渝味曉宇重慶老火鍋 (如心廣場) (已結業)

火鍋店地方寬敞， 裝修特色、 簡潔， 座位舒適， 冷氣強勁，任選湯底每位$38， 醬料和茶水$20一位。 客人入座後， 即送上免費紅棗雪耳糖水 ， 既滋潤又解辣， 確實不錯。選擇了雙拼鴛鴦鍋 ， 蕃茄湯拼大骨滋補鍋鍋。 水滾後， 大骨湯底呈現奶白色 ， 還散發出陣陣香味， 湯底仲材料豐富 ，有大骨頭、 紅蘿蔔 、 紅棗 、甜粟米 ，喝一口湯 ， 十分清甜和滋補， 感覺冇咁肥膩，更加健康。 而蕃茄湯底， 甜甜蕃茄味， 感覺好清新。 自製羅漢果茶一渣$58自製羅漢果茶， 入口香濃羅漢果蜜甜， 有清熱潤肺，化痰止咳功效， 絕對係最近防疫的最佳拍檔。美國安格斯優質肥牛一份$216安格斯肥牛，雪花油脂分佈平均， 色澤嫩紅色， 令人垂涎 ， 牛肉薄切， 淥數秒就食得，肉質滑溜軟稔，牛味突出，每口回味，絕對是火鍋必食之選。黑豚腩肉半份$42黑豚肉薄切 ，肥瘦適中， 脂肪分明， 十分滑溜， 唔會覺得肥膩。曉如手打三寶丸半份$49(蝦丸、墨魚丸、牛肉丸)手打蝦丸、墨魚丸、牛肉丸， size適中， 咀嚼丸時 ，肉質彈牙和緊緻， 肉汁充沛， 鮮味十足， 最喜歡墨魚丸， 厚實 和濃甜的墨魚香， 十分滋味。

火鍋店空間感佳，裝修簡潔，座位舒適，每枱客人的距離寬闊，適合聚餐。客人入座後，即可免費享用紅棗雪耳糖水，暖和滋潤喉嚨，是滋味開端。每位人客都有圍裙，食得更衛生放心。任選湯底每位$38，醬料和茶水$20一位。鍋底有多款，我們選擇了雙拼鴛鴦鍋——蕃茄湯拼大骨滋補鍋鍋。大骨湯底香濃，呈現奶白色，還有豐富材料: 大豬骨、紅蘿蔔和粟米，散發陣陣肉香，呷一口湯，十分清甜；蕃茄湯底，酸甜有致，金菇吸收後，入口清新。 美國安格斯優質肥牛一份$216安格斯肥牛，色澤嫰紅，迷人的雪花滿佈，略為厚身，滾淥數秒就可以，質感軟嫩無筋，牛味濃郁，吸收了大骨湯後，肉汁加倍香郁。牛筋丸半份$32牛筋丸一口size，咀嚼牛筋丸時，口感爽滑彈牙，濃甜的牛香，十分滋味。白鱔一份$89白鱔片新鮮，晶瑩透徹，切成薄片，滾十來秒，慢慢捲縮。入口無骨啖啖肉，爽滑緊緻，鮮味迫人，蘸上充滿蒜香的豉油，鮮香中帶惹味。黑豚腩肉半份$42腩份入口軟腍，邊沿有少許肥膏，脂香美味。韭菜豬肉水餃半份$32水餃皮薄，餡料飽滿、脹卜卜，包裹著鮮香多汁的豬肉，配合清脆韭菜，大口咬下，肉汁在口中爆發，啖啖滋味。凍豆腐半份$16凍豆腐中央成蜂巢狀，吸收了湯

呢兩日好凍呀，又係時候食火鍋，火鍋唔辣邊好食架！黎到渝味曉宇食正宗麻辣，正！好，坐低睇下有咩好食先。番茄湯拼普通辣大紅鍋，麻辣香飄到黎。大刀牛肝，先用鵪鶉蛋撈匀牛肝，烚熟之後再點蔥花辣椒片，牛肝果種爽身既感覺，一D都唔粉。牛骨髓，滑嘟嘟，好得意。鮮龍躉片，魚肉就算烚完都係好嫩。稻田毛肚，咬落去煙煙韌韌，爽脆口感同豬肚好唔同。珊瑚蚌，色澤透明，肉質鮮甜。麻辣牛肉，麻辣度十足，最特別係，烚完之後，辣椒片依然附係牛肉上面唔會甩架！苕粉，熟咗會半透明，好吸湯，如果想試真D個麻辣湯，就要放苕粉。

