渝味曉宇重慶老火鍋 (如心廣場) (已結業)

呢度個位置比運動家既圍板包實晒~ 大家可能要搵一下左手邊左手邊!坐低睇下個menu之後就ready order野食喇!侍應隨即送上一碗紅棗雪耳羹，話係比我地我們吃麻辣鍋前保護腸胃同埋解辣😂😂😂我地嗌左鴛鴦鍋(大骨滋補鍋拼重慶辣湯底)大骨滋補鍋既湯底都足料，湯底入面有各種的材料例如豬骨、粟米、紅棗和馬蹄等等， 十分豐富。而重慶辣湯底有很多的花椒和辣椒，十分惹味。至於食物方面~我地好多都嗌左半份，因為可以試多D唔同款式既野~<<重慶炸酥肉- 半份>> $ 32剛剛炸起，又乾身又酥脆，陣陣花椒味，食住等。<<手打蝦滑- 半份>> $46爽口又彈牙，質感嫩滑、美國桶肥蠔好大隻，肉質肥美滑溜、口感方面無霉口<<稻田毛肚- 半份>> $62呢半份毛肚既價錢有點點貴~ 而且好似得4/6塊…除左幾爽口, 我都諗唔到有咩形容詞 哈哈<<牛筋丸- 半份>> $32味道一般正常, 夠爽口<<紅糖糍粑-半份>>$ 36佢係新鮮炸起既，配上糖漿同少量芝麻

我自問都好喜歡食火鍋,好多野都好講究,新店黎講總會有地方需要改善!門面裝修都好靚其實, 呢間店新開張, 所有湯底免費!!必須要注意!我地叫左麻辣湯底, 和蕃茄湯, 蕃茄湯濃度適中, 如果打個比如,就係烏東放落去蕃茄湯到係唔需要再加醬料都食到蕃茄味.麻辣湯我地原本係叫小辣,因為養生問題, 但依然都有一定既辣度(我本人都算食得辣) 這點必需要注意的. 呢到麻度十足, 辣度正常 味道黎講我覺得呢到既麻都算好食.醬料反而係覺得有點點失望, 因為相中既醬料就係全部, 只係普通醬油+蔥花+蒜同埋麻油.醬料配置有點弱, 可以改善! angus牛, 大碟黎, 味道其實認真唔錯, 口感彈牙, 牛味本身濃, 可唔洗點野.唯獨份量不算多,有點可惜, 二人食也只能每人數片, 滿足感不算夠, 這裡比較大問題,因為肥牛近乎必點滑牛反而抵食, 味道本身唔錯, 牛肉味濃, 仲要口感其實都好彈牙, 份量以價錢黎講算係正常 8x$推薦必點!三色丸, 味道其實唔錯, 口感都彈牙, 丸黎講算係整得好, 半份黎既, 即每樣一粒,芝士腸份量反而好多, 呢個都係半份黎~ 比想像中多, 本身入面係有茶飲, 我覺得可以唔洗點野飲都得茶

是日同HONEY行荃灣海之戀的DONKI，晚上行行下如心廣場，見到都有唔少新開的食店，在3樓見到哩間渝味曉宇重慶老火鍋，坐位全部都用木系制品，環境舒適，真的好有STYLE同HONEY當然點左鴛鴦鍋底，大骨滋補鍋拼普通辣大紅鍋，另外都點了牛骨髓半份，曉宇嫩牛肉，曉宇苕粉，篙笥條，篙笥片，鵝腸，蔬菜籃，黃喉，職員上左兩碗糖水，之後honey同我整左油碟，曉宇嫩牛肉真的推介，食落真的好滑，加埋湯底真的好正，曉宇苕粉是比較粗身的紅薯粉，同honey叫左一人人碟，加埋湯式真的超正，篙笥條，篙笥片真的火鍋唔少得，另外除此之外，蔬菜類佢都好新鮮，加埋個清湯底/辣湯底，真係好食，真的食得開心，我同HONEY真的食得好滿足~~

