清真牛肉館 (龍崗道) (已結業)

久聞呢間既牛肉餅係一絕，於是專誠來到叫兩個牛肉餅外賣。兩個牛肉餅外賣大概都要等十五分鐘，而門外都keep住有人等外賣，坐位就真係一個都無。失肉餅就十蚊一個，食落去有好多汁，牛肉真係非常鮮嫩，口感唔錯。而且果種鮮味同牛肉味都比其他地方食到既牛肉餅濃郁，真係唔錯。去呢間唔叫牛肉餅，真係等如無來過一樣呀!

已經好多次係九龍城食野, 食到悶晒, 難得上openrice搵到呢間, 又未食過牛肉餅, 就黎試下的確如openrice人所言好多人排隊, 2點幾都仲要等位, 好彩一陣就有主店係迫d既, 地方比較細, 而且冷氣超大, 我d野食放係檯一陣就凍左, 略嫌有d唔開心啦... 點左幾乎每檯都點既牛肉餅同咖哩羊腩, 唔想食飯, 就點左個蔥油餅牛肉餅見住師傅係廚房整, 好得意~而且新鮮煎好既, 皮脆肉厚汁勁多!! 超好味呀~~~ 咖哩羊腩就係無辜俾吹凍左既, 不過都仍然好好味, 用蔥油餅去點咖哩汁唔錯~不過價錢就貴左d, 2個人食左$110...好誇張....

今天終於吃到清真牛肉館的牛肉餅啦!當吃下第一口時，那些澎湃的肉汁不斷湧出。這個牛肉餅令我回想起小時候外婆所弄的牛肉飽...它的肉汁和這個牛肉餅很相似呢!!在這裡除了吃牛肉餅外，它的餃子也很妤吃...真是做到餡多皮薄...但這裡坐位不多...如book左位..要等齊人先可以入去。

佢嘅牛肉餅, 真係要試下 , 好好食!! 不過, 其他野就可以唔駛試....好一般...去堂食過兩次 , 除左牛肉餅之外 , 其他餸真係麻麻...可以唔駛試!!所以, 通常只係去外賣牛肉餅就算~~

九龍城，一個雲集各地美食的好地方，其中以泰國菜、潮州菜較為聞名，一直以來到該區搵食的機會卻寥寥可數，新的一年，是時候發掘多一些，以牛肉餅馳名港九的清真牛肉館，正是行程的第一站。平日的晚上八時許，店內人流不太多，雖然座位間比較狹窄，但以小館來說環境尚算可以。菜式不難選擇，二人點了拍青瓜、咖哩羊腩飯及招牌的牛肉餅。拍青瓜先上，以大量麻醬浸著的青瓜大大件，唯口感只屬一般，不太爽脆，喜歡麻醬如我會覺得幾好，但好青瓜者可能會略為失望；咖哩羊腩飯，一食落口自然會想起清真惠記出品，兩者的出品同樣出色，但取向有點分別，清真牛肉館的羊腩比較腍熟，咖哩不會太搶但不失香辣，惠記的咖哩則比較粗獷，羊羶味濃，硬要作比較的話，我還是喜歡後者的。一人一件的牛肉餅，一邊食一邊噴汁，狼狽非常，食時宜先輕咬破餅皮邊，再倒出肉汁... 否則食得太快太急的話，要不你會噴到一身都係(好似我咁論盡)，要不甚至被肉汁燙傷條脷，得不償失更浪費美食．．．罪大惡極。其實無論是牛肉餅的外表或製法，都跟京式餡餅相似，只是內餡是牛肉，而非豬肉。最近到鹿鳴春也有試其京式餡餅，但內裡的材料竟乾身得沒丁點肉汁可言，令我大失所望，相反，這招牌牛肉餅絕

有時間到行九龍城, 喫的滿足多能實現.行到清真牛肉館, 不用猶疑地入去, 因為店主信奉穆斯蘭, 屠宰牛羊有"教法", 令肉味帶來 另一風味.叫了牛肉餡餅及咖喱羊餡餅.牛肉餡餅, 餅鬆化香脆, 肉味濃且多汁, 喫時要有驚喜的心, 驚的是肉汁四射; 喜的是美味 可口.咖喱羊餡餅就特別得多, 強烈咖喱加上微騷羊肉香(羊無此騷味就不是真的原羊肉, 不過,我 不大喜歡太強烈的), 喫下會令口腔內部機能各展所長, 令人口腹極度滿足, 餘味多時不散 這就是所謂"滿口腹之慾"之境也.喫這餡餅時, 令我想到有名人說,"我知你喜歡喫什麼, 我就能說你是什麼樣的人!"

