166
5
3
餐廳: 渝味曉宇重慶老火鍋
優惠: 食飯都有得賺里數? 仲唔即刻訂枱?
星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
港鐵荃灣西站 D 出口, 步行約3分鐘 繼續閱讀
所有分店 (5)
電話號碼
29601588
開飯介紹
餐廳裝潢簡潔舒適,主打重慶火鍋,提供重慶有名的九宮格麻辣大紅鍋;餐廳亦提供鴛鴦鍋供選擇。午市時間亦設有火鍋,及重慶口味的麵食。 繼續閱讀
營業時間
今日營業
00:00 - 22:00
星期一至日
00:00 - 22:00
公眾假期
00:00 - 22:00
公眾假期前夕
00:00 - 22:00
付款方式
Visa Master 支付寶 現金 銀聯 微信支付
其他資料
網上訂座
Wi-Fi
電話訂座
賞訂座積分
有關獎賞計劃
優惠
餐廳: 渝味曉宇重慶老火鍋
優惠: 星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
食評 (178)
等級4 2020-08-04
1325 瀏覽
雖然天氣熱 但成班人都想食麻辣邊爐 今次簡左呢間抵食 3 、4百蚊有有海鮮餐邊度搵!*「麻辣鴛鴦鍋」-湯底有九宮格麻辣同牛骨滋補湯配麻辣選擇 我地選了後者 因為全部係麻辣好多時食到最後就冇晒食物味得返辣味 牛骨香撲鼻 加上麻辣香味 呢個火鍋一定好食 *「手打墨魚滑」-食落爽口彈牙 配小小豉油已經好好食*「八頭鮑魚」好名貴既食材竟然出現係呢度 真係食到呢度已經覺得值回票價 鮑魚彈牙口感一流 食完回味無窮*「皇帝菜」-新鮮青綠 平衡一下食左咁多濃味食物「黑豚腩肉」賣相一流 唔係hea 擺 我地一人食到4,5片 完全過哂食肉癮 好爽口 推介呀「牛心定」夠哂好食 配埋好香既湯底真係無得輸「鮮竹笙」-食材新鮮 咬落去有爽口 係新鮮先有既口感「凍豆腐」-絕對唔洗爭 份量十足 鮮味十足 我地一邊食一邊好滋味 食完都真係滿足左一大半「大刀豬腰片」-豬腰切得好薄 唔會太膩 易入口 @鵝腸」- 肉質彈牙 絕對唔係唔新鮮個隻霉味「桂花蚌」-呢個蛘超新鮮 爽脆彈牙 唔係間間都係咁 新鮮先做到「鴨血」-鴨血同麻辣係絕配 個個口感真係不得了 食到停唔到*安格斯優質肥牛-脂肪分佈比例平均 食落口感好正 繼續閱讀
(以上食評乃用戶個人意見 , 並不代表OpenRice之觀點。)
特別日子特別慶祝,正如"特別的愛給特別的你,你的口味逃不過我的眼晴"。辣味的刺激一向是女人無法拒絕的誘惑,號稱選用最辣的重慶朝天紅花椒的渝味曉宇重慶老火鍋,自然而然成為當下身處荃灣如心廣場的最佳選擇。麻辣鍋湯底($38/位):由於我每次碰到一點兒辣,patpat都會開出一朵朵燦爛的菊花,更何況用花椒配合幾十種香味炒製而成的湯底呢,結果都會是一樣,正如朋友每次追女仔的方法可能有所不同,但她們的下場都是一樣(冤枉呀大人,我講緊我朋友呀,唔係講緊我自己呀),所以最好大路朝天,各走一邊,女人很顯然會挑選辣得過癮兼紅湯透亮的麻辣鍋湯底,而我就挑選了番茄配大骨滋補鍋湯底(內含少量金菇菜),畢竟弱質纖纖的我還是承受不起菊花那麼的燦爛奔放。美國安格斯優質肥牛(半份)$119:安格斯牛是英國古老的品質肉,油花分佈均勻兼細膩,即油脂和瘦肉之間相互交織,使得肉鮮嫩多汁,並非市面上的薄肥牛可比。曉宇手打三寶丸(半份)$49:自家出品的手打三寶丸,即牛丸、墨魚丸、蝦丸,色相渾圓,口感緊實、爽滑彈牙。