牛肉麵,紅燒大蒜肥腸麵, 辣度可接受 (食得辣), 麵質不錯, 煮得硬度適中, 不會太淋沒咬口,"肥腸" 是"條"上, 不是 "片"上, 幾好趙也入味, 反而湯底咸度不太能配合 (偏淡),"大蒜"應該是上面的裝飾 (?) , 因為湯裡沒找到,最深刻的是花椒油, 整個口腔&喉嚨尤其是咀唇都受到花椒油的影響,麻痺了.......震震痺痺震痺震痺的感覺.................老實說, 我無法享受..........碗麵整體是麻多過辣, 辣多過咸.....朋友的四川牛肉麵 (少辣) ,湯底調味足夠, 牛肉亦夠淋,辣度咸度整體能配合, 是一碗正正常常的牛肉麵!

呢間嘢我都好耐冇嚟食原因係我覺得佢嘅嘢都幾多油同埋你叫碗麵其實冇咩餸要另外加餸嘅如果自己一條友嚟食 真係唔知食乜嘢好其實我自己就鍾意港式麻辣但係地道正宗嘅四川麻辣我都食過呢間真係 幾正宗食完碗麵成條脷都痺曬都算係一種另類嘅快感我已經叫咗最辣嗰個level其實我可以再去盡啲不過我覺得如果再辣啲可能太麻食唔到當中嘅味道因為佢冇 連餸嘅 麵揀咗好耐淨係得大腸啫佢嘅大腸肥膏比較多不過算係洗得好乾淨同埋份量係比較細啱曬下午茶

下午茶時段 沒有下午茶 見到店內四個食客都係食緊口水雞酸辣粉 望下menu 唔平ga wor要78$ 不過見個個都食緊 我又跟風la叫左小小辣 怕自己受唔到 口水雞不算太辣 有小小麻辣感覺 加上口水雞冷盤 所以我覺得唔食得辣ge 都可以試下個人比較鍾意酸辣粉 夠酸夠辣 好刺激 夏天真係需要重味刺激胃口ah 辣油適中 不會一入口成口油呢 忍不住飲了好多湯 哈哈 下次我會克制下ga nar 始終濃味野不是太健康中和一下酸辣 叫左個青瓜豆漿 好refreshing 不算太甜 見到一條條青瓜絲ga真材實料ah！

The Sichuan Dan Dan Noodles is very delicious yet affordable at 47 HKD. Opt for the non-spicy option if you prefer it like that. The server can understand some basic English, and the menu has also English translations so it's easier to order.

之前食聰嫂見到呢間舖頭要排隊，咁就搵次去試下，呢排好鍾意周圍搵辣野食收工去食，7點3左右都唔洗點等，舖頭入面已經滿哂人，一眼睇哂20個位都冇，比較逼。唔太想食肉所以嗌左勾魂麵少少辣，個名唔知係咩，睇英文係vegetarian，唔識英文嘅人就真係唔知呢個係咩麵。 男友嗌左擔擔麵少辣。 順便嗌多個例牌口水雞。兩碗麵上到黎真係好驚訝，個份量細得好誇張，男人一定唔夠食冇諗過五十幾蚊嘅麵可以咁細碗....我碗勾魂麵得啲中芹做餸，所謂嘅素就係呢啲初初食落真係唔辣，但係食到尾就覺得好辣，唔太食得辣嘅人可能"少少辣"都未必接受到擔擔麵係撈麵黎，男友淨係用幾好食黎形容總括黎講，完全唔值，好彩唔洗點排隊姐，排咁耐食啲咁差嘅野真係會呻成晚寧願去返傷心酸辣粉食！

🍴口水雞配重慶酸辣粉套餐 $78- Chilled Sichuan Spicy Chicken Noodle Soup--突然其來想吃口水雞，亦想吃酸辣粉。找一找傷心酸辣粉以外的選擇。找著找著，銅鑼灣有一間酸辣粉可以滿足我的兩個願望。這個套餐，正好滿足的願望。套餐有口水雞加酸辣粉，湯粉頗為細碗，可以選辣度，由少少辣到大辣，筆者選了小辣，還算可以，不會太辣。可酸辣粉條粗幼不一，湯底酸度不足足。口水雞肉質口感不錯，但味道不夠豐富。-📍銅鑼灣耀華街4號

幾次經過都見好多人幫襯，Happy Friday 去試一個，行到去有位唔使等，坐低唔夠幾分鐘，已經滿坐，好彩好彩一坐低，姐姐話因為啱啱開，大家一齊入單，可能出餐會慢，明白明白，你肯講，有心理準備，我地會俾耐性，如果好食，哈哈好多都想試，所以同朋友share肥腸麵同鱔魚麵，落單，姐仔話呢2個冇得揀辣度，都幾辣，你頂到嘛？我地就話難得來到就要挑戰下食物來到，麻比辣重，但食得好過癮。肥腸洗得乾淨，唔太肥，哥仔話鱔魚麵會辣啲，但我反而覺得有魚嘅甜味，分量唔算大，不過因為都幾辣，食唔到太多，所以反而ok。好彩冷氣開得大，辣到出汗，但唔會食得好辛苦。冇試飲品，因為飲品價錢貴得有啲過份……喜歡食辣值得一試！