渝味曉宇重慶火鍋一直有聽過未食過，近排係新界區開左新分店，趁住周末就試吓個暖笠笠既重慶火鍋，內部裝潢主要以木系設計，感覺光猛整潔，座位舒適，椅下仲有收納箱放私人物品，吾怕熏到有火鍋味😂未落單店員已經送上一個紅棗雪耳糖水，滋補清潤，非常貼心鍋底揀左山珍菌湯鍋配普通辣大紅鍋既鴛鴦鍋，岩哂我呢啲唔係食到好辣但偶爾又鐘意刺激下既人，宜家新張優惠鍋底仲要免費🤩火鍋配料多選擇，而且餐牌上面亦有顯示每樣火鍋料需要碌熟嘅時間，咁就唔洗驚碌到熟哂唔好食而且可以叫半份既份量，兩個人都可以試到好多樣唔同既配料呢度既火鍋配料高質素而且清洗乾淨整潔，安格斯肥牛既脂肪比例分佈均勻，食落肉味濃唔會膩，而曉宇嫩牛肉有驚喜，肉質嫩滑鬆軟，配合香油蒜茸既傳統醬料，食完忍唔住再叫多咗半份平日吾係成日食內臟，但今次就試左稻田毛肚同埋鵝腸，本來擔心會好韌，但兩種配料食落都係爽脆易咬，配合埋個麻辣鍋底，非常惹味，個人好鐘意蝦滑咬落彈牙，近望會見到碎蝦肉，真材實料，炸豆皮新鮮，放落辣鍋底好入味曉宇苕粉係粗條既紅薯粉，咬落煙韌滑嘟嘟，浸一浸麻辣湯底好惹味，平時鐘意食紅薯粉既朋友仔一定會愛上呢間火鍋餐廳服務貼心，地方舒適，而且火鍋配料

今晚同朋友喺荃灣度食飯， 見天氣涼涼地咁我哋就諗住食下火鍋暖暖身 ，咁我地叫左個麻辣火鍋同埋山珍菌湯。 應該唔係太多人叫山珍菌湯，但我一於試下，呢個湯我覺得叫一啲生菜去淥都幾清幾鮮甜。重慶炸酥肉： 呢個炸酥肉其實我覺得唔錯因為其實以餐前小食你唔使煮已經可以即刻食，食落去脆脆哋幾得意，同埋如果浸埋落個湯都嚟食我覺得風味更加一流，個人推薦就係點落麻辣湯嚟食。包心魚丸： 呢個包心魚丸我亦都幾推薦，因為佢唔係好似出面嗰啲魚丸太行貨，佢個表皮到做得幾好煙煙靭靭都幾厚皮，入面啲餡亦都幾好食。現炸豆皮: 我覺得呢個豆皮 雖然好似響鈴咁， 但其實佢畀面上個質感係厚好多所以豆味就濃D， 同埋呢個豆皮真係幾有豆味，最緊要個皮可以索到湯味嚟食， 咁你就會食到豆味同埋品嘗到湯味。美國桶蠔: 呢隻蠔都算大隻， 咁我同我朋友一人一隻 ，食落去隻蠔口感質感都唔錯， 另外蠔味都幾濃郁， 呢個都蠔唔錯。紐西蘭精品羊肉捲: 啲羊送到上枱 ，你見我幅圖啲羊都幾新鮮， 色澤鮮艷，其實呢個羊肉其實我覺得都幾好食因為啲羊有少少騷味同埋佢冇乜肥，同埋最緊要羊係嫩口嘅!鴨血: 其實呢個鴨血係香港都好少地方可以食到， 可以喺度試到都要