渝味曉宇有食過嘅相信都一定會話好食我每次同唔同朋友嚟 佢地都好有驚喜價錢相宜得嚟質素好高依家lunch仲免咗湯底錢 就可以試到鴛鴦鍋底我今次點咗普通辣同皮蛋芫茜湯點好餐 侍應就送上紅棗雪耳糖水 係熱的我記得之前食好似係凍的 可能夏天就俾凍冬天俾熱~侍應話係保護咗個胃先 再打麻辣鍋~.配料點咗必食嘅牛毛肚 安格斯肥牛 鮮黃喉 鴨血等等食麻辣火鍋就要不停加鴨血 好惹味好好食牛毛肚下湯10秒左右食得 好爽脆 呢個我鍾意落辣湯鮮黃喉大片 同樣爽脆 唔韌 朋友好喜愛平時喺街唔係周圍食到~.安格斯肥牛同黑豚豬肉都係點半份每半份大約有4,5大片肉2款都好好食 黑豚豬肉望落好似有啲肥但食落並無好油膩嘅感覺 薄切好正呢安格斯牛肉好香牛味 肥瘦適中.淮山條我喜愛煮耐少少 有啲粉感嘅時候先食比起少脆嘅口感更正呢～另外點咗半份手打三寶丸 分享係牛丸 蝦丸同墨魚丸全部都係手打 特別彈牙呢❤.呢間嘅嘢食性價比咁高 真心推介！

今晚即興同男朋友去咗打重慶邊爐😁呢度裝修幾靚，座位闊落，服務幾好👍我哋叫咗個大骨滋補鍋拼普通辣大紅鍋，個鍋一嚟都聞到好香嘅麻辣味😋火鍋配料點左安格斯肥牛，毛肚，桂花蚌，鴨血，龍躉片，苕粉(即係薯粉)，萵筍，竹笙，同埋淮山，全部都係半份～另外叫左個冰粉滋補鍋湯底幾清甜，有啲紅蘿蔔粟米同馬蹄，大紅鍋就好香麻辣味好刺激😂肥牛嘅雪花幾靚，肥瘦均勻，仲食到急凍肥牛好少食到既牛肉味😮桂花蚌新鮮，同毛肚都好爽口，龍躉夠滑夠厚肉，三樣都冇腥味👍薯粉好整齊😂 好粗同超吸煙韌😍淮山係mix左紫淮山同白色嘅淮山，排得好靚，面頭仲係黏既勁新鮮，我中意食爽口所以煮左兩分鐘左右就撈起，勁爽好食又有益👏👏冰粉係叫嚟解辣嘅， 面頭有好多配料包括啲nuts同提爭乾等等，口感超豐富👍所有食材都好新鮮無令我失望，正！😋

好耐冇食打邊爐，荃新天地二期開咗間重慶老火鍋，身為街方點都要試吓啦😜門口一入裝修很不錯👍，是新舊派fusion 混合辦😍！坐下之後，店員就介紹咗一點點，於是我們就點了安格斯優質肥牛、稻田毛肚、貴花蚌、手打蝦滑、頂級牛柳粒、手打三寶丸、鰻魚、曉宇苕粉、鮮蝦雲吞及什菜，另外加了秘製羅漢果茶！湯底是一邊麻辣一邊蕃茄，加上新鮮食材，真係無得頂，最值得推介就是安格斯雪花❄️肥牛，肥瘦均稱，鮮美無比😋，至於手打三寶丸及手打蝦滑也甚高水準，肉彈味鮮，手功一流👍，另外鰻魚更新鮮肉厚🈵️，俾曬滿分先掂💯個麻辣湯底好夠堅，真不愧為老牌正宗火鍋店，另外必提就是是羅漢果茶，好好味，又甘香甜，食完火鍋不上火😜

天氣凍凍地最岩打邊爐，呢排商場同餐廳都好靜，可以靜靜地打邊爐。呢度有個有最辣嘅麻辣九宮格火鍋，但係因為朋友話上面全部都係辣油，會太辣又唔好食，所以最後揀咗中辣同埋蕃茄湯，味道算幾好飲，唔係純味精。順便一提，而家做緊推廣優惠，午餐嘅話係免湯底費！ ..🔸美國安格斯肥牛($118) - 份量雖然少，但係有牛味，幾好食。 ..🔸鰻魚(白鱔) ($46) - 魚肉好好食，魚皮滑，魚肉爽脆，推介！.🔸手打三寶丸 ($49)- 蝦滑都好食，味道正常。 ..🔸 韭菜豬肉水餃 ($32) - 韭菜味濃，豬肉比例不錯，如果鍾意食韭菜既話就一定要叫呢個，好好食！ ..🔸 衝上雲霄百香果雞尾酒($38) - 我就覺得唔係咁啱女仔飲，因為酒味幾濃，但係如果鍾意酸酸地嘅人應該會鍾意飲！呢邊有個特別嘅食法就係麻油加蒜蓉加蔥，咁樣食其實幾香口，不過我都係鍾意加返豉油。