鍾意食酸辣粉既朋友一定要試下食呢間既酸辣粉！我一試就停唔到，成日都返去食。以前會去傷心酸辣粉食，但自從食過渝酸辣粉後就冇再去過傷心酸辣粉！因為態度又唔好，又唔係特別好食。呢間就好好食，我揀少少辣，因為少辣已經頂唔住！仲有每次都會飲冰粉花茶特飲！好解辣！

極度失望，何謂辣？完全無味！。。。本來睇openrice 食評都好似幾吸引四川排骨麵，少少辣都無，湯淡過水，完全無法理解無法接受$52，食杯麵可能仲好。水煮桂花魚例牌，好似$185甘上下左右，個樣好似好紅好辣，食落又無味，食舊魚完全無法想像自己食緊水煮魚，而且平時食其他川菜餐廳多數叫桂花係貪圖無乜骨，我係此店食呢個水煮桂花全魚尾，幾多骨，份量唔多，大概6-8舊，好彩得幾舊，免得白白浪費魚的生命值得一讚係d芽菜就有少少入味，魚都新鮮，只係完全不能與水煮魚相提並論

想吃簡單點，點了以下桂花冰粉，桂花味不足，黑糖味可以，夏天食十分爽快燉奶，奶味只是淡淡的大腸粉，選了白湯，無味???雞絲奶湯麵，湯都係無味抄手，蒜香可以，醬油很淡，小許辣油我本來是不吃辣的，但偏喜歡川菜的麻香這間店份量極少$5x~7x一碗小麵，在耀華街，租貴，算吧但沒有川菜，渝菜精粹，極為失望的一餐

渝老細please read this自問食咗渝都三年 佢係我覺得最好食既酸辣粉 我唔知已經介紹過幾多人黎食 但我估唔倒今日係要為佢寫個劣評 係為個 Manager寫！佢態度真係好差 講真我可以話差過九記&澳牛!!!!!!!!比錢比慢少少jeepjeep聲口講唔好意思多謝哂但係黑口黑面一啲禮貌都冇 每次笑住去都會嬲住走 because of the manager我唔想有一日我會因為service而唔再幫襯老細 求你一係話下佢 一係炒咗佢

超冇禮貌的男收銀亦可能係老細,剛食完就埋嚟收錢兼打開門請客走,送嗰杯豆漿未飲完就收咗,總共進食加叫食物等食物時間係唔夠45分鐘,雖然出面有人等亦不必趕客走,可以入門時講用餐只准30分鐘規定咪得囉,而且語氣非常唔客氣

是日心癢癢，想吃辣、想吃碟碟口水雞，過過口癮。口癮，不知從哪裡閃來一個念頭，就會想吃某種食物，還是一種神奇的身體感。不過，口水雞做得出色的川菜館子不是很多。在有信心探索新大陸前，還是到這家筆者最喜歡館子晚餐。渝酸辣粉主打地道酸辣粉、四川麵食和部份麻辣小菜。筆者是日點了套餐 ($79): 擔擔麵（少辣）和口水雞（少辣）兩樣至愛。擔擔麵不是坊間「把麵泡在芝麻醬辣湯中」的款式，而是忠於地道做法：以拌的形式去處理擔擔麵，僅以醋、醬油、辣油麻油調和蔥薑蒜花椒辣椒，加以炒香的麻辣牛肉碎（亦稱牛肉酥），混和幼身麵條來吃。一吃，方感覺到酸麻辣3種元素同時湧現！有趣是，酸度會吸引食客繼續嗜辣，加上蒜和牛肉碎的酥香，實在讓人欲罷不能。推薦指數：5/5至於主角口水雞（少辣）絕對是同樣精彩！雞肉烚得不會太老，較像家常白斬雞的質感和味道，配上以辣和酸作主導的醬汁，非常和味。筆者更自行澆上這口水雞汁去拌麵，更喜歡這酸辣的和諧感。而雞肉上灑上的花生碎和辣粉，為雞肉在辣味上添上點麻，富有層次。推薦指數：5/5渝川的麵食和小菜同樣出色、做法地道，所以辣度亦不容忽視，不能太吃辣的朋友要自行調節辣度。不過，店家也有供應飲品

最近天氣潮濕得很，一向喜歡清淡口味的我也想來點重口味的。晚上七點來到已經排起隊來，不論你是幾多人，請門口排隊。不用五分鐘已經被安排入座，門面小，大家都是吃完就走。一個人要了四樣東西。勾魂麵：店家有通知是很麻很辣的口味，一上桌，好多油呀，完全吓了一跳，早知道要乾拌麵好過，我要了「辣」這個程度，而整碗麵帶那麼一點點麻，不怎麼辣，反而是鹹味突出，小失望。但公平說一句，麵質帶彈性，很不錯。涼拌筍子：這道菜等好久了，看著隔壁情侶入座，點好菜，上了頭三款菜式，我點的東西除了飲品和麵，其他都停了，催促下過了三分鍾左右，上了筍子和水餃，筍子是乾貨，帶點嚼勁，麻辣度還是不夠。鐘水餃：問了店員沒有素水餃的選擇，水餃是豬肉餡的，餡肉帶汁還帶甜，底下的醬油也帶甜，份量一個人絕對夠了，味道中規中矩。冰粉花茶特飲：清清淡淡不太甜，感覺好像台灣的愛玉冰呢，帶點花香，有點Jelly的東西，冰冰的，想解辣，這杯飲品應該幫到手。我還會再來試試她的出品，下次我會要加辣。