之前朋友介紹過佢嘅九宮格大紅鍋，一直想去挑戰下，難得佢終於喺荃灣開分店，今日趁住Happy Friday同屋企人嚟品嘗下。一坐底侍應就為我哋送上免費嘅紅棗雪耳糖水，雪耳煮到起膠，甜度適中，感覺滋潤。本來見宣傳單張寫住開店優惠去到1月9號，一問之下原來因為延期開張，仲有免費湯底優惠，超抵！家姐唔係好食得辣，我哋揀咗雙拼鴛鴦鍋，一邊係山珍菌湯鍋，味道鮮甜；亦一邊係重慶辣大紅鍋，餐牌上面有三隻辣椒仔，開頭唔係好辣，愈食愈辣，好過癮。安格斯牛一份八大塊，價錢雖然唔算平，但勝在夠新鮮，油花均勻，入口肉味濃郁。羊肉味道唔算濃，但食落一啲都唔羶，即使放落菌湯都冇問題。黑豚豬腩切成片狀，厚薄肥瘦適中，肉味鮮濃，口感唔錯；鱔片非常新鮮，大大片，肉質爽口彈牙。鮮蝦用竹籤串住方便食用，一份有八隻，四個人分啱啱好，而且非常新鮮，肉質彈牙爽甜，配搭菌湯抑或大紅鍋都非常合襯。墨魚滑同樣鮮味十足，口感彈牙！鵝腸亦十分新鮮，一啲雪味都冇，放入湯底煮十幾秒就食得，口感脆嫩，同大紅鍋係絕配。鴨血口感嫩滑，一上枱我哋二話不說倒哂落大紅鍋入面，煮耐少少先食都唔怕，鴨血吸收哂湯嘅味道，又香又辣。豆皮即叫即炸，上枱時仲脆卜卜，非

之前食過其他分店, 留低唔錯嘅印象, 行過發現荃灣開咗新分店, 仲有開店優惠, 當然唔可以錯過😉門口擺放左免費飲品, 洛神花飲品非常唔錯, 酸酸甜甜, 等候期間可以一試😛入座後亦都有免費嘅糖水食, 好清潤😋為邪惡嘅火鍋打定個底我哋叫咗安格斯肥牛, 羊肉片, 炸豆皮, 鮮蝦同滑牛肉, 食材一如以往咁新鮮, 而且份量都算多, 兩個人食綽綽有餘, 特別係肥牛同蝦, 無論配辣抑或唔辣嘅湯底都一流👍🏻新嘅分店裝修好光猛, 空間感又大, 座位俾人感覺好舒服, 最適合成班朋友嚟食👍🏻

同朋友來到荃灣剛大裝修完的如心廣場，準備進駐好多食肆。見到呢間曾上過舌尖上的中國的名店渝味曉宇，於是和友人入來一探究竟。甫一坐下，便先送上一碗紅棗雪耳糖水，可以用作解辣。服務員提我們可以先點湯底，讓湯底可以先滾一陣，到時更入味，於是便好快點了大骨滋補鴛鴦鍋 + 普通辣麻辣鍋，大骨滋補湯底真係有條大骨、紅蘿蔔、粟米，麻辣鍋有不少辣椒麻籽粒。最鐘意呢間餐廳可以點半份食材，所以除了飲品，我們都點了半份，適合兩個人可以試多一些不同火鍋料。而且餐牌寫上要放在湯底多少分鐘，不用擔心會淥得過熟，影響口感。最愛桂花蚌:略略一灼就可以，入口鮮味，十分爽口~凍豆腐半份:豆腐中間成蜂巢狀，可以吸收湯汁~大刀牛肝半份:先撈上生蛋，質感滑身，不會韌，可以點乾碟辣椒粉。田園菜籃:新鮮爽口，好適合放下大骨滋補湯中。紐西蘭精品羊肉卷:輕輕一滾就熟，入口柔軟又不羶，不錯﹗衝上雲霄百香果雞尾酒$38:酒味不會很濃，可以用作解辣，百香果味道清新。鮮鵝腸:要小心不能淥得過耐，不然就會就會縮水。曉宇苕粉:比較難夾起，淥熟完後成透明狀，口感些微煙韌。重慶炸酥肉可以即食，但浸一兩秒湯底別有滋味。服務員會主動幫忙加湯底，十分貼心，而

吾好以為如心廣場冇咩野行就冇野食，小編就發現左係如心最近新開既火鍋店，食物質素夠曬高。門口等緊期間有糖食。一坐定定就送左碗糖水比我地，冰糖雪耳紅棗。好窩心，有圍裙。🐚桂花蚌 - $129爽口，易咬吾韌。🐷黑豚腩肉 - $82白色既部分係肥肉，但食落口又吾覺得油，仲好甘口。🐠鮮龍躉片 - $139依個係必點，真係好好味。魚肉夠厚，啲皮就韌韌地。🐟鮮鱔魚 - $89雖然冇龍躉甘啖啖肉，個就夠滑，魚鮮美。🥟鮮蝦雲吞 - $32 (半份)🥢鮮腐竹 - $19 (半份)腐竹的確新鮮，睇個色澤都知靚。而且依個係非油炸的，好健康。🍄金針菇 - $18 (半份)

