清真牛肉館 (龍崗道) (已結業)

同母親大人黎九龍城回味下久遺了的豆付花，順道試下已聞名已久的清真牛肉餅。嘩，雖然係假期，但下午3點幾，唔使咁多人掛，不過因為只2個人所以好快有個背貼玻璃門的撘位，坐下後正研究叫咩食，侍應已經叫我地叫住2個牛肉餅先(似乎大家食牛肉餅已經係必然)，另外再叫左個咖喱羊湯面，同蔥油餅。牛肉餅- 如其他食評所言，真係肉汁豐富，牛肉塊好鬼厚，個皮又好鬼脆咖喱羊湯面- 面質素一般，羊肉亦無咩特別，不過個咖喱汁就好夠味蔥油餅- 熱辣辣，同牛肉餅有得fight，叫蔥油餅的原因係有咖喱，果然，我用匙將咖喱汁放在蔥油餅上，鋪到滿滿的，再一啖放入口，一路我無講野，淨係一路食一路點頭。後記，本人好鬼鍾意飲酸辣湯，爭扎左一陣都係無叫，因為怕食唔晒，不過同另有2個食客，同我地叫埋相同的食物，仲加埋酸辣湯，我好想問佢個湯好唔好飲，可唔可以比我飲返碗。