有天四時多... 在牛頭角突然想起「清真」，所以就搭車入去左九龍城。今次入到去清真牛肉館，終於唔洗再等位啦﹗見佢有幾款下午茶餐，但我個心始終都只係得牛肉餅。可能是因為人少的關係，這次的牛肉餅明顯是比之前的用心做。皮簿、皮脆，肉汁多，同埋都係熱辣辣的... 要好小心咁去食.. 先唔會整污糟件衫。呢一下，真係好滿足。食清真，真係要睇你好唔好彩。 (事關我上次食就麻麻，d 皮稔的啦。)

自新店開後, 幫襯過兩次, 可以訂位, 而且座位冇舊店迫到死, 不過唔知點解d 人都鍾意係舊店等!!清真牛肉館兩樣我至愛就是牛肉飽及咖哩羊, 咖哩配羊係絕配, 而且𠳔哋的羊用半肥瘦的羊腩排, 唔使淨肉, 超正.上次試過酸辣湯就一般, 而且湯內有D 牛內臟.另外個風沙雞炸得太乾了

去到九龍城,就想起去食牛肉餅........... 牛肉餅: 新鮮熱辣辣, 一咬D牛肉汁多都流出來, 味道正!! 食一個唔滿足, 要食兩個就very good 啦! 叻喱雞 : D叻喱好辣 , 好野味, 可以點D薄餅一起食!!價錢好大眾化.....但是次次都要排隊......無得訂位!!!

之前見 OpenRice 咁多人話好食,本來只諗住去買曲奇嘅我都順便嚟食吓嘢~~一坐落,阿姐已經問我哋要幾多個牛肉餅,因為要等...除咗牛肉餅,仲叫咗羊肉春卷同埋蝦肉雲吞~~ 牛肉餅：母親大人食到爆晒汁～完全估唔到！個人覺得唔錯～～ 羊肉春卷：可能鍾意羊，所以覺得好味～（但 $16 兩條有點貴）不過母親大人話唔抵，因為係用羊肉片嚟整～ 蝦肉雲吞：唔識欣賞牛肉 + 蝦肉 Mix 埋嘅雲吞．．．間舖好多人有點迫．．．後來經過打鼓嶺道嘅分店，發現店內唔算好多人～其實都係同一間嘢吖，點解人數差咁遠？莫非總店好食啲？

好耐之前既食評了xd牛肉餅::第一次食個陣..真係冇諗過會爆汁一咬d汁爆哂出黎..同好熱.仲整親個咀-,-牛腩面::牛腩都h0h0食;]好淋丫,d面0kay.可以外賣牛肉餅.但一定要二個;]所以有時只係買外賣

依度的牛肉餅已經食左好多年呢度以前的確係好食既但依家愈來愈唔得前排去過分店食叫左牛肉餅兩分鐘都冇黎做即係一早整定牛肉餅皮又厚又唔夠熱諗住今次去返總店食會好d啦今次的確係即叫即整熱辣辣但d皮勁厚厚到就黎咬唔開而入面d牛肉又愈來愈細舊以後唔會再黎啦

1月10日給一代日本式料理氣親后來，去到清真牛肉館吃飯，好好彩，一去到就有位。然后叫了一個套餐吃。有咖喱牛腩，芝麻雞，菜，還有最出名的牛肉餅。我女吃過都話好好吃，尤其是牛肉餅。這間餐館服務一流，服務員好客氣，有時間我會再去試下其他食物。

老婆專程來九龍城午饍。1:45pm，店內仍滿座，要等5分鐘。兩人點了咖喱羊腩飯、細酸辡湯、牛肉餅兩件。酸辣湯一般啦。咖喱羊腩飯的羊很淋，辣味剛剛好。不過我個人認為羊不夠羊羶。可能一些不愛羊羶味的人會喜歡。但老實講，不愛羊羶味，又何必吃羊呢？不如吃牛或雞啦。牛肉餅就好好味，好多汁，好彩事前有心理準備，所以邊食邊啜汁，否則一定倒瀉蘿蟹。埋單七十幾蚊。值得一讚的是服務態度。雖然人多，但由收銀致執枱阿姐都幾有禮貌，最起碼會講唔該、多謝。

這個牛肉餅$10/個真係非常足料好味, 現有肉價貴了都沒有加價, 一定要熱食, 皮都唔算厚, 剛好包住牛肉同汁料, 新鮮即整。牛肉餅一定要要細細口食, 唔係D汁會爆出來, 牛肉料很香牛肉味, D汁很香牛肉味, 食完會想再食。咖哩牛腩份量都幾大, 有牛腩同牛筋。咖哩味很香濃，少辣。用來送飯或薄餅就一流。牛腩同牛筋都好淋，很入味。食完很飽, 很滿足, 冬天天氣涷去食就最好!