終於都等到渝味曉宇係新界區開啦☺️ 開咗係荃灣如心廣場商場一期，呢個商場新開我都未黎過，新開既好處就係冇咩人唔洗迫✌🏻係下層已經見到好大個廣告，好興奮呀💗入面就冇尖沙咀個間咁大，不過因為新開都坐得幾舒服，唔會話好迫😎 新張期間湯底仲要免費‼️好貼心呀！打邊爐之前有碗糖水俾我地滋潤下保護下個胃先😋我地叫咗鴛鴦鍋底，一邊大骨滋補鍋，一邊普通辣大紅鍋。始終都係唔敢試佢個九宮格麻辣火鍋，食菜點都要有返個唔辣既湯底，不過我下次一定要試下個重慶辣大紅鍋🌶🌶🌶今次我地就叫咗黑柏葉試下，唔好睇佢成塊枱布咁核突，滾一滾就食得，超爽口唔會成舊香口膠咁☺️食辣又點可以唔叫午餐肉呀🐷 半份都已經有6塊，分量好足!!!!曉宇嫩牛肉，真係滑到筷子都夾唔到🥢 真係想外賣返屋企煮麵食🍜牛係幾時都唔會夠架，所以我地當然要叫多一份安格斯肥牛啦🐄 肉味好重，正呀!!!!!由唔知幾時開始，我打邊爐就一定要叫蘿蔔同淮山，可以吸哂湯底既精華🤩食埋呢個脆鯇魚腩就大滿足啦！肉質鮮甜，滾一滾連唔太鍾意食魚既我都忍唔住要食返幾舊🤫呢間既好處就係每樣餸都可以揀半份或一份，咁就算2個人都可以叫好多唔同類型既野試下😁 就算叫到成枱食物真係好滿足，

平時小編都好少會行到去如心廣場果邊，今日行完激安經過如心，靈機一動行下如心，見到依間打邊爐，幾吸引甘，就試試佢。最吸引之處係佢新開張期間，湯底每人$48免費。我地揀左鴛鴦鍋，番茄同普通辣。嘩，我地真係吾食得辣，但又幾過引。我地叫左美國安格斯優質肥牛，手打蝦滑，鮮鵝腸，串鮮蝦，特色迷你燕餃，鮮竹笙。肥牛肉色好靚，啲脂肪分明有層次，食落牛味甘香入味。手打蝦滑好爽口彈牙，證明蝦既份量多過粉。鵝腸同串蝦都爽滑，鮮甜。個迷你燕餃好特別，真係好細粒，皮薄。竹笙吸左個番茄湯底，酸甜。

愛食重慶川式味道，來到荃灣如心廣場，見到這間渝味曉宇，在商場中大大個招牌廣告，忍不住今晚的晚餐揀了食這個重慶火鍋。餐廳裝修很雅緻及有特色。原來這間店新開張，新張期間湯底全日免費。坐下後，侍應先送上甜品，雪耳紅棗糖水。先要了個鴛鴦鍋底，大骨滋補鍋拼普通辣大紅鍋。牛骨髓半份牛骨髓雖然不是很易入味，但放入普通辣大紅鍋居然可吸收到麻辣的味道，又軟又滑帶點麻辣的很有口感及味道。黑豚腩肉半份黑豚腩肉切得很薄，肥瘦相間，食落不會覺得肥膩。脆鯇魚腩半份脆鯇魚腩，口感帶點脆，很鮮味。曉宇嫩牛肉1份曉宇嫩牛肉，真是貨如其名，肉質又嫩又滑的，又有牛肉味，食落麻麻辣辣真是好惹味，真是必食。美國桶肥蠔半份美國桶肥蠔半份，有2隻，肥嘟嘟的很大隻，口感軟滑，雖然美國桶蠔蠔味是比較淡，但也可以吸收到麻辣的味道。美國安格斯優質肥牛雲石紋的美國安格斯優質肥牛，很有牛肉味，有點入口即溶的感覺，麻辣的味道令有牛味的安格斯肥牛更為惹味。還要了稻庭烏冬、淮山條、及皇帝菜，飲品還要了可樂，食得很是滋味。

