渝酸辣粉

營業中

休息中

1. I passed by Yu one time after gym when I was heading to meet up a friend for dessert in an opposite building. I have grown to like Sichuan food in recent years, so I decided to give it a try this time. I was actually heading somewhere further for dinner after gym, but decided to cut short my route and settled for this one as I was rather hungry.2. The portion is kinda small. I still felt a bit hungry after finishing everything in the bowl. No wonder other solo diners ordered sides dishes to g

朋友介紹 第一次食 前幾日訂位 去到等左10min到就入得每樣野都是紅卜卜架 愛辣既朋友見到都正紅油炒手 辣得黎帶點甜 好正 一碟唔夠 好食到叫多碟口水雞 呢個堅辣好多了 雞很滑 好食 夫妻肺片 好足料既辣 好香個人覺得膽膽面同酸菜魚最難忘 擔擔面一人一碗完全無朋友 因為 好食酸菜魚 湯正 魚肉滑 好食總括而言 一定會再黎食！

因為在銅鑼灣工作的緣故，朋友推薦去食一間以酸辣粉出名的餐廳 - 渝酸辣粉，來到餐廳之後，點了他們推介的口水雞配擔擔麵。在友人極力推薦和好評之下，都對這頓午餐都有所期待，果然真的不失所望。先說他們的口水雞，肉質十分嫩滑，不會有「乾爭爭」的感覺，甚至可以連骨一齊進食，再配上它特製的麻辣醬汁，那種既麻又辣的感覺使得我的嘴唇麻到合不攏嘴，但對於一個嗜辣的人來講，真的是十分滿足！而他們的擔擔麵並非好像上海菜那種配湯的麵，而是由很多配料搭配的「乾拌麵」般。同樣地，擔擔麵都是十分出色，麵條比較粗身，但彈牙有咬口，攪拌配料之後又可以食到那種刺激味蕾的麻辣味。雖然作為午餐套餐，一個口水雞配擔擔麵要大約八十元左右，但所食到的麻辣味真令人感到滿足，推薦所以愛食辣的朋友必定要試！

係openrice見到呢間酸辣粉好多好評，甚至有人講到係一生人食過之中最好食既酸辣粉咁就黎食下啦，去到現場都full咗要排隊，但等咗大約十五分鐘就入得，舖面唔太大，所以我諗午市/晚市正常時間黎應該都要排隊。入到去見到佢個menu都幾多野揀，好似好多都好好食咁，我地原本係門口係諗住每人嗌個一人餐再share食，但原來套餐剩係去到五點。我同朋友唔係太肚餓，所以都係一人叫咗一碗酸辣粉再加個例牌口水雞就算，朋友仲嗌咗杯豆漿，不過佢都會提供茶水既。個口水雞黎先，大約一碟有八至十舊，我地嗌咗小辣，唔係會辣岩岩好，但比起出面既口水雞fh咗一浸甜味，多咗浸黑椒/豆豉味，冇我想像咁好食，不過可能我冇食過正宗重慶，可能正宗既口水雞係咁（？個酸辣粉黎既時候睇落好細碗，望落都驚唔夠食，但食落都幾多下。不過佢冇咩湯，我地揀咗小辣，真係小辣，完全唔辣，食得辣既朋友可以試下嗌中辣，不過佢個酸辣粉個味我就覺得麻麻地，酸同辣都唔係好夠，可能卵本身鐘意食酸啦。我就覺得個酸辣粉冇人地講到咁好食，有啲失望。不過我見佢menu都有好多其他四川/重慶菜式，見隔離枱都食得幾滋味，下次可以再黎試其他野。

酸辣粉就道道都有，點解要特登黎到銅鑼灣食？依間野緊係有佢既個人之處。渝 酸辣粉 成日行過，都見到有人排隊仲要唔係下午茶時間都咁多人 等我會一會佢先5點前仲有個set，一次過可以試埋口水雞、木耳、麻辣手拍小黃瓜、同埋牛栢葉 。四重享受啊我想講佢個辣係超！好！味！佢唔係死辣，係麻香，可以揀辣度，辣得好過癮！！！ 今次食既係bb辣，辣道適中（同時覺得唔夠可以加、辣得制米...）口水雞好嫩好入味 其他麻辣涼拌 涼冰冰 又夠麻辣 加埋熱辣辣酸辣粉食，簡直係一大享受辣得制就食個唔辣既木耳中和下，飲埋青瓜豆漿，又係完滿既一餐啊下次黎得要試下小辣你等我啊打寶寶提提你- 5點前先有set，正價叫就要散叫啦，所以我覺得set底食d - 青瓜豆漿要加$，但物有所值，唔係開粉，係新鮮打出黎，好足料好fresh，可以一試啊

