清真牛肉館 (龍崗道) (已結業)

今日同狗狗去扮靚靚，我就黎買左兩個牛肉餅外賣返屋企食，要等成10分鐘先有，都要成半個鐘先返到屋企，企個餅依然係熱到辣口架，d肉汁流晒出黎，個皮超薄，材料十足，真係冇得頂呀~~~

平安夜同男朋友到九龍城一帶掃食. 第一站係”清真牛肉館”.一心只想食牛肉餅, d亞姐亦好醒目, 見人咁多, 有排等, 一坐低就問我地洗落左個牛肉餅先. ($18 - 2件) 等左15分鐘先有得食呀! 好熱, 一咬之下, 肉汁四濺, 有食小籠包之感覺~ 好有牛肉味, 肉質好鬆化, 唔會實一實, 不消一會已吃畢….本想走人, 但原來有例寫明”最低消費”位位$18, 即每人一客牛肉餅, 所以只好叫多個雞肉湯餃, 但呢個就唔多得, 無咩味, 好淡~都係食牛肉餅好喇……

我諗黎得e道食冇人會唔叫牛肉餅瓜? 每次黎我都會落單叫牛肉餅先之後先慢慢擇食咩雖然牛肉餅9蚊件仲要細細舊但小食多滋味!幫親過e間鋪幾次囉整體上黎講都唔錯服務唔差至於食物方面..我次次黎親d野食都係散叫因為覺得套餐d配搭唔係好岩我地口味咖哩牛腩同牛肉餅都係必食..至於各式粉面飯我覺得同茶餐廳,大排檔冇咩分別都係不過不失唯獨環境衛生方面我覺得真係有待改善整餅師傅一d都唔pro..個造型十足茶餐廳阿叔咁款果頭整緊餅轉頭又走去裝飯etc.. 5,6個人"女"埋一堆俾人一種好hea既感覺相反格離新開果間咖哩牛肉館係e方面就好好多個個師傅戴哂帽整整齊齊整餅既真係all time整緊餅而且一眼望哂但係d牛腩就冇e間正宗老店咁好味整體黎講都唔錯我自己都會keep住去!

黎到正餐喇～ｙｅａｈｙｅａｈｙｅａｈ～終於食到期待已久既牛肉餅，皮薄餡靚。又真係好多汁喎，多到ｂｉ晒落碗和匙呢～另外叫左牛肉鍋貼，個餡用朱肉餅一樣既，只係外皮唔同，同樣好味～咖喱雞粉絲鍋，唔係好辣既，好味～用蔥油餅點咖喱汁食好正！賽螃蟹都不錯，同平時食既唔同，好似加左ｄ肉咁，唔ｓｕｒｅ～服務不得不讚，個女人（老闆娘掛）勁ｎｉｃｅ！好好笑容～好親切呀～

買咗兩個牛肉餅(外賣)，買到番屋企o拿o拿聲食！仲係熱，咬一啖，D肉已經流出黎！D肉一D都唔鞋，好香好新鮮！口感一流，個皮軟硬適中！好味！

今晚試了這兒...小心去錯隔離.一坐低, 侍應就問我地使唔使叫個牛肉餅先...見到同枱個個都有叫, 所以我地都點了. 熱噴噴的..記著慢慢吃..因為一大啖吃的話裏面d牛肉汁便噴出來了..很好吃的.跟住叫了雞絲拉皮, 初頭幾好味. 但後來d花生醬溶了..唔知點解有點酸.另外叫了咖哩牛腩, 還有葱油餅. d咖哩其實不算太辣, d牛腩幾好, 幾軟. 仲有朋友喜歡吃的薯仔.店子不太大, 有點舊, 但幾回味.

一行7 人, sunday 7點到都係等左半個鐘叫左4 人餐+ 牛餐+ 7 飯拼盤大家都唔like , 食淨俾我帶走左牛, 羊都幾有牛, 羊味係香港多數冇, 會落好多香料辟味不過le d 味唔係個個like最多人食o既牛肉餅, 同想像中好唔同唔係話唔好食, 但一般咁lor冇咩驚為天人o既feelp.s. 其實除左收錢個果外, d 員工態度ok主動幫我地打包, 加水又會講唔該。

專程來食．九龍城出色食店眾多．為左留肚．兩個人只叫左一份牛肉餅．一人一個瓜分真係超好味．皮薄又脆．牛肉餡好多好鮮．無乜肥肉．又勁多肉汁．真係好好味．唯一唔好係我覺得$19蚊得兩小個真係貴左Ｄ．．