海帶(份)$38/窩筍條(半份)$17/鮮竹笙(半份)$32/凍豆腐(半份)$17:都是新鮮的食材。鮮活海蟶(半份)$39:又一道女人心愛的海鮮菜式,海蟶吃下去肥美無沙,表面光亮、顏色淺淡及花紋清晰者的海蟶為之最靚,但是對我而言,炒海蟶比起邊爐海蟶更能帶出肥美的肉感。田園菜籃(半份)$42:菜籃上有油麥菜、娃娃菜、皇帝菜及唐生菜,都非常新鮮脆嫩。鮮蝦雲吞(半份)$32:皮薄饀靚,不宜浸大久。炸豆皮(半份):挑選秋季大豆作為原材料,聽聞是由經由200度的大豆油炸至金黃,呈現薄如紙的質感,如響鈴那般,浸十秒已可起錨,脆卜卜的豆味。自製洛神花茶(杯)$18:用以解辣,因其能起到祛火清熱、止渴生津的功用。紅棗銀耳羹:理應一開始送上,但侍應好像沉迷,要一追再追,才能夠品嚐暖胃養生、清潤甜味的紅棗銀耳羹現在人人都帶口罩,(看似是)美女也真的多了,看到我眼花繚亂,但是出親街望靚女,女人的眼光總是快過我,因為每次有靚女時,她總是先啤住我,其一,啤我係咪睇靚女,其二,係想兇我:夠膽你就望!!!但我想講,傻豬黎既,其一,本來我眼中只有你,但你這樣反而提醒了我有靚女望,其二,我望住你時,我的眼角餘光仍能將那女人抄牌,呢招叫望東看 西,偏偏在這一方面,我早已修練成精,阿彌陀佛,罪過罪過。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-20
100 瀏覽
呢間老店係2012年榮登重慶商報嘅重慶火鍋50強殊榮,更被《舌尖上的中國2》獨家推薦👍🏼由3位香港人到重慶拜訪後創辦,連火鍋醬料都堅持用傳統蘸醬- 秘製香蒜麻油。宜家午市時段仲可享鍋底免費🆓💗冰糖紅棗銀耳糖水未上火鍋前先送一碗,作用係暖胃養生,食麻辣嘅時候就唔會咁傷,中途仲可以解辣,飲落清潤帶甜味好滑身😍💗雙拼鴛鴦鍋($38/位)🍄山珍菌湯鍋:由姬松茸、猴頭菇、秀珍菇、鮮冬菇等熬製而成,湯底清甜,菇菌食落爽口濃郁冇草青味🌶普通辣大紅鍋:按照總店做法,鍋底以上等青海牛油、郫縣豆瓣、貴州生薑、山東大蒜等香料炒製,再加上重慶朝天紅辣椒、茂汶大紅袍同金陽青花椒。悲傷小姐不嬲唔食得辣就揀咗少麻少辣,辛香味十足,但超夠麻,條脷完全痺哂💗美國安格斯優質肥牛($119/半份)肥牛紋路清晰,油脂分佈平均。切得厚薄適中,肉質軟嫩唔會癡牙同有根,有少少入口即溶嘅感覺,食落牛味極為飽滿🥓💗槄田毛肚($62/半份)即係黑牛栢葉,選用薄身而寬大嘅上好葉瓣部份,再加以冰鎮。灼15秒就食得,口感帶韌性嘅爽脆🐃💗紐西蘭精品羊肉卷($56/半份)色澤呈鮮紅非常新鮮,脂肪比例相對低較健康。肉質依然軟嫩,食落有羊肉香,但悲傷小姐嫌唔夠羶味🐑💗黑豚腩肉($42/半份)豚肉半肥瘦,脂肪充滿油香,食落爽彈,瘦肉部分亦肉味濃。但整體都幾肥膩🐷💗8頭鮮鮑魚($76/半份)鮑魚預先去殻𠝹花,只需要灼10秒就食得,唔係就會變韌。而且淥完都幾大隻冇縮水。食落軟滑有咬口,充滿海水味 ,超級新鮮🦪💗曉宇手打三寶丸($49/半份)分別有墨魚丸,咬落有爽口鮮甜嘅墨魚粒🦑;牛肉丸,帶微微嘅陳皮味,似彈牙版嘅山竹牛肉🐮;蝦丸,口感紮實之餘蝦味濃郁,食到一粒粒蝦肉🦐💗桂花蚌($66/半份)即係海參嘅腸臟,零膽固醇同脂肪,入口鮮甜爽口,完全唔腥,仲會爆汁添🐚💗蒿荀條($18/半份)切成粗條後口感更爽脆,充滿蔬菜嘅清甜,食完咁多肉後有助解膩🥒💗涷豆腐($16/半份)同平時食嘅嫩豆腐唔同,裡內係蜂巢形狀,空氣孔好密,所以吸湯力十足,同時豆味都好突出🍲 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-19