天氣又開始凍 近近地去荃灣食麻辣火鍋唔使去大陸咁遠嘅 曉宇重慶老火鍋 真係聽到麻辣火鍋都流晒口水 鐵腳 無錯 我又係同我爸爸食發現身邊人會食辣野既唔多 可能只有佢會同我癲新裝修 座位算寬闊 職員招呼周到門口寫住全日火鍋湯底全免 聽落又幾抵 火鍋材料仲可以選擇半份 啱晒我哋兩個 我唔食魚 佢唔食牛火鍋料都未叫 就先送糖水 甜甜地紅糖慈粑我見OpenRice有人影相 已經好想食好食呀 外脆內似年糕質地 又甜甜地👍🏻 要趁熱食火鍋湯底上 鴛鴦火鍋普通麻辣配皮蛋芫荽鮮淮山 新鮮 粉粉的 嫩牛肉 嘩 真係好嫩口 又滑 有牛味新鮮龍躉片爸爸話肉質好食手打蝦滑 彈牙 又有得玩又有得食凍豆腐 直程可以將湯底精華吸哂功夫萵筍片切得好靚 鍾意食爽口感 麻辣火鍋必叫而上既材料 我地都係放麻辣湯 正當我後悔 點解唔直接叫全麻辣湯時皮蛋芫荽湯作出佢最重要嘅效用 6菜 原因好簡單 唔想菜菜吸哂油田園菜籃可以一次試晒五種菜 最後成為$59x其實無論一份定半份 本人覺得份量都比較細 但勝在可以食多啲唔同種類 而辣度我地都接受到啲餐我地食左兩個鐘 侍應真係不停加湯加湯加湯 食得開心

今日黎左荃灣探朋友，係朋友屋企坐左一陣，就落街食飯，朋友就話想去如心廣場一期到食火鍋，我就同佢走去食進到餐廳感覺，有些似去左日式火鍋店，全部都用木系制品，環境舒適，仲有圍裙俾你戴，食火鍋個時都唔怕，俾湯汁整到，十分細心湯底要左鴛鴦鍋(番茄拼重慶辣大紅鍋)番茄味道好濃，重慶又麻又辣，好惹味美國安格斯肥牛(半份)$119牛肉除左牛味重外，肥瘦仲好平均，唔會太肥膩桂花蚌(半份)$66桂花蚌食落爽口，感覺似魷魚美國桶肥蠔2隻$69蠔好大隻，味道鮮甜，沒有腥味串鮮蝦4隻$52蝦好彈牙，肉質結實唐生菜$18，蘿白$16，冬瓜$16菜類味道清甜，而且可以解油膩油條$16用黎吸哂湯汁食，味道一流衝上雲霄百香果雞尾酒$38酒味唔太濃，有淡淡百香果清香洛神花茶$18酸酸甜甜，可以解辣

有日經過荃灣如心廣場，見到一間新開重慶大火鍋店，那就去試試看，餐廳環境舒服寬敞，而且座位之間不會太迫，我跟朋友點了一個鴛鴦湯底，大骨溢補鍋配搭普通辣大紅鍋，大骨湯底很新鮮，有一條大骨頭跟粟米紅蘿蔔，很清新的濃湯，而不太吃得太辣的我，覺得普通辣湯辣度剛剛好。而且湯底非常足料。因為怕分量太多，所以我們每款食物都點了半份，兩個人吃，半份量的分量剛剛好。提得推介安格斯牛跟肥牛粒，非常新鮮，配上辣湯，好好味。另外紐西蘭羊肉卷都是很出色。而魚我們點了鮮鱔魚片跟龍躉片，配大骨湯很清新。另外乾貢菜跟萵荀片很爽口。根據餐牌上的最佳煮食時間，一切剛剛好。另外配上生蒜香蔥配香油蘸料，可以使食物沒那麼辣辣，值得一讚。總結，渝味曉宇重慶老火鍋值得一吃👍🏼