清真牛肉館 (龍崗道) (已結業)

由土瓜灣走回九龍城,路過此地,憶起中史老師說這裡的牛肉餅好正,叫同學們有機會就試試。平時的下午茶時間,人不太多,雖有兩張大檯留座,但仍能找到張空檯坐下。又憶起老師建議同學買外賣,話堂食等位等好耐,但似乎此時並不需要。還是點了兩個牛肉餅。即叫即煎,來的時候熱辣辣,食的時候燙口,內裡很多汁,皮頗脆,但並不均勻,一邊厚一邊薄,一大件牛肉在內,幸全程皮沒有穿,以至漏出的汁不多。食的時候,突然來了很多人買外賣,有客人等外賣等得唔耐煩而不滿,接著店員多次解釋:「等多一陣...牛肉餅係即叫即煎,生的牛肉又點食呢?...」繼續回憶,當時中史教到元朝,突然老師講起牛肉餅。究竟元朝與牛肉餅有何關係?到現在仍然想不通。

假日的晚上八時多給門口等位的人多得嚇倒了如此小店怎會吸引到這麼多人呢?不自覺我也給吸引過去收銀女仕告知要等十數分鐘想必是新鮮制吧!十分鐘路程回到家中皮是淋的油的餡的確多,汁卻漏了明白可能外賣會有所偏差但不致這樣吧!18元給我翻煎的餅?要吃餡餅還是到柯士甸道的北京水餃好了!由尖沙咀回家半小時的路程都沒有這樣糟!奉勸大家: 專誠來就不必了!

我好鍾意佢啲牛肉餅和葱油餅，真係好食。但見個個話佢D咖哩好食好正，專登去試下。第一次食咖哩牛腩，點知完全唔點，咖哩唔香，無咖哩味，厚厚一層紅油泡面，油淋淋非常油膩，仲差過快餐店。比多次機會佢試多次，食咖哩羊腩--好少少羊腩算肉嫩，但仍厚厚紅油泡面油淋淋，試真啲真係無咖哩香味，咖哩無質感水汪汪，認真失望。真係唔明點解咁多人讚佢D咖哩出色。都係食牛肉餅和葱油餅穩陣。

睇完雜誌，加上之前睇過食評。都想試下，專登等半個鐘車再搭半個鐘車來。好在唔駛等位。服務幾好，幾有禮。價錢都幾貴，碟頭好細!最出名的牛肉餅，緊係要試下。原來$9/個，係好細個，同埋食時d汁標晒出來，不能和餅和肉一起吃，口感一般。另外我地散叫一客咖哩牛腩飯，同一個醬爆雞肉(連筍炒的)，都係一般啦，好油膩。好在無加一。都算係咁啦。要有幾個人一齊來叫套餐抵d，起碼可試下個砂窩雲吞雞。雲吞會係牛肉做的，因為回教是沒豬肉的嘛。另外都想試下其雞肉水餃，$20有十隻。心情不很好的一餐，因為工作，家事，私人事，天氣差，身體差。等車又等得耐。種種加埋，可能影響對今餐的感覺。

A popular eatery in Kowloon City; known for its beef buns. A recent evening, four of us ordered a dinner for 4, with the buns. The buns lived up to their big name, very juicy inside, not too oily on the outside even they were pan-fried both sides. The beef was tasty and cooked just right. Thanks to the waitress whom reminded us to eat the buns right-the-way before the juice was absorbed by the bun.The other dishes in the set dinner were all tasty, since I don’t have much exposure to Islam fo

回教人開餐館食咖哩就見得多, 但呢度好得意: 咖哩跟飯唔係跟薄餅, 上海菜款式最多酸辣湯,麵都有, 連茶餐廳客飯,小菜都不乏但無奶茶咖啡wo! 真特別! 其實最似係上海舖... 點都好, 最重要係好味!牛肉餅$9馳名牛肉餅, 即叫即煎. 皮薄, 煎得唔錯, 幾脆. 肉汁真係好多! 肉好厚, 但牛肉味唔重. 一人一件, 好.咖哩羊腩麵$32小小碗盛著滿滿的咖哩, 堆積如山, 要先將羊搬去第二個碗先可以到d咖哩汁而唔會倒瀉! 咖哩的確唔錯, 但味道似係為香港人調教過, 唔辣,香料味亦唔重. 羊好多, 好淋, 亦都唔羶. 最驚喜反而係麵, 係上海麵, 好味wo!

同母親大人黎九龍城回味下久遺了的豆付花，順道試下已聞名已久的清真牛肉餅。嘩，雖然係假期，但下午3點幾，唔使咁多人掛，不過因為只2個人所以好快有個背貼玻璃門的撘位，坐下後正研究叫咩食，侍應已經叫我地叫住2個牛肉餅先(似乎大家食牛肉餅已經係必然)，另外再叫左個咖喱羊湯面，同蔥油餅。牛肉餅- 如其他食評所言，真係肉汁豐富，牛肉塊好鬼厚，個皮又好鬼脆咖喱羊湯面- 面質素一般，羊肉亦無咩特別，不過個咖喱汁就好夠味蔥油餅- 熱辣辣，同牛肉餅有得fight，叫蔥油餅的原因係有咖喱，果然，我用匙將咖喱汁放在蔥油餅上，鋪到滿滿的，再一啖放入口，一路我無講野，淨係一路食一路點頭。後記，本人好鬼鍾意飲酸辣湯，爭扎左一陣都係無叫，因為怕食唔晒，不過同另有2個食客，同我地叫埋相同的食物，仲加埋酸辣湯，我好想問佢個湯好唔好飲，可唔可以比我飲返碗。

仲記得當初第一次去食,雖然坐得唔係咁舒服,但係都會覺得為食佢牛肉餅無乜所謂= ="事隔幾年,尋日去幫襯,真係有d失望首先講下個牛肉餅,佢出名係爆汁ga嘛,但佢居然serve俾我地陣已經穿,流哂d汁出......都算,可能係咁之後叫其他野食,其實都ok,不過致命傷係我食食下見到d飯入面有條毛lor@@"就算野食真係好味都無用啦,更何況我覺得佢差又坐得唔舒服,又污漕,我諗都未必有下次啦......