1642 瀏覽
今日又來到呢一間我最愛嘅火鍋店,一坐低先飲一碗熱辣辣嘅糖水,喺未食熱氣野之前先清一清熱,潤一潤喉。餐廳而家轉左手機落單,比以前更加方便,隨時隨地都可以加單。每次嚟我哋都係叫鴛鴦湯底,通常都會係普通辣再加另一款湯,今日我哋就揀咗大骨湯底。大骨湯底入面有一大塊豬骨,另外又加咗粟米同紅蘿蔔調一調味,有肉味得來又好清甜。每一次我哋嚟其實都係食嗰幾種火鍋配料,其中百試不厭嘅有呢一個墨魚滑,墨魚滑唔係剩係得粉漿嗰隻,入面真係食到有墨魚肉,另外我哋都覺得午餐肉放落麻辣湯底食係超級好食。如果要數特別推介嘅,就有下面呢兩款內臟,分別係大刀豬腰同埋牛骨髓。因為男朋友唔食內臟,所以只叫半就啱啱好。大刀豬腰會送辣椒粉嘅乾碟,所有內臟點呢一個都會變得十分之野味,所以我每次都會為咗佢而叫大刀牛肝或豬腰。豬腰切得好薄,又夠新鮮,食落口完全唔會有內臟嗰種蘇味另外清湯嗰邊我哋就叫咗幾款菜加落去,呢度嘅素菜普遍都係比較新鮮同埋大碟,叫半分都夠兩個人食。買單每人三百蚊,我就覺得一啲都唔貴,因為而家你去任飲任食嘅火鍋店都要接近$200 ,但係食材就一定冇呢一間咁新鮮。而且呢一度嘅湯底真係好濃厚,就算唔點醬碟都夠味。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-17
1010 瀏覽
火鍋店地方寬敞, 裝修簡約、明亮, 座位舒適, 冷氣強勁, 環境好適合打火鍋,客人入座前先量度體溫,更提供搓手液及膠袋口罩, 十分貼心, 入座後, 即送上免費紅棗雪耳糖水, 蜜甜又滋潤。 餐廳用手機落單, 環保又方便 ,食材款式選擇豐富,令人目不暇給, 提供半份或者一份的分量選擇, 靈活和彈性,溫馨提示 ,任選湯底每位$38, 醬料和茶水$20一位, 午市湯底是免費的。鴛鴦清湯鍋$38/ 一位選擇了雙拼鴛鴦鍋 , 大骨滋補鍋拼蕃茄湯。 大骨滋補鍋 湯底材料豐富 , 奶白色湯底 ,有大骨頭、 紅蘿蔔 、 甜粟米和紅棗 ,喝一口湯 , 十分清甜又不肥膩 ,感覺好健康,而蕃茄湯底, 配上好多蕃茄和金菇, 酸酸甜甜好清新。 美國安格斯優質肥牛(半份)$119美國安格斯肥牛,是火鍋必食之選,牛肉薄切,雪花油脂分佈平均, 色澤嫩紅色, 賣相吸睛, 因為是薄切, 淥數秒就食得,肉質滑溜軟稔,牛味濃郁, 火鍋最佳拍檔。鮮蝦雲吞(半份)$32皮薄餡靚, 裏面餡料是滿滿的蝦粒, 爽口彈牙, 十分滿足。白鱔(半份)$46白鱔新鮮薄切, 魚肉雪白 ,新鮮貨色, 彈牙富嚼勁,鮮味擊口腔, 滋味無窮。曉宇手打三寶丸(半份)$49(蝦丸、墨魚丸、牛肉丸)蝦丸、墨魚丸、牛肉丸全部是手打, size適中, 咀嚼丸時 ,肉質特別彈牙和緊緻, 鮮味十足, 最喜歡牛丸, 厚實和牛味突出, 真心推介。黑豚腩肉(半份)$42黑豚肉薄切 , 脂肪分明, 肥瘦比例適中, 香嫩滑溜, 沒有肥膩感覺。芝士丸(半份)$32芝士丸, 肉丸內的芝士在口中爆發, 還有拉絲的效果, 邪惡又美味。油條(半份)$16脆卜卜的油條,放在湯中灼三下,去吸嗦湯底精華 , 仍然是 卜卜脆, 別有一番風味。 曉宇嫩牛肉(半份)$42 鮮牛肉薄切, 入口鮮甜, 嫩滑無比, 牛味濃郁。 曉宇薯粉(半份)$29熱騰騰既薯粉, 口感好煙韌,QQ彈牙, 晶瑩滑溜 , 津津回味。唐生菜(半份)$18新鮮的唐生菜, 十分翠綠, 吸收了湯底的鮮味,更加爽甜。 繼續閱讀
(以上食評乃用戶個人意見 , 並不代表OpenRice之觀點。)