上星期去荃灣做嘢，收工嘅時候想去驚安之殿堂行下，於是乎睇吓附近有啲咩食，上網睇到呢間火鍋分店口碑唔錯，於是乎過過去試吓首先必須要讚嘅係佢哋嘅湯底同埋食材價錢合理，而且非常貼心咁有半份選擇，十分適合情侶或者兩個人大紅鍋及大骨滋補鍋，湯底材料十足，未打邊爐前先飲一啖大骨湯，非常足料，豬骨味道濃郁圖片中嘅食材全部都係半份，份量不少，必須要讚賞嘅係手打墨魚滑，非常重墨魚味，而且口感彈牙，珊瑚蚌亦都非常新鮮白鱔片十級推薦！非常新鮮彈牙，而且十分厚切油炸鬼放到大紅鍋浸一浸非常惹味

><驚食完辣失聲present唔到唯有揀d相對冇咁刺激嘅湯底等開餐上菜之時有碗糖水滋潤下有晒圍裙紙巾 醬料同麥茶($20/位)蕃茄湯鍋/皮蛋香菜鍋($38/位)美國安格斯肥牛($119/半份)嫩牛肉($42/半份)手打三寶丸($49/半份)鮮龍躉片($72/半份)鮮蝦($52/半份)苕粉($29/半份)竹笙($32/半份)冬菇($32/份)><><><><><><><><><><渝味曉宇重慶老火鍋荃灣楊屋道8號如心廣場商場一期3樓305號舖

好耐冇食麻辣火鍋啦，今次同男朋友近近地黎荃灣如心廣場新開嘅渝味曉宇打個重慶邊爐～一直都係呢間嘅粉絲，皆因佢食材新鮮，服裝周到，環境亦好乾淨舒服，令人一食再食！🥴今次叫咗皮蛋莞茜鍋同埋普通麻辣做湯底，感覺冇上次咁辣，不過依然好香，辣得過癮！最鍾意呢度嘅午餐肉，口感比較一般既豐富，用黎打邊爐就一流！我地今次無叫牛肉，反而叫左羊肉，估唔到配麻辣鍋都幾夾！其他推介既火鍋配料包括手打三寶丸、鮮龍躉、鮮肉燕餃、凍豆腐同埋萵筍片等等，全部都好出色，十分滿意！

去開荃灣買嘢，行吓行吓行咗去如心廣場，好多舖位都裝修緊，好似好冷清咁，但見到廣告有間火鍋，見肚餓就上去開餐；原來係食重慶老火鍋，啱哂太座嗜辣一族，佢要普通辣大紅鍋，我就要返皮蛋香菜鍋，睇吓餐牌，每樣食材都可以叫半份，啱哂人少少可以食多幾樣，職員先送上一碗紅棗雪耳糖水，食火鍋前先嚟滋潤一吓；火鍋必食牛肉，我地點咗美國安格斯優質肥牛同肥牛粒，肥牛灼幾秒入口好有牛味，肥牛粒就要煮耐D，食落一點都唔韌，牛味更濃；手打香茜牛肉滑真係第一次食，墨魚滑、蝦滑就食得多，原來牛滑真係好滑喎；桂花蚌就最緊要新鮮，正!鴨血食落比豬紅更勝一籌，唔怪之台灣人咁鍾意食；太座話食辣鍋點可以冇午餐肉，我就話唔辣都可以食；韮菜豬肉水餃都好新鮮，唔係硬崩崩嗰d雪藏質素；曉宇苕粉其實係紅薯粉，呢樣就真係食辣鍋嘅最佳拍檔喇；自製羅漢果茶飲口好甘甜，食完火鍋飲真係好清熱解辣，唔怕喉嚨痛；呢度餐牌上面會寫明每樣食物要煮幾耐，真係唔怕過熟或者太生；呢度提供嘅調味料唔多，只有幾樣，原來好嘅食物係唔需要點調味料嘅，明白哂!雖然以價錢同份量計呢度唔算平，但一分錢一分貨，食得滿意先最重要!

我同朋友經過見到免費送午市鍋底，即刻心動入去食😜講下個湯底先，係免費但唔hea架，叫普通辣大紅鍋同皮蛋香菜鍋，前者正宗重慶口味夠麻辣惹味，後者足料，皮蛋多到食極都好似仲有咁🤣🐟鮮龍躉片，皮滑厚肉冇骨，口感鮮味十足，仲要唔腥，連平時唔太鍾意食魚嘅朋友都讚不絕口。👏🏻🦐鮮蝦雲吞，足料原隻鮮蝦，餡料夠彈牙。肉類叫左三款，不得不承認呢間嘅肉類質素都非常優秀。🐂安格斯優質肥牛，睇到啲花紋已經眼前一亮☺️涮兩三下就可以食，好香牛味好juicy🤤曉宇嫩牛肉，對於怕肥嘅人士黎講呢款牛肉絕對係首選，肉質瘦得黎又嫩滑😍🐖黑豚豬腩肉，雖薄薄一片，咬落油潤甘香，人間美味啊！太好食好後悔只叫左半份😭丸類同其他手打三寶丸，口感確實彈牙，味道不過不失。至於包心魚丸，特別在外皮軟綿綿口感似糯米糰，裡面餡料就大同小異。現炸豆皮，就係片裝嘅響鈴🔔。窩筍片切到好薄好快入味👍🏻👍🏻鍾意打邊爐又追求食物質素嘅朋友不妨一試，環境又夠乾淨舒服😸 服務員好有禮貌又好細心，會主動加茶。