試過好多次，叫過雞絲粉皮（麻醬好滯，不夠凍）、咖哩牛腩（好乾，一點也不嫩）、牛肉粉絲湯（看似平凡，但好香肉味，正！）、一般小炒菜式（夠鍋氣）、蔥油餅（太少蔥，我媽做的更好味）、無湯牛／羊肉水餃（好味，要試）等等。但最好味的就是牛肉餅，我最中意的不是好味咁簡單，而是我第一次食已識得咬穿小孔，再把汁倒在匙上，然後食一啖餅，呷一小口湯汁。一ｄ都無浪費！

同屋企人黎呢度食晚飯，細妹同細佬成日話呢度D野好好食，今日於是約埋我同阿媽一齊去。我地叫左以下四樣野：牛肉餅：外面煎得好脆，食左一半已經成隻碗都係牛肉汁，味道OK的，但覺得唔算太特別，唔算話特別好食。咖喱牛腩：四個送最好的一個，牛腩夠焾，咖喱汁真係好味，唔覺唔覺就送哂成碗飯。西蘭花炒牛肉：不過不失的一道菜，唔係好好又唔算好差咁啦。糖醋雞球：呢個就麻麻地，一黎到已經覺得份量好少，食落炸漿比雞肉還多。結論係普普通通啦，又唔算太差，不過未至於好到令我特登走去食。

周六將近兩點，附近的食肆冷冷清清，唯獨此店還熱鬧非常，要在門外輪候，幸好強勁的西北風只考驗了我倆十分鐘左右便讓我們入內。一早已想好要試牛肉餅($18兩件)和咖喱羊腩飯($31)，就只加一個小的酸辣湯($20)試過再算。名不虛傳！食物質素確實不錯：牛肉餅固然出色，皮薄而牛肉餡幼滑多汁；羊腩骨少而肉夠腍滑，咖喱汁的辣味是慢慢出來，亦沒有令人失望；酸辣湯則材料不少，味道是偏酸不算辣，也好。老婆對這一餐很是滿意，我則覺得咖喱羊腩飯是清真惠記的更抵食，除了價錢便宜得多($23 vs $31)，那碗咖喱羊腩的分量更大之外，清真惠記的羊腩雖有些碎骨，不過帶多一點羶味是更合我心意。

終於考完ｍｏｃｋ　啦！十二點正，帶著興奮ｏ既心情踏出校園後，便立即坐車去九龍城，目的地係鼎鼎大名ｏ既清真牛肉館先要四個客人必食ｏ既牛肉餅，其中三個外賣畀屋企人食　（當係情人節禮物　ｘｐ）；　再要個牛肉麵，係阿姐推介，話好多人鍾意　牛肉麵很快上檯，ｄ麵條係上海麵，比較粗，無ｏ甘滑，但好咬ｄ．．．薄薄ｏ既牛肉片十分入味，幾鹹幾香食完麵，牛肉餅就ｏ黎ｏ剌，香味一陣陣．．．好得人驚！一咬之下，肉汁四射！令本來白雪雪ｏ既碟子一下子充滿肉汁！牛肉味濃郁，餡料十足，美味！情人節同至愛（美食）一起，是最美好的事情ｐ．ｓ　回教餐館，嚴禁豬先生

晨早十一點才由大西南回到市區,既然如此,不如到龍城吃個late breakfast才回家.見到清真牛肉館已開門,不如以牛肉餅作早餐.製作需時,即叫即煎.外層餅皮夠薄,煎得香脆,一咬,熱辣辣的肉汁登時爆出.味道濃甜,餡料的牛肉味亦夠濃.合乎我口味.$18兩件,剛好是店方要求的最低消費.Radiohead贈我一個Morning Bell,而清真的牛肉餅,也有異曲同工之妙.

之前見呢度咁多人讚所以就去左試一試首先提提大家... 來這家要記得它在街頭1號鋪, 只此一家別無分店, 因為附近有另一間又係叫差唔多名的鋪頭可能是我們期望太高, 個牛肉餅味道只是一般啦, 感覺鹹了一點不過個咖喱羊腩, 味道就真係唔錯!

同老公兩周年, 想去九龍城搵食, 就特選左呢間咁多人讚既~呢度人流真係好旺, 我地食得慢, 同一圍枱都轉左三次人, d伙計個個都好快手有禮貌~我地叫左4樣野, 每樣都好滿意~牛肉餅- 唔使多講, 皮薄材料足, 牛肉多汁好味, 整體好夾咖哩羊腩- 咖哩好香好惹味, 羊羶得恰到好處, 羊肉又夠多, 辣既程度又適中, 好正蔥油餅- 點咖哩一流, 就咁食都唔錯清炒津白- 清清地, 唔使成餐\咁肥膩不得不讚呢, 就係有住伙計送茶時橫跨我地頭頂, 然後唔小心倒瀉左d茶落我地碟菜, 我地都未黎得切反應, 佢\已經拎起話好快炒過碟俾我地, 仲要大大碟, 都ok啦~ 既然咁好招呼, 鬼知叫佢\換碟清炒菜苗啦~~多謝清真牛肉館俾左個咁美滿既晚上我地, 為我地兩周年錦上添花, haha~~