小辣朋友搵到間食酸辣粉既鋪頭係我公司附近，皆因香港十間有九間都唔係咁好食，老實真係冇咩期望咁去試渝酸辣粉。兩個人叫左重慶口水雞（例）、涼拌茄子、紅油豬耳仔、辣鱔糊麵重慶口水雞（例）雞肉尚算嫩滑，冇雪味。麻香味重，但不夠入味。比較普通而且Ｄ雞斬得好散。涼拌茄子份量比較少，但味道唔錯，茄子係水煮完再淋上紅油及醋等調味。一家要沾到醬汁先好食。酸味夠，有咁上下辣度，我個人蠻喜歡紅油豬耳仔因為掛住食唔記得影相豬耳仔係薄片形式，紅油麻香撲鼻。爽口十足。呢個推～～辣鱔糊麵老細話呢個有３—４隻辣椒咁辣，唔食得辣真係會頂唔順。而小辣朋友就係唔信邪又想試下我，所以就挑戰一下哈！呷一口湯，再食口麵。小辣朋友本身都話OK，誰不知後勁凌厲。真係幾辣下，食左一碗仔就頂唔順，好彩配左碗清湯幫佢解燃眉之辣。配料有鱔同青瓜，鱔肉就麻麻地，又有骨。青瓜因長時間浸淫係辣湯下，基本上同鱔係一樣色。個人覺得幾好食，貪辣既我認為辣得過癮，又唔係個種死辣冇起伏。不過要注意小店既前菜都係偏辣的。唔係好食得辣既要注意～　應該會再去呢～

今晚五位嗜辣朋友一齊試試呢間耀華街小店，雖然店面不大但係行到門口已經聞到一陣辣辣味，好想快D點菜呀！ 店長推薦幾味新菜色，佢哋大廚剛剛去完四川巡視學咗幾款新嘢同食客分享，真係好有heart🤗！首推呢味「藤椒雞」味道非常野味 麻舌後勁十足，雞肉嫩滑！ 「青椒魚」亦係必食，魚片滑溜湯料十足，有青瓜、荀片、青椒絲 提升麻辣味令人回味無窮😋 仲有「酸湯和牛」味道酸酸麻麻的，再配上土豆粉條口感煙煙韌韌，好好味啊！ 另外冷菜推介「涼伴豬皮」、「三色素菜」美味搭配又開胃😋😋😋 最後甜品一定要食就係「桂花冰粉」將之前嘅辣味完全溶化而且陣陣桂花黑糖味令舌頭保留甜甜的感覺！

第一次光顧，很有驚喜，爽脆土豆絲配香辣內臓，濃濃的麻辣香令人食過停不了口。不能錯過的鎮店之寶擔擔面，師傅用上傳統配方，令面質變得更爽口彈牙，必試師傅這款獨門秘方﹗👍🏿覺得味覺太麻或太辣，可以喝杯青瓜豆漿解辣。清新的青瓜味，配合香甜的豆漿，簡直是絕配，健康有益。

身邊好多食辣嘅朋友推介渝酸辣粉，所以一直都好想食，今日早放工終於可以試一試😋7點半去到，門口已經有7-10個人等緊，不過好彩等左大概15分鐘就入得😎因為我同朋友都好餓，一口氣叫左一個擔擔麵、一碗酸辣粉、一個口水雞同埋一個蒜泥白肉🤤擔擔麵只係叫左2隻辣椒🌶🌶，但因為係撈嘅關係，會連埋啲香料一齊食，所以越食越辣，入口第一啖唔算好辣，但佢啲麻辣後勁好強勁😂真係食到朋友標眼水！即刻叫左一杯凍豆漿再飲可樂😂建議唔係食得好辣嘅朋友唔好揀咁辣~相反酸辣粉叫左3隻辣椒🌶🌶🌶，以為會辣過擔擔麵，點知又唔係喎，可能因為係湯嘅關係！但酸同辣嘅比例恰到好處，香料又夠惹味，下次要挑戰最辣先得！😈蒜泥白肉要特別讚！賣相好靚，青瓜超薄切，用白肉捲埋連埋啲醬一齊食，入口爽脆又甜甜地，好好食！口水雞麻香味好重，唔會嗆辣，雞肉都算幾滑，好入味！上面有好多配料花生，撈埋一齊食好有口感~

點了招牌餐與一個擔擔麵。 招牌餐好豐富 幾抵食。建議唔太食得辣既朋友可以走辣在另點辣椒醬自己調整辣度。擔擔麵是撈麵，跟我們平常食開既唔同。另外也點了個青瓜豆奶，味道清新很不錯。招牌餐最後仲有個甜品 用來解辣，很貼心甜品有桂花味 食完舒服曬店員親切，環境舒服，值得推介。

一陣子唔食辣，好似會身痕一樣。最近食得清左，但都不敵友人誘惑，聚會在辣地方。呢個渝已經光顧多年，由無咩人知變到已為人熟識，唔知係迷轉手，人都轉晒了。但水準還是keep到，反而又多了番人情味。是日訂座一行3人，叫定青瓜豆漿準備迎接味雷新刺激。我們叫左招牌口水雞，圖為半隻，我地叫了兩碟。十分出色的口水雞，肉質嫩滑，香辣已滲透雞件上，慢慢損。唯雞件愈斬愈大件，較難入口。另外叫了涼伴蓮藕、涼伴青瓜及辣炒椰菜。涼拌充滿爽脆口感，尤其是青瓜，既辣又帶爽甜，愈食愈起勁。當中少不了，辣炒椰菜，听落似乎格格不入，但又出奇地match.椰菜的鮮甜清爽加上微辣，兩者互補。至於涼拌蓮霧則有解辣功辣，切成細細粒，好岩嘴饞的人。最後點了份擔擔面同鐘水餃。鐘水餃絕對要試！一份有5隻，底層有紅油辣油及芝麻增加香味，面頭仲有生蒜，拌埋一起食，香味口感都一絕。餃子熱辣辣，入面仲有肉汁，加分至於擔擔面，份量相對較少，但其配料十分充足，當中有花生碎、炸蒜、香蔥及醬料，令面的層次更香口。最後我地仲點了點品，一解辛辣。整體都令人相當滿意。店舖已經慢慢成為旅客勝地，鄰座開始是外國人及內地旅客。少了一份以往寧願雅緻應覺。

如果真係食過酸辣粉嘅朋友就會知道一般酸辣粉係唔會有麻辣嘅味道嘅，除咗呢樣之外個味道都ok嘅，個擔擔麵都幾好食再加埋啲涼拌小菜拼埋一齊可以勉強話好似一份重慶嘅小食餐，不過我就唔會再嚟喇。

呢間野，係幾年前，無咩人識無咩人食既時候開始食到宜家，每次都會點重覆野食，口水雞，鐘水餃，擔擔面係我至至至愛！仲有小食青瓜，蓮藕正正正。但食左咁多年，都係第一次食佢lunch set *招牌套餐* 抵食指數100分！當中包括有一配酸辣粉，小食青瓜、雲耳同毛肚（牛柏葉）、同保括甜品同一杯$20飲品。$106黎講 真係好豐富，份量好充足，一次過食到多款小食。未食過呢間既朋友仔，極力推食呢間，一次過可以試到焦點小食。

食過幾次耀華街樓上食店，一落樓見到呢間渝酸辣粉都好想搵日黎。今日係機會啦！朋友推介酸辣粉，不過我想試下其他～佢個黃鱔麵同豬肚麵都好吸引，兩擇其一我就揀左 四川豬肚絲酸菜麵 $54叫左小辣，不負所望，辣度夠過癮。湯底略咸，不過香氣令人垂涎欲滴。而且酸菜，正確黎講應該係咸菜，雖然比湯底更咸，但又同辣味相輔相成。豬肚份量多，爽口有口感。相反麵既份量就較少。朋友叫左擔擔麵，較乾身，同一般街外的有分別。朋友話好食。鐘水餃龍抄手兩款餃子好似冇咩分別，我除左分到有湯同冇湯之外，口感好像差不多。由於我食既四川豬肚絲酸菜麵太重口味，兩款餃子我食唔出辣味同香味。先後次序錯配了，可惜可惜。

佢個menu 好複雜呀有啲麵同另外嗰啲麵 湯底唔同 如果你叫勁辣 有啲又辣啲有啲又冇咁辣話說我叫咗碗 勾魂麵點知最辣係唔夠辣嘅上次我食過四川豬肚絲酸菜麵叫咗最辣辣到頭髮出煙切記要問清楚因為朋友唔食辣佢叫咗個 成都肥腸粉白湯有啲黑椒味 湯底都算濃厚今次試咗佢個杏汁白肺娃娃菜好似冇乜肺味咁唔係傳統 廣東酒樓嗰隻杏汁白肺湯今次試咗佢個夫妻肺片一食落口滿口牛味牛展陣味最大切得好幼細鹵水鵝肝依然非常有水準入口即溶見佢今日冇咩人詳細問咗個menu一次 又加湯又加辣咁樣 完全冇黑面服務一流