慕名已久, 今天(2006.10.26)下午要到附近, 便順道到此名店一試. 到達已是下午三時, 有下午茶套餐, 和同伴分別選了出晒名的牛肉餅, 另選了窩貼, 加上牛腩湯. 想不到牛肉餅和窩貼都同是一樣的牛肉, 選來選去, 原來只得獨孤一味!牛腩湯的牛腩不過不失, 可惜湯的味道不合口味, 奇怪的是濃烈的八角味全集中在點綴的白菜上, 令人難以入口, 幸好湯和牛腩沒有這缺點. 不過他們這個湯是如何煲的呢? 牛肉餅係好多汁, 但個人認為不夠香濃, 牛肉也嫌不嫩滑, 感覺有點像牛肉被煮到出了點水, 和當年在西灣河曇花一現的清真食館的美味肉餅完全無法相提並論. 窩貼情況差不多, 但皮煎得香口, 感覺好一點.食物方面算是乏善足陳, 環境就更討厭, 室內全無美觀不在話下, 擺位問題, 空間亦不算多. 下午茶時分客人寥寥都坐得唔多舒服, 午市和晚市肯定唔掂. 最後食完出到街一聞, 全身都係油益味. 佢地咁出名都應該生意唔錯, 點解唔加強通風? 絕對不值得專程來試, 拜拜.

今日終於喺九龍城清真牛肉館坐低食，好食！咖哩羊腩，哩汁夠香有層次夠味夠辣，正！羊肉啱啱淋又有羊應有嘅蘇味，好功夫！原來D包新鮮食好正架，皮又薄又脆，入面熱辣辣！Ｄ汁多到"標"哂出嚟!

星期日下午四點late lunch. 兩個人只叫o左牛肉餅同一碗咖哩羊腩麵share. 如一眾食家所言,個牛肉餅皮薄,多汁,餡正! 同平時食果d上海餡餅,嬴十條街.再o黎果碗羊肉麵,一上枱有一碗正常size既麵,但只有一小碗o既羊肉(腩). "賣相"有d失望,嫌少嘛.. 一試... 好味到呢! 咖哩又香又夠辣,但又唔係辣到冇晒味覺. 所謂o既羊肉,絕對唔係冰鮮o既羊肉粒,而係一件件羊腩. 有跟有肉又有骨,實在係太好味. 呢到地點係唔就腳,但係就真係好想encore!!!

今日好肚餓....一入去就叫左一個牛肉餅....果然多汁皮簿....不過...太多肉我只食左少少! 跟住就叫左咖哩羊腩, 牛肚絲麻醬麵同埋清炒油麥菜! 咖哩羊腩好野味好香...我覺得辣度ok, 老公話都幾辣,不過...佢都仲叫左碗白飯牛肚絲爽, 麻醬味濃, 青瓜夠多! 油麥菜炒得幾油, 不過...唔太鹹! 侍應服務好好...好周到!不過...環境太窄, 要搭檯, 對面個男人最後仲食埋煙...敗筆! 等到出年一月禁煙再去啦!

想食又香又多汁既牛肉餅好耐架啦七點幾左右就來到, 唔洗等位, 入得!個環境講真.. 唔係太好, 多人冇法啦一坐入係到就有個呀姐問我, 叫唔叫定個牛肉餅先~咁我地就聽佢提議叫左兩個牛肉餅食先, 再慢慢諗食其他野.我地最後就叫左:2個牛肉餅一個咖哩牛腩麵一個x雞x麵.. 唔識打d字咖哩好好食, 牛肉餅唔洗講啦, 好好食! 特別在多汁..個雞麵都ok.. 落左耶汁甜甜地幾好食但係女朋友仔食完覺得ok啦, 佢話真係為左食牛肉餅~

隆姐食完tea,過黎買番個牛肉餅食下~嘩!一咬落去熱辣辣又多汁,好香好好味!末試過堂食,下次要試下D牛腩同羊肉春卷先~

放假，梗係同三五知己去吃喝玩樂。有人提議去九龍城食牛肉飽，我們一班牛魔王於是立即起程。幸好早點到埗，仍然有位。若遲五分鐘，就麻煩。點了六人套餐，另加五個牛肉餅。餸菜如下:1.四色拼盤(牛根、牛展、牛肚和雞)2.咖喱三拼(牛、羊、雞，但因有人不吃羊，所以只要牛雞）3.辣子牛片4.擔擔麵5.炒時菜(是油墨菜)6.什菜鍋7.賽螃蟹8.蔥油餅9.涼粉什果先來的一定是一人一個的牛肉餅，牛肉味好香好濃，外面的皮有點點脆，加上又熱又濃的汁，值得一吃再吃。四色拼盤好大碟，四款都好味，是不錯的冷盤；咖喱雙拼的牛腩不會太"韌"，咖喱汁好香，我就略嫌過辣，但相信會岩一些吃得辣的人；辣子牛片幾好，辣味和咖喱的有點不同，有少少像回鍋肉的辣味，牛肉連爽口的筍一齊吃，感覺不錯。擔擔麵也不是太辣，幾重麻醬味，麵底本身亦爽口，在街外很難吃到。什菜鍋湯底幾濃味，吃過辣野之後再吃白菜和粉絲，幾清新。賽螃蟹都有驚喜，是有口感的，抵讚。太飽沒有吃蔥油餅，但大家都覺得幾好。吃不完的東西更有人打包，好！