呢一個品牌既重慶火鍋我第一次試，因為係荃灣開所以就試下啦！呢間應該係荃灣第一間重慶火鍋，終於唔洗再飛的去旺角食劉XX。麻辣火鍋很多辣椒牛油香但並沒有很辣很咸嗆鼻的感覺，非常應對香港人口味的，肥牛高質量有肉香與湯底非常配合，毛肚黃喉都很新鮮很爽脆，特別推介薯粉油條用黎索d麻辣湯，口感好之餘仲吸哂d湯👍🏻 另外番茄湯都很濃味，用嚟淥菜同窩荀吸哂d湯底都好香！不過每碟份量少d 每碟半份都係得4塊，好快就已經過千蚊

荃灣如心廣場突然開了很多新的食店，當然要過來逛逛有什麼好吃。如心一期的三樓雖然開的鋪頭不多，但就是有一間我很想吃的餐廳，重慶麻辣火鍋。呢度嘅裝修都以木系為主色調，感覺光猛企理，而且座位寬闊，張枱亦都好大，因為都預你會叫唔少嘅火鍋配料。最特別嘅地方就係你一入坐嘅時候，侍應就會畀兩碗糖水你。侍應仲話因為驚麻辣火鍋傷胃，所以畀你飲個糖水補一補先。呢度嘅湯底選擇都唔少架。當然我哋嚟食都係食雙拼火鍋啦。基本上佢預設左一邊係辣架啦。另外一邊我哋揀咗大骨滋補湯，麻辣方便就揀咗中辣湯底。先睇下個湯底。麻辣湯底果然非常誇張。超級多紅辣椒系上面。大骨湯就係一般嘅豬骨湯底，但係十分足料。食物方面，由於我哋都叫得幾多嘢食。我哋就略略咁講下有咩好食啦。手打蝦滑。分量基本上夠錢五粒。食落非常彈牙，亦有好重嘅蝦味。炸酥肉。呢個就係熟食嚟嘅。食落脆脆地，啱曬用嚟送酒。肥牛粒。嫩牛肉。肥牛粒就四四方方，食落幾有咬口，會有少少肥，如果唔鍾意食肥就可以考慮嫩牛肉，食落真係幾滑溜。黑豚肉。黑豚肉嘅肥瘦均勻，食落去爽口彈牙值得推介。三寶丸。三粒各有不同口味，一次過可以試曬咁多隻味。每粒丸都好紮實，真材實料。脆魚腩。脆魚腩相對厚

食完又食，食完又想繼續食！🦥麻辣火鍋🥘對我來說就是食極唔厭！今日去荃灣找兒時回憶，🕵🏻‍♀發現開咗over 10年嘅如心廣場，終於正式開業，🐒於是入去玩玩！ 這裏有很多食肆進駐，連我食完又食嘅 渝味曉宇 都有，於是雙腳不由自主走咗入去！🪂先奉送紅棗雪耳糖水，幫我暖暖胃；因為我將進入嗜辣模式🏋🏾‍♀！選了鴛鴦鍋，皮蛋香菜🍃及重慶辣紅鍋☄！這裏的麻辣很正宗，有勁度但不是一辣到底，而是有層次有香料配搭的！🦉午市鍋底仲免費添⋯⋯哈哈哈😚C服！今次食晒豬牛羊。🐖黑豚腩肉～脂肪是爽的，而且比例恰當，肉質鮮嫩......黑豬好食！🐂曉宇嫩牛肉～果然係招牌菜！刀工處理過，非常嫩滑，而牛味仍是濃濃的！🌊桂花蚌～海參的內肌肉，新鮮加上處理得非常完整（成朵花咁），我吃到鮮甜爽脆的滋味！🧏🏼‍♀美國肥桶蠔🦪～$68兩隻有點小貴，但肥肥滑滑大大隻，咀細細要分2啖吃啊！🐷🧠豬腦+牛骨髓乾淨精㮹，吃🉐美味又大大個放心！這種緊致綿綿的質地，是肉肉沒有的！最後，📣派出油炸鬼同豆皮怒吸🧽麻辣湯，就這樣完成了快樂無比的午餐！🤹